[محمد17]

السلم علييكم
انا عندي اخوي عمره 6 سنوات
و من يوم هو صغير
و هو ما ينطق حرف
"س"ز"
يعني السين ينطقها ث >>>>ثيارة(سيارة)
و حرف الــ ز ينقه ذ>>>>>ذبالة(زبالة)
و العلاج؟؟
تكففون تعقد من المدرسة يقول خلاص منب رايح
علشان العيال يعيرونه بانه ما ينطق هالحرفين!!!

[دربك تدله !]

و عليكم السلام

حاول تعلمه الحروف بنفسك ، لان بعض المدرسين تدريسهم سايب !
تجلس انت وهو و تنطقه الحروف ، أو فيه برامج بالابل ستور اذا معاه ايبود
تعلمه نطق الحروف

وعمره 6 سنوات ، مع الوقت يقدر ينطق الحروف
والمدرسه لاحق عليها اذا صار عمره 7 سنوات دخله اول ابتدائي
و يكون يفهم اكثر من الوقت الحالي

[فضة]

يمكن لسانه مشبون من تحت

[إليـن اليـوم..!]

ربمآ يحتآأج لأخصائي نطق وتخآطب , شف عيآدآت الريآض , لآن هالمشكلة تسبب عقدةة نفسية للآطفال في هالمرحلةة , آلله يشفيه ويخليه لكمم ,

[محمد17]

اقتباس المشاركة الأساسية كتبها دربك تدله ! و عليكم السلام حاول تعلمه الحروف بنفسك ، لان بعض المدرسين تدريسهم سايب ! تجلس انت وهو و تنطقه الحروف ، أو فيه برامج بالابل ستور اذا معاه ايبود تعلمه نطق الحروف وعمره 6 سنوات ، مع الوقت يقدر ينطق الحروف والمدرسه لاحق عليها اذا صار عمره 7 سنوات دخله اول ابتدائي و يكون يفهم اكثر من الوقت الحالي

ياخي بالله عليك انا مجرب الطريقة
تخيل اقوله قل سين يقول ث قل سين يقول ث
انا تعبت وش عاد هو......
و معليش هو عمره 7 سنوات باول ابتدائي

[محمد17]

اقتباس المشاركة الأساسية كتبها فضة يمكن لسانه مشبون من تحت

وشلون مشبون؟؟؟

اقتباس المشاركة الأساسية كتبها إليـن اليـوم..! ربمآ يحتآأج لأخصائي نطق وتخآطب , شف عيآدآت الريآض , لآن هالمشكلة تسبب عقدةة نفسية للآطفال في هالمرحلةة , آلله يشفيه ويخليه لكمم ,

ولله ياخي عيادات و ما عيادات ولله ما نقدر
يعني ما في شئ بسيط...؟؟

[أم خالد]

اعطوه مزيدا من الثقة بنفسه
اخوي وصل متوسطوهو ينطق حرف (ر) الى ( غ) وبعدالمتوسط تعدل لسانه
والان عيال اختي ما يتكلمون زين باول ابتدائي ولان عندهم ثقه بانفسهم ما ضرهم بدات تتعدل عندهم بعض الحروف

[متى يحل السلام؟؟؟]

اخوي بأول ابتدائي ماينطق حرف الراء ونفس الحالة كثير يستهزئون فيه بالمدرسة مع كثر المحاولات صار ينطقه زين 90 بالمية ..
لكن قله انت صغير وانك ماتنطق بعض الحروف عادي اذا كبرت بتتعلم كيف تنطقهم وكرر عليه هالكلام وبيتقبل وضعه اذا اقتنع انه بينطقهم اذا كبر ..

[نوفمبـــر]

عادي اخوي ، أغلب الأطفال أشوفها يشقلبون الحروف وفجئة يتحسن
انا نفسي كان عندي تقليب للحروف ومآ أنطق صح بعض الجمل وكنت بثانوي ومع الوقت تحسنت
قراءة القرآن تحسن كثير النطق بشرط يستمع له من شريط
سبحان الله أطفال العجم يتعدلون بنطق الحروف العربية عن طريق تكرار وستماع القرآن وحفظة
ربي ييسر لكم .

[Mesh]

ثلاثة ارباع الاطفال اللي بسنه كذا عيالي واخواني بهالسن زيه حتى انا اذكر مانطقت السين الابثالث تقريبا ليه مستعجلين عليه اصبرو وحاولو تنسونه السالفة وتدعمونه وترفعون ثقته بنفسه

[أبو البـراء]

وعليكم السلام ،،
لاعليك أخي محمد الأمر سهل جداَ ، والطرق كثيرة ، ومن أهمها وأنجعها التكرار مع التشجيع ، فالأطفال يختلفون في مدى الإستيعاب والذكاء ، بعضهم قليل الذكاء والإستيعاب أول العمر ثم يزداد ، وبعضهم من صغره ،، المهم أن تكرر عليه الحرف وتربطه بالقرآن ، إن رأيت أنه يمل من التكرار فدعه يقرأ عليك القرآن ، ثم أنطقه الكلمة وكرر عليه ،، ومع الوقت سيتحسن بإذن الله ،، فالأمر سهل إن شاء الله .

[اهات1]

اخوي محمد كان ولد ختي كذا ج يقول ق تقول يمني يعني

مثل قاءبابا =جاء بابا
طبعا كيف راحت باالدريب دربووه كثيير

[نايف123]

شكرا لك محمد

هذا الأمر خلقة من الله فنجد كثير من الناس وهم كبار عنده لتغة ببعض الحروف فمنهم ينطق السين ثاء ومنهم من ينطق الراء بصعوبة بنطقها خاصة الراء كذلك الكثير منه تعود على التكرار والقراءة لكن لم ينفع بسبب أن لسانه يصعب عليه نطق بعض الحروف ويكون مشبون وبعضهم يتحسن ونصيحة لاخيك لان هذا الأمر متعلق بالمستقبل وقد تكون فيه أمور نفسية واحساس بالنقص أن لا يفكر بهذا الأمر بتاتا حتى لا يتعقد الطفل ويكون منعزل لانه هذا الامر خلقة وليس عيبا

[صوت البحر]

عليكم بتحفيظه بعض سور القران الكريم حتى تتحسن حالته