 |
|
|
|
|
06-07-2003, 06:12 AM
|
#1 |
|
عـضـو
تاريخ التسجيل: Apr 2003
البلد: جزيرة الأماني
المشاركات: 48
|
مـــــــذكـــــــــرات ............. (( مزنه )) !!!!
بدون مقدمات هذي مذكرات لاحد العجز اللي فاضي يقرا واللي عاد منشغل مايحتاج يقراه لانه اكيد يعرف وعارف كل هاللي مكتوب.
المهم نرجع لمذكرات مزنه أول شي هالمزنه هذي ( وعلى فكره كل العجز عندي مزنه ) المهم لها طبايع غريبه ياليت تحاولون تدققون في مزنتكم كان عندكم وتشوفون انا متاكد ان لهن نفس الطبايع . المهم انا راح اسردلكم من أحد مذكرات مزنه وانتم احكموا إذا متشابهات ولا لا هاه نبدأ ؟ اجل بسم الله : المهم.. الساعه الآن تمام السابعة مساء ..( بالصيف ) دايم لاحظ مزنه وهي تسمع الرادو.. تلقاه تفرك فيه وتدعكه دعك.. وتمسحه.. ودايم متحظنته ( خاصه رادو النشونال البني ) ... مزنه مشغله اذاعه القران .. نور على الدرب بدا.. وحده تاسئل الشيخ عن عيالها اللي مبهذلين بها وش تسوي معهم مزنه قامت ترفع الصوت... الصوت ارتفع ........ترفع مرة ثانيه....... الصوت مزعج. العيال: يمه قصريه شوي مزنه تسوي نفسها زعلانه.. عبست.. عفطت وجهه.. طلع ابوالهول.. وقامت(تحلبط) مايدرون وش تقول يمه وش قلتي مزنه: أش بس اقطعو واخسو ماقلت شي. اجل وشبك... وشبي؟ بلاي انتم .. وش سوينا .. مزنه: من يوم جاء الشيخ يهرج عن هالعيال اللي عاقين امهم لجيتو .. آسفين مادرينا وش يقول .. آسفين إلا بلاكم خفتو .. وشو منه... من انه يفضحكم وشلون ؟ ! كلكم عاقين أفا يمه وشبك ... اقطعو واخسو بس خلوني لحالي .... مزنه عقب هالدور (التراجيدي) تقلب الموجه شوي شوي على FM بس هالمرة مقصرته مرة وملزقته بذنها عبدالله الصغير: يمه وش تسمعين وش اسمع اسمع نور على الدرب عبدالله عارف الوضع : ايييه ماشالله ... مزنه حست انه عرف الوضع تبي توخر السالفه : حصه.... حصه..... قومي حمي القهوة حصه: سمي مزنه حطت الرادو عين عبدالله الصغير عليه ... عبدالله يلقط الرادو يشغله يرفع الصوت... راشد يغني &&~ على مين تلعبها ~&&~ مزنه: صك هالفاسقين عبدالله: ابسمع يمه... تسمع وش تسمع حراااام ... عبدالله : سمي مزنه: حصه حصه احتميت القهوة ..... وين راحت ذي ... حصه حصه : سمي يمه سمي وينك ... سمي هاذي القهوة احتميت حطيه حصه : ابروح يمه شوي اشوف المسلسل هذا مسلسل جديد اسمه (الله من ضيقة الصدر) أي مسلسل إلى متى وانتن كذا .. هذا عيب حصه: وش أسوي طيب .. اقعدي هنا مهب لازم تسوين شي.. حصه وهي منزله راسه : سمي .. مزنه: حصه وين راح عبدالله عند الباب هو وعيال الجيران مزنه: اعوذبالله بس من هالعيال... قومي قوليله يدخل حصه: سمي ....... عبدالله عبدالله عبدالله : هاه حصه: تعال عبدالله دخل: وش تبين فشلتين عند العيال امي تبيك تقول لاتطلع عبدالله : وش تبي حصه : ماتبي شي عبدالله: شلون تبين ولا تبي شي حصه : المهم ادخل وبس عبدالله : خلاص شوي وادخل مزنه : هاه دخل ولا إلى هالحين هم وخرابهم بالشوارع حصه: هذاه يدخل يقول سمي عبدالله دخل وهو معبس : سمي يمه وش تبين مابي شي بس اقعد هنا مانبي خراب الشوارع عبدالله : طيب يمه وش فيها الشوارع فيها كل شر وشلون وش فيها الشوارع عبدالله : يمه طيب كل بيوت الناس على الشوارع .... وش فيها إذا طلعت للشارع شوي وبعدها ارجع مزنه : فيها كل بلا وجلا .... خلاص بس اقعد هنا واص عبدالله : سمي عبدالله جالس يهوجس ضايق صدره ... في هالحظه رن التلفون .. عبدالله ينقز للتلفون يبي يرد قبل يردن البنات ... عبدالله : الو السلام عليكم عبدالله: وعليكم السلام شلونكم طيبين عبدالله: الحمدلله شلون الوالد والوالده كلكم بخير عبدالله : الحمدلله من انت محمد ؟ عبدالله: لا انا عبدالله ماشالله متغير صوتك احسبك محمد عبدالله وهو منقهر : ايييه لا انا عبدالله وين الوالده عندك ولا تصلي لاعندي بس من اقوله قله أم سليمان تبييييس عبدالله : سمي ... يمه هذي أم سليمان على التلفون تبييييس مزنه عقب تكشيره بسيطه : زين السلام عليكم حياالله أم سليمان أم سليمان : وعليكم السلام والرحمه هلا والله وشلونكم عساكم طيبين بخير الله يجزاتس خير شلونكم انتم عساكم مرتاحين .. بشرينا عنكم........ ........ المهم الاسطوانه حقت السلام خلصت عقب عشر دقايق..... ام سليمان : ابد والله مالي حاجه بس قلت عاد ابكلمهم عقب ماسافرنا ماندري عنهم. مزنه: الله يجزاتس خير شلون القصيم واهله عساكم شفتوهم كلهم أم سليمان : ايه ولله الحمد كلهم بخير وبنعمه مزنه بدت تقصر صوته ؟ تقصر اكثر ...... صارت يالله يسمع وشوشتها ؟؟؟ عبدالله يشك... يعقد حواجبه... مستغرب.... يحاول يقرب... ويسمع... مافيه فايده ... يقرب اكثر ماسمع .. انقهر مزنه : أم سليمان لحظه شوي ... أم سليمان: خير ان شاءلله مزنه : هالحين ورا ماتروح ... عبدالله: وين اروح مزنه : شلون وين تروح .. رح اطلع عند خوياك عند الباب .. كان اعوذ بالله تقل بنت قاعد عندي. عبدالله : انالله !!!.... سمي هذاي طلعت مزنه: هلا أم سليمان ... اسفه بس اعوذ بالله هالعيال بهذلوبي أم سليمان : ايه الله يعين كلنا والله متبهذلين منهم طبعا انتم عارفين ليش مزنه صرفت ولدها عبدالله ........ بالضبط بدا سرد السواليف بينهن .... دي دي دي... دي دي دي.... دي دي لاوالله .... دي دي دي شفتي هاللي ماتستحي ....... دي دي دي ، دي دي دي ، دي دي دي ، دي دي دي ، دي دي دي ، دي دي دي ، دي دي ( راح نصف ساعه ) مزنه عقب ماحست انها اخذت كل شي من أم سليمان : ايه الله يعين .......، الله يوفق ان شاءلله ....... ، اييييه خير ان شاءلله ......الله يعين ...... أم سليمان: شفتي مزنه: ايه الله يعين بس أم سليمان : عاد وش علينا من الناس استغفرالله بس مزنه : أي والله وش علينا منهم ماودنا نستاثم بهم استغفر الله أم سليمان : ياله اجل مع السلامه بس تكفين لاتقولين لحد اني قلتلك شي مزنه : لا والله مايطلع لحد ولا كلمه..... مع السلامه سلمولنا على العيال أم سليمان : فمان الله مزنه عقب ماحطت السماعه : حصه .... حصه ...... اعوذ بالله منكم بس حصه وهي مستعجله مقبله من الدرج : سمي سمي مزنه: وينك اعوذ بالله لي ساعه قاعدة بذا لحالي تقل مالي عيال حصه : سمي هذاني عندك بس انا رقيت غرفتي شوي وجيت ... اجل وين عبدالله ماكان عندك قبل شوي ..... مزنه : والله ماجاب لي المرض والسكر الا عبدالله هذا ....... قومي صوتيله شوفيه عند الباب ... مدري متى يبي يعقل هالولد عن طلعة هالشوارع بس . ........... إذا أعجبتكم كملت لكم الجزء الثاني .............. مع السلامه........& 
__________________
 monthe2003@hotmail.com |
|
|
| الإشارات المرجعية |
|
|
النمط الأحادي