[خزان الاحزان]

بسم الله الرحمن الرحيم

عقوق الوالدين من الامور الكبيرة التي حرمها ديننا الاسلامي ..

وكذلك من الدعوات المستجابة دعوة الوالد على ولده ..

فقد اخترنا لكم هذه القصيدة للشاعر جحيش السرحاني

والتي قالها بعد عقوق اولاده له ..

كما نسأل الله سبحانه وتعالي لنا ولكم ولجميع المسلمين الذرية الصالحة ..

قصة جحيش

الذي توفيت زوجته وأطفاله صغار السن فتفرغ لتربيتهم وكانت الحياه في ذلك الوقت شحيحه والمعيشه تكاد تكون منعدمه والطعام قليل وغيرمتوفر في بعض الايام .. وقيل أنه لقلة الزاد كان يطعم أطفاله ويكتفي بالماء فقط وكان
جحيش له ثلاثة اولاد وكان مدلعهم لبس ماهوب دلع هذا الوقت

دلع الأول يعنى مكان يشغلهم ولا يسرحهم مع الرعيان

علشان ياخذ من وراهم المال بل كانو يجلسون بالبيت

ويإمرون وينهون على كيفهم وهم مبسوطين

وكبرو العيال وهذا جحيش كان يبي اعياله يردو الجميل اللي معلقه برقابهم

وتزوجو العيال وكبر جحيش وانعمى

وراح لأول حرمه من حريم عياله ماتبية

فقالت لولده ويش تبي بها العود العمى ودوه لخوك خلنا نفتك منه

وداه لخوه الوسطي ونفس السالفه الحرمه ماتبية وداه لخوهم الصغير

المهم كل حريم عياله ما يبونه ودوه لوادي سلاحيـب اسمه يوم انه نام جحيش

سرو وخذو قشهم ومشوى وتركوه

عاد يوم وعى جحيش دورهم حوله مالقاهم

وشاف بالأرض مدافيق ماهم وقال هذه القصيدة :

قـال اللـذي يقـراء بليـا مكاتيـب *** ياللي تقرون .العمـى مـن عماكـم
ياعيالي اللـي تشرفـون المراقيـب *** تريضـوا لي وأقصـروا مـن خطاكـم
خوذوا كلام الصـدق مابـه تكاذيـب *** مثل السنـد مضمـون للـي وراكـم
ياعيال لاصرتوا ضيـوف ومعازيـب *** ترى الكـلام الزيـن ملحـة قراكـم
وتروا السبابه من كبـار العذاريـب *** وهـرج البلايـس مايطـول لحاكـم
المذهب الطيب فهو مذهـب الطيـب *** والمذهـب الخايـب يبـور نساكـم
ياعيـال ماسرّحتـكـم باللواهـيـب *** ياعيـال ماعمـر المـعزب ولاكـم
ياعيـال ماضربتكـم بالمشاعـيـب *** ولاسمعـوا الجيـران لجـة بكاكـم
يامـا توليـت القبايـل تقـل ذيـب *** من خوف لاينقص عليكـم عشاكـم
وياماشريت السمن من عرض ماجيب *** يفـز قلبـي يـوم يبكـي حـداكـم
وياما قطعت من الفيافـي العباعيـب *** ندور مـن صيـد البـراري غذاكـم
ويعيال دوكـم لحيتـي كلهـا شيـب *** هـذا زمـان قعودنـا فـي ذراكـم
قمت أتوكا فـوق عـوج المصاليـب *** قصرت أخطانا يـوم طالـت خطاكـم
عطوني القرضـه عليكـم مطاليـب *** عطوني القرضه جـزا مـن جزاكـم
لابـد يـوم عاويـا دونـي الذيـب *** بالقبر مأفـرق طيبكـم مـن رداكـم
مانيب فاضحكـم بوسـط الأجانيـب *** بأعمالكـم يـدرون كـل أقربـاكـم
لوكان تـدرون الـردى والمعاييـب *** صرتوا مع المخلوق مثـل خوياكـم
خوالكم بالطيـب تـروي المغاليـب *** ولـو تتبعـون الجـد محـد شناكـم
وش علمكـم ياتركيـن المواجـيـب *** حسبي عليكم هالـردى ويـن جاكـم
قصيتكـم واسنـدت وادي سلاحيـب *** ولقيـت بالصبخـا مدافيـق مـاكـم
ياعيـال بعتونـي بصفـر العراقيـب *** ماهـي حقيقـه سـود الله قـراكـم
يالله عسى أعماركم شمسهـا تغيـب *** يعتـم قمركـم ثـم يظلـم سماكـم
ياعلكـم فـي حاميـات اللواهـيـب *** ياللي علـى الوالـد خبيـث لغاكـم
شفت الجفا والحيف والغلب والريـب *** بطلوعكـم لابـيـض الله قـراكـم
عسـى نساكـم ماتحمـل ولاتجيـب *** ولاحد من البزارين يمشـي وراكـم
أخسـو خسيتـوا ياكبـار اللغابيـب *** أهبـوا هبيتـو يقطـع الله نمـاكـم

يعلم الله اني مانزلت هالموضوع ابي كثرت الردود ابي افيدكم وتذكيركم ببر الوالدين وان دعوتهم مستجابه .

سبحان الله عدد خلقه ورضى نفسه وزينة عرشه ومدد كلماته.

اتمناء من المشرف مايحذف الموضوع