[سنوب]

بسم الله الرحمن الرحيم

السلام عليكم ورحمة الله وبركاته




أدري إنكم بتقولون العين حق وأنا معكم إن بأخر الزمان يكثر الحسد ويموت أغلب الناس من العين

طبعاً اللي راح أتكلم عنه هو البدع اللي ظهرت عند كثير من الناس خوفاً من الاصابه بالعين

قديماً كان الواحد لاصابه مرض أو حدث له أمر محزن ينسب هذا الابتلاء الي الذنوب حتي أن أحدهم

يقول أجد أثر ذنوبي من تصرف زوجتي ودابتي , بس الحين مع الاسف كل شي ينسب للعين

وكأن الناس معصومين من الذنوب ومصائب الدنيا , فعندما سجن يوسف بن يعقوب عليهما السلام

لم ينسب هذا الابتلاء الي العين مع مايملكه من جمال وأنبهار نسوة المدينه بجماله

والادهي والامر من ذلك هي الطقوس اللي تلازم تلك المدعيه أنها قد إصيبت بالعين

تدرون ليش قلت مدعيه لأنها لم يحصل لها شي ولكن تخاف يجيه شي , يعني مثلاً وحده راحت لناس


وتمصلخت وكشخت يوم رجعت من عندهم بدت توسوس " ذيك البنت بس تناظراً أكيد تبي تصكن عين "

وتبدا تلاحق هالبنت تبي تاخذ شي عقبه وهي ماصار لها شي بس وسواس , وتوصل معها الحاله

الي أنها تسوي عزيمه كبيره وعشان تعزم هالبنت وتاخذ الفنجان اللي شربت منه وطبعاً تاخذ من كل

المعازيم إحتياط بعد , طيب هنا سؤال هل ورد عن الرسول " صلي الله عليه وسلم "

إنه أستخدم الفنجان في الشفاء من العين ..؟؟

ولكن القصة المعروفه عن رسول الله " صلي الله عليه وسلم " عندما أصيب أحد الصحابه بالعين

بأن يتوضاء الذي أصابه ويغسل شي من ملابسه الداخليه ( أو فيما هو معناه )

بس الحين بدت تظهر أشياء ماسمعنا بها أبد , مثل : لازم تاخذين منها وهي ماتدري لانها لو درت

يبطل مفعوله , وإنكِ لو قعدتي بمكان وضاق صدرتس هذا دليل إن اللي ناحتك بالمكان نفسه ،

وخرابيط كثيره تشيب الراس صار الناس يخافون من العين أكثر من الخوف من عقاب الله ،

تعالي لم وحده وقولي لها مايصلح لبس العاري ومن الواجب علي المسلمه اللي تخاف الله

إنها تستر , تلقينها تسمع من هنا وطلع من هنا ، بس تعالي وقولي لها لبسك حلو وشكلهم بيصكونتس

عين علي هالبس تلقينها تستر علي طول ، وليش كل هذا ..؟ تخاف من العين

ومثل ماقلت في البدايه أنا ماأنكر إن العين حق ، ولكن ماأنزل الله من داء الا له دواء ، والعين

لها علاج وأيضاً لها علاج قبل الاصابه بالعين والوقايه منها ، يعني اللي تحافظ علي الاوراد

إن شاء الله ماراح يصيبها شي ، وحسن الظن بالله مو تقراء الاوراد وتقول ماش أحس ماينفعن


أقرن الاوراد وتحشمن ومايصيبكن الا ماكتب الله لكن .


والسلام عليكم ورحمة الله وبركاته

.