صباحكم عسل ياحلوين ,,, الموضوع وما فيه بإختصار ( هاللحين إذا بغيت تروح للبقالة أو للتموينات أوللمطعم أوغيرهن ثم اشتريت ماقسم الله لك !! ثم حملت اللي إشتريت وحطيتهن على الطاولة قدام ( البائع ) !! فإنه وبكل أسف , وقرف !! ( يرفع إصبعه إلى لسانه ثم يبللها بقطرات من لعابه " سعابيله " ثم يسحب لك كيس ( بنكهة السعابيل) ويحط أغراضك فيها !! وأنت تشوف قدام عيونك !! ولاتحرك ساكن ... والكثير منا " مير مادرى عن شئ أبد أبد !! " ............ !!! طبعا أنتم تعرفون -- الله يحمانا وإياكم -- بعض الأمراض تنتقل عن طريق " اللعاب " !! فأتمنى أن نتنبه لهذه النقطة !!
وأنا لقيت حل لنفسي من هالمشكلة عشان ماأنحرج مع البائع وهي : ( إني أول ما أدخل للتموينات وإلا المطعم آخذ بيدي كيس جديد " خالي من السعابيل " !!! ثم أخذ اللي أبي وأحطه فيه ,, والحافظ الله ,,, )
( وأنا على يقين تااااااام إن هالحركة غير مقصودة من إخواننا الباعة --الله يرزقهم-- )
( همسة ) : إذا شاهدت هالموقف أمامك من أحد "أخواننا الباعة" فكلمه والإبتسامه تملأ محياك , وتعامل معه بعقل , وروية , وتلطف له بالكلام اللين بحكمة ومحبة >>> فصدقني سيشكر لك حسن تخاطبك , وطيب فعلك , فهكذا أمرنا الشرع ,,,فإن النبي صلى الله عليه وسلم قال فيما ثبت عنه في الصحيح : « ما كان الرفق في شئ؛ إلا زانه, ولا نزع من شئ إلا شانه». ,,,,
طبعا تبقى وجهة نظر ,,,,,,,
تحيتي واحترامي ,,,
30-07-2008, 07:08 AM
النمط الأحادي