[منصور الكره]

.








.





.

مارأيكم ياشباب باللي يحبون الكوره الأجنبيه مثل برشلونه والخربطه اللي ماله ام ولا ابو

مع العلم اهتموا بها وتركوا الذي يحبه الله ورسوله
من الصلوات و حلقات القرآن و مجالس الذكر وصحبة الآخيار ومجموعات الطلعات اليوميه والاجتهاد بالدعوه
ووصلت بهم الجرأه بترك اهاليهم بمشاوير البيت الخاصه والذهاب الى مايقال بالدوري الفرنسي والانجليزي وغيره

هل اهل المنتدى من المؤيدين لها ام لا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اترككم مع الردود

[مدحت شوقي بريده]

منصور الكره ..


يابعدي انت والله يابعض الناااااااااااس انه لو تقول عد العشرة المبشرين بالجنة ..
كان جاب العيد .. والله ان تشوف التوليف يالبي ..

ولو تقولوه عطنا تشكيلة البرشا ..
كان عطاك اسامي الحدعش لاعب ومقاسات سراويلهم من القهر ..



تصدق هالبزارين هرجتهم اللاعبين العالميين ..
الله يخلف علينا حنا .. مانعرف الا يوسف الثنيان وأحمد جميل ..


وبعضهم تشوفوهم ماغير متسدحين بهالمقاااااااااااااااااهي ..
ولابسين هالشاااااااالاااااات تقزل به علم .. وهم والله انهم من جنبه ..

تلقى واحد يقول العب يافرناندوا يافنان .. وآخرته يصير هالفرناندوا هو الحكم ..

والضحية اهله اللي يحترونه يجي علشان يجيب خبز لعشاهم ..


مشكور يابعدي ..

سي يو ..

[الـهـواوي]

بكل صراحة انا من أشد المتابعين للدوريات العالمية متابعة قوية

لأني أرى من وجهة نظري الشخصية أنها تبعد الشباب عن التجمعات السلبية

والتسكع بالشوارع والتفحيط ، فمن الأفضل متابعة كرة القدم أهون من الي ذكرت

ولاننسى قبل ذلك متعة وتشويق المباريات وحماسها....

* أرجو تقبل وجهة نظري ....

[فـــــ1997ـــــارس]

اقتباس المشاركة الأساسية كتبها مدحت شوقي بريده منصور الكره .. يابعدي انت والله يابعض الناااااااااااس انه لو تقول عد العشرة المبشرين بالجنة .. كان جاب العيد .. والله ان تشوف التوليف يالبي .. ولو تقولوه عطنا تشكيلة البرشا .. كان عطاك اسامي الحدعش لاعب ومقاسات سراويلهم من القهر .. تصدق هالبزارين هرجتهم اللاعبين العالميين .. الله يخلف علينا حنا .. مانعرف الا يوسف الثنيان وأحمد جميل .. وبعضهم تشوفوهم ماغير متسدحين بهالمقاااااااااااااااااهي .. ولابسين هالشاااااااالاااااات تقزل به علم .. وهم والله انهم من جنبه .. تلقى واحد يقول العب يافرناندوا يافنان .. وآخرته يصير هالفرناندوا هو الحكم .. والضحية اهله اللي يحترونه يجي علشان يجيب خبز لعشاهم .. مشكور يابعدي .. سي يو ..

والله انك صاز
من جنب الكوره
وامه يحول تحتريه

[منصور الكره]

شكرا على مروركم ونحن اخي الهواوي لانقول لاتناضرهم ابد نحن نقول لاتهتم بها اكثر من الاهل اواي شي اهم من الكوره
مع العلم انني لأعرف ولافريق من الاجنبي اسمع بالنصر والهلال اذا صار فيه بينهم شي شفته
اما الوطنيه فلا وطنية بعد مباراتهم مع كوريا فشلونا عند خلق الله هم ولاعبينهم الكسر.

[عزيزتي بريدة]

الله يرحم زمان ماجد عبدالله ويوسف الثنيان

[منصور الكره]

ليش ماتقول جلسات الذكر احلى بالمره
ليش قلت الكوره ازين من التسكع بالشوارع والتفحيط
يارجال الله يحفظ شباب المسلمين

[منصور الكره]

وشكرا على مرورك

[كيمو الصغير]

الحياه اولويات فحال شبابنا اليوم منهم من هدى الله ومنهم من يهتمون بالدوران

بالشوارع ومتابعه مواكب التفحيط وما تجر من مآثم وكثير من اصحاب الدوران والمفحطين لهم مأرب

أخرى ......؟؟؟؟


فمتابعه كره القدم لا للاعب بعينه او فريق بعينه بل لمشاهده الكره الجميله التي يجيدون

التفنن في متعتها مما تجعل المشاهد يستمتع بالمشاهده للعبه .


فأنا ممن يتابع في اوقات الفراغ بعض مباريات الدوري الاوربي ففيها كثير من المتعه


والاثاره الكرويه .



فا الافضل لهولاء الشباب مطارده ممن هم من جنسهم في الشوارع او مشاهده كره القدم فشي اهون من شي .


فلا يوجد اماكن لترفيه عن النفس تلبي متطلبات الشباب وتبعدهم من الرذيله في اوقات الفراغ القاتل .



فالاولى من مناقشه هذا الموضوع مناقشه موضوع اهم بكثير منه الا وهو


الدوران : اولا سبب شيوعه . ثانيا كيفيه القضاء عليه .


فهو من الامور التي لابد ان تدرس بشكل عميق لانها منتشره بشكل كبير جداً وتشكل مخاطر اكبر


مما قد تحدثه متابعات كره القدم الاجنبيه .

[حـنيت]

والله يرجال ما تدري وش تقول

.:: الله يرحمنا برحمتـه ::.

[سبار]

ياكرهي للكره واللي يشجعها


ياليت يلغونها من الوجوووووووووووووووووووود

[abo-sally]

مشاهدة الكرة من الأشياء المهمه لدى الكثير وأنا منهم

تحياتي

abo-sally

[نصراوي بريدة]

الله يرحم زمن ماجد والهريفي وابو خالد

[صطيف]

تصدقون اني افرح اذا كان فية مباريات على شان تكون الشوارع فاضية وبعض المرات اروح للحلاق يكون فاضي ورايق بعد اكره التشجيع والسواليف بالكوره والحمد لله لم احضر بحياتي اي مباراه بالملعب