[شهبندر]

[SIZE="6"][CENTER]القصيم – الوئام-خالد المرشود:

تمكن هكر ثنائي من اختراق البوابة اï»»لكترونية لصحة القصيم ، وبعث المخترقين ” شموخ أمير ود.هجد ” عدة رسائل باسلوب تهكمي وساخر شملت مطالبته وزير الصحة بتقديم استقالته كما عرج على مشكلة رداءة المستشفيات الصحية اضافة الى سخريته من موظفي الصحة الذكور واï»»ناث بلباسهم وحضورهم للدوام اليومي حيث شبههم بحضور الحفلات.

وزعم الهكر ان اختراقه ليس بداعي التخريب انما لبعث عدة رسائل لمسؤلي الصحة كما ورد في اï»»ختراق.وجاء نص ” الهكر ” في خطابه وبدون أي رتوش مايلي :



السلام عليكم ورحمه الله وبركاته



تم الاختراق على الموقع لتوصيل رساله اتمنى توصل اكبر مسؤل بالصحه ويحس بالوضع

اكثر ميزانيه تنصرف في هالبلد على الصحه ومع ذالك المستشفيات زباله الله يعز الرجال

الى متى الى متى هذا الاهمال وهذا التلاعب في ابناء البلد



ونهاية الامر خطاء طبي تحطون فيها ايدز واخرتها خطاء طبي وين عايشين احنا



التنومين في الاسياب والله شي يقهر اغنى دوله عربيه واخس مستشفيات العالم عندنا في السعوديه



والا موضفين الصحه لا بنات ولا عيال كنهم جايين بارتي مو مستشفى على اللبس والجنز الضيق والعطورات



وين احنا عايشين وين وين ترى خلاص طفح الكيل والله شوفو لكم حل شوفو لكم حل



وكملها داوؤد الشريان في برنامج الثامنه شهادات مزوره يخرب بيت ام هيك شغلات يا شيخ



يعني سباك عادي يسوي لك تسلك في العيون



دهان عادي يلمع لك اسنانك وهلم مجره واصلي يا بلادي واصلي



همسه : الاختراق ليس لهدف تخريبي انما توصيل رساله من الشعب السعودي

المصدر:
http://www.alweeam.com.sa/220589/%D9...%D8%AB-%D8%B9/

[الحفيد العنيزاوي]

ياليته يخترق صدور بعض موظفين صحة القصيم بخرازة لأن ظررهم أكثر من نفعهم وخاصة لمحافظة عنيزة وما مستشفى الولادة عنا ببعيد

[O X Y G E N]

الي يقرى كلام المخترق يقول الي كاتبته ( بنت )

[فريق همم]

بنت أو ولد المهم المقصد من الموضوع وأن الرسالة وصلت

[نجمة الليل،،،]

الصراحه انه رجل فعلا ضايعين وربي كلهم من اولهم لاخر موظف عندهم وزارة الصحه
على قولت العالم كفك يالهكرز

[ورد الربيع]

مهما كان هدفهم ...يبقى الخطأ خطأ .

[حربي عابر دربي]

حلو

جت الميزانية ( على قولة المثل الاغريقي ----- جآك يامهنا ماتمنى )

والهكر مستاجر لـ هــ الغرض

ويبون ينزلون مناقصه حماية الموقع ودعم فني بــ 7تلاف مليون

500 الف تبع شركة الحماية والباقي يتبرعون بهن لجمعية فزعه

احس فعلن ان الصحة تفكر زين لكن مهب في مجال الخير ومصلحة الوزارة

[حربي عابر دربي]

اقتباس المشاركة الأساسية كتبها O X Y G E N الي يقرى كلام المخترق يقول الي كاتبته ( بنت )

لله درك

صدقت كآن ريحة العطر فلوربمب

لكن واضح اثار الروج والمسكره على الكتابه

[O X Y G E N]

اقتباس لله درك صدقت كآن ريحة العطر فلوربمب لكن واضح اثار الروج والمسكره على الكتابه

واضح ان قصدي بالكتابة والاسلوب ، لكن شكلك من متابعين جويل لذلك أقدم اقتراح للادارة أنها تعطيك الصلاحية تشارك بقسم بنت بريدة بحكم خبرتك يعني ..