[نــديم الجــرح]

.

السلآآآآآآآآآآآآآآم عليكم

حي الله الورعات كلهن

والله ياأنا ولهتن عليكم ()" وش علومكم ؟ وش مسوين بهالإختبارات الله يمحآآه ؟ دميجتي يالله أرفعه أعوذ بالله ! منترسه معلومات إلى الدفنة !
عاد يَ ليتهن على سنع

أما الحين يالله لك الحمد إذا لفيت يمين أحس أنه تفححط من قوة ماهي فاضيه >

اي صح مبرووك عليكم الإجازه ولو أنه ماتسوى
بس حنا أملنا بأبو متعب كبييير يبي يهديه الله ويمدده أسبوع زياده إن شاء الله

ودكم نخش بالموضوع ؟

ما قد أحد منكم قعد يتذكر روحه والأشياء الي كان يسويه يوم هو بزر 3> ?

يآخي والله يوم إني بزر أشك أن مخي نخارير الله يعزكم بب مخ ! .. أجل ذاك اليوم منسدحه قدام التلفزيون أناظر توم وجيري ..
وطفشت بصرآحه مابه الا أنا كل البيت نايم .. مار تطن براسي فكرة ! .. قلت ورآي ماأكسر التلفزيون وأفزع مع جيري
< هالطرمبة تحسبه لا كسرت التلفزيون طلعوا له توم وجيري صدز ههههههههههههههههههههه مير أشوى أني ماتهورت وكسرته

لا ودوكم الموقف الثاني .. مرتن من المراير منجطلة قدام المكيف .. وأبدأ أفكر وشلون يطلع الهواء البارد ذا .. إييييييه بس لقيته ..
ذولا عيآل الفقراء متسدحين من ورى المكيف ويهفووون !
لا والنكته إذا سرب المكيف أقول إييه ماورى جودهم هالضعيفين سعبلوا ذذ .. همن أرحمهم وأطفي المكيف < ولو رحومه اسم الله علي ()"

يآأخوك والله يالبزارين ذولا حاجه خنفشاريه بس حنا ماعرفنا لهم

وأنواع ترآهم .. شئ يجيك خرررررطه تلقى أمه وأبوه يجحدوون وهالنتفه كابن عشاهم ذذ

وبعضهم يجيك بجيييح ولا يهمه أحد .. مثل وحده تقول رجلي عنده عزيمة رجآل ..
المهم حطيت العشاء وقلت لولدي الصغير إذا خلصوا الرجال دخلنا أنا وياك عقبهم نتعشى ..
قلطوا الرجال تقول ومادريت الا البزر مدرعم عندهم ويقول : هيييييه لا تخلصون العشاء ترى أنا وأمي ماتعشينا ذذ
< أنا بس ودي أشوف وجه أبوه وقته

وبعضهم يسألك أسئلة يخليك تحللف أن هالقملة الي قدآآمك لاكبر يبي يطلع نيوتن والا أديسون حدآهن ..
صدز أسئلة ماتدري وشلون فكر به ، أنت الي فرحن بعمرك ماتسد جت ع بالك أصلن .

وشئ يجيك بدون مكينه .. مثل بزر الله يذكره بالخير اسمعه يقول لأمه ( يمه وشلون أصير قرد ؟ ) < نو كومنت ذذ

والا وحدة يوم هي بزر كانت تجمع قوآآآطي البيبسي الفاضية والقراطيس وتحطهن بدرجه إيقآآلك عنده أغرآض مثل خواته الكبآر ذذ > ماهيب أنا ترى

+ كل الي أبيه منكم يامهسترات تنفضون الغبار عن ذكرياتكم ذيك الأيام
والي الذاكرة عنده مضروبة ميب مشكله تجيب لنا من متخرمات بزارينهم < يعني بكم بكم

فمان الله

[جنَــاحُ حُلمْ]

هـلآ بيتس
ليتس مخلصه من زمـآن
بشوفتس وبطلتس عقب ماخلصتي نصير بخير

تعالي مقدمتس لحـآله

الله يقلعتس توم وجيري أجل مسآعدتهم الـ 3 ذذ
على طـآري توم وجيري منول أنا أنهبل لاشفتهم وأنفتن بملاحقهم
يختي ستايرهم كشخه ولا الباب تجيتس بتحته فتحه فخمه
اللي يندعس الفار من عنده
عـآد دآيم أفكرشلون أكسر التلفزيون وآخذهن
وتذكرين مرت باباي هالزيتونه
تعجبن تنورته وودي أخذه
بس لاوست من ورآء التلفزيون ألاقي أسلاك وخطوط وبوه صندوق صغير
عاد أقول عيال الكلب مغطينهن عشان ماناخذهن

نديموه تذكرين كمبيوتر العائله وسيقا الظاهر تسذآ أسمه
بوه لعبة الثعبان
عـآد أتهاوش أنا وأخوي عليه ودآيم حوسه لاقعدنا نلعب بوووه
عـآد أومي وش كانت تسوي عشان مانتهاوش
تخض ديد صغير وتحطه بجنب الكمبيوتر وتروح وتقول خلوه يرضع عشان
تلعبون وهي فاصله الصلك ومغبيته
> لاتذكرت هذي وقصم أحس أني كبرت بعقلانيه مفهيه للأخر


أتمنى أن الملك يالبي دعوتي بأستكمال الأختبارآت
للترم الثاني حتى نرى موضوع أخر :

d

نديم لبى قلبتس وربي أنتس فخمه أنتي وموضوعتس
لي عوده

[نــديم الجــرح]

.

جناح /


يَ أهلللللن وسهلللللللن .. لالا تحرجينا تسذا حبيلتس

اقتباس نديموه تذكرين كمبيوتر العائله وسيقا الظاهر تسذآ أسمه بوه لعبة الثعبان

لا ماأعرف الا صخر < فيس يعآآطس

اقتباس عـآد أتهاوش أنا وأخوي عليه ودآيم حوسه لاقعدنا نلعب بوووه عـآد أومي وش كانت تسوي عشان مانتهاوش تخض ديد صغير وتحطه بجنب الكمبيوتر وتروح وتقول خلوه يرضع عشان تلعبون وهي فاصله الصلك ومغبيته

ههههههههههههههههههههههههههه ههههههه الوآآآلده لاقيتكم أجل كني بكم مقآبلينه متى يشبع اي والله أن العقل نعمة ياشيييخ ذذ


صدز والله يآهن هآآكتن علينا هالأمهات أذكر اميمتي إذا صحت عليه قلت له أبي أغيب كل البنات يغيبون .. تقوول خلاص إذا كتبتي القطعه الي بالقرآآءة خليتس تغيبين الخميس والجمعة .. همن أتشقق من الونآآآسه أقوول إن بغيتي أكتب نصص المنهج بس همآآتس بتغيبينن يومين

لبى كلكِ جنآحي : $

[• إنِدثـار~]

.

اقتباس السلآآآآآآآآآآآآآآم عليكم

وعليكم السلآآآآآآآآآآآآم والرّحمه ..

اقتباس حي الله الورعات كلهن

يآآهلآآآ يآآهلآآآ .. الله مير أنه يحييتس

اقتباس والله ياأنا ولهتن عليكم ()" وش علومكم ؟ وش مسوين بهالإختبارات الله يمحآآه ؟

حتى أنا ولهتن علينآآآ ..
يَ ششششيخه الله يمممحقه ستّ امتحآنو على قولة أبعآد
هي خلّت بنآ حآآآل >تنفخ لأشوته

اقتباس دميجتي يالله أرفعه أعوذ بالله ! منترسه معلومات إلى الدفنة ! عاد يَ ليتهن على سنع أما الحين يالله لك الحمد إذا لفيت يمين أحس أنه تفححط من قوة ماهي فاضيه >

آآبد .. تحلفين أنتس متحنييه
هذآك .. لآمنتس جيتي تسلمين من الصّلآة اكود تلفين كلتس

اقتباس اي صح مبرووك عليكم الإجازه ولو أنه ماتسوى بس حنا أملنا بأبو متعب كبييير يبي يهديه الله ويمدده أسبوع زياده إن شاء الله

أبو متعب بيجي من أمريكآ مدري جآء .. أبشري بالمكآرم إن شآء الله ,, الله يعزّه

اقتباس ودكم نخش بالموضوع ؟

لآ اصبري شششوي يآشيخه
وشوله العجله
خوذي لتس فنجآل وعيني من الله خير , والصّبآح ربآآح

اقتباس ما قد أحد منكم قعد يتذكر روحه والأشياء الي كان يسويه يوم هو بزر 3> ?

هجججججججججججججججججججي

اقتباس يآخي والله يوم إني بزر أشك أن مخي نخارير الله يعزكم بب مخ !

وخزززيآآه نديم عيب هالحتسي --> إيقآله مؤدّبه لأشوته
أصلاً عقول البزرآن توّه ماجمدت ..للحين تخضخض

اقتباس .. أجل ذاك اليوم منسدحه قدام التلفزيون أناظر توم وجيري .. وطفشت بصرآحه مابه الا أنا كل البيت نايم .. مار تطن براسي فكرة ! .. قلت ورآي ماأكسر التلفزيون وأفزع مع جيري < هالطرمبة تحسبه لا كسرت التلفزيون طلعوا له توم وجيري صدز ههههههههههههههههههههه مير أشوى أني ماتهورت وكسرته

لآلآلآلآلآلآلآلآلآلآلآلآلآلآلآلآلآلآ
أروووووووووووووووووح وووطي أنآ مع الفزززعآآت
فكّي عمرتس يآشيخه ذولآ مآيموتون أبد
أنتِ بس لو تجيتس كَمخه على الدميجه ولآ فلقة تسآن مآتشوين أبد
هذا إذا كتب لتس الله عمر

اقتباس لا ودوكم الموقف الثاني .. مرتن من المراير منجطلة قدام المكيف .. وأبدأ أفكر وشلون يطلع الهواء البارد ذا .. إييييييه بس لقيته .. ذولا عيآل الفقراء متسدحين من ورى المكيف ويهفووون ! لا والنكته إذا سرب المكيف أقول إييه ماورى جودهم هالضعيفين سعبلوا ذذ .. همن أرحمهم وأطفي المكيف < ولو رحومه اسم الله علي ()"

ندييييييييييمووه أولآلآآآآه .. من هآكن عليتس وقآيل لتس تخيلي بسس
لآ ولوو .. كبرت بعيني يوم شفتس ذهآآآآنتس

اقتباس يآأخوك والله يالبزارين ذولا حاجه خنفشاريه بس حنا ماعرفنا لهم

تهقين تسذآآ

اقتباس وأنواع ترآهم .. شئ يجيك خرررررطه تلقى أمه وأبوه يجحدوون وهالنتفه كابن عشاهم ذذ

وتتكآآآثر هذه النوعيآآآت بشكل فضيييع
والله من عشششآء وعشششآء كبينآوه ..

اقتباس وبعضهم يجيك بجيييح ولا يهمه أحد .. مثل وحده تقول رجلي عنده عزيمة رجآل .. المهم حطيت العشاء وقلت لولدي الصغير إذا خلصوا الرجال دخلنا أنا وياك عقبهم نتعشى .. قلطوا الرجال تقول ومادريت الا البزر مدرعم عندهم ويقول : هيييييه لا تخلصون العشاء ترى أنا وأمي ماتعشينا ذذ < أنا بس ودي أشوف وجه أبوه وقته

احمدي ربتس بوه موقف أررردى من ذآآآآ ..بس محجووب ذذ
( لا دخلتي المسن علمتتس )

اقتباس وشئ يجيك بدون مكينه .. مثل بزر الله يذكره بالخير اسمعه يقول لأمه ( يمه وشلون أصير قرد ؟ ) < نو كومنت ذذ

زززين ..زززين .. أزين من اللي وده تصير زورو

اقتباس + كل الي أبيه منكم يامهسترات تنفضون الغبار عن ذكرياتكم ذيك الأيام والي الذاكرة عنده مضروبة ميب مشكله تجيب لنا من متخرمات بزارينهم < يعني بكم بكم

شششووووفي ..
المخيخ الآن تحت الفرمته .. لامنّنآ زبطنآوه نكست لتس برد دبل هالرّد --> هجج يَ ولد


ندييييييييييييييييييم

يَ شششيخه لبّى العربآن انتِ
مآقآلتس أحد انتس توووسعين الصدر صدز
عآد أنا مصرآني آآيله للتمزّع .. ماغير أقرى وأضحك
الله مير يبآرك بهالإجآزة اللي خلتتس تكتبين لنآ موووضوع

كل دآيم سيري أولآه

( ردي قصير ولآ ؟:؟ )

[فسفوريه]

وسعدكم انا راحت طفولتي وانا مافرغت به طاقتي ماشيه على السراط المستقيم كله من آآمي موهقتن انتي بنت مؤدبه , مشاء الله عليه لاحاست تضف حوسته , مشاء الله عليه ماتزعج , مشاء الله عليه تنام بدري >> وهالضعيفه راح عمرهـ وهي مهكوك عليه ماوعيت بروحي الابالمتوسطه الاهـ مايمدين اتلاحق عمري اسمه اللي راحت علي ..

[شًقِـــآؤٍة صًِغَآرٍ]

أذكر يوم كنا صغار انا وخواتي2 واخوي من أبوي عاد لاجتمعنا طلعت فراعنتنا
المهم كنا نقوم 8 الصبح لاافطرنا رحنا البقاله بجنب بيتنا ونحمل من مالذ وطاب ولا جينا نحاسب نقول سجل على حساب (فلان ) جيران لنا بعيدين والهندي يسجل على نياته ونرقى السطح عشان محد يطيح بنا وناكل
..يمكن جلسنا اسبوع ومره كالعاده رحنا نبي نسجل ونشيل ونقشقش يوم جينا نحاسب اومير نشقص بأماكنا اثر ولد الجيران الكبير بالبقاله ياويلااااااااااه خفنا يفضحنا الهندي
حطينا الأغراض بهدوء وووووورررررركض ع الباب هجينا ماردنا الا فرشنا
عاد يوم عجزنا وعيلنا تصدقنا ولا محد طاح بنا الا هاذي اللحظه وكل ماتذكرناه متنا من الضحك

[فوفو المزيونة]

ههههههه نديم والله فطست ضحك

طيب خوذو هالموقف...........
يوم كنت صغيرة تقريبا عمري سنة او اقل
اختي طلعت بالشارع تلعب مع بنات الجيران عاد اختي طافتن بي وودة تجخ بي عند البنات
شالتن وطلعت بي للشارع عشان توري البنات اختة الصغيرة
يوم بغن يلعبن البنات حطتن اختي بصندوق سيارة ابوي عشان تلعب واذا خلصن من اللعب تودين للبيت ....

اختي مع اللعب نسيت ان فية وحدة نفره بالسيارة
امر تدخل البيت وامي خابرتن نايمن
ويجيتس ابوي يبي يروح لمشوار ويركب السيارة ويمشي واختي مادريت عن شي وناسية وابوي بالسيارة يقول اسمع اللي تصيح واحسبة من حدى السيارات اللي عندي ويبتل الصوت عندي واسمع هاالبزر اللي ازعجن بصياحه ويتلفت وش ذا البزر؟؟؟؟؟؟
امير ياقف عند الاشارة ويزود الصياح ويصير قريب الصوت قال ابوي اكيد السياره اللي عندي يوم ولعت الاشارة خضراء ويتفرقن السيارات والصوت للحين يسمعة مير ابوي يصفط على جنب
وينزل من السيارة وش يلقى؟؟؟؟؟؟؟؟؟؟
وانصدم ابوي منين طلعت هالبنت وش جابة هنا؟؟؟ ويشيلن ويرجعن للبيت

[شًقِـــآؤٍة صًِغَآرٍ]

8888
ههههههههههههههههههههههههههههههههههااأاأإأإأإأأأأي
لا مومعقوله هالموقف نكتتتتتتتتتته صراحه

[لؤلؤة بيضاء]

ههههههههههههههه
موضوعتس مهبول

أنا يوم عمري مدري كم
أبوي يروح لشغله بعد صلاة العشا
وأنا ماودي يروح كسل
عاد مرة قلت مابيدي حيلة أخليه مايروح بس بخليه يتآخر شوي
أجي أركب بالسيارة وراا ومقرطة
ماقلت ولا شيء
ولا أحد درا
يوم فتح أبوي باب السيارة وصل يبي ينزل
أجي أقول هاااااااااا
قال بسم الله وش جابتس قلت من أول شيء <<~ أحمق
قلت يالله رجعن للبيت ذذ
يجي أبوي بعد سواد عيني رجع

من مواقف بصابيصنا
بنت أختي فضيحة شوي الله يعطيه العافية
تجي خطمات تقول
يوم أنا بالنفاس ذذ
ولا يوم يجين ذاك الوجع اللي مدري وين
ولا مرة أخوي عنده خوية
تجي تدخل عندهم قالت محمد عنده عامل خخخخخخ

عاد إذا ذكرت شيء جيت
شكرا على الموضوع المنسم

[ٳثمڍ فرζ]

هلا بك نديم ..

كمان أحنا ولهين عليك بالمررره << بتخفيف الراء ..


أملك موقف يدل على سناعتي منذ كنت بزره ..

الله يسلمكم كنت ذيك السنه بخامس أبتداءي وراحت أمي وخيتو التسبيره لمكه ...

وحطو بحلقي بزرين واحد يلبس حفاظه والثاني توه متعود يتركها ..

وأصلا مابينهم الا سنه ..

بزاريين برقبة بزر ثاني ..

راحو يومين وكان خميس وجمعه والخميس به أجتماع عماتي ..

وبيوم الأجتماع كشختهم ولبستهم ولمنا الشنطه حقتهم وأنطلقنا ..


وبينما كنت ألاحق الكبير منهم ولا أستمتعت بيومي ..

راح الصغير لأخر الأستراحه ومحد درابه وكان بوه طين وسبح بوه وجا ..

أقصد جيب لي وهو يلثق ..

مسكته بروح البسه والا المصيبه ناسين الشنطه بغيت أصيح من القهر ..


وأدق على أخوي من جوال عمتي وانا غايصه بي الدنيا من الأحراج ولا يرد وذاك فوق راسي يرغي

مات من البرد >>

بس أشوا حدا عماتي صرفت لي من ثياب ولده ولبسته ..

وعقبه جت الشنطه بس وش عقبه ..

عاد المامي تسأل عماتي عنهم وعن وأشوا رقعوه لي وقالو أنهم ذاك اليوم كانو مرتبين ولبسهم كشخه

ولاتوصخو أبداً ..


مير شكل ردي يبي له موضوع بلحاله ..

شكراً ندومه طلعتي الغبار من ذاكرتي ..

[بـحـور الـشـوق]

إييييييييه ياندومه قلبتي المواجع

أذكر يوم انا بخامس ابتدائي آخر يوم بالإمتحانات الشفهيه وباقي أسبوعين على الإمتحانات التحريريه ..

الموهيم انا كنا نلعب شبرا أمرا شمس نجوم << كانكم تعرفونه

اللي به مناقز بالحبل ؛؛ وأختكم في الله تناقز إلى ماقالت الليله العيد ويوم تعبت قلت خلاص يكفي وأثرهن مع الصجه واللجه ماسمعنن واااااويلتااااااه

ويلقطن الحبل << كان ذاك اللي الأسود المرعب ويشوووووتن فووووق ومير أطيح على إيدي وتنكسر ويغمى علي

ماحسيت بروحي إلا وأنا بالمستشفى وتجبيس ...

بس والله حركه خلون أروح للجنه قبل البنات عشان الزحمه

بس المؤلم إني قضيت الإجازه كله بالجبس ماتهنيت به

[همـس الرحيـل]

؛
وعليكم السلام ورحمة الله وبركاته ~
آصبري آصبري خلين آتربع عدل

آذكر يوم آني يرقه برآبع أبتدائي تقريباً
آنا والبآص معاناة لا تنتهي :"(
بآص هذا طوله /طول قريح بنظري يوم أني بذآك الوقت
والأماكن تآخذ البنات والغالب يكون فيه بنات واقفات
المهوم مالكم بالطويله محدثتكم يوماً مآ جلست بكرسي فتآة أأأ أأ
بعض البنات الله يهديهن إذا تعودت على مكان أو أستقرت على مكان
خلاص يكون معرووووف لـــــــه :"( ما منا الوكآد أنه وحده ذي ـ أوب عشره !
وهنتس هنتس بس تشمين ريحته أو تفكرين بوه
تقيوى علينا بنت اللذينآ وحنا ماتشوفين الا غبآرنا من الخوف
<< حشى معاناة
إيه قدر الله اني جلست بوه مره هههههههههههههههههههههههههههه
وآثره وشسمه عضلات الله يذكره بالخير
وآنا يابعدي يآ أنا
آذكر أني طآآآآآآآآآآآآفه بـ لبس العبايه خلاص برابع كبيره
< بنات عماتي كانن و حتى الان يقولون لي والله أنتس مهبوله يوم أنتس تغطين برآبع خخخخخخخ تعرفون الطفه وبسرعه الله يهدين دخلت لعالم الجديد ما تريث قليلاً آذكر ريحة العباة الجديده أول مالبسته شيء يالله الجنه :")
بس الحمدلله ما تندمت مثل ما يقولن كانن يقولن لي بتندمين ومن هيك كلام :")
هههههههههه يآزين ذيك الايام له طعم خآآآآآص

الموهم نرجع للحكآية
سلمكم ربي يوم جلست بمكانه مآدريت والله ـي أنوه مكانه يوم اجلس بوه
وأنا كلي وقآآآآر بلبسي العبايه << تحسين أني شييييء خخخخخخخخ
< لبى قلبي
جت لمي ذي آومير آنه تسحبن ذيك السحبه الا مادريت الا انا مطروحة آرضاً
تقل ورقه بين آدينه كررررررره
وزود على ذلك آسحبت غطوتي يالا الهول تخيلي

ههههههههههههههههههههههههههه
ههههههههههههههههههههههههههههههه
ههههههههههههههههههههههههههههههههههه

تخيلي نفسك توك متغطيه وما تشوفين الا ظلام يكسوه من الضوء الخفيف الا بغمضت عين آنكشف الستآر وربيييييييييه :"(
عآدني ذآك اليوم شلته بخآآآآآآآطري ولا رآح أنسى الموقف هذآ
ومسموحه آم عضلآت
المشكله أنه عصـ(ـن) يآبس الحين ما تشوفين إلا عظامته !!
مادري وش لون سحبتن
ما آحترمتن وآنا متغطيه :"(
>ههههههههههههههههههههه يآ حبي لي أجل متغطيه


إيه وفي جعبتي الكثير آوقن ذلك لكن لا يخطر شيء الآن
آيام مضت وسنين رآحت بأيامها المليئه بالأحداث الجميله والشينه :"(
والفرح والحزن والحمدلله على كل حآل ليت آيامنا تعود
كآن آكبر همي لعبتي :"( ولا آدري عن الدنيآ

[بريداويةوالهمةقوية]

نديــم والله يافزعتس لحاااله هههههه
وموضوعتس يوسع الصدر

شسمه اذكر مره اخوي بينقل جلسات كثاااار يوم ركبهن بالصندوق
قلت ياحبيلك ودي امسكهن قال خلاص يالله
واركب الصندووووق
وامسكهن كل الطريييق ماشيه صح يوم رقينا الطلعه
ويطيحن علي الجلسات وانا اطيح بالشااااارع
عاد ماقمت الا وانا مسدوحه بالمستشفى رجلي انكسرت
ووجهي مليان دمااان
,,,
شسمه ولد اختي توقعووا وش يخاف منه
يخاف من الفصفص والليمون الاسود
عاد محاتسيتس اذا صار علي المطبخ وهو عندنا احط عند باب المطبخ حبتين فصفص وليمونه
ويحرررررم يمر من عند باب المطبخ
,,,
اخوه اذا قلتي له وش بتصير وانت صغير يقول النصر واذا قلتي
وش بتصير وانت كبير يقول ماهر المعيقلي >>فرق
مير الله يحققله الثانيه
,,
ولد اخوي يقول اذا كبرت بشري
سياااااره >مشينااااه
وبشري بيت >مشيناااااه
وابشري مره >عجزت اتحمل ضحكت
قلت كمل قال
همن اذا شريت مره اضني ولد كبير وولد صغير >> موفر على المره ههههه

ان تذكرت شي نكست

[بـحـور الـشـوق]

بريداويه ؛؛

ذكرتين ببنتي عمره ثلاث سنين وسبع شهور ..

ذاك اليوم زعلت عليه

كان اقوله شوفي (( جمانه )) << بنت الجيران ماتزعل امه

توقعوا وش قاااالت ؟؟؟

قالت أنا ما زعلت أمتس ....

قلت لا والله إلا مزعلتن ومزعلة أمي ...

يااااحبي لقلبه الله يصلحه ..