[(مون لايت)]

عندي لكم قصة حصلت لنا ومخييييييييفه....السالفه حنا مخيمين في البر ولزموا الاخوان الا تنامون في البر وعيينا ... ....وغصب واغرونا بالجو والراحة بالنوم وتقومون نشيطين للصلاة المهم طعناهم ونمنا بالبر مبسوطين مع اني اكره النوم برا ..بس غصب علي ...جاء الليل وانا اصلا جددداا خوافة ...وكل واحد حجز له مكان ينام به ..نمنا .. جت الساعة 2.5 صباحا تنبهت على صوت مشي عند راسي رايح جاي 3 مرات.. الشباب طبعا في خيمة وحنا الحريم في خيمة..بس واحد من اخواني بالصدفه نايم معنا..فجأة صوت الرجال اللي برا وقال:هذي خيمة الناصر وانا من الخوف عجزت اتنفس قومت امي اخوي اللي نيم معنا عشان يطلع يكلمه فتحو الخيمه وصوتوا من اللي هنا وكانت الارض منبسطه لافيها لاشجر كبار ولانفود عشان نقول تغبى فص ملح وذاب عقبه كرهت البر والنوم فيه والمشكلة واللي خوفنا زيادة اننا مسولفين عن الجن حول ساعة قبل ننام وهذا اللي اكد لي انه جني (بسم الله الرحمن الرحيم)

[استغفاري سر سعادتي]

بسم الله يمممممه خوفتين

بصراحه مستحيال انام في البر

صحيح وناسه لكن

تقبلي مروري

[هايين]

الارض لاتخلى منهم
وهم مايجون الى الي يجيهم
الله يجعل جارنا منهم المسلم المؤمن
...
بسم الله الذي لايضر مع اسمه شئ في الأرض ولا في السماء
...

[ما تَهَاب]

يمممممممممممممه
حرام عليك كلن نايم وانا لحالي تحت وبعد فيه قطاوه بالحوش يتهاوشن .. الله يهديك هذا وقت هالسوالف<<

[شهد العسل]

الله يهديتس بس ,
تراي مقبلتن على تخييم لاتخلينن أهون .. !

[ألماسة حساسة]

ما عليك أبد توكلي على اللي عينه ماتنام ...

((أعوذ بكلمات الله التامات من شر ما خلق)),,

[وله الخليج]

حبيت انبه عليك ياأختي
ليعلم الناس ان الجن لايمكن ان يراهم بشر
قال تعالى (يراكم هو وقبيله من حيث لاترونهم)

[حنين الشوق]

هههههههههههههههههههه
حلوة صراحه
اقول تلقينه واحد من جذاعينكم
بسم الله كاني خفت

[@رسيل@]

والله مستحيل انام بالبر ولا اطلع بالليل

مو عن خوافة بس اخاف شوي

[تباشير المطر ~]

اخـــتي لا يمكن ان نرى الجن

كما قالت اختي وله الخليج

وربما كان إحدى شبابكم

اتى يسأل ..

ومن كلامك حبيبتي فهمت :

فعندما لم يسمع إجابه ذهب

وخرجتي بعد سماع الصوت بفترة

وفقك الله وحفظك الله من كل شر

||

[ميلادُ حُلم]

..
~

قرب التخيييم لاتخليننـا نهووووووون

[شهد العسل]

لايمكن نرى الجن .. بالعكس هم يتشكلون بشكل الإنس لكن مو بالتمام
يعني تلقين فيه مثلاً رجل من رجوله كنه رجل عنز أو أي حيوان !
يعني فيه شي خطأ بهم ,

وأنا بنفسي .. شفت كثيييير !
وأختي وعمي وأبوي وأمي .. كلهم قد حصلت لهم مواقف مع الجن !
بإمكاني ذكرها !

[رفيف*]

^
يمه شهد صرت أخاف منتس

..

قصتكم تخوف ..
بس وش يبي بالناصر بالذات ..
بسم الله بسم الله

[(مون لايت)]

ياحبيلكن انتن وردودكن بس دريت ان بعضكن خوااااااااافات