[profesor]

انا ابي اتا جر بس بشرط (((((((بـــــــغــــــــيــــــر الاســــــهـــــــم)))))))وش رايكم واربح فيه

[الصقلاوي]

.



تاجر باللي يعجبك وترتاحلة

كل المجالات الحمدلله فيها ربح

وش اللي يمنعك

إذا موجود راس المال

توكل على الله و الله يوفقك




تحياتي لك
أبـــ(صقل)ــــو

.

[&شقردية شمر&]

ياليت بعطورات جديدة وأشكال حلوة وبدهن العود الزين

ملينا من ألي عندنا نبي جديد

>>إتشرط..

[عصير بارد]

تاجر باللي تبي لكن ابتعد عن الشبهات والمحرمات

وفقك الله ورزقك الله الرزق الحلال الطيب المبارك

[ssoss]

يمدحون سوق الخضرة والتمر

[الزلم ابن الزلم]

وفقك الله ورزقك الله الرزق الحلال الطيب المبارك

[بقايا ذكريات]

مرحباً عزيزي ..

رزقك الله من أوسع أبوابه وحفظك من كل مكروهـ .
لم تحدد لنا مبلغ السيوله التي لديك حتى نحدد لك المشروع
ونحدد لك الطريقه وأيهما تختار ., أنتظرك سيدي

[profesor]

والله انك صادز ياsossتمر وخضره
شقردية شمر تراي ما قلت ابي اتاجر انا وياتس ابي الحاليتقولين ملينا لكن انا مجرب العود ودهنهاما دهن العود جابلي حساسيه الحين انا بالعودى وابي اغير مثل بصطه ولا على ما قال اخونا ssossتمر وضره وعاد قرب وقته

ومشكورين على المرور والردرود

للتواصل:::
c.cc3@htmail.com

[profesor]

طيب بعظكم يقول وفقك الله ووووو... امين لكن
انا اقول ابي اتاجر بوشو اتاجر هذا قصدي


للتواصل:::
c.cc3@hotmail.com

[زحـل]

هلا اخووي برفسور الله يوووووووووووووفقك يارب ونشوفك اتجر تاجر بالعالم يحسدك بيل غيتس



طبعا صعب تحديد الشغلة لكن انت وين تشوف مكانك ؟
تحب التردد او السفر (علشان البضائع تجيب تودي زي كذا) او جلسة بمكتب او نقل وشيل وحط
يعني ناس تحب تفتح محل عقار مثلا علشان يتكي بالمكتب ويجون خوياه وقهيوة يالله من فضلك ورزق
وناس تحب تشيل وتحط وتنقل وتقوم الفجريه مع الطيور تشتغل مثل سوق الخضرة ..
وإلا انت قادر على تحمل جميع الآشكال والاشغال عادي تجتمع

انت قلنا حدود راس مالك يعني من كذا لكذا علشان نقدر نقترح عليك ثم تشوف اذا جازلك اقتراحاتنا
او تستفيد منها انت وانا وكل متصفح

[برق1]

أخي بروفيسور

اقتراحات :
أ )
إذا كان مالك دون المئة ألف فـ :
1- يمكن أن تفتح محل وسيط بين أصحاب الأجهزة المنزلية المستعملة وبين المشترين ( سمسار فقط ) أي تعرض ما يريد الناس بيعه بعمولة .
2- فتح محل ( دكان ) في معارض السيارات ليكون دليلا لراغبي شراء المستعمل , ووسيط إعلان لراغبي البيع , على نمط محل مشهور بمعارض النسيم بالرياض
ويحتاج منك هذا جهاز كمبيوتر بملحقاته , وبرنامج لتنظيم أنواع وطرازات وأسعار السيارات , ودوران على معارض السيارات لتسجيل المعروض لديها قدر الإمكان , زيادة على استقبال راغبي البيع من الأفراد
وهذا الذي في الرياض يطلب الواحد منه كشسفا بسيارات من طراز معين ونوع محدد فيطبع لهم النسخة بخمسة ريالات
3- دخول عالم تجارة السيارات المستعملة , تشتري السيارة ثم تحاول تحسينها تحسينا بسيطا فتبيعها ((( فورا )))) بربح بسيط , وهذا يحتاج منك معرفة بأسعار السيارات وتأن عند دخول المزادات ( الحراج )

ب )
إذا كان بالمئات ومتغن عنه :
1- الشراء والبيع بالأراضي كاسب دوما بإذن الله لكنه يحتاج طول وقت بانتظار انتعاش محيط الأرض , وهذا يتطلب ذكاء باختيار منطقة الأرض وصبرا عن بيع الأرض عاجلا , والعقار كاب بحمد الله إلا في النكسات التي تطال كل شيء , وأظننا في السعودية مررنا بنكستين فقط في العقار على مدى العقود الطوال الماضية .
2- شراء عمارة وتأجيرها , فرأسمالك يرتد لك في عضون سنوات لا تجاوز العشر , ويبقى العقار يدر عليك ربحا - إن شاء الله -
3- سوق مركزي في ناصية أحد الأحياء غير المخدومة , مع التنبه لضرورة أن يكون على ناصية الحي ( الطريق الرئيس )

هذه نماذج والله الرازق الموفق ذو الفضل
والمجالات كثيرة غير هذه .
زادك الله وبارك لك في مالك

[&شقردية شمر&]

[QUOTE=profesor;980016]
شقردية شمر تراي ما قلت ابي اتاجر انا وياتس ابي الحاليتقولين ملينا لكن انا مجرب العود ودهنهاما دهن العود جابلي حساسيه الحين انا بالعودى وابي اغير مثل بصطه ولا على ما قال اخونا ssossتمر وضره وعاد قرب وقته

ماقلت اببسط معك أقول ملينا من الأشكال الموجودة بالسوق نبي نشوف شي جديد.

[ميمون]

عندي لك مشروع ما يكلف 10 آلاف بس يبي له جلد، ويبي له رجال ما يحتقر أي شيء.. ومكسبه أضعاف أضعاف..
إذا كنت من هالنوعية من الرجال علمن حتى أشرحه لك..

تحياتي

[ضايق الصدر]

شف ياحيي عندك عدة خيارات ..
افتح بقالات او سوبر ماركة بحي جديد .
وحط لك توصيل ,,
والله الحين البقالات تدخل ذهب
او مطعم فطاير ووجبات سريعه
او مغسلة ملابس تحتاج موقع ممتاز
او مغسلة خاصه بالسيارات وجب لك نيجيريين
او اللي تبي ,,> تعبت
شف بالعربي ..............
الحين كل شي زين , هالوقت وقت شغل ورزق ,, والله يوفقك وحنا الله يوفقنا ,,