[يوسف 5]

قصة حقيقية صاحبها منوم في مستشفى المجمعة

دخلنا عليه وكان كل جسمه ورجليه مجبسه وما تسمع إلا آه واوه وأي وما دري وش بعد ماغير يونون من الأوجاع اللي فيه عاد أنا قلت يمكن انه مسوي حادث قوي أو انه محترق أو أو أو ... الخ.

المهم جاءت الساعة 4 العصر وبدا وقت الزيارة

أنا استغربت من شي غريييييييب كل من جاء يزور هذا الشخص يطلع من عنده ميت من الضحك.

أنا جاني الفضول وقلت وش السالفه وعلى هالحال كل من جاء وسلم عليه ما تسمع إلا ضحكهم من ورا الستاير.

أنا قلت لازم اعرف وش السالفه

انتهى وقت الزيارة وانقز له على طول واتشافا له وأقول له الحمد لله على السلامة
عسى ما شر ومن هالكلام وأنا كل همي اعرف ليش يضحكون:

المهم قلت له: أنا أشوف اللي يجونك ما يروحون من عندك إلا و ضحكهم واصل آخر المستشفى ... قال لي: هههههههههه ليـش عاد أنت حاسدنا على الضحكة ..... قلت له: لا يـا أخوي ما هي كذا السالفه والله لو عندك مليون كان يمكن أحسدك! .... بس اضحكوا عادي خذوا راحتكم بس بغيت اعرف السر يعني ... إذا ما عندك مانع ... قال لي : طيـب ولا يهمك .... أنت مثل ما تشوفني مكسر ومربط بالشاش...

قلت له : إيه والله ... الله يشفيك ...

قال لي : يا طويل العمر أنا ساكن في شقه في الدور الثاني ... وعندي بلكونه ما فيه زيها مررره حلوه...وإذا نمت فتحت باب البلكونه......وطفيـت النور....وتسدحت على السرير ... ويوم نمت على السرير ...... وغصت في أعماق أعماق نومي ..... حلمت إني في يوم القيامه ... وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار!!! .... المهم الجماعة ينادون بالأسامي .. فلان بن فلان باص النار ... فلان بن فلان باص الجنه .. وهكذا .. فلان بن فلان ... هذا اسمي ..... وقلبي يـدق ويـدق... رووح باص الجنه .... اووووووووووووه الحمد لله ارتحت ومشيـت ادور على الباص اللي مكتوب عليه الى الجنه ... وحصلته ودخلت فيه ... مشيـنا بالباص وبعد فترة جتنا لوحه مكتوب عليها (الجنه 50 كيلو) (النار 100 كيلو) وهذا وحنا مع اللوحات ..... والله ونتعدى الجنه ... قلت يمكن السواق يـعرف مكان لباب ثاني ... شوي وشفت النار 15 كيلو ... وبعد شوي النار 10 كيلو ... وكل شوي نقرب من النار ... يا رجال وش السالفه .. المشكله الناس ساكتيـن وما حد قلق في الباص إلا أنا ..........قلت بدخل على السواق وشفته معطيني ظهره .. إيـه إإإيـه أنت وين رايح؟؟؟!!!!!!! ... قال لي بدون ما يلتفت : رايح النار يا حبيبي .. قلت له: ويـش أنا من أهل الجنه .. وليـش توديني النار يا وجه النحس..!! والتفت لي .. طلع هو إبليس !!! .. الله يلعنك ... أنا من أهل الجنه ... يا ملعون لا توديني النار .. أنا من أهل الجنه .... والله العظيم إني من أهل الجنه ..... تو من شوي قايلين اسمي..وقف يا ملعون .. وقف يا ملعون ... وهذا أنا أصارخ... وهو بأنواع الضحكات الشريره هاهاهاهاها ..... هاهاهاهاها .... هاهاهاهاها ... قلت له يا ملعون وقف!!! أبي انزل!!! ... قال: والله الباص هذا مبرمج على انه ما يوقف إلا في النار ... تبي تنزل أقفز منه ..... وركضت على الباب وفتحته .. وهووووووووووووووووووب
ولا وعيت إلا في المستشفى ... قافز من البلكونه ... في الحوش!!!


م ن ق و ل ة:s :s

[abo-Khaled]

مشكور اخوي يوسف

[يوسف 5]

برج المياة

الله يعطيك العافية


شاكر لك مرورك

[الشاكي]

مشكور ويعطيكـ العافيهـ

تحياتيـ ..

[ابوضاري]

مشكووووووور على القصة الجميلة ألي مثل صحبها

تحياتيـ ..

[الحطيم]

والله بعذرهم

اجل باصات الله يقطع جنسك

مشكوووووور على الموضوع

[ABOslom]

جزاك الله خير على هذة القصة
الصراحة فـــــاـــــــه

[يوسف 5]

اقتباس المشاركة الأساسية كتبها الشاكي مشكور ويعطيكـ العافيهـ تحياتيـ ..

وانت كذلك

مشكور على المرور

[يوسف 5]

اقتباس المشاركة الأساسية كتبها ابوضاري مشكووووووور على القصة الجميلة ألي مثل صحبها تحياتيـ ..

لا تحرجنا

غدا وجهي حمر

شكرا لمرورك

[يوسف 5]

اقتباس المشاركة الأساسية كتبها الحطيم والله بعذرهم اجل باصات الله يقطع جنسك مشكوووووور على الموضوع

والله يانا قعدت اضحك على الباصات

عموما تشكر على تعليقك ومرورك

[يوسف 5]

اقتباس المشاركة الأساسية كتبها ABOslom جزاك الله خير على هذة القصة الصراحة فـــــاـــــــه

وانت افلل

شكراا على تفضلك ومرورك

[Abu Salman]

والله ياهي مضحكه هالقصة ....



الله يدخله الجنه خويك ذا بدون باصات ولا غرابيل وحنا بعد ....


جزاك الله خير ..

[قصيمي ولي الفخر]

الله يدخلنا الجنه بدون باصات ولا تعب

[يوسف 5]

اقتباس المشاركة الأساسية كتبها Abu Salman والله ياهي مضحكه هالقصة .... الله يدخله الجنه خويك ذا بدون باصات ولا غرابيل وحنا بعد .... جزاك الله خير ..

امين وياك

شرفت ابو سلمان

شاكر لك تعليقك