[القصيمي2002]

.
.
.

السلام عليكم ورحمة الله وبركاته ,,,,,,,,

أشوف الكل مهتم بهذا النظام منكم مؤيد ومنكم معارض

يا أخوان نظام ساهر - بكل دول العالم موجود على فكرة

بس بالشي المعقول يعني تخيل دخلت الأمارات 11 مرة صورني نظامهم مرتين فقط

علشان السرعة وفعلاً كنت أستحق هذا كنت متجاوز سرعة 140 كم بالساعة شي معقول

لكن النظام عندنا معروف هدفه والله العظيم لو هو لمصلحة المواطن كان عطونا سرعات معقولة

تخيل فيه شارع 40 كم بالساعة كل واحد يجرب منكم يمشي 40 كم بالساعة ويشوف والله ناوين علينا نيه

أو 70 كم بالساعة أو 80 كم بالساعة وتخيل الدائري 110 كم بالساعة ما أدري من وين جايبين 110

كم بالساعة يعني الرياض الدائري 120 كم بالساعة يعني شي معقول رغم إن الدائري عندهم مزحوم

لكن حنا 110 كم بالساعة وكل ساعة تمر سيارة كنت مؤيد لكن لما أعلنوا السرعات تعرفت على

الهدف ووش مقصود من نظام ساهر خاصة بالقصيم

والله يحفظكم خاصة والمسلمين عامة

ودمتم بخير

.
.
.

[احساس خاطر]

الله يعين بس

قسم بالله ان يلغوونه اصبر انت بس

[الفهد الأسود]

الامارات الدائري 100 كم بالساعه ..

وأبشرك مافيه كاميرا الا لقطتن مهب معقول أبمشي من الحدود لين دبي 450 كم تقريبا تمشي 100

صراحه السرعه غير معقول أبدا الدائري أقل شي 120 والطرق السريعه داخل الديره تكون 100 هذا أفضل شي

مهب معقول نمشي 70 أو 60 ..

[الفهد الأسود]

اقتباس المشاركة الأساسية كتبها احساس خاطر الله يعين بس قسم بالله ان يلغوونه اصبر انت بس

والله ما يلغونه هذا يزيد دخلهم .

[القصيمي2002]

اقتباس المشاركة الأساسية كتبها أحساس خاطر الله يعين بس قسم بالله ان يلغوونه اصبر انت بس.

يلغونه هههههههههههههه جتهم من الله تبي يلغونه يتباشرون وأنت تقول يلغونه

اقتباس فهد الأسود : والله ما يلغونه هذا يزيد دخلهم

والله إنك صادق الله يعين بس

[جساس1000]

سيكتوون بها في نار جهنم

الله لايسامحمهم

[ابو خرخير]

الله يعين

[يوسف 2000]

وش وراكم مستعجلين وليش السرعة ياخوي زمان كان الناس يتنقلون على اقدامهم ثم على الحمير والأن سيارات واسرع الف مرة من الحمير فماذا نريد اكثر من ذلك فالسرعة لا فائدة فيها وفي العجلة الندامة ومع التعود ستصبح عادية جدا وكل تغيير يحصل في حياة الناس يحاولون ان يقاومونه حتى لوكان افضل من السابق لهم وهذا طبيعي في كل اجناس البشر ومع الترويض ستتعود وتحب هذا النظام وتشكر من وضعه وتدعي له .

[القصيمي2002]

اقتباس المشاركة الأساسية كتبها يوسف 2000 وش وراكم مستعجلين وليش السرعة ياخوي زمان كان الناس يتنقلون على اقدامهم ثم على الحمير والأن سيارات واسرع الف مرة من الحمير فماذا نريد اكثر من ذلك فالسرعة لا فائدة فيها وفي العجلة الندامة ومع التعود ستصبح عادية جدا وكل تغيير يحصل في حياة الناس يحاولون ان يقاومونه حتى لوكان افضل من السابق لهم وهذا طبيعي في كل اجناس البشر ومع الترويض ستتعود وتحب هذا النظام وتشكر من وضعه وتدعي له .

كلامك معقول

لكن هل تسمي مثلاً 100 داخل المدينة عجلة على الأقل 90

40 أو 70 أفضل نوقف هع