 |
|
|
|
|
22-03-2008, 05:00 AM
|
#1 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
فضفضات مصورة // ح ـايلية هُنـــا ..!
سلام الله عليكم جميعا كي هال هي جميع نفرات بنات ؟! وه وحشتوني أوي  أحس إني من زماان ما نزلت موضوع خربوطي بشكل غير  يا مسابقة يا تصميم ! فـ لزلك اليوم موضوعي بلا هدف :D مجموعة سولافات ضاقت بالقلب ! وابكبهم عليكم  ترا الموضوع طويل :D ويبي له قعده وكله صور  يعني تحملي على بال ماتفتح الصفحة [ للإتصال البطيء  ] ..!المويهم ..نوخش دوغري ..! فتحت ملفاتي ولقيت كله [ صور ] وكل صورة له[ قصة ] قلت انزل لكم[ الصور مع سواليفهن ] ..! والله يعينكم !! القصة[ 1 ] بعنوان: الرسايل تأليف وإخراج وتمثيل / ح ـايلية <- أول مصالة أنا إنسانة مرتبة ما أحب الحوسة أبد  سطح مكتبي مرتب ملفاتي مرتبة .. كل ملف به مليون ملف بس أهم شي الترتيب :D وكل ما حفظت صورة / تصميم / أنشودة كلهم طوالي على الديسك توب .. عشان أمخمخ عليهم وكل شي بمحله يعني تدخلون [ ملف الصور ] موجود [11] ملف صور ماسن /رمزية / تصاميم معجبتني/ فن الربط ... إلخ الموهيم .. كل شي مرتب إلا الرسايل الخاصة ! قبل فترة سويت لهم كنس وبعدها مالمستهم يعني ما أمسح ولا رسالة غير [التنويهات الإشرافية ]القديمة ! إلى أن قال قبل فترة  وأبد ما توشحت  <- المهم قلت خلاص عاد كلش مرتب إلا ذا وقفت على الرسايل وشمرت كمومي الشمرية وأمسك المكنسة وكرش بالرسايل اللي ماله داعي شلناه :D ..! صار عدد الرسايل كما في التالي  هع طمره صح ونستمر في المسح :D.. وطبعا ترا كله بالوارد مابعد جينا الصادر وصرت أمسح بلا رحمه يعني احدد صحات على الكل وأشيل عن اللي أبي .. وكرش ..!  حول النص إنجااااز ولا زلنا في صراع مع الوارد  ولا دريت إني مسحت رسايل أبيهن  الزووبدة قال الصندوق هيك //  يعني صفيت على [11] رسالة بالوارد  موش مسدأة وشمرت مرتن أخرى ودخلت على الصادر  [408] رسالة  !عاد الصادر تحديد بلا رحمة  حول النص  سوووما [ ثم ]    وصفيت على //  والحمد لله طلعت مرتبة 100% مايستفاد من القصة [1] // لا تؤجل عمل اليوم إلى الغد ولا صرت مرتبة صيري بكلش والرسايل اللي ماله داعي اكرشيه أول ماتجي وأخيرا // مسس هع أرسلي الرسالة الأخيرة مرتن أخرى عشاني كرشته مع الكرشات وه أحوبتس قوي ... القصة [2] بعنوان / جامعتي ! ===== <- يعني زي الكلام الأول طبعا بما إني طالبة مستجدة  عفوا كنت طالبة مستجدة المستوى اللي راح  أول مستوى كان يونس :D عندي [ أوف ] خمس مواد !أطلع السـاعة [ 6:30] وأوصل حوالي [7:05] ومحاظرتي [8:00] يعني حوالي ساعة فاضين ! نفطر وندردش مع بعض أنا وصقيقاتي وأخلص محاظراتي [10:50] يعني 11 إلا عشر ! ونروح نسعسع بالجامعة ونروح للـ [السوق ] سوقنا بالجامعة كوشخة مره حركات لاتقاوم .. [ مخبز وحلويات سنابل السلام , محل جزم الله يكرمكم, محل هدايا , سوبر ماركت من أقدم شي لأجدد شي وكل شي يطري ببالتس فيها إلى كريمات الشعر فيه ومجلات وبطاقات سوا وعندنا كوفي شوب وأهم شي الكابتشيونو ,ومحل ملابس, اكسسوار, جوالات , كريسبي ,مكتبة وتصويرإلخ إلخ ] يعني سوق مصغر :D مثال هالأيام شريت منهم شوكولاطة بلجيكية طبعا هي سعرة [54 ر.س ] <- يمديكم وأخذته بتخفيض [ عرض بـ 27 ر.س ] :D  [ الصورة مب بالباص أبد ]الموهيم بعدين أطلع [12:10] واوصل حوالي [ 1] أو إلا ..! لكن الحين جدولي زفت بلا أوف  .. وست مواد !مره شين ! والمشكلة العالم هالترم جداولهم كلهم مب زينه ! ولا فيه تعديل ! محاظراتي من [ 10 إلى 1] وأنا أجي من [8 ] واطلع [2] وأوصل حول [3] وأحيانا ونص على أذان العصر يعني تعذيب ! وموادي شينة ودكتورتنا أشين مصرية ما أسمع غير [ تقوز وما تقوز ] ! وسعودية معذبتنا بطلباته ! وغيرهن الله يعين لا وهالترم طويل وبلشين به وماغير [ كويزات] يعني إختبارات صغيره .!الموهيم نجي للصور .., [طبعا مسموح بجوال الكاميرا :D ] مبنى [5] آخذ فيه محاظرة نظم [ قانون ] هوا بتاع تقوز وماتقوز   وهذي قاعتي  طبعا كل مادة قاعة غير ! .., بس ولو جامعتنا تفتح النفس ! ثيل وحركات يعني أحيانا لا ضاق صدري .. خوذي ياتفرج بالبنات والتمشي والحركات والشراء يعني لدرجة أنا وصديقتي نقول اليوم مافيه شراء خلاص [ لأنه تنفتح بازارات عندنا كل فترة وفترة [ معارض ملابس ومكياج وهيك ] ] ومرة قعدت بلحالي وقعدت أنا اللي ما أقرا جرايد بس كراكتيرات أقرأ جريدة الجامعة آخ بس الفراغ شين  ^^ كل هالقرق فضفضة لكلام حايس المهم الترم الأول سوينا إحتفالية بآخر إختبار زفتنا به ولذلك إحتفلنا ..:Dودرعمنا للسوق واثارينا مطفرات اللي معه خمسة واللي عشرة واللي سبعة وهيك وطلعنا بذا  أهم شي حلاو أبو ملعقة والعلك <- تحسون باقي ريال وشريناه به لا ومسوين عزيمة ـهههههههـغضوا البصر عن تنورة صديقتي وهنا بدون تنورة ومع تويكس   صور متفرقة لثيل ونخل الجامعة   <- حسيت إني مصورة بهاللقطه <- لا تخليننا يارموز ..!وهنا مبنى وملزمتي مع الدافورة ام تنورة اللي تو  إنتهينا من الجامعة .., مايستفاد من القصة [2] // 1/مسس هع وشسمه وباقي شلتي وه ياشين هالترم بالحسرة أشوفكم مير مسس هع منذ مبطي عنتس <= مشاعر 2/ إذا نزل لتس جدول بلا أوف رحتي به ! فحطي لين يطلع لتس أوف .!.3/ بنات الثانوي حللوا الثانوي تحليل وطرطعوا واستانسوا .. أيام الثانوي لا تنسى إلا ثالث عاد شينة 4/ لكل طالبة بثالث لا تحطين قسم ببالتس بعدين تتحطمين قولي الله يكتب اللي فيه الخير !  5/ أكرهتس يا نهاد قريح .. وأكرهك يا نظم 6/ أبو عبد الله .. كل الشكر على الستاير الجدد والمناديل <- 7/أستخرجي الفروق الخمسة من صور العزيمة :D ..! يتبع ..!
__________________
|
|
|
22-03-2008, 05:00 AM
|
#2 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
القصة [3] بعنوان : الحلويات ليه حنا يا معشر البنات نحوب الحلويات ؟ يعني كبرنا وصرنا نتقهوى وحليات وفطاير ولاااازم حلاو ؟! يعني نتفق هذي حلى وذي قهوة وذي [ شبسات] وذي [ كاكاوات] :D ولا ننسى [ حبتين ببسي لكل وحدة ] ! شي للحلاو وشي للعشا !! .. مره خططنا ننام بإستراحة جماعي وأول ما طرا على بالنا حنا يالبنات المؤونة ! [ الحلويات ]وتقضينا خرابيط  أهم شي الرواية ماله داعي وعقب الفلفلة والفرز ووش لنا ووش علينا  وعين يقضن ! لين صرنا ناكل ورا بعض !وجتنا [ غيره ] بالمعدة يعني <- تقل غصب نخلصة ,,,, [ آيس كريم السيارات ] وه والله يانا احبه بشكل ! كل يوم نمر من عند متوسطة ورعان ونشوف سيارة آيس كريم واقفة ويتقطع قلبي أبي مثلهم! على قد ما حاولوا يكرهوني فيه بقصصهم ! حبيته أكثير هالأيام طلعنا لإستراحة وجاء عند الباب ما صدقت بغيت أصيح <- وعيوا الحريم على البزران !! وأنقز قلت[ أبي ] وفتحت الباب للبزران :D وأخذت كم تهزيئة وكرمااال ايس كريم السيارة بنتحمل ما يستفاد من القصة [3 ] // يعني متى نبطل عن الحلويات ؟ ونصير حريم ؟ :D إدمان البيبسي وش السواة معه ؟ آيس كريم السيارات متى يبدون يببعونه بالبقالات وليش ما يبيعون آلته يقولون حق السيارات يحرك الحليب بإيده ! وأنوقع هو سر النكهه الخاصة <- .... القصة [4] // بعنوان : الشوي في يوم من الأيام وبإستراحة من إستراحات الرياض كل السواليف بالإستراحات بنسوي حركة أنا ووحدة من البنات وقلنا نبي نغير حركة العشاء يا من برا أو عشاء جماعي كلن يجيب عشاه .!عاد بزعنا وقلنا بنشوي حنا البنات وما عليكم الا انكم تجيبون دجاج وشرط يكون متبل ! مع إني ما احوب الشوي ! ولا أحرص عليه  <- أهم شي القفازات .. نظاقة ولا شلون  .!وخوذن يا أناشيد وهبال مع الشوي  راحت عيوننا وطي .. وبزران يتخطرفون  ..!يعني طلع بطاعونه  طبعا سووا الحريم حركة نذالة ..!وكالعادة الرجال قبل ! والبزران بحجة أنهم يفتكون منهم ! [ مع إني قلت كل بزر بيقعد ورا أمه وبتعطيه وهذا اللي صار ] قلت مالنا إلا نغبي لنا ..ونعطي الباقي للحريم !وتنقينا القطع الزينة ورفعانهم بحافظة ! وكتشب ومايونيز وطحينة ..! ولا ننسى البيبسي ..!وهذا شوينا :D!  ومن شوينا هالمرة حبيت المشاوي حسيت إن شغل اليد غير ! :D ما يستفاد من القصة [4] // 1/شغل اليد طعمه غير ودايم أحلى ..! واللي ما تحرصين عليه حاولي تجربينه بيديتس وبتغيرين رايتس :D 2/ لا عمرتس تبزعين وتقولين بتسوين عشى مشاوي لأمة لا إله إلا الله ببزارينه وحريم ورجاله وشغالاته ! 3/ اذا بتسوين عمل بطولي أشرطي شروط نظامية قبل !ولا ترا بيرتفع ضغطتس على الفاضي ! :D وبس ! هذي سواليفي لهذا اليوم !:D إذا جاز لكم الوضع نزلنا صور ثانية وقلنا قصص ماعندنا مشكلة :D إن شاء الله جاز لكووم الموضوع وتراه كله خرابيط وفضفضات وتغيير .,منذ مبطي وودي أنزله ! كلش والم ! بس العجز شين أول رد شامل للموضوع له تصميم هدية أستروا على ما واجهتوا ! وفتكوو بعآآآفيــة هُــنا .. ح ــايلية } -+ 
__________________
آخر من قام بالتعديل ح ـايلـــيـة; بتاريخ 22-03-2008 الساعة 05:23 AM. |
|
|
|
22-03-2008, 05:18 AM
|
#3 |
|
عـضـو
تاريخ التسجيل: Nov 2006
البلد: الرياض
المشاركات: 1,885
|
حـــــــجــــــز أول رد اشـــوووووووه الهــــــــــــــديـــــة
__________________
لا إله إلا انت سبحانك إني كُنت من الظالمين |
|
|
|
22-03-2008, 05:20 AM
|
#4 |
|
حرف راقي
تاريخ التسجيل: Jun 2006
البلد: اَلَرَيِـآضْ !
المشاركات: 4,213
|
ههههههههههههههههههههه
وربي وناااااااااااصـــه لي عوووده النوووم يداعب أجفاني
__________________
. آخر من قام بالتعديل ح ـنايـا الـ ق ـلب; بتاريخ 22-03-2008 الساعة 05:21 AM. السبب: :113: |
|
|
|
22-03-2008, 05:20 AM
|
#5 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
بدون حجوزات  وقلت شامل مب حجز راحت عليتس
__________________
|
|
|
|
22-03-2008, 05:39 AM
|
#6 |
|
عـضـو
تاريخ التسجيل: Nov 2006
البلد: الرياض
المشاركات: 1,885
|
يعني تبي تقهرينن يعنني ادررس تســيف تسـذا الجامعـة توسع الصــدر قريت نمبر ون ونمبر تو واستفدت لا تؤجل اليوم إلى الباتسر ويوم وصلت لـ هالصورة وامـير ماتجين دوخـه << مابه نوم ابد روعـه الصورة يابنت الريح تســيف تسذا تقل اني رحت معــتس للجامعـه اولاه بتلـه نزلي لنا اشاياءات تسـذا علشان اروح معـتس للجامعه بتلـه يالله يابعدي ماودي اطول :D لي عودة لتكملة باقي السولافات
__________________
لا إله إلا انت سبحانك إني كُنت من الظالمين آخر من قام بالتعديل ملاك الورد; بتاريخ 22-03-2008 الساعة 05:44 AM. |
|
|
|
22-03-2008, 05:42 AM
|
#7 |
|
عـضـو
تاريخ التسجيل: Oct 2006
البلد: فــــ الغــــربـــه ــــــــي
المشاركات: 283
|
وعليكم السلام ورحمة الله وبركاته ..
بصراحه قريت من طقطق لسلام عليكم صح نصها خربطه بس والله ونستينا .. <<< ساعه تفرج على الصور .. اما كليتكم الصراحه شي مرتبه  او انتي مصوره ازين قاعه :Dاقول ماشاء الله جايتن تكشتن وش هالشكولاتات .. 8 8 8 امووت على هالشكولاته الله يهديس خليتن اشتهيه .. عاد رسائلك شي الله يعين عويناتك من قرأيتهن ويعينك على الردود.. ايه نرجع للاستراحه انتي صادزه لاصار معك كومة بزران وارجال الله يخلي الرزيزه مايصلحلهم شوي نصيحه لتس يابعدي لاتكلين عسكريم السيارات والله من الامراض وانتقال العدوو من الهندي لللي ياكلوون <<< على طول عطته جنسيه.. معليش طولت بس وسعتي صدري بخرابيطتس(عاد تصدقين فيها نصايح) .. تقبلي مروري .. دمتي بود.. 
__________________
لا اله الا الله محمد رسول الله ...
|
|
|
|
22-03-2008, 05:49 AM
|
#8 |
|
عـضـو
تاريخ التسجيل: Feb 2007
المشاركات: 774
|
بصراحة انك توووحفة انتي وصورك وقصصك وتوليفاتك
<<نعلة..!بسررعة وين تدرسون  <<ناوية تقط معكمـ..!بصراحتن انه جونان ووناسة الله يخلف علينا.. ليش كذا بعدين أنا أزهد بكليتنا الله يخلف علينا وبعدين اتعقد وانتم ماترضون لي كذا ..لذلك وش راينكمـ نتبادل .. ياحياتي اجل بازارات  حنا جابو لنا كمون وشهقنا به <<لقد انه رحمتنااااا قوة ..أما ابو ملعقة.. وه بس.. احبه على انه يحمي التسبد..!والمشوي.. ياربيه سادة هذا اللي يبزع  .. انا احمق على روحي لبزعت على اهلي وقلت انا ابزين عشاكم بس عاد لا زينته ومدحوه نسيت اني حمقة علي وقوووطرن سعابيلي على الاسكريم ليييش كذا.. قبل كم يوم مرينا من عنده بجنب بيتنا .. والظهر حرررر بس لتذكرت اللي مدحوسن به اهون <<عاد هماهم بياقفون يشرون لي  بما انه جازن لي ووشسمه بسورعة جيبي لنا جدد وقصص وكذا..<<ماتبين توت بعد
__________________
. توسد عناكَ فلا شيءَ يُطفئُ نار الغريبِ سوى أنْ ينامْ , ويَلقى الأحبةَ بين البياضِ وبين السوادِ رؤىً من هُلامْ فعندَ المنامِ يُصافحُ أرضَاً تَغَرَّبَ عنْها ويُلقي على الغائبينَ السلامْ .! العابرة ..رحمة الله عليك تترى ~ |
|
|
|
22-03-2008, 07:27 AM
|
#9 |
|
عـضـو
تاريخ التسجيل: Dec 2006
البلد: الريـاض.
المشاركات: 531
|
هلا والله ببنت الشمـال والله فضفضتك تبي قعدة و أنا جيت ع السريع. بس يوم شفت باديتكم مثل باديتنا:D:D:D ما هان علي أطلع و أنا ما سجلت حضور. _ لاحظي أني رديت ع شان البادية:D لي مريوس على هالموضوع يا البي.
__________________
أستغفرالله العظيم من كل ذنب عظيم يالرياض أستخيري وأتركين |
|
|
|
22-03-2008, 09:08 AM
|
#10 | ||||||||||||||||||||||||||||||||||||||
|
عـضـو
تاريخ التسجيل: Mar 2006
البلد: الزمن المبهوت
المشاركات: 1,903
|
.
حركااااااااااااااااااااات ح يلية موضوعك شيء شيء صراحة ماشاء الله جامعتكم كبيرة وتوسع الصدر أولاه من ينقل عندكم اجل القاعة والله يا انتم مرتبين لو تشوفين قاعاتنا قاعة الأنقلش ادخل القاعة 1 ولا اصل المكان إلا 1:15 ادوخ انا على القعدة با الثيل :D
ـهههههههههههـههههههههـ يازين ها المادة تغيير جو لا تصير تضرب لكم امثلة على ( تقوز وما تقوز):045:
يا بعد الدنيا انتِ انا يوم السبت اجي 8 ولا عندي محاضرة إلا 11 واطلع من الجامعة 3 اصل البيت 4 دايم اتخيل انه فيه تلفريك لمين بيتنا :D إذ جت المحاضرة دحدرت با التلفريك ونااااسة وش رايك با الأختراع :D>>>> ما دوتس تفكر هع لي عودة بأذن الله ( جاء وقت الذهاب للجامعة ،،، بروح البس )
__________________
. |
||||||||||||||||||||||||||||||||||||||
|
|
|
22-03-2008, 04:39 PM
|
#11 |
|
عـضـو
تاريخ التسجيل: Jan 2008
البلد: منلفزه بمكان <<<<<< احلفي
المشاركات: 65
|
ههههههههههههههههههههههههههه
|
|
|
|
22-03-2008, 05:33 PM
|
#12 |
|
عـضـو
تاريخ التسجيل: Dec 2006
البلد: الريـاض.
المشاركات: 531
|
هلا والله بـ كبير النفرات.  وه بسوالله أنتس تخشين الألب وتسكرينه حتى ما أحد يجي بعدك. أول مالفت نظري هذي الصورة._ يقولون الواحد ما يناظر ألا اللي فاقده  يا شكل الألف وهي مصفوفة أنها تجنن أنا فـ _ منتدى ثاني _ خمسين رسالة المسموح به الله لا يغنيهم وكل يوم وهم محمينن تسبدي يقولون العداد يبي أحد يشفق عليه ويكنسه, وألا أحد بيرسل لي ولا يلقى مكان همن يهج  واضح أنك مرتبة من هالألوان اللي تقعدين تنسقين به الخط و هالشغلات. حتى جدولك الأول كان مرتب مثل خشتس بس شكل طلع بتس حبوب وألا تعرجات بـ أسنانك عشان كذا تخربط عليك الجدول _ وجه متعاطف أوييييي _ * جامعتك _ جخة _ هي جامعة الملك سعود.؟ بس عزيمتكم لو شافها حتم الطائي كان ــلقاطي من فوق بيته:D:D:D لعنبو حيكن وش هالأسراف:D..بس الله يقلعك يا أنتِ شهيتين ع البطاطس و التويكـس. * يووه يا جمعات البنات كلها سكر نبات.<< يمديك أزين شي بالحياة إذا أجتمعتي أنتِ و الشلة و*دليتن بالهيصـة _ وجه حزين _ بس أما مقاضيكن تحفة خصوصًا ذوليك الحبوب اللي بالكرتون الأحمر _ نسيت أسمه _ و التويست * ابك تمِرين مِن عند مدرسة وِرعان ولا تشرين العسكريم أبك أنتس وحدة قاسية..قاسية. يا شيخة طمنتين أن لازال أحد متعلق بـهالآيسكريم على طاريه أتذكر قبل أربع سنين تقريًا أدمناه أنا و الماصونات تبعي يمر من عند بيتنا هو وصفارته اللي تقوم الميت من قبره همن تفزع أي وحدة منا وتاثق أن الباقيات ما جابن خبره همن تروح وتوصي أحد الورعات تشري و تكنزه بالثلاجة همن إذا جاء الليل طلعته لنا إيقاله مفاجأة  و على هالمنوال يااااه يخس عدوينك يا بت ذكرتيني بـ أيـاااام جواب لـ سؤالكِ/ إذا غدينا حصة بنت طوني..أي إذا دلينا نهتم بـ أجسامنا المتعكرشة كما جبال طويق هذا و اللهُ أعلم *ريحة مشوي << هذا المستخدم ينتظر ديليت من قائمة الأعضاء*لغير الناطقين باللغة القصيمية دلى / أي بدأ  الصراحة أن الموضوع جازلي وهذي هدية 
__________________
أستغفرالله العظيم من كل ذنب عظيم يالرياض أستخيري وأتركين آخر من قام بالتعديل أم فيصـل; بتاريخ 22-03-2008 الساعة 05:39 PM. |
|
|
|
22-03-2008, 05:58 PM
|
#13 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Jul 2007
المشاركات: 756
|
وعليييييييكم السلااااااام ورحمة الله وبركاته .. هلا والله وغلااا .. ! إزيتس أخبارتس عقبنا قبل شوي ؟نبدا نفصفص الموضوع  !<< تراي منب اعطى وجه لا جاز لي الموضوع ردي يصير اطول منه المهم ماودي اطول لاحقين على التطويل الرسايل الخاصه << مايصيح بس مدري وراه السمايل نشب الا يبي هنا وشسمه .. أقـ أقـ أقـصى حد وصلت له الظاهر انه 100 لا ونصهن من مسس طع تقول خل نقضي حبرهم  << فاضيات والا
كولي حلاو اشوا اني مير مامسحته والا تسان ينط بي عرق يالله ارسلت ذيك  << زوله وهـ ياحبيلتس احببتس اكثثر واكثثر
وهـ انا افداا هالعنوان << ودي اصير دافوره لو بالحتسي بس ميخالف الجامعه كـ جامعه نحبه .. بس كـ دراسه تخسى
يااااااااابنت الحلال خليه على ربتس كلنا احتسنا .. منول اطلع 12 اغلب الايام هالحين الله يقلع ابليس ماعندي الا يومين لا وبعد مزاحمتنا القرمر تقول اباخذكم يوم الاثنين فاضين انتو !مررر يمر تسبدتس ماتدري ان بوهـ ناس على إثر هرجه ينطقون لـ 2 ومايوصلون الا العصر بس يالله اللي مهجدن على أقر ان شاء الله أمااا سوق الجامعه يختي هوَ ملاذنا أينما كنا يختي يكفيتس انه جنب مبنانا يهون علينا شوي مير هه شوفي مبنانا وهـ  < اللي يسارتس < ايقالتس منتب تعرفينه وشسمه .. أماا السوق .. محل الجزم شوفي إمصورته هوّ وينه  ضاعت الصوره بكيفه بكيفه :D هذي صوره بداله شوفوا فلتنا بالثيل  << مااحب اصرف ابد
الله احبه .. اهممم شي ان اسمه مكتوب بالانقليزي والفرنسي ايه بعد بعد مابقي الا هي .. ايه صح باصكم زي باصنا << سبحان الله
ياابنت الحلال .. الحال من بعضوون تشكي لي اروح واخليتس << ايه فاضيه بعد ابكي لتس
أحس شي بالدنياا :D
يعععع قبيحه حقاتنا يهبلن << تسمع بالهبال لا صدز يهبل مبنانا .. بس البلا بررررررررد  اليوم تكسرت من البرد .. حشا والله لو حنا الصيف الصيف على قولة امي
اييه احسن شي انه توسع الصدر .. يختي كرف وقرف مايجن واذا سحبتي على محاضره.. ماتتحسفين بالعكس تحسين تشتهين تسحبين على اللي بعده :D<< تفكير طالبه دافوووره قوه ياااه اثارت مشاعري الجريده صدز اني ماعمري قريته الا انه اثارت مشاعري مير وش صار فتح التحويل << ماسك معي
هههههههههههههههههههههههههههههههههههه وناسه احلى شي انتس تعوضين النكد بوناسه .. يعني سالب × سالب = موجب :D وياخال ابوي حك ظهري ..:D واذا اكلت بصل فـكثر :D والله مير يسلمن ويسلمتس .. والله يديم الوناسه :D
وهـ بس ياجامعتنا
ياااحبيلتس والله انا ولهتن عليكم اكثر والله لو يحصل طقينا خيمتنا بالجامعه لا ابو الدراسه لا ابو من جابه
تبينن اشرح لهم <<
وهـ انتم لو يحط لكم وش يحط ماااااااايمديييكم على حقنا يتبع ونتبع :D ..
وهـ عنوان يشهّي وخصوووصن لاصرتي تتقهوين
يااابنت الحلال .. الحلاو هو المتعه بنات = حلاو .. بنات ـــ حلاو = فاي << وش رايتس اجزم بس على الشسمه
هههههههههههههههههههههههههههههههههههههههههههههههههه ههههههههههههههه ههههههههههههههههههههههههههههههههههههههههههههه ه الله يقلع ابليسستتسس طمنتيين منول احسبه بس حنا اثره كل من جا ينام عند احد قحش زيينا بالضبط .. لاا ومره من المراريت .. رحنا نبي ننام عند خوالي.. لعلّه ماحصل لنا نروح نتقضى تقضي البنات مير يوم جاء اول يوم.. مر اليوم ببطء وجانا تكـؤب فظييع مامعنا بلع بعذرنا مير يوم باتسر جت خالتي رحمتنا كزتنا مع السواق << لاحظي كزتنا مير رحنا ايقااالنا ايقااالنا بس نبي نشري حق يومين محنب مكثرين ابد شوفي ..  هذا ايقاله خفيف لا ورايحين للشثري .. أشك اننا خلصنا سوقهم .. احس انه يقول حسبي الله عليهن جن وقشّن اللي عندنا مير اشوا اننا رايحات بالليل يمديهم يعبون لباتسر وهذي صوره لأحد جمعات البنات المخففه :D  قايليين لكم البنات = الحلاو
وهـ وهـ وهـ ذأ لحااالوووه منوّل يوم اني بالابتدائي كنت اروح للبيت مشي.. كان بوهـ سيارة ايس كريم..كنت اغبي ريالين فسحه عشان اشريه وان قدر الله علي واكلتهن استلف من بنت واشريه بس كنت اناافخ على حق السياره قلت له ورن الحليب وشو يقولون حقكم خربان << ابوي هايشن ستين مليون مره مير يورين واشوف والاو زين .. مير ماصرت اعطي احد يسبه وجه وزرط الله يكفينا الشر هع
يوووه الله يقلع ابليستس وقسم ترا اتشهواا ومن يبي يجيبه عاد << مأساه
أجل بالاحلام اصير حرمه :D والله تسان الحريم بترك الحلاو موب لازم نصير حريم
صيري مثلللي قاطعته هالعبد
وووع الله يحوم تسبدتس بس باارضوه نحبه
وهـ بس شكلتس اليوم ناويتن بي نيه .. يعني تبينن انشب بأخوي يعني << الله يقويتس وهـ يالشوووي وهـ << تلاحظين بكل قصصتس لازم اخق صدز الشوي شي ثااني .. حنا محنب راعين كشتات ومن هيك حكي وعشان هيج نفقد الشوي وترا ميزة الشوي بحوسته :D وهـ الله يقلع ابليستس جعت
طببعن وكااد
ههههههههههههههههههههههههههههههههههههههه شكلتس متوهقه خليهم يستانسون :D << على حسابتس
وش وشو .. نظام .. لا صار بوهـ حريم وبزارين وشغالات حلمي بالنظام والدنيااا فااااانيه يامره :D
يـهــبـــللللن مير أكرمتس الله << لاتلومينن جوعانه
وااملحهن من خرابيط  كل يوم نزلي تسذا وابد اعتبريتس وسعتي صدر أخيتس المسلم :D
الله .. ليتي اقتدي بتس ويروح العجز عن << تيرارااا أحلامن لا تتحقق وهـ وبس قضى ردي انا بعد :D بس قسمن بالله موضوعن بالدمااااااغ حبيته هع متشنكـره أوي أوي أوي أأأد الدوونيا على هيج موضوع :D ونشوفج على خير خيتوو
__________________
[MEDIA]http://bedour.1410.googlepages.com/tAbd.mp3[/MEDIA] < ياااه :113: ؛ [Que ce qui a échoué aujourd'hui reste encore possible demain ..si souri] آخر من قام بالتعديل مس هع; بتاريخ 22-03-2008 الساعة 06:20 PM. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
22-03-2008, 06:04 PM
|
#14 |
|
عـضـو
تاريخ التسجيل: Jul 2007
المشاركات: 756
|
وهـ تم الرد اخيرن..
واستري ماواجهتي .. وشسمه ذا ترا بعض الحروف ماتنضغط خبرتس عقب حادثة امس يعني لاشفتي حرف ناقص منا والا منا غمضي ولا تسنتس شفتيه ويالله نشوفتس على خير :D
__________________
[MEDIA]http://bedour.1410.googlepages.com/tAbd.mp3[/MEDIA] < ياااه :113: ؛ [Que ce qui a échoué aujourd'hui reste encore possible demain ..si souri] |
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
