[إستبرق]

,,

دي دسي , دسي دسي دوه , دور يا مطر .. ما فيه دور
دي دي دسي , دسي دسي دوه , دور يا مطر .. ما فيه دور ..

بالله لعبه ثانيه

سكر مكّر لم لم لم .. نآكل ونشرب لم لم لم .. قيل وقال سوف يقول سكر مكّر لم لم لم
أنا ودي أدري وشّي مكّر , أو لزوم القافيه

يازيننا بالإبتدائي أطعم شئ بالكون والحياة , لما نقعد نلعب هالألعاب , وأهم شئ بالطلعه نفسخ النعال والشراب , ونلعب مليحق
تذكرت اللي آكسرت سني بالإبتدائي الله يسامحه , منوّل كل وقتنا بالدراسه مطابدز بالساحات , وملاحق البساسه
أذكر بمدرستنا دايم نلقى بآخره عيال البساسه البزوره --> تذكرت النكته اللي حجازي يبي يشري لحم حاشي , راح للملحمه ونسى إسمهن قال للي بجنبه , بالله وش إسم بزورة البعير

نرجع لمحور حديثنا

مره طلعنا مبتسرين , ما عندنا حصه سادسه , وسادس عندهم حصه سادسه , المهم قدامنا ساحه ونروح كل جخرن نويدز بوه , من ذاك المنطلق درينا بعييّل البساسه
ومعنا وحده غشيمه الله يصلحه , وتقوم على وليد البسيسه الأبيض وتلمسه وتسذا , يوم جينا من بكرى إثر الأم هاجتن بعييله ومخليتن الملمّس --> يا حياة الشقا ما أخذته عشانه ملموس من قِبل الكائن البشري الآدمي

تسني لاحظت إني بصالة خالتي نوره ع هالسوالف

المهم ,,
مالكم بالطويله , بآدخل بموضوعي ,,
سلمكم الله هذولي الفريند قيرل بتاعي , إعتمرن جميع , ويدقن علينا ويقهرننا
آآآع لا حرام ما يجوز , هن ذا بشقة وحده وبعد أظنهن طلبن من البيك --> كل هالحمق وهو أظنه
وقلت لهن جيبن لي هدايا وتسذا , سمحوا بخاطري

عاد هن الله يجزاهن خير ما قصّرن جابن لي هدايا خوقاقيه وفخمه --> وعشقن لا ينتهي مع هالفيس

يا حياة الشقا , آخر الوقت تشوفينهن يدعسن الهدايا بشنيطي ياعلّي ما أعدمهن

يالله بسم الله ننطلق مع حقاق مكه

.
.
.
.
.
.

^^^
الهديه أو ( الحقاق ) بشكل عام ...

.
.
.
.

^^
هذا سلمكم الله , لولا الله ثم هو تسان ما جنن الهدايا وتسذا
هي رفيدزتي --> حسيت إننا تقل داخلين إستراحة عيالين على رفيدزتي , مفرد رفدزياي

دقت علي وقالت هالحين أنا بوسط الحرم , ومير إني بعزي رويحتي , وبوسع صديري , قلت جيبي لي هديه --> قنوعه
قالت لي دنّي هناك بلا هدايا بلا بطّيخ , قلت خالاص طايب --> من اللي ما يحب تسلمة طايب
وقلت له خلاص جيبي لي لو قارورة ماء زمزم
قالت خلاص ولا يهمتس غالي والطلب رخيص --> إستانست عشانه ما تكلف ولا شئ لأرجفه
ومير تكبر وتكبر الهديه , وتفرع وتصير من فريند قيرل ثنتين , بدال ما هي قارورة ماء

.
.
.
.

^^
الفريند تو -> وفي رواية العلالي , هالماء الزمزم منه

.
.
.
.

^^
بدون كيسس

.
.
.

^^
أنتم شوفو وسلكوا
--> بس إني أحبه

.
.
.
.

^^
هذا بلحاله تووووحفه
أقل شئ أقل شئ تعطونه خمس تآلاف جنيه مصري
--> مدري وراه لا شفته تذكرت حق جايتن مدبتسه

.
.
.
.

^^
لا لا الحين شككت بروحي حسبتن -->

.
.
.
.

^^
مفتوحه --> لسبل الإغراء

.
.
.
.

^^

تحجّوا وشو ذا , مساويك
يا حبيلهن

.
.
.
.

^^
فرحت به قوات القوات , بس للحين ما آستخدمته ..

.
.
.
.

^^
إغراء ودكم تشوفون وش اللي بوسطه

لا تستعجلون , الحين آقولكم وش به

.
.
.
.

^^
أول شئ بوسط الكيسه اللي تو --> هذي آولها والله يستر من تايها

بأولى إبتدائي مثلاً على هالقلامه

>> بس يالله معليه إمشوا معي نكمل الصور

.
.
.
.

^^
تشوفون هالكاميرا , به رصد ساهر , لكل من يسرع

.
.
.
.

^^
وش موقعهن من الإعراب ذولي
بس أنتم قولوا إيه

.
.
.
.

^^

باطوق لك وللزمن , بلا إكسترا بلا غلاء

.
.
.
.

^^
الله يجزاه خير بعد ما قصرت جايبه أشكال

.
.
.
.

^^
تذكرت أمي لولوه الله يشفيه
دايم معه هالعلك

.
.
.
.

^^
غيرنا النوع

.
.
.
.

^^
ونعم الصديقه

الماء اللي بوه ماء زمزم منكب عليه

.
.
.
.

^^
احم لا تدققون تراو من أغلى ماركه

.
.
.
.

^^
عاد ذولي حاله خاصه
لهن طعــم خاص جدن جدن جدن

ودي ألعب بهن بس ما أحد يلعب معي , كلهم مبزره

.
.
.
.

^^
أغلى سواره بالنسبه لي

--

وخلاص خلصن الصور
يارب إني ما نسيت شئ منهن -->

+
هالصـور من زمان عندي , وكل يوم من اليوم أبنزلهن , والحمد لله جاء هاليوم

,,
العلالي ( بيان ) , ماريا .. شكـراً من القلب
هدايا وكشخات ولا أحلى ,
بس انا إن شاء الله لا رحت لمكه أبجيب لكن شئ أجخ --> الحين خلون أروح ويحله ألف حلال

>> فيس يناظر حبيبة الألب , و وده يصور المنديل بس كسل بعيد عنّ
بس إن شاء الله بحطه فيذا لا تزعلين يا بعد كل عردزن بي

لكل من مر من هنا ..

.
/

أما اللي تمر وترد وتسذا تستاهل ذولي

هههههههه بوريكم صورة شئ يجنن , يذكرنا بالدوام الصباحي

^^
بنات لو أقولكن سالفته يمكن ما تصدقن
من العام بدرجي
ويوم شفته قلت بصوره ,وأوريه البنات , --> يوم حنا جالسين بالمبنى اللي عند الباب ونفطر وبقى ذا وإدْخل بكيستي , ولهالحزه بمحله

سلامو عليكم

[صافية]

احسن شي التلفزيون الخضر

ذكريات زمااان

طاااايب طااايب تسيف ما اواطنه

وشوله المطه التسايدة

الله ذكرتين بايام الكلية على هالريالات المغرية
والعصير اللي يشب التسبد

شكريات ولا تنسنن من الهدايا يا حلوة

[بنت أبو خالد]

.
.
.



كللللللله كوووووووووووم والصوره هذي كووووووم

ذكريآآآآآآآآآآآآآآآت سوق الليل
الشاميه
البياعين
التكرونيات
التسجيلآت
الحنا
الإزعاج
الفصفص
الحمام
يوم إني صغيره لازم اشتريها

[روعة بريده]

هههههههههههههههههههههههههههههه ريالات الكليه بلحال

[كنز الألوان]

يوه الكاميرا حرركه

ولو يعرفن يختارن أحسن هديه ذيك اللعبه الي ترقا وتنزل أتحداتس تدرين وشي

الصراحه شهتين بألعاب مكه ماحد عنده نيه يروح عشان يجيبلي

أتذكر مره أختي راحت لمكه وحطت ولده عندي قلت مخالف أنتبهله بس تجيبين لي الكاميرا الي بوسطه صور مكه ذيك

القديمه

عاد جابت لي إياه تقولي الله يقلعتس أنتي وهاالطنه مليت انا ورجلي ندور باالمحلات نسألهم عنه ياالله لقيناه لا وبعد

مغليه هو ووجهه

خخخخ

[رمآدآ~|]

تحوووووفه اجل مصيص وكاميرا ذذ
جيبي الاونو نلعب به بذا ذذ

[نور الحياة]

اهم شي الاونووووو

هذي صدق حااااالة خاااااااصة انوااااااااااااع الوناسة

لا بعد اهم شي ان اللعبة مستحيل تلعبة لحالك ومع ذلك لازم كل النفرات يصير معهم هههههههه
محشششين

وترى حنا الى اللحين اذا رحنا لمكة لازم نشرية واذا رجعنا وحنا ما شريناة معناته ما اعتمرنا ههههههه

الله يرحم الحال


مشكوووووووووورة على التغطية ما بقيتي شي ما شاء الله عليك

تسلمين يا حلوة على الموضوع القميييييييل شكرا مرة ثانية

ادعولي اعتمر عن قريب

مررررة مبطية عن مكتي وة بس يارب لا تحرمنا

[♥الوردة الحمراء♥]

ههههههههههههههههه روعه والله

[هايين]

ههههههههه
بالله من الي محققك

ولا هالتلفزيون الي يحج من اول ومايجيب لنا هذا تراه ماحج

ههههههالى بتله
..

[زاوية الحق:)]

هههههه خيااال الحقاق وناااسة ووه يازين الصديقات اللي
تسذا يحبن الهدايا والحركتات ....
بنات على طاري الهدايا ودي أهدي وحدة من البنات
هي تقرب لصديقتي المهم وتعرفت عليه وأبهديه
وش رااايكم ؟؟وش أهديه أبي شئ يبتل ذكريات ؟؟؟؟
ووشلون أقدمه له ؟؟؟شغلن مخكن ياحبيلكن؟؟؟

[سجينة الحجاز]

خخخخخخخخ ضحكتيني بقووه
امااا الهدايا تووووحفه اهنيك على الصديقه الرهيبه
ذكرتوني بايام زمان حقاق مكه نفرح لرحنا لمكه علشان نجيب حقاق ههع
الله يذيك الايام الوناسه والهستره والهبال والطهبله اهم شي ساحة الملك فهد وشركة مكه
عااد التكرونيات شي ثاني صراحتنا ذكرى لاتنسى ابدااااااا<<<< عاد انا بالذات مرت علي انواع المواقف والقصص تضحك بمكه
سلااام

[زهرة الجوري]

كششخه والله انك ذكرتينا بالماضي...
الصراحه انواع البرااءه...
الاونو لحاله لازم نشريه وتضيع بمكه وحنا مارجعنا لبيتنا...ههههههههه

[نسمات الفجر]

ههههههههههههههههههههههههه

فلة والله ونعم الصديقات الي جابن لك هالحقاق

والله ياأنا بي شوقاُ لمكة

[سمو احساسي]

ههههههههههههاي هدايك توحفة,,,بجد هيضتي الذكريات الجميلات...يعطيك العافية والله وسعتي صدري بالصور