[أخت لكم]

هل سمعتوا بأجنبيه مع زوجها اي جنسيه فلبين هند باكستان اي جنسيه غير عربيه ...ولو في عربيه تقبل مو مشكله ....انا مو من بريده لكن اريدها تعمل معي وتسكن معي ووقت الاجازات تذهب الى زوجها
لاني حاولت استقدم لكن جميع المكاتب مغلقه ومايمدي تجي اي عامله قبل
حصلت على مشروع بأحد الكليات للبنات بوفيه تسالي .....ومحتاجه طباخه مو شرط متعلمه انا مستعده ادربها ... بحثت وحاولت اقدم عبر الاستقدام كل شي مقفل وفكرت مافي الا استفيد من المقيمات مع ازواجهم ويبغون الرزق الحلال .....وبالمحافظه الللي انا بها بحثت ولقيت عربيات لكن قالوا لي مستحيل ازواجنا يوافقون نجي عندك للبيت نطبخ ونفرزن لليوم اللي بعده والصباح كمان نشتغل وبهذا الامر ماراح تتقبله الا اجنبيه غير عربيه

بأنتظاركم .......وياليت لو أحد الاخوات اللي تفكر تروح لسوق الوشاح النسائي ...وتقدر تطبع لي وتوزعه بيكون حقها محفوظ لاني مو من اهل بريده والبنت منا صعب انها تتنقل ومنى عيوني انا بذاتي اذهب وانجز الامر لكن صعب انه اروح لاجل اسوي اعلان وفكرت اختصر الامر بمساعده اخواتي ....واللي تساعدني اكلمها تلفون لاجل نتكلم اكثر بالتفاصيل هذا الكلام فقط للاخوات التكليم لكن من يدلني على موظفه له تعبه

[حربي عابر دربي]

بالتوفيق

[عربي أصيل]

أختي يوجد عندنا ببريدة جنسيات تشادية ومالية ونيجيرية .. أغلبهم ساكنين في حي الشماس .. هؤلاء يبحثون عن عمل وأي عمل .. وأذكر البعض منهم يعملون بقصور الأفراح لصب القهوة .. فا باعتقداي لو بحثت من ذا النوعية راح تحصلين ما تقبل العمل معك في هذا المجال ..
والحقيقة أسعدني كثيراً فكرة مشروعك هذا والذي أتمنى كل بنت لا تجد عمل أن تنهج نهجك إذا لا يتمانع ويتوافق معها إجتماعياً ..
الله يوفقك في مشروعك ويرزقك الرزق الحلال الذي يغنيك عن الناس آمين يا رب ..

[ツ ĴốỖḓ ツ]

وفقك ربي
أبحاول أبحث لك
أنتي وين ببريدة

[عربي أصيل]

اقتباس المشاركة الأساسية كتبها أم عمار وفقك ربي أبحاول أبحث لك أنتي وين ببريدة

حسب ما أوضحته الأخت في مضمون موضوعها أنها ليست من بريدة

[أخت لكم]

ايوا اختي انا مو بريده بعيده عن بريده .حاولت ارسل لك على الخاص بس ماشاركاتي ماتكفي .....