[الصقر المحلق]

رحم الله من قال هذا المثل وصدق ( يحول اللي ماله بريدة ) ووالله انه مايعرف قدر بريدة الا من فقدها ..

كنت قبل ان اتوظف اقول الناس وش يبون ببريدة وش لاقين به ويوم تعينت وودوني لاخس ديره بالمملكة المنطقة الشرقية ويوم راح 6 شهور قلت ااااااااااااه يا بريدة وينك يا حبي لك بعد ويا حبيل غبارك وحساسيك وكل شي بك والان لي اربع سنوات متغرب واحس اني بنفجر من الضيق حسبي الله على اللي ما ينقلنا لديرتنا ..
يا اخوان لا تهون عليكم بريدة مهما صارت ومهما حصل فيها وكل من يقول لك اني ما احن لبريدة والله انه كذااااااااااب ..
الحين لي شهر ما رجعت لحبيبتي بريدة واحس اني ابطق وانفقع من الهم وضيقت الصدر


اهل الجنوب ما تهمهم ديرتهم لو يقعد 50 سنة والله ما تهمه واهل الطائف وجدة وكل مناطق المملكة بس بريدة لا وربي اللي من اهلها راجع راجع لو بعد حين وهذي سمعتها من اكثر من واحد يقول احدهم جلست اكثر من 20 سنة خارج بريدة واخيرا رجعت واحس بعد رجوعي بسعادة لا توصف وندمت على السنين اللي قضيتها برا بريدة ...

احد الاخوان من الجنوب يقول صارت عندنا مشكلة عائلية وبحثت من منطقة اروح لها قلت مالي الا بريدة وجا لبريدة وجلس فيها 10 سنوات .. بعدها قرر ينقل للشرقية يقول وبعد النقل ما صدقت على الله تنتهي السنة وارجع لبريدة وفعلا رجع لبريدة وتملك منزل ويقول والله ما يطلعني منها الا الموت ...

يا شباب اهتموا تكفون ببريدة واسعو بكل ما تستطيعون للرقي بنهضتها سدد الله خطاكم ووفقكم

والسلام ختام

[حاقن الدماء]

وصلت وصيتك بارك الله فيك

وأسأل الله أن يردك لبريدة وأهل بريدة سالما غانما

ودمت يحفظك الرحمن

[أبو عزوز]

الله يوفقك
..
..
..

مسكين اللي ماله بريدة
والله يا أخيي نطلع يوم ونشتاق ..


الله يردك سالم .. سالم ولا علي ..


موفق

[الــنــهــيــم]

لاشك ياعزيزي أن كل شخص يحن إلى موطنة ومكان مولده ونشأته ، فأسأل الله أن يفرج عليك ، وأنا لا أتفق معك في أن المدن الأخرى لا يهمهم حينما يرحلون عن أماكن نشأتهم ، فكل شخص يحن إلى وطنه كما تحن أنت ، ولو كان في وسط الصحراء .. !

فرّج الله عنك ولا فرّق بينك وبينَ حبيب .

[الصقر المحلق]

الاخوة الاعزاء بارك الله فيكم وسدد الله خطاكم وجزيتم خيرا ...

الاخ النهيم : انا ما قلت الكلام هذا الا بعد ما رايت كثير من الاخوة لا يعيرون لديرتهم اي اهتمام بالعكس اكره ساعة يشوفونها انهم يسافرون لمناطقهم
اكثر من شخص كلمني بهذا الشيء يعني ما جبت الكلام من فراغ صدقني ..

[سجه فى لجه]

اواااه......كم اثرتنى.....كيف ......بمن هو اكثر بعدا ... واعظم .... حبا ؟؟؟

[البوارق]

بريدة مدينة مختلفه

[محمود السعيدان]

أخوي " الصقر المحلق " : أنت الذي كنت تكتب بالساحات قبل سنوات ؟؟

فقط بس أحب أعرف وأحييك يحييك ربي .....

وأهلين بك : )

[محمد الكويتي]

.
.
أهلا عزيزي حُب الوطن لايختلف فيه أثنان دون الاخر لكن ألا تعتقد أنك أخطأت بهذي العبارة............. وودوني لاخس ديره بالمملكة المنطقة الشرقية أتمني أن تكون خطأ أملائي وليس حقيقي
.فالشرقيه فيها من الرجال الكُثر .
.
حفظ الله بلاد المسلمين عامة من الفتن وماظهر منها وما خفي اللهم أمين

[al7nooooon]

قل آمين


عقبال مايجيك نقل من الشرقيه للـ الصفراء،،

[ابونجديه]

السلام عليكم ورحمه الله وبركاته

اخوي الصقر اللي بالملحق

اقتباس ويوم تعينت وودوني لاخس ديره بالمملكة المنطقة الشرقية

ترا مايشفعلك بكلمتك ذي الا اني بالشرقيه من 6 سنين وحاس باللي فيك

وبعدين انت الله يهديك شكلك ماتطلع من الشقه الا للمدرسه ولا للج.. ( مشفر )

ترا الشرقيه به ناس واجد من بريده مظلومين وظيفياً مثلك وشرواك .

لو تجلس معهم تنبسطون مع بعض تسولفون عن الديره (بريده) واخباره واهله .... ترا مثل هالمور توسع الصدر واسأل مجرب ولا تسأل ميكانيكي

وعلى قوله الشاعر خلف بن هذال الله يعطيه طوله العمر على طاعته ويرزقه الصحه والعافيه:

يانجد جعل مروح الغيث يسقيك .:.:.:. يعل ريانك ويسقي ضماياك

يانـجد قـلبي ينفعه يوم يطريك .:.:.:. الله يلوم اللي يلومه الا اطراك


اسمع هالقصيده وحطه بالجوال وكل ما ضاق صدرت لاتتردد باستماعها وترديد كلماتها

[rams]http://www.geocities.com/cadiidac/yathalqmr-khalaf.ram[/rams]


للتحميل زر يمين


وابسط عمرك وانا اخوك

هذا والله اعلم

[المدحدر]

إذاغابت شمس كل جمعة غير الاجازة

جاني هم الفرقا

فرقا الديار الي به القلب مفتون ..والله صرت شاعر هههه

اللهم انقلنا لبريدة ونحن في صحه وعافيه وقرب منك يا الله ......


المدحدر من بريدة...

[المعتز بدينه]

الغالي : حتى تعيش في بريدة وأنت في الشرقيه عش أيامك بعد كتاب الله وسنة ننبيه صلى الله عليه وسلم لينزاح همك

ثم عش مع موقع بريدة ستي