[ツحـبـر شـفـافツ]

هلااا بأخواني بالإسلااااااام وشلونكم كلكم ؟؟

هذي طول الله بأعماركم على عمل صالح ,, قصيده نيووووو مالها الا شهر تقريبا ..

والسبب أني في خريص بلازا جاني بلوتوث بنت تمدح كل بنات السعوديه بس سبت بنات القصيم

ومن سوءالحظ طاحت بي قصمنجيه متعصبه << :D

فكتبت هذه القصيده .. ردا على كلام الأخت وردعاً لها ولمن تسول له نفسه النيل

من بنات القصيم الحبيبات ..

[poem=font="Simplified
Arabic,5,black,bold,normal"
bkcolor="white" bkimage="backgrounds/49.gif" border="ridge,5,deeppink" type=0 line=0 align=center use=ex num="0,black"]
تعالي بنت أبو متعب وقولي لي وش اللي صار=كلاماً أسمعه بإذني وأشوفه زين بعيوني


إذا أنتي تعذليني ترى العذال حولي كثار=ولاهو همني قولك ولاغير شكل لوني

ولكن أعرفي يابنت بأن السب ثار بثار=وأنا أعرف أصوغ البيت إذا انتم هجيتوني

ولاني قايله قولك على بالك كذا الأشعار=إذا زادت بك الأحقاد رميتي عرض مصيونٍ

بردتي حرتك منا وقدمتي لنا الأعذار=وقلتيها تظل مزحه وعنها لاتلوموني

أنا ماألوم لكني أبي أرفع جميع ستار=يخفي عن كل جاهل ليه أنتم شتمتوني

أبي أوضح بأن الكل وحتى الشمس مني تغار=وأنا وش حيلتي لامن جمال وعز تبلوني ؟؟

ترى الغيره تعل القلب وطبع الجاهلين الصغار=طبايع من عليت فوقه وصار تحت من دوني

طبايع من نسى الأخلاق وعاش دنياه بإستهتار=رفض عيشت قدر وأكرام ورضى في عيشت الهونٍ

أنا من ديرة تجري مكارمها كما الأنهار=أنا من عـزي ღ بــريــدة ღ وأكيد الكل يعرفوني

أنا فخر لهدنيا وفي دربي نمت أزهار=أصيله من نسل أحرار عن الغلطات ينهوني

حشى ماعشت أنا مثلك أقضي روحت المشوار=مع التاكسي وسط مولات وأهلي مايردوني

حياتك كلها غلطات وصرحك بيننا منهار=سبايبها فكر مايل وعقل طاش بجنوني

تعالي ديرة القصمان إذا كانت حياتك نار=وإذا ردك بكلمة لاااا ! فخلي القلب محزوني

ترى عند العرب منقود تحط راس برووس كبار=أنا رديت هالمرررره وبعده لاتحاكوني

[/poem]


مــلاحظهـ//

أسجل أعتذاري لكل عضوغير قصيمي يقرأ قصيدتي.. ومن لم يكون من القصيم

فليعلم أن له في قلبي حب عظيم لكن هذه مجرد قصيده تعبر عن ردة فعل مكتسبه ,, << لاتشيلون بخواطركم يالغلا

’’
,, بباي

’’