[الصباخ]

أحجار بعضها فوق بعض . عنوان خيااااااااال.



صبحكم الله بالخيرات والمسرات واليمن والبركات.

بصراحة أول مرة أحط موضوع هنا بقسم التصوير الضوئي .
على طاري التصوير الضوئي وش معناة هالاسم!
فيه أحد ممكن يفيدني بهالموضوع!


مالكم بالطويلة اللي ماله سنع، أنا مرتن من المرات قلت بنفسي ليش ياحبيلك ماتجرب التصوير (طبعاً أقصد روحي يوم قلت ياحبيلك، ومانيب أقصدكم )، قلت يمكن أصير أحسن من عمر الصمعاني وإلا أبوعاصم التويجري وإلا غيرهم من المصورين المحترفين ، تم شحط المذكورين آنفاً.
وعاد ذاك اليوم كشتنا بأم حزم، وأمسك كاميرا واحدن من الشباب الله يخليه لأمه وأخوه وأبوه ويخليه لنا جميعاً وقلت له عن إذنك بروح أصوّر وبجرّب حظي مع التصوير الضوئي ، ماقصر ووافق وعطان الكاميرا حقته.
عاد رقيت فوق جبل كان حولنا وصوّرت لكم هالصورة اللي كله أحجار بعضها فوق بعض، وخلف الأحجار تقع الكثبان الذهبية التي تغريك بجمالها الخلاب .


وهاكم الصورة:




عفواً لا أقبل النقد السلبي ولا أقبل التهزيء ولا أقبل مرئياتكم عن الصورة، أبي الدعوى كلها شحط في شحط، يعني اللي يشوف الصورة يقولي إن الصورة أحسن شيء بالعالم .

شكراً لكم جميعاً.
والوعد إن شاء الله بعد سنة.