[محمد الفاتح]

قال هالسالفه واحد من الشيبان
يقول : كان في وقت القحط بالجزيره يرحل البدو الى جنوب العراق يدورون الرزق , وكان بعضهم من شدة الفقر يغزون ويبوقون (يسرقون) .
كان فيه اثنين من هالبدوان يراقبون بيت يبغون يسرقونه وسمعوا المره تقول لرجلها بكره الصبح تاخذ وحده من البقر وتبيعها بالسوق وتشتري لنا ملابس وزهاب . فقرروا الحراميه (الحنشل) انهم ينتظرون خروج الرجال للسوق ويسرقون البقره . المهم صار الصبح وكان الوقت بالشتا والجو بارد , قام الرجال وتلفلف في بشته وقام يقود البقره بحبل يمشي قدامها ويسحبها بالحبل واهي تتبعه , كان فيه قصب طويل بين بيت الرجال والسوق ولازم يمر من خلاله , قال واحد من الحنشل لخويه انا عندي حيله ودي آخذ البشت بعد , خلك قريب مني . واول ما دخل الرجال القصب دخل وراه واحد من الحنشل ونزع كل ملابسه ودمر كل جسمه وجهه بالطين وفك الرباط من البقره وحطه برقبته وصار يمشي ورى الرجال , وقام خويه وهرب بالبقره , قام الحرامي يمشي ورى الرجال لين قرب يطلع من القصب و بعدين وقف قام يعاند مايمشي . الرجال صاحب البقره متلفلف في بشته ويسحب الحبل من فوق كتفه يوم عيت تمشي معه البقره التفت عليها شاف الحرامي بالشكل هذا رمى بشته وفر يحسب ان البقره انقلبت جني , اخذ الحرامي البشت ولحق خويه .
وسلامتكم








مع تحيات
محمد الفاتح





الموضوع ماهو مسروق ابد ابد<<<ايه هين