 |
|
|
|
|
16-06-2002, 10:42 AM
|
#1 |
|
عـضـو
تاريخ التسجيل: Apr 2002
المشاركات: 54
|
رحت بأخطب لكن ماش المقرود مقرود
القصه هذي الفتها لكم و انا اغسل ايدي بعد العشاء
قلت خل انشرها لكم قبل لا تروح الفكرة عن راسي و ان شاء الله انها تعجبكم ========================== ظلام دامس <= يقرب لفول مدمس يخيم على البيت فجأة ينفتح الباب و يدخل واحد و يمشي شوي شوي و انط عليه انا من الجنب اهبل فيه عوووووووو يوم انه قال وش فيك يالشين قلت ابد يبه احسبك ناصر قال الله يعينا عليك رجعت لغرفتي معفوط الخاطر نقزت فوق سريري نزلت المكيف علي و قعدت احرك رجولي مثل الطربان يوم اني قعدت اتخيل نفسي اذا تزوجت بأعقل او بأقعد طول عمري دلخ .. قلت بنفسي من داخل .. لا اكيد اني بأصير عاقل و اقوم اصرخ بقوه و يطلع فوق راسي لمبه قلت لقيتها و انا ابو فلبيني <= بالغصب يبي يغير ابو هندي و اروح ركض لأبوي و القاه بالصاله مسوي يقرا جريدة الرياض و هو يدور الصور قلت له يبه صح انا مهبول .. قال ايه قلت له و غبي .. قال مافي شك قلت و دلخ .. قال قاضين منها قلت زوجني و اصير عاقل يوم انه خدوده تشققت و قال وشو قلت زوجني قال من زينك على شان اتزوجك .. ياخي وش تزوجني اقول زوجني ترا ما عندي اي شروط اهم شي اعرس بس قال خلاص ابد نروح نخطب لك باتسر و اروح لغرفتي امشي نص مليون و اقعد اتخيل شلون بأصير اذا رحت اخطب وش بألبس النعال البرتقالي و انتم بكرامه .. البس معه شراب و الا ما يصلح ؟؟ الشماغ .. الثوب .. الساعه الي ماقد لبستها من يوم جابتها لي امي من مكه يوم حنا بالعمره و هي بكيستها لأنها وسيعه كانت و تنصل من ايدي قعدت طول الليل هواجيس .. شوي انا فوق الوساده شوي انا تحتها و شوي انا ماسكها مصفقها يوم تغدينا قال ابو خلك جاهز يالشين ترا بنروح نخطب بعد صلاة العشاء و اروح من العصر لأطلق حلاق بالحارة قلت له شف لي هالشعرتين احلق ابوهن ابو الشباب يحسبني اقصد الشنب بغا يجزه لي و يخليني خشة مدرس رياضيات قلت نوو يا صديق شيل هزا شهر تحت و اشرت له على لحيتي و يجيب الموس و يبدا يدهر و يقشع من هالشعر الي كأنه عشب الملاعب رحت للبيت تروشت و تبخرت و من القراده احرقت ثوبي بس ما ارتحت السروال الصغير ضيق و بلشت فيه كل شوي و هو مندعس و اطلعه دخلنا على اهل البنت و قام ابوي يقردن بالشايب و يكاسره على المهر و يقول اقساط و منا و منا خشيت انا عرض قلت و متى بأشوفها ؟؟؟ ناظروني بنظرة ازدراء و سخريه قالوا اصبر يالعجل <= و الا ثور يوم انهم اتفقوا و خلصوا و جت الشوفه قلت لأبوي يبه ماودي خلاص خفت ماعاد قدرت اتحمل احس اني بأخر قدام البنت قال ابوي رح يا رجال و وسع صدرك و تعال و يغمز لي هالشايب الوصخ يبي يخربني بعز شبابي يوم قام ابو البنت يبي يشوف الطريق قال لي يلله تعال قلت طيب هذاني وراك و اوقف عند الباب و اعدل السروال البلشه ذا و اروح و ادخل عندهم بالصاله و القا البنت واقفه و شايله الدله من قرادتها و شكلها حاره سويت فيها انا نشمي قلت عنتس و اخذتها و احرقت ايدي و انا ساكت و مسوي قوي يوم ان السروال الصغير ذا البلشه بدا بالحركات الي مالها داعي و انا ابدا اتمقرص ودي اشوف له حل حطيت الدله على الطاوله و انا اركض و كنت لابس شراب و بيتهم بلاط و زلقت طحت على خشتي و خربت الشخصيه و عضيت لساني و طلع صوت ماله داعي قلت بس السروال انشق طبعا انا حسيت بالشي هذا لأني احس صار فيه هوا يدخل من مكان هناااااااااك قالت البنت افااا وش سويت عيب عليك وش هالصوت تحسبني سويت تهريب قلت لا هذا ابد السروال ضيق شوي و انشق قالت اييييه هين و الله شكلها من الي ذاك و ذاك جيت انا بأثبت لها و ارفع ثوبي بأوريه الشق الي بالسروال على دخلت ابوها هالغثيث و يقول هيي انت يا ولد عيب عليك بدري تو الناس وين وش مستعجل عليه قلت لا بس بأوريها ..الرجال فهم غلط قال اطلع بس انت ما تستاهل و هزئني شوي و اخذت الشايب حقي و رحنا للبيت قال لي ابوي ياخي انت ما تصلح للعرس المقرود مقرود
__________________
moh298@hotmail.com |
|
|
|
16-06-2002, 03:17 PM
|
#2 |
|
عـضـو
تاريخ التسجيل: May 2002
البلد: البدائع بلد الروائع:)
المشاركات: 1,407
|
جزاك الله خير
__________________
جزى الله خيراً أخي غندر على تصميمه هذا التوقيع الرائع :  |
|
|
|
|
16-06-2002, 03:34 PM
|
#3 |
|
عـضـو
تاريخ التسجيل: Jun 2002
المشاركات: 54
|
ههههههههههههه
الله يقطع ابليسك موتني ضحك...  السروال انشق هاه؟؟ صدق انك مهبول وغبي ودلخ...
__________________
يا حول ياللي ماله دبي |
|
|
|
|
16-06-2002, 03:35 PM
|
#4 |
|
عـضـو
تاريخ التسجيل: Jan 2002
البلد: .. البصر ..
المشاركات: 4,045
|
أجل السروال منشق
لالالالا صز شكله صااااااار دواهي أقوووووووووووول شكلك ما تدري وش العرس الله يهديك يجيك الميدااااااان أبو مدن الحين ====== منقول لمنتدى الطرائف هذا محله يالله يا ميداااااااان ههههههههههههههههه
__________________
لاإله إلا الله محمد رسول الله ...
|
|
|
|
 |
| الإشارات المرجعية |
|
|
النمط المتتابع
