السلام عليكم ورحمه الله وبركاته
مساكم الله بالخير
الحين لو يلقي لنا في خطبه صلاه الجمعه مع علماء الدين اللي خابرينهم:
رجل مختص بعلم الاجتماع (يعطينا بعض المشاكل وكيف طريقه حلها), او طبيب متمكن (يعرض لنا بعض الامراض الشائعه وطرق الوقايه منها), او حتى سياسي (لشرح حال المنطقه)
مايكون افضل من حال (بعض) الخطباء اللي يتفلسف بامور مايعرفها , ويحكي ويوعظ كانه جالس مع ناس من عام 1920 لايعرفون تلفزيونات وانترنت ولا يدرون وش اللي صاير, وفوق هذا كله للحين يتباكى على اخواننا في اذربيجان وافغانستان والقوقاز والبوسنه والهرسك وجزر الواق واق وشوي من لبنان وكم كيلو متر من الجولان ولو رفع واحد يده بالاسكيمو وقال ياناس الظاهر اني اسلمت بس الدنيا عندنا برد صاحو (بعضهم) بجمع التبرعات له والتباكي من اجله.
وكأن بعضهم عايش بكوكب غير اللي احنا فيه .. وضع اجتماعي عايشينه ينذر بالخطر :
سرقات , نسب الطلاق ارتفعت بشكل مخيف, عنوسه, شباب عاطل, زنا محارم والخ
يمكن بعضهم عنده سياسه (الكتمان) وماعنده الشجاعه الكافيه انه يواجه مشاكل مجتمعه. لكن اعتقد ان حان الوقت للتغير
اتمنى اخيرا مايطلع لي واحد ويقول لاتنسى اننا كالجسد الواحد لاني مع هالشي وخابره زين لكن اقول ان حال مجتمعنا مايسر ابــــــــــــــــــــــــــد والاقربون اولى بالمعروف ..
21-03-2007, 10:22 PM
النمط الأحادي