[دفا]

مع خالص التحية

احد الزملاء يشتكي من تسلط زوجته والمشكلة بينهم اولاد والزوج تفكيره صح يقول انا
اعيش عشان اولادي ولكن الزوجة تتسلط في كل شيء كل يوم بزود وصل حالها انها تجلس
لوحدها بالسااعات وتحاول تشتغل اذا صرت بالبيت سئلته ايش الاسباب ولكن اوضحت له ان
لايقول الاسرار لان ليس لي حق معرفتها ونصحته ان لايقولها لاي شخص ؟؟؟؟


المهم فمهت منه تدرج المشكلة بالشكل الاتي :

غيرتها الزاااايده
تسلطها امام اولاده تحاول تحرجه بكلام قوي
مثلآ اثناء تناول الطعام لاتجلس معهم اذا كان االزوج موجود
اثناء الذهااب للسوق تعصب وتوصل غيرتها لسب الحريم المتنقبااات ليه تقز
بعض الاحيان تتفاخر باهلها اذا اشتد النقاااااش
يطلب منها زوجها تذهب لامه زياره احياننآ ترفض تقول اذا ابي اروح اروح بكيفي
( بهذي لي تحفظ قلت له اذا تبي تبر بامك انت اخدمها ليس واجب على زوجتك )
واقنعته بالشيء لان الزوجة واجب عليها رضاء زوجها وبس

المهم كثير اشياء تحدث بينهم حتى اني قلت له
لااااازم تقراء عند شيخ يمكن عين او سحر

الرجااااال مهموووم بالمررررره وما يبي يطلق زوجته عشاااان اولاده
حسب كلامه يقول افكر انا اطلع من البيت وابحث عن منزل لفترة سته شهور
احااول ابتعد عنها عل وعسى تخف حدت المشاكل

واللي قاهره يقوووول انا اشك ان فيه احد يفرك رااااس زوجتي


اخواني الاعضااااااء

ابي راااايكم وش يسوي عشااان يعدل زوجته
مع انه يحترمها ويبغاها
ويقول زوجتي طيبه على نياااتها كل شيء يثيرها اعرفها زين


سلام

[ام الوريدات]

عندي حل
يجرب يقول بروح زواج صديقي متزوج على زوجته
مثلا :يحاول يصير غامض عشان ما تدري ايش عنده ومايكثر الكلام معها
والله يصبره ويسخره له

[دفا]

اقتباس المشاركة الأساسية كتبها ام الوريدات عندي حل يجرب يقول بروح زواج صديقي متزوج على زوجته مثلا :يحاول يصير غامض عشان ما تدري ايش عنده ومايكثر الكلام معها والله يصبره ويسخره له

كل الافكاااار ان شاءالله سانقلها له
واتوقع هذي الفكره ستغير المشكله جذري
يموت ولايتزوج عليه

[دفا]

^ ^ ^ ^
نسيت
اشكرك على النصيحه ام الوريدات

[ابواتليم]

الحمد لله

[أبوسياف]

دائما وابدا الزوج يتحمل اخطأه والرمح من أول ركزه لكن رفيقك ذا اسمحلي ماله شخصيه ولاهيبه قدام زوجته وصدقني من واقع تجربه اي زواج فاشل فهو من الرجل السبب انه مايضبط اموره من اول يوم مثل التعامل مع الزوجه والبنت لاعرفت ان وراه رجال مايطلع منه مثل هالمور خل رفيقك يراجع حساباته من جديد .

[صمت النار]

اقتباس يطلب منها زوجها تذهب لامه زياره احياننآ ترفض تقول اذا ابي اروح اروح بكيفي ( بهذي لي تحفظ قلت له اذا تبي تبر بامك انت اخدمها ليس واجب على زوجتك ) واقنعته بالشيء لان الزوجة واجب عليها رضاء زوجها وبس

الله يهديك اخوي دفا

وش هالكلام ..

كيف تقول اذا تبي تبر امك انت اخدمها ,, ليه وزوجتي وش موقعها من الإعراب ..؟؟؟
لا شكرا كثر الله خيرها وانا متنازل لاتخدمني ولا شيء بس تخدم أمي
واذا ماتبغى تخدم امي ولا تزورها , فبيت ابوها اولابها , وبنات الرجال واجد , الدنيا بخير ..

وصدقني وثق ثق تامة وأكيدة الزوجة اللي ماتحترم اهل زوجها ولا تحب وصلهم ( إن لم يكن فيهم شر أو مشاكل ) هذه لاتصلح أن تكون زوجة ولا أم , وأقسم بالله العظيم ماعليها حسوفة ..

ومن ناحية هذه النقطة , سلملي عليه وقول له يقول صمت النار : امنعها من زيارة أهلها لمدة شهر أو شهرين , وخليه يقول لها بكيفي اذا بغيتك تروحين تروحين .
وخله يشوف ردة فعلها ساعتها ..

يابعد قلبي انتبه من هذه النقطة

راح ارجع لموضوعك للتعليق ولكن صدقني هذه الزوجة متسلطة وإذا صاحبك ماتدارك الأمر راح يندم بعدين حتى اولادة لن يجد منهم إحترام له ..

وبما انك سألت عن الرأي ,, حبذا لو بيّنت كم لديه من الاولاد وكم فترت زواجهم ..

[صمت النار]

اقتباس المشاركة الأساسية كتبها دفا كل الافكاااار ان شاءالله سانقلها له واتوقع هذي الفكره ستغير المشكله جذري يموت ولايتزوج عليه

لا انتبه من هالنقطة هذي بالذات

لايجيب سيرة الزواج عليها أبداً , ولا حتى من باب التلميح . ( ولا هي من اسلوب الرجال هالطريقة )

صدقني لو قال لها ودي اتزوج بتقول له : تزوج عادي

انتبه انتبه انتبه يجيب سيرة الزوج ..

[عين الحقيقة]

نصيحة دعه يتصل بأحد المختصين ....
فقضايا أسرية تصل إلى درجة التفكير بالطلاق !
لاينبغي عرضها على من هبّ ودب ّ ..!

فهناك من يدلي بدلوه وهو أصلاً لم يتزوج !
ولايعرف الحياة الزوجية !

فالأفضل أن تجعله يتصل بالشيخ عبدالرحمن المحرج أو الشيخ عبدالعزيز المقبل

فلديهم خبرة كبيييييييييييرة في حل المشاكل الزوجية ..

.

[حلا...]

صحيح بس يلمح لها بالزواج ويشوف

[طموح مشرق]

أنا مو وجهة نظري يراجع نفسه ويعمل لها جلسة خاااصة بدون الأطفال وبمكان حلو غير المنزل ممكن فندق شاليه ووو ويبدأ يصارحها وويبدأ حياة جديدة ويشوف ليش تعمل كذا ولا يبخل على نفسه من إستشارة المختصين بهذا الشأن كأمثال المقبل والمحرج ولا تنس أخي..الدعااااء الدعاااااااء بإن الله يصلح مابينكم..
دعواتي لكم بحياة زوجية سعيدة

[صبح صبح]

هلا باخوي دفا .. وشلونك عساك طيب ..؟



اممممممم .. قريت المشكلة .. واتوقع ان حله سهل جدا ..

يعني الحمد لله .. عندهم وبيت .. وامورهم شبه ماشيه ..

انا من رايي تخيل خويك يتنازل شوي .. ويروح لمه او يدق عليه

ويقوله لا تعشين اليوم .. انا بعشيك وخلي العيال ينامون ..

خلهم يروحون جميع ويتشمون ولا يفتح الموضوع ابد

مجرد يدخلون مطعم ويطلبون وياكلون .. واذا اكلو وخلصو يطلبون شاهي

يعني شغل روقاااااان اخر شئ ..

وبعدين يفتح الموضوع .. لاكن المشكلة هنا .. وش يقوله بالضبط .!؟

اول شئ او اهم شئ .. يذكر محاسن البنت ..

يعني مثلا .. انتي كلك حلوهـ ورهيبه وتجوزين لي واحبك قووووة

لاكن بك عييييييب (بسيييط) وقاهرن واتمنى انك تغيرينه ..

ويذكر له العيب .. ويقوله المشكلة .. لاكن بدون غضب او نظرات غضب ..

خله يصير تقل مكتوم من تعامله عشان تحس بتانيب ضمير ..

وهي اصلن راح تكون متفاهمه جدا جدا من مجرد ماقاله نبي نطلع نتعشاء برا ..

يعني راح تكون متجاوبه معه من زمااان ..


هذا الحل اللي عندي .. لاكن قل لخويك تراه السالفه ماتستاهل تتطلع برا البيت

كل شئ يجي بالتفاهم .. مو الهروب من المشكلة ..

يناظر مصلحة عياله ومصلحة زوجته بعد ..



وووووووو .. بس

[متصفحة]

سأحلل الموقف من وجهة نظري .. وحسب مافهمت من سياق القصة ..

رفيقك ضعيف الشخصية أو مسالم نوعًا ما ..

هادئ الطباع , صبور , تفكيره بيومه فقط , يحب زوجته كثيرًا , يحس أن الزواج مجرد خدمة إنسانية

يتبادلان فيها المصالح العامة مثل إخدمي أمي أخدم أمك .. وهكذا , لآيحب المسؤلية , كثير الجلوس مع رفقائه أو لوحده بالمنزل ..

زوجته إنسانة قيادية , تطمح للأفضل دائمًا , عاطفية , تفتقر للجو الأسري الذي تعيشه بمنزل أسرتها سابقًا ..

لذلك يجب عليه أن يأخذ بزمام الأمر ..

يكون هو المدبر الأول والأخير بالمنزل , يبهرها بقوة شخصيته , يحاول إسعادها بأشياء بسيطة جدًا تعبر عن الرومنسية المفتقدة بالمنزل .. مثل حفل عشاء بسيط , أو وردة حمراء بين كل فترة وفترة ..

يجب عليه تجديد الحياة مع زوجته وأولاده ككل ..

يجب عليه ان يرسم خارطة طريق للعائلة أجمع ..

يجب عليه تحديد يوم أو يومين بالشهر ك جلسة عائلية يقضيها معهم بعيدًا عن شقاء الحياة ..

يبين لها أنها وابنائها أهم من رفقائه وذلك بمناقشة امورهم وتلبية متطلباتهم ..

كل ذلك بحدود المعقول سوف ينعش الحياة الزوجية من جديد ..

ولا يوجد من يعيق الحياة كما ذكر ولكن هو روتينها الممل دعاها لإختلاق المشاكل

فقط لجذب الأنتباه لها ..

[صافية]

:

اقتباس المشاركة الأساسية كتبها صمت النار الله يهديك اخوي دفا وش هالكلام .. كيف تقول اذا تبي تبر امك انت اخدمها ,, ليه وزوجتي وش موقعها من الإعراب ..؟؟؟ لا شكرا كثر الله خيرها وانا متنازل لاتخدمني ولا شيء بس تخدم أمي واذا ماتبغى تخدم امي ولا تزورها , فبيت ابوها اولابها , وبنات الرجال واجد , الدنيا بخير .. وصدقني وثق ثق تامة وأكيدة الزوجة اللي ماتحترم اهل زوجها ولا تحب وصلهم ( إن لم يكن فيهم شر أو مشاكل ) هذه لاتصلح أن تكون زوجة ولا أم , وأقسم بالله العظيم ماعليها حسوفة .. ومن ناحية هذه النقطة , سلملي عليه وقول له يقول صمت النار : امنعها من زيارة أهلها لمدة شهر أو شهرين , وخليه يقول لها بكيفي اذا بغيتك تروحين تروحين . وخله يشوف ردة فعلها ساعتها .. يابعد قلبي انتبه من هذه النقطة راح ارجع لموضوعك للتعليق ولكن صدقني هذه الزوجة متسلطة وإذا صاحبك ماتدارك الأمر راح يندم بعدين حتى اولادة لن يجد منهم إحترام له .. وبما انك سألت عن الرأي ,, حبذا لو بيّنت كم لديه من الاولاد وكم فترت زواجهم ..

للأسف أغلب حالات الطلاق بسبب هذه المشكلة وللأسف لأنها تافهه جدا

اذا صار ذابحه البر ويجبر زوجته على البر بأمه

يا ناس الدنيا تغيرت الامهات ألحين يخدمونهم الخدم وبنت الناس اذا قدمت شي فهو من طيبها وكرمها واذا ما قدمت شي ماهي ملزومة كثر خيرها اذا سلمت وزارتهم وكانت لطيفة معهم بالكلام

احد زميلاتي طيبة جدا وكان زوجها بره بأهله فقط عن طريق زوجته فيجبرها بزيارة امه يوميا مما أدى الى حدوث غيرة بين الزوجة والاخوات ولأنهن يتضايقن منها كل يوم عندهم مما أدى الى حدوث مشاكل وانفصالهما عن بعض

وأحد الامهات الكبيرات جميع زوجات ابنها طيبات معها جدا وعايشات مع ابنائها بسعادة واستقرار ولما سألناها قالت اني ما أطلب منهم زيارتي دائما واقول لابنائي لا تحضروا زوجاتكم الا وهن راضيات جدا وموافقات على الزيارة

المطلوب من الزوجة هو الاحتـــــــــــــــرام فقـــــــــــــــــــط وغيرة زود وكرم منها لا تكرهوا زوجاتكم بأهلكم ولا تكرهوا أهلكم بزوجاتكم

اي واحد مقبل على الزواج لا يهدم بيته بسبب اهله ، اهلك كل اللي يبون انك تتوفق مع زوجتك وتعيش معها بسعادة



لصاحب الموضوع اخي دفـــــــا اعذرني لردي على صمت النار

وبالنسبة لصاحبك فلا يمكن التوصل لحل مشكلة زوجية الا بعد سماع كل الطرفين فالافضل لهما الاتصال بمستشار اسري