 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
08-09-2006, 02:59 PM
|
#1 |
|
عـضـو
تاريخ التسجيل: Jul 2006
المشاركات: 56
|
حـــــدثتـــني جـــدتي رضى الله عنها .
كان يا ما كان كان هناك شخص يدعى علي بن لبدان المهم علي بن لبدان هذا كان كل أمنياته في الحياه أنه يصير شيخ قبيله لكن ما فيه مقومات وما أحد بيعطيه مجال لأن المشيخة لها ناس وآخرهم علي بن لبدان بعد ما يأس من المشيخة في قبيلته قال يا ولد أنا بافصل لي جنبيه زي حقت الشيوخ وأكتب عليها الشيخ علي بن لبدان .. المشكله ما فيه دراهم قام باع الغنم كلها علشان يفصل الجنبيه (الحلم) فصل الجنبيه وكتب عليها : الشيخ علي بن لبدان قاتل ميه ومعتق ميه عشان المشيخة تكون على أصولها المهم طق في الأرض بعد ما باع كل شي علشان هذي الجنبية هائم على وجهه لا فرس ولا حتى حمار ولا قليل ولا كثير ومشى وأبعد عن ديرته بعيييييييييييد المهم من كثر التعب جلس تحت شجره ونام خ خ خ خ خ وهو نايم شافه مجموعة رجال جوا قربوا منه وبدون ما يحس طالعوا فيه طالعوا في الجنبية : الشيخ علي بن لبدان قاتل ميه ومعتق ميه  الله يكفينا شره هذا ماهو بسيط هذا مطلوبنا هذا اللي بيحل مشاكلنا المهم صحوه برفق ولين شيخ وقاتل ميه يعني القوة ما تنفع معه المهم قام الشيخ علي خير وش فيه (من الخوف طبعا) هم : لالا أبدا بس قلنا تتفضل عندنا هنا يا شيخ علي هو مستغرباً : هاااااااااااااااه الشيخ علي طيب طيب (أول مره يسمعها في حياته)  هم : تفضل تفضل المهم راح معهم قهووه وغدوه وريح وقيل عندهم وقالوا له روس القبيلة عازمينك الليلة على العشاء وطلبناك أن تقول تم قال تم تم المهم اجتمعوا وتشاوروا قبل ما يجي الشيخ المزعوم ويوم جا وتعشى .... قالوا له العلم سلامتك حنا قبيلة ضعوف ما عندنا فارس ولا عندنا شيخ .. وقطاع الطرق ذبحونا ما يمر يومين إلا وهم داخلين عندنا ياخذون اللي يبغون من حلالنا وحنا لا حيله ولا بصيره لمعت عيون الشيخ علي من الفرح قالوا له أسمع حنا بنحطك شيخ لنا كلنا طبعا الشيخ علي على طول قال أنا موافق (حلمه القديم) قالوا بس فيه شروط الشيخ علي يتمتم أحم أحم :انا لله وش شروطه؟ طيب وش شروطكم..... قالوا فيه ثلاثه اختبارات إن نجحت فيها تاخذ المشيخة وإن ما نجحت فما لك عندنا إلا ضيافه ثلاثه أيام الشرط الأول إختبار الفروسية والقتال الشرط الثاني إختبار الشجاعة الشرط الثالث إختبار الذكاء المهم فكر الشيخ علي شوي وهو عارف إن ما فيه ولا شرط ينطبق عليه ....... قال يا ولد خلني استفيد قدر المستطاع على الأقل إذا جاء اختبار الفروسيه أخذ من عندهم فرس وأحط رجلي  قال لهم أنا موافق قالوا اختبار الفروسيه بكره جهز نفسك جاء اليوم الثاني قال أنا جاهز قالوا له نبغاك تقاتل قطاع الطرق وترهبهم عشان ما عاد يرجعون لنا قال طيب بس أريد فرس متعوده على الكر والفر قالوا جاهزه والسلاح جاهز طبعا الرجال عمره ما ركب خيل قال أريدكم تربطوني على الفرس ربطه ما تنفك ركب الفرس وربطوه ربطة الشر أخذ سلاحه قال وينهم قال في الجهة الشمالية قال طيب وراح يوم أبعد وهو يفرك جهة الجنوب ومشى إلا والله و قطاع الطرق قدامه ويوم شافتهم الفرس وتقول بسم الله وعليهم والشيخ علي يحاول ينزل يمين شمال يحاول يوقف الفرس ما فيه فايدة رايحه لهم رايحه وهو مربوط ربطه شينه وهو يطالع الا شجره قدامه ويوم وصل جنبها وهو يتمسك بها مضبوط لكن الربطه كانت أقوى وهو يقتلع غصن كبيييييير ويوم شافوه قطاع الطرق وبيده الغصن الكبير هذا وطريقته في اقتلاع الغصن خافوا منه واستسلموا قالوا هذا الداهيه عزا الله بيذبحنا كلنا اللي قلع ذاك الغصن وراعي هذا الهجوم الخاطف ما لنا إلا نستسلم يوم شافهم الشيخ علي مستسلمين قال يالله يا كلاب واحد منكم يربط البقيه والا والله لاذبحكم ذبح الشاه المهم ربطهم كلهم وسحبهم وراح للقبيله وهم قدامه مربوطين زي الغنم ويوم شافوا القبيله قطاع الطرق مربطين قالوا عزا الله شيخ ولد شيخ ويفكون الرباط اللي مربوط فيه على الفرس ويهنونه ويكرمونه ويريح الشيخ علي وهو يقول في نفسه راحت الفرس ورحت أنا فيها جاء إختبار الشجاعة قالوا له فيه أسد دايم ياكل حلالنا ونبغاك تقتله قال هاه أسد عدلوا بدلوا قالوا أسد إش بلاك قال طيب اتركوه بس ابغى فرس بس غير الفرس هذي (ما تنفع له يبغى وحده حبيبه ما هيب حقت مشاكل) قالوا طيب وتخير يا شيخ علي المهم لقي وحده شكلها ضعيفه مالها في المشاكل .. قال هذي قالوا يا شيخ علي هذي تعبانه ما هي حقت كر وفر وأنت بتقابل أسد قال أنتم تعلموني الكر والفر وبعدين من هو اللي بيقابل الأسد أنا وألا أنتم .. قالوا خلاص يا شيخ علي أنت أدرى المهم أخذ الفرس التعبانة ويوم يبغون يربطونه قال لالالا (خايف من الورطة القديمة) كل معركه ولها طريقتها .أخذ الفرس الحبيبة هذي وتوكل من وين الأسد ياااالربع هذا اللي يطلع لكم قالوا من الشرق قال طيب خلاص إزهلوه ويوم أبعد وهو يروح غرب مشى وهو يقول: قالوا أسد مجنون أنا؟ ومبسوط من الفرس تمشي على أقل من مهلها مشى الرجال حتى تعب شاف ذاك الشجرة الكبيرة قال أريح هنا المهم ربط الفرس وطلع هوه فوق الشجره ونام شويه إلا والأسد محضر الله لا يوريكم الشجرة هذي بالذات محل ما يتكي الأسد . الفرس من يوم ما شمت ريحة الأسد وهي تحط رجولها وتعود لأهلها والشيخ علي نايم في سابع نومه المهم نام الأسد والشيخ علي ينقلب ويطيح على ظهر الأسد وينفر الأسد لكن الشيخ علي من كثر الخوف تمسك مضبوط لأنه عارف أنه لوطاح أنه بيروح فيها ويحاول الأسد يطيحه يحاول لكن الرجال متمسك مسكه خواف يعني متسمر فيه ويحاول الأسد يطيحه يمين شمال ما فيه فايدة الرجال مسمر ولا هو ناوي يفكه المهم وبينما الصراع (صراع من أجل البقاء) قائم بين الشيخ علي والأسد القبيلة هناك بعد ما رجعت الفرس عرفوا إن الشيخ علي تعرض لمكروه وهم ينفرون كلهم ويلحقونه ويجون إلا والله الشيخ علي متمسك بظهر الأسد والأسد يحاول يطيحه ويجي واحد من القبيله ويقتل الأسد ويطيح الأسد ويموت والشيخ علي متسمر فيه ويجون عنده إلا وهو زعلان مررررررررره زعلان قالوا الحمد لله على السلامه يا شيخ علي قال الله لا يسلمكم قالوا ليش قال من اللي قتل الأسد قام واحد وقال أنا قال الله لا يوفقك قالوا لييييييييييييييييييييييييييييييييش؟؟؟؟؟؟؟؟؟؟؟؟؟؟؟؟ قال أنا كنت قاعد أروضه أبغاه ركوبه لي وتجي تقتله حسبي الله عليكم المهم اعتذروا منه وتسامحوا منه والرجال يسامحهم وياخذونه ويرجعون على القبيلة ويعشونه ويحتفلون به الفارس العظيم مروض الأسود المهم هو يفكر يقول راحت علي الفرس لأنه عارف إنه ما بينجح في اختبار الذكاء لأن ما فيه مجال للحظ في هذا الاختبار جاء موعد الاختبار النهائي اختبار الذكاء والله البلشة المهم جابوا تنكه وحطوا نصها عسل والنص الثاني الله يكرمكم (بعر) وغطوها وقالوا يالله يا شيخ علي تقدر تقول لنا التنكه هذيك وش فيها المهم الرجال قعد يفكر في وضعه لأنه عارف إنه ما راح يعرف يفكر كيف الكرم اللي كان فيه والامجاد اللي عاشها اليومين اللي راحت مع هذا القبيله اللي نادوه بأغلى اسم عنده وهو الشيخ علي فكر فكر وكيف بيكون وضعه بعد ما يروح من عندهم وهو يتكلم مع نفسه وهو يتزفر زفرات من قلبه وبدون ما يحس طلع من لسانه جزء من الشي اللي يفكر فيه قال : اللي أوله عسل آخره (بعر) كلهم صاحوا صح صح جبتها يا شيخ علي وهم يحتفلون به وهو ما يدري وش السالفه الا بعد ما فتحوا التنكه واخيرا تحقق حلم الشيخ علي وأصبح شيخ قبيلة !!! للتواصل : nnn500@hotmail.com
__________________
اللهم اجعلني خيرا مما يظنون , واغفر لي مالا يعلمون |
|
| الإشارات المرجعية |
|
|
النمط الأحادي