[الـصـمـصـام]

في نهاية الإجازة الصيفية حيث طامرت في كل مكان و لله الحمد ..
و في أحد الأيام في الزيارة الثانية للمنطقة الجنوبية هذا العام <== دعدعة
بعد انطلاقتنا من مقر إقامتنا في ( السودة ) متوجهين إلى وادي ( لجب ) في منطقة جازان في رحلة استغرقت قرابة الأربع ساعات ذهاباً ، حيث انطلقنا بعد الفجر و وصلنا إلى موقعنا المحدد بعد ساعات قضيتها في النوم :D <== هذا اللي جيدن به .
و استمتعت بقيادة الكابتن سواق أبو علي ..

كان الطريق فيه وعورة .. حتى إن أحد الشباب قال : ( الطريق ورع )
و الجمس اللي معنا جاه من الكرف ما الله به عليم .

و يوم وصلنا هناك .. وقفنا السيارة .. و مشينا رجل لمدة ساعة تقريباً
و كان مقلب رائع و متعب

العجيب .. على الرغم من بعد المكان و وعورته . و أنه غير معروف ..
إلا أننا لقينا القصمان هناك أكثر من أهل الديرة ..
و ما تشوف إلا هايلكساتهم الديزليااات ..

بسم الله والله ياهم عفاريت ..


أقول بسـ ..
خلوكم مع الصور ..
لأني عجل .. و المعذرة ترا التصوير من جوال ..
























اللي جازن له الصور يحمد ربه .. و اللي ما جازن له يحمد ربه إإإإيضا ..

أخوكم / الصمصام .

[:: رويــال ::]

الحمد لله

[إلى متى ؟]

و الله مكان روعة و مصوّر روعة ..

متأكد إنكم بالسعودية و إلا مع المطامر في الطريق ( الورع ) ما دريتوا إلا طالعين من السعودية ..

اقتباس

الحين جمس و إلا جيب ؟

الحمد لله ..

تحياتي .,.,

[المستشار]

منهو هاللي مهب جايزن له هالصور يا بعدي ..
ما شاء الله تبارك الله الصور في قمة الروعة ،، و كلي إحترااااااااااء ُ ُ للصيف القادم على شان أروح
أشوف وادي لجب ، أبو عبد العزيز لا ترتبط الصيفية الجاية ، نبي نتخاوى ..

[الـصـمـصـام]

..


همس المحبه /
يرحمك الله .

إلى متى ؟ /
أجل رايك أشري كاميرا ..؟
و بالنسبة للجيب فهذا جيب بنكهة الجمس
لا هذا موتر . و معنا جمس أيضاً ..
و المكان اللي واقف فيه الجيب هذا أقصى شي تقدر عليه السيارة ..
توقف و تدقه رجلية .

المستشار /
مالك و مال الكسافة ياعم .
و أنا قلت لربعي ، إذا سألن أحد عنه أبقوله ( ما أنصح ) إلا إذا كنتم طرقية ،
بأي مكان تفلون فرشكم و تنامون ..
بهالحالة مافيه مشاكل ..


و شكراً لكن يا شنبات الخير ..

[وحيد الخلان]

ما شاء الله تباركـ الله ..




^
^
أبوعبدالعزيز أحلف 6 مرات أنك ما بغيت تمسط :D ..





الصراحة أن المكان رووووعه ..

العام اذكر رحنا له .. صح انه بعيد :D . بس انه تسوى من يروح له ..

لكن الطريق له يوحش ..

أذكر أننا ابطينا وحنا نمشي ... ونشوف هاك البزارين اللي كل واحد منهم محملن على ظهرهـ حزمتين قات ..

قلت لرفقانا لا نصير دخلنا اليمن وحنا ما درينا .. ..


ونسأل هاك اللي واقفين قالوا انتم ذاللحينا في جيزان .. << لا تفوتكم ذا اللحينا


وهذي صورة من صور العام الماضي :

اقتباس منهو هاللي مهب جايزن له هالصور يا بعدي .. ما شاء الله تبارك الله الصور في قمة الروعة ،، و كل إحترااااااااااء ُ ُ للصيف القادم على شان أروح أشوف وادي لجب ، أبو عبد العزيز لا ترتبط الصيفية الجاية ، نبي نتخاوى ..

^
^
ألا يابومحمد ما تبون واحد يصفّكم للطابور الصباحي تراي أحوف واحد تنين :D >> عاد قضو العالم ألا أنت ..

[العاصف]

ماشاء الله عليك يابوعبدالعزيز ... الصورة روعة
ونقول لك الحمد الله على السلامة ... وراك ماعلمتنا

.

[خوي السرور]

[وحيد المعنى]

والله حركاااااااااااااااااات أبو عبد العزيز


أنا وإياك وأبو محمد ومن بعد يبي يروح معنا السنة القادمة أن شاء الله ذكرن تراي نسيتهم ؟؟:D

[الفـــارس]

أهلين أبو عبد العزيز ..

كان لنا رحلة إليه هذا العام .. ما أجمله من وادي ..

لكن يوم وصلنا الزبدة .. قدر الله علي وخلص شحن كاميرتي ..

لكن صورت صور لابأس بها لعلي أبطح بها هنا ..

شكراً ليك يالغالي .. والحمد لله على سلامتكم ..

[ليبتون]

يسعدكم ريحين لوادي لجب والله ياهو فله

شلالات وطبيعة
ماشاء الله تبارك الله

[شايب بـريدة]

وادافع البلا وش يدعسكم بين هالحصيان ................ والله لو تدربي حصاتن عليكم ان تغدون تقل تطريش مصري ............ مير خوذو حذركم وانتبهو النوبه الثانية ....................

[د.قلم]

بـس الي يبي يروح يـنـتـبه لايصلي بالمطعم الي عند الوادي ......هذا السواق مير الله يخلف علينا

[الـصـمـصـام]

وحيد الخلان /
الطريق من ناحية شين فهو شين ، و غرابيل و كسافة ، و ( ورع ) D: لكن المكان مهب شين ( ولا هب زين ) مير لا رفعت راسك فوق تجيك الدوخه ، لكن سبحان الله العظيم ، عجيبات الجبال .
و بالنسبة للقات ، فهذا واحدن جايب معه قالت مير يحلتهن علينا ويقول : ياقصمان خذوا القات شوفو <= يبي يخربنا أبو الشباب .

العاصف /
الله يسلمك يابو قاسم ، وشوله أعلمك ..
ماهنا إلا الغرابيل ، مير خلك بهالدورات يالله من فضلك
و حنا أصلاً ما علمناك حرصاً على مصلحتك <== يحسبه بـ ثالث ( ب ) .

وحيد المعنى /
من قال إني أبروح .؟ <== تدري أنه بلش .

الفـــارس /
بانتظار ما تبطحه هنا .

ليبتون /
خلك شاهي ربيع و ناخذك معنا المرة الجاية
بس شف
خلك ربيع إكسبرس


شايب بـريدة /
يابن الحلال لن يصيبنا إلا ما كتب الله لنا
و الشيء الثاني هذولا أهل الديرة من خلقت الدنيا وهم ما يتروشون إلا بهالشلالات ..


د.قلم /
هههههه
بما أنك أحد أفراد الرحله فلابد أن نزوجك في أقرب وقت
و سنعلن عن وقت ( الجواز ) <== وين أبو علي ..