[تميمي عنقري]

السلام عليكم ورحمة الله وبركاته

البلاك بيري وما ادراك ما البلاك بيري


البلاك بيري من احدث الاجهزه ومن احدث التطورات بس للاسف استخدامه عندنا فاشل لبعد حدود

كثرت الحوادث , خرب المجالس الحين تجلس والعالم كلهم جالسين ورؤسهم بها الجهاز , افسدت ناس صرنا نشوف السيارات حتى المنتديات ماسلمت ماغير تشوف البن .

المشكله ان الي معهم ايفون مهب مثل البلاك يعني اشوف نفسي اول واشوف العالم ماهو معقول صراحه .

والصراحه الي يحزني كثير الاشاعاااااااااااااااااااااااااااااات فيه والله ثم والله اني لي خوي موتوه وهو حي كله من اثنين جالسين قالو تبي نمشيها على العالم ؟؟؟؟؟؟؟؟؟؟ يعني اوصلت المواصيل فيه الى كذا غريبه .

واقرب موقف قبل ثلاث ايام خالي مصدوم والي صادمه جالس يكتب بالبلاك بيري ولا انتبه يعني وصلت المواصيل الى كذا .
واذا كان الوضع يبي يبتل كذا بقول الله يخلف علينا.

حتى والله تاخير بالصلاوات علشان بنق ومدري وشو وخرابيط مالها داعي .

س1 نبغى حل لظاهره هذي ؟
س2 هل تعتقدون ان البلاك يستخدم بالدول الخليجيه بالستخدام الصحيح ؟
س3 فيه ناس قالو انه حرب بس بسلوب يعني تصيب المواطنين بدون سلاح ونزاعات دول اخرى هل توافقونهم الراي ؟
س4 هل ماتت القلوب الذين يطلعون الاشاعات ؟