[km0311]

بسم الله الرحمن الرحيم
لقد خضرة هذا المزاد ولي الملاحظات التالية

بختصار ليتهم ما اعلنو بكل شارع واتعبو انفسهم كان اتصلو مع 12 هامور بالديرة وباعو عليهم وخلصون من الخربطة الزايدة
والي يبي التفاصيل عن المزاد
اتفقت ان وصاحب لي كلنا نبحث عن اراضي وكنا نريد الشرا في المخطط وكنا حاطين عيوننا على اراضي معينة واقفين عليه على الطبيعة ومعطين بعض الاراضي من 500 ريال الي 700 ريال للمتر السكني مع العالم انة فيه عقارييا قدرو الموقع من 400 الي 500 ريال جهزنا دفاتر الشيكات وصلينا العصر بالموقع وتربسناء بالخيمة اقتربنا من المنصة فختلف الامر في مدخل الخيمة استقبال اعراس بخور وقهوة وقرب المنصة محجوز لسابع صطر و كراسي وينفخون تقل نبي اعانة مالية هذ محجوز وليش ماخذتو موعد من الكلام الفاضي المهم جلسناء اقرب نقطة من المزاد ورصونا حتى الساعة خمس العصر تقريبا التفت للخويي قلت والله ما تاخر الي هذا الوقت الا ان الدعواء بيع بلاكات قال صف النية يارجال واحنى على اعصابنا الساعه اربع ونص نلتفت اخر الخيمة واقفين مالهم مكانات مع العالم ان الخيمة تستوعب اكثر من 1000 شخص والشراية مايتعدون 200 شخص والباقي جاين يتفرجون وياكلون كيك ويشربون قهوه

المهم بدا المزاد في ثلاث قطع جميع فتح المزاد 450 ريال وبيعا مايقارب 750 ريال من افضل مواقع المزاد قلت لخويي هلا هلا شفت ولية مابداو بداية الموقع لنة غير مناسب وليش مابدو تسلسلي من رقم 1 و2 و3 ليش بدو ب رقم 95 و92 و94 تقريبا عشان يلعلع المزاد لن هذه القطع هي من افضل القطع بالمخطط ويبدولي انه مقصودة ومخطط له قلنا خير الجمهور صامدون ماطلع احد ويبدون ب 3 اراضي جميع حلوات ونبد نزاود والغريب اني ازاود ويقولي ان السومه مهب لك قلت يالله نفرق والله انة يصد عن ؟؟؟؟؟؟؟؟؟؟؟؟؟؟؟؟؟

ويباعن على 740 ثم بدو يبيعون على 6 قطع وخمس قطع جميع واقوم واكلم واحد من المنضمين قلتله ياخي فردو ان ما اقدر اشتري 5 قطع جميع قالي والله الادارة هي الي تقرر قلت وين المسئول قالي مادري وينة ؟؟؟؟؟؟؟؟؟ ثم بد البيع بالتجاري فتح الباب من 1000 ياساتر ومن هذي المعركة التفت ولا اخر الخيمة الي وصطة مافية احد ابد الا اثنين يسولفون والباقي الهروب العضيم اشوا ما طلعو من جنب الخيمة وناس تستهتر

قالي خويي حبيبي مالنا سنع قوه بس شف الي قدام هم الي يشرون والسطر السابع مساكين حتى السوم ماينظرلة كود تحلت حصى عشان يناضرك اقل عدد قطع بيعا 2 وصلنا 800 ريال

المفروظ ان وزارة التجارة تتدخل بطريقة الحرمنة هذي

ليش البيع بنظام البلك ليش ما تحرج على قطعة قطعة وبترتيب بعد اغلب الناس الي يبون يسكننون حده قيمة ارض وحدة الي ارضين فقط مايقدر يشتري 5 قطع جميع والمصيبة اغلب الي شرو شيبان يبي يصوم عليها ومولم لبن يبي يقبره لمين تقوم القيامة او يموت

والقا عند البوابة رجل عقاري مخضرم اعرفة وشغال في الشمال ويشتغال بحول 100 مليون قلت ابوفلان وش ريك قالي المخطط السكني صراحة حدة 500 ولاكن التجاري زين وبيعه شبه مناسب مع العالم ان اغلب التجاري اصلا مهب تجاري يعتبر سكني ولاكن مدخلينة سكني قلت ان وش دخالي بالتجاري ان ابي السكني قالي ياوليد السكني لاتستعجل الدوله بالانظمة الجديدة تبي تطق عليك تقولك تعال اسكن لاتستعجل مثل رسوم الجوال من 10 الف وصارالان يعطونك رصيد زيادة بس تعال افتح خط وهذا كلامة هو وقالي ابوفلان تري ان الان مانب اشتغل بالسكني موقف عنة لي 4 اشهر ان التجاري الي له مردود اشتغل فية وعسي اسلم وفيه قرارات تبي تهبد بالعقار السكني قالتلة وش السبب قالي والله مادري
ولاكن من الاسباب
1- فتح المدة لاستلام القروض الي 15 سنة
2- السماح والتغاضي عن التخطيط للمخططات وقالي شف الشهر هذا فيه ثلاث مخططات تبي تباع البدور والنخيل ومخطط بالنازية وهذا دليل على بوادر النزول وقالي ان مساهم في مخطط عساهم مايصيدوننا هههههههههه ويضحك
3- انتعاش الاسهم وسحب السيوله من العقار الي الاسهم ويقول له زملاء باعو عقاراتهم ودخلو بالاسهم ولاكني ان ما احب الاسهم بس في هذه الفترة ان ابيع ولا اشري

وقالي خل ادريهماتك معك تراي شايفن بالامانة مايقارب 40 مخطط يبي يباعا وجهزات في بريدة خلال ها السنة وقالي من ضمنها مخطط المكيرش غرب المعارض و مخطط شرق قرطبة وغرب الراحاب ومخطط حول هالمخطط واشار الي قريب من حي الرمال ونصحني قالي اصبر اصبر لاتستعجل
تشكرة الرجال وحبيت راسة قالتله الله يجزاك خير حطيت النقط على الحروف قال لو انت منتب غالي والله ماقولك بس انت من عيالي

فقرر ان اصك فكرت العمار ها السنة وتذكرة عنوان المقاطعة خلوها ملاعب

[يزيد2007]

ولايهمك

هالمخطط وغيره من المخططات كله لعب بلعب


اجل الربوة الشرقية اللي بجفرة وبجنب صناعية الرواف وبدون مداخل

وصلت بالحراج هكالايام 700


الكلام اللي قال لك الرجال هو المضبوط وأصبر هالسنة

[أم الوليد]

الله يجزاك خير نفس الملاحظات
وسعر المتر جداً جداً غالي
لكن ودنا خدمة الله يجزاك خير
مخططات الأمانة اللي ذكرته كيف اتوصله لأن ما عندي خبرة الله يجزاك خير

[سكري بريدة]

معروفه المخططات بالمزاد العلني يبدون بافضل شي بالمخطط وبعدينا يرفعونه نفس اصحاب المخطط
ويشترونه لكي يقاس باقي المخطط على هذا السعر

[لبنان]

هذولا شبيحة العقاركفانا الله واياك شرهم

[bas2]

العقار في نزول وستذكرون ما أقول لكم ...

[غايه المطلوب]

كل اللي شروتلقاهم داخلين شراكه معه يبي حقهم

[الدب الصيني]

شور للجميع

.. وليه تطايرون للمخطات الجديدة والغالية والل فيها وجع الراس...

... ياخي تعالوا لغرب بريدة وشوفوا لكم المناسب والسعر معقول.. اليوم الطرق قررربت بريدة...

.. هناك(( غرب بريدة)) تحصلها للبيع أرض مسورة وفيها نخل وبير وسعرها تقدر عليها إذا كانت دراهمك تبحث عن اللي سعر متره من خمسمائة ريال وفوق..

[manedl]

كله غش بغش وبيع صوري فقط وإذا حبيت تتأكد روح للمحكمه وشوف فيه أحد يفرغ منهم ولا لا !!!!

[محمد بن بريده]

ما شجع تجار العقار على الطمع إلا اللي يدورهم غالبيه الناس الآن مقاطعين العقار لمين ينزل شوي

[السهم 11 القاتل]

لا يكون المخطط اللي باللابديه حرجو عليه الثلاثا الباعوض كبر العصفور ..احمد ربك ماشريت يمكن انك موورد..

[active]

شكرا لك على هذه الفصفصة لهذا التلاعب الفاضح !

[عبدالله الحبيّب]

يقولون العقار يبي يدحدرررررر

[استكانة شاي]

اولا اخي احب اقولك العقار مراح ينزل او يتاثر حاليا بل سيزداد في ضل الضروف الراهنه بعد الاجرات من الدعم من البنوك ,وان حصل تاثر لن يحصل الى بعد خمس سنوات وسوف يكون التاثير ضئيل جدآ..

2- فيما كتبت >
3- انتعاش الاسهم وسحب السيوله من العقار الي الاسهم ويقول له زملاء باعو عقاراتهم ودخلو بالاسهم ولاكني ان ما احب الاسهم بس في هذه الفترة ان ابيع ولا اشري

هل افهم من كلامك بان اصاحب العقار سوف يتجهون للاسم ؟؟ اذا كنت تضن ذالك فانت مخطى 100%
والاسباب كثيره اذكرك لك اثنين منها
1- بعد ماحصل في سوق الاسهم من انهيار في السابق والكل يعرف ذالك , فالمؤمن لايلدغ من الجحر مرتين.
2- هوامير الاسهم معروفين ! فمتا شائو ان يسحبون البساط من المساهمين سحبوه بظغطت زر ..ولان تستطيع مطالبتهم بقرش واحد هذآ ان وصلتهم ..والحديث يطول !

وبختصار العقار لايقارن بالاسهم ,, او مثل ماذكرت بشركة الاتصلآت ؟؟

ولا يجي واحد مطفي النور ويقولي انت صاحب عقار ؟ لاكن كل شي يفهم بالعقل ولا فيه اشياء تدل على حدوث بنزول العقار

اسسف على الاطاله وارجو تقبل وجه نظري ..