بينما كنا حجيج إلى بيت الله الحرام <أسلوب لايقاوم.. قصة حجتنا !

أراسيل سلمان · 11-02-2009, 03:26 AM

بينما كنا حجيج إلى بيت الله .. وكنت بصحبـة أختي وزوجة أخي ..

وصلنا لمخيمنا في وقت متأخر وكان والدي قد استأجر لنا خيمــة خاصة من ظمن مخيم كامل يظم مختلف الاجناس ..

أول ماوصلنا وقفنا لنا شوي ندور الخيمــة وندور وين ياناس حنا مستأجرين خيمـــة ولقينا كلش ممتلي أخر شي قامت ست الحسن والجمال زوجة صاحب المخيم قالت :
واا خزياه منكم
خيمتكم نايمات به الداعيات<<مكرمتهن على حسابنا !!
تجولو بالمخيم لما يقومن ويطلعن قشهن ثمن تدخلون .. <بداية موفقــة ,
ياسلام حنا منهدين وتونا جايين هذا الاستقبال موب ذنبنا ان الداعيات نايمات بخيمتنا
قال ايش قال تمشو بالمخيم .. هالمخيم ودكم تسمعون به ولا تشوفونه ثلاث خيام لو نبي نتمشى مالقينا لنا مفلحز ..
وحنا نطوف على الكعبـة عفوا المخيم .. نزل الفرج قالو تعالو
طلعن الداعيات ..يالله لك الحمد .. وقعدنا واستقرينا بالخيمة وجبنا لنا قهوة وتمر وسنع يالله من فضلك

الا وتدخل وحدة قالت هذا خيمــة الـ..... , حنا ايه ياهلا ومسهلا < طبعاً مانعرفه بس الوالد الله يبارك فيه
مجمع له ثلة طيبة من الناس يبدو مستكثر علينا الخيمــة هههه أمزح والله مااظلمهم نعم الثلة الطيبة
وحنا نشرب الفنجال الثاني ولاي اغص ويطق باب الخيمة صوت عجيب >>هادي خيمة الــ , انا دايرة اجلس معاكم هو اصلن ابوكم دلني عليكم ..! يالله حيه يالله حيه < سودانية
ولا نقعد شوي وانا ابد بالفنجال الثالث الا الخيمة ترجد انا مين .. وفي هذه الاثناء الاي اسمع احد برى يقووول هااي هزي خيمة الــ .. انا والله ابوكم دلني عليكم وجيت <<الاخت لبنانية ..
هلا بالبنانيين كلهم شرفتي .. لا ونسيت اقولكم اللي اعظم من هذا السودانية انفة الذكر جايبة معه ضناهااااااااااا
أصغر حاجة على مر التاريخ بنته توه طالعة من النفاس ومجيووبه لا اله الا الله <هذا اللي ناقص
لا والاشنع من هذا كله اسم البنت الصغيرة مع انه سودنية الا ان اسمه مزنـة

على كفيلته طيب الله روحه !!
المهم ونقعد يومين والا تدخل علينا مرة ماتعرف تحكي عربي بس تفاهمنا معه بالاشارة ان ابونا كازه لنا عن طريق ولده
يالله حي اهل الجزائر كلهم وه بس قسم الاخيرة عجوز طعمه تهبل عيونه زرق وبشرته مشدوده املح من لميييس <سيكو

مادري قضو ولا بقى أحد نسيتــه !!

طبعا الخيمــة بقطــة كبر أيدي بس مع ذلك له جمهور

.. اللي ضاقت عليهم خيمتهم ويحسبون خيمتنا سبيل نقلو عندنا .!
واللي يقربون لجد ابوي منول درو اننا حاجين
وانفقت خيمتنا ونقلو لنا..

وصارت خيمتنا حفلة كل بين مفرش ومفرش مفرش ونص المفارش طالعات على برى بالعراء طبعاً .. وطبعاً النازحين الجدد كل واحد ساحب له بطانية
ومفرش وحنا يااهل الدار نصنا بالارض ومتقاسمين عباة حدانا نتغطى به ..ياحياة الشقى < ؟!,

.. وحنا حليميــــــــــــــــن بهم ولا مب قصور(ن) بنا ..

المهـــم قضينا من سالفة الخيمــة ..

وبدت سالفـة المحاضرات .. وما أدراك ما المحاضرات..
وكان طريقة المخيم أنهم موصلين مايك لكل خيمــة وفيه شيخ معروف جداً مخيّم معنا وكلامه
روعه ويستضيف ناس توهم مسلمين يقولون قصصهم ويصيحون مرة شي مؤثر.. وحركات ع مستوى
عاد على الجانب الأخر به خيمـه كبيرة للحريم .. وبه داااااااااااااااااعيااااااااااااااااات .. وما أدراك ما الداعيااااات !!

المهم مرة وحنا منسجمين نسمع قصـة شخص يرويها بنفسه وكلام رهيب للداعيـة المعروف ..

الا وتجي صاحبة المخيم وتفصل المايك قالت لا تعالوا الداعية تلقي محاضرة بقسم الحريم..

طبعاً تصرفها غير لائق بس حنا عديناها ورحنا نسمع المحاضرة ..

عاد ابقولكم وش فحوى المحاضرة اللي فصل المايك عشانها..

ولا أنسى أننا اصيع ناس بالمخيم بما اننا ماحضرنا المحاضرة من أوله .. أستغفر الله .. الله يتوب علينا بس .!

بس يوم دخلنا وأثره تنصح عن المشاغل <!! ,, أعتقد أن الحج وقت عبادة وتذكير بالله موب وقت هالحكي..
قالت >> الداعيـة ..أن المشاغل مخيفات وحرام وانصح الحريم يفطنن لبناتهن من خطر المشاغل واذكر قصة بنت راحت تسرح شعرها بالمشغل ويوم رجعت صارت تستفرغ
وأثرها طلعت حامل <بنفس اليوم؟! ,,

طيب متى أضنت أولاه ؟! شكله من بكرى ! والله ياهي وناسه بعد ..كلكم روحو لمشاغل لاصارت كذا السالفـة !!

وكملت حديثها عن حرمة وخطر المشاغل العظيم

.
. وأن فيه مشغل أسمه مشغل كذا وكذا وهو عبارةعن مجموعة عصابات يخططفون البنات ويفعلون بهن الفواحش !! < ياسلام ولا فيه حكومة ولا هيئة توقفهم تسوي شي!! الدنيا سايبـــــــــــة !! ..
إلى الأن عادي ماقالت شي لكن المفجع بالأمر
لما كملت كلامها >>أن اللي تبي مشغل مضمون 100% تجي للمشغل حقي وان اسمه كذا وكذا واننا مهنا زين شغلنا ورخيصين !!!!!!!!!!!!!!!!!!!!!!!!!!!!!!!!!!!

وأن تراه خلف الدائري الشمالي بمخرج خمس طعش عن يمين مادري وشو ثم وزعت كروت المشغل!!!!!

أموت أنا على الدعايات واستغفال الهمجات <<سجع!!
وقالت ابقولكم من القصص المؤثرة التي تحدث في مشغلنا< وتتوارد الدعايااااااااااات للمشغل .!
أنه مرة جتن بنت قالت ابي مكياج حلو .. قلت له اذا تبين مكياج حلو انصحك بصلاة الليل .. تقول ان البنت طلعت من عنده
يوم صار من بكرى أتصلت تشكرني قالت ياختي اني كل امس وانا اصلي الليل يوم رحت للجامعة اليوم مهنا أحد ما سألن عن مكياجي!!!!!!

وأني قلت لهم مكياجي صلاة الليل .!
والى أخر القصص المبكيـة !!

بس ياخي غريب بلال مؤذن الرسول صلى الله عليه وسلم كل عمره يصلي ويأذن بالمسلمين .. ويذكرون أنه عبد أسود مع ذلك.!
بس عاد أقولكم صدقوها لان بلال رضي الله عنه أكيد أنه من الشواذ..

والحرمـه أبخص.!

..

يتـــــــــــــــــبع بكرى أن شاء الله مليت وأنا أكتب .. لمّا تكتمل لكم السالفـة راح يتضح مقصدي من العرض هنــا ..

عزف الجنون · 11-02-2009, 04:15 AM

..

تقبّلَ الله يـا حجّـة
<< بعد بعد بعد الزحمة

هههههههه صايرين حاتم الطائي للمخيم

بس غريبة
بنت خالتي حاجة و ما قال له أبوك عن خيمتكم !
وش السبب اتهقيـن

على طاري الداعية اللي تقوليـن !
هو المشغل بالرياض ؟
لأن قصة المكياج , كملتها قبل آقراهـا
شكلها هي اللي جاية لكليتنا
و ما قالت لكم : إنهم يخيطون كم طويل و مااهنا أزين من خياطهم !
و زباينهم كـــب !

بانتظـار التكملة
المرة الثانية لا تتعبين << كود ما يعجبه الموضوع

على فكرة /! أسلوبك روعة

..

غنوجة نجد · 11-02-2009, 04:19 AM

انتظرك ؟؟؟؟؟؟؟؟؟؟؟؟؟؟؟؟؟ متحمسه

أراسيل سلمان · 11-02-2009, 04:26 AM

اقتباس

المشاركة الأساسية كتبها عزف الجنون


	.. تقبّلَ الله يـا حجّـة << بعد بعد بعد الزحمة هههههههه صايرين حاتم الطائي للمخيم بس غريبة بنت خالتي حاجة و ما قال له أبوك عن خيمتكم ! وش السبب اتهقيـن على طاري الداعية اللي تقوليـن ! هو المشغل بالرياض ؟ لأن قصة المكياج , كملتها قبل آقراهـا شكلها هي اللي جاية لكليتنا و ما قالت لكم : إنهم يخيطون كم طويل و مااهنا أزين من خياطهم ! و زباينهم كـــب ! بانتظـار التكملة المرة الثانية لا تتعبين << كود ما يعجبه الموضوع على فكرة /! أسلوبك روعة ..

هههههههههههههههههههههههههههه
الله يحيك يابعد تسبد ايقاع الزمن أنتي

مرة مشكورة ع المرور
وشكله مايحتاج أكمل كملتي الحلقة الجاية من القصــة الله يهديــك

لا بعد تلقي بالجامعات !!

أوله وش كان ردة فعل البنات لما سمعن القصــة ؟!

ودي أدري وين وصل الوعي ! بس موب الحين اذا كملت بكرى

الف حياك الله

وقسمن أنك منورة

توولي · 11-02-2009, 05:16 AM

..

اقتباس


	أنه مرة جتن بنت قالت ابي مكياج حلو .. قلت له اذا تبين مكياج حلو انصحك بصلاة الليل .. تقول ان البنت طلعت من عنده يوم صار من بكرى أتصلت تشكرني قالت ياختي اني كل امس وانا اصلي الليل يوم رحت للجامعة اليوم مهنا أحد ما سألن عن مكياجي!!!!!!

ـهههههههههههههههههههههههههههههههه
ـهههههههههههههههههههههههههههه
اما السالفه ذي بلحاله
والله ياهي فله هالداعيه

اسلوبك رووعه
واصلي

بإنتظــار البقيه

.

تغاريد نجد · 11-02-2009, 01:12 PM

الحج وماادراك ماالحج لي سنه حاجه وكل يوم اتذكر موقف جديد واموت من الضحك
الله يرزقنا القبول
اذكر داعية ماتخلي احد يسهر وممنوع السهر اهم شي قدامي امراة مدرسة يعني شخصية و معه ثنتين جت الداعية وتنصحه تسولف حنا قدامهن بس ساكتين بفرشن جنبي وحده وحنا مهنا شخصية متغطين ونسولف شوي شوي ونشوف المسرحية الي قدامنا>>>>لاشفنا مواقف بعدين اقولك عشان ماتخرب الحجه ههههههه
قالت الداعيه ناموا.... قالت مابنا نوم..... قالت الثانية الا بنا نوم وغطت وجهه بالبطانيه المدرسة طيرت عيونه عليه حنا يالبنات مت من الضحك قالت المدرسة مو تو تسوليفين
الداعية ياخزياه شافتن ميتين ضحك اانفشلت وراحت بعده ماجت بس لاحظت تحاول تعرف من حنا بناته الله يحللنا منه بس بعدين طقين صداقه معه وقهوة بس هيبه شوي

BU7OOR · 11-02-2009, 01:31 PM

أيتهـا الساخرة

كل هذا معقول

!!

صادقة انتي !!

عجزت استوعب ..

<- عادي عادي كلمات متقاطعه

وبعدين وراه أبوك ماقال لنا عن خيمتكم

وإلا يدري انا مامعنا تصريح

<- فضيحة

آكملي أيتها المنسمة !

غ دير المح ـبة · 11-02-2009, 05:05 PM

قصتك شي !

كملي أنتظر

nooor · 11-02-2009, 05:12 PM

خخخخخخخخخخخخخخ ربي يسعدك
صراحه اسلوبك غطى على كل نقاط النقد
كملي كملي :073

:

ايـ ق ـاع الزم ـن · 11-02-2009, 10:53 PM

تميّــــــز <<من حضرتي

.
.
أراسيل لو كنت بمكانكـ كان اترك فراشي لهالداعية عشان أروح لمشغله ويعطونن خدمات مميزة

صدز ماعندتس نظرة ثاقبة ومستقبلية ..
تقبل الله حجتكـ...<<

على فطنات الأخت..

.
.
حبيبتي أراسيل تسبدي مب سبيل الدلال تبرعين به بس عاد عزف تستاهل..!!!
.

أراسيل سلمان · 12-02-2009, 12:03 AM

اقتباس


	الداعية مشهورة ومعروفة .. يعني ماهي بحاجة زبونات لهالمشغل .. والمشغل الهدف منه لايجاد المشغل البديل عن المشاغل الموجودة .. بعيد عن الربحية .. وأسعاره رمزية .. تعقيبي فقط للتوضيح .. ومن حقه انه يوضح هذا الشي لأنه حراااااام يصادر جهده وعمله ..

تعقيب أحد الاشخاص ع الخاص جزاه الله خير
ووالله النيات أنا ما أدخل فيها أنا أنقل واقع مشاهـد فقط

أراسيل سلمان · 12-02-2009, 01:46 AM

..........

اقتباس

سويـت أقتباس متعدد وانحاست الردود ماأدري وراه كل وحده تدور رده بس موب بالترتيب

أهم شي أني ماتركت أحد كلكم رديت عليـكم

اقتباس

المشاركة الأساسية كتبها غنوجة نجد


	انتظرك ؟؟؟؟؟؟؟؟؟؟؟؟؟؟؟؟؟ متحمسه

يالله حيــه
وقسم منورة

اقتباس

المشاركة الأساسية كتبها ايـ ق ـاع الزم ـن


	تميّــــــز <<من حضرتي . . أراسيل لو كنت بمكانكـ كان اترك فراشي لهالداعية عشان أروح لمشغله ويعطونن خدمات مميزة صدز ماعندتس نظرة ثاقبة ومستقبلية ..تقبل الله حجتكـ...<< على فطنات الأخت.. . . حبيبتي أراسيل تسبدي مب سبيل الدلال تبرعين به بس عاد عزف تستاهل..!!! .

حياك ياقلبي..
وأيه أنا ما أعطي شي الا بقدرة

ههههههاي
يسلمو منورة والله

اقتباس

المشاركة الأساسية كتبها غ دير المح ـبة


	قصتك شي ! كملي أنتظر

تسلميــن كوني بالقرب

اقتباس

المشاركة الأساسية كتبها nooor


	خخخخخخخخخخخخخخ ربي يسعدك صراحه اسلوبك غطى على كل نقاط النقد كملي كملي :073 :

تسلمــين ياحبيك
نورتييييييييييييي

اقتباس

المشاركة الأساسية كتبها BU7OOR


	أيتهـا الساخرة كل هذا معقول !! صادقة انتي !! عجزت استوعب .. <- عادي عادي كلمات متقاطعه وبعدين وراه أبوك ماقال لنا عن خيمتكم وإلا يدري انا مامعنا تصريح <- فضيحة آكملي أيتها المنسمة !

:d يا ناس أنا أحب بحور من الله ما أدري واه
وراه؟

منورة لا تبعديـن..

اقتباس

المشاركة الأساسية كتبها تغاريد نجد


	الحج وماادراك ماالحج لي سنه حاجه وكل يوم اتذكر موقف جديد واموت من الضحك الله يرزقنا القبول اذكر داعية ماتخلي احد يسهر وممنوع السهر اهم شي قدامي امراة مدرسة يعني شخصية و معه ثنتين جت الداعية وتنصحه تسولف حنا قدامهن بس ساكتين بفرشن جنبي وحده وحنا مهنا شخصية متغطين ونسولف شوي شوي ونشوف المسرحية الي قدامنا>>>>لاشفنا مواقف بعدين اقولك عشان ماتخرب الحجه ههههههه قالت الداعيه ناموا.... قالت مابنا نوم..... قالت الثانية الا بنا نوم وغطت وجهه بالبطانيه المدرسة طيرت عيونه عليه حنا يالبنات مت من الضحك قالت المدرسة مو تو تسوليفين الداعية ياخزياه شافتن ميتين ضحك اانفشلت وراحت بعده ماجت بس لاحظت تحاول تعرف من حنا بناته الله يحللنا منه بس بعدين طقين صداقه معه وقهوة بس هيبه شوي

هههههههههههههههههههههاي حلوووة
السواليف ماتخلص
الحـــــج كشتــه وبس
حياك نورتي الحتــه

اقتباس

المشاركة الأساسية كتبها توولي


	.. ـهههههههههههههههههههههههههههههههه ـهههههههههههههههههههههههههههه اما السالفه ذي بلحاله والله ياهي فله هالداعيه اسلوبك رووعه واصلي بإنتظــار البقيه .

أنتي اللي روعـــه ياحياتي
مشكوووورة

القلب الوردي · 12-02-2009, 01:25 PM

هلا هلا هلا بأمي أراسيل

<<

ـههههههههههههههـ

أهم شيء إني عرفت الموضوع من العنوان

بس لكل سرد نكهة خاصة

ياحبي لك بس أنتِ وأختك

المهم أنا جيت أوثق المعلومات بالصور

وأهم صورة

هي صورة مزنة

ومرة ثانية لاعمرك تقولين تسذوب

أراسيل سلمان · 13-02-2009, 03:01 AM

اقتباس

المشاركة الأساسية كتبها القلب الوردي


	هلا هلا هلا بأمي أراسيل << ـههههههههههههههـ أهم شيء إني عرفت الموضوع من العنوان بس لكل سرد نكهة خاصة ياحبي لك بس أنتِ وأختك المهم أنا جيت أوثق المعلومات بالصور وأهم صورة هي صورة مزنة ومرة ثانية لاعمرك تقولين تسذوب

هوووووووووووووه وشو ذاا
أسم الله عنـك
من أنتي بنتـه ؟

وشو قسمــك ؟

<عجوز تخطـب

,,,

حياك منور يا قلبـي أنتي ذكيـة وذكرياتيـة

تسلميــــــــــــن ياروحي بنتي أنتي

11-02-2009, 03:26 AM	#1
أراسيل سلمان عـضـو تاريخ التسجيل: Aug 2007 البلد: جسمي هنا غير أن الروح عندهم المشاركات: 1,774	بينما كنا حجيج إلى بيت الله الحرام <أسلوب لايقاوم.. قصة حجتنا ! بينما كنا حجيج إلى بيت الله .. وكنت بصحبـة أختي وزوجة أخي .. وصلنا لمخيمنا في وقت متأخر وكان والدي قد استأجر لنا خيمــة خاصة من ظمن مخيم كامل يظم مختلف الاجناس .. أول ماوصلنا وقفنا لنا شوي ندور الخيمــة وندور وين ياناس حنا مستأجرين خيمـــة ولقينا كلش ممتلي أخر شي قامت ست الحسن والجمال زوجة صاحب المخيم قالت : واا خزياه منكم خيمتكم نايمات به الداعيات<<مكرمتهن على حسابنا !! تجولو بالمخيم لما يقومن ويطلعن قشهن ثمن تدخلون .. <بداية موفقــة , ياسلام حنا منهدين وتونا جايين هذا الاستقبال موب ذنبنا ان الداعيات نايمات بخيمتنا قال ايش قال تمشو بالمخيم .. هالمخيم ودكم تسمعون به ولا تشوفونه ثلاث خيام لو نبي نتمشى مالقينا لنا مفلحز .. وحنا نطوف على الكعبـة عفوا المخيم .. نزل الفرج قالو تعالو طلعن الداعيات ..يالله لك الحمد .. وقعدنا واستقرينا بالخيمة وجبنا لنا قهوة وتمر وسنع يالله من فضلك الا وتدخل وحدة قالت هذا خيمــة الـ..... , حنا ايه ياهلا ومسهلا < طبعاً مانعرفه بس الوالد الله يبارك فيه مجمع له ثلة طيبة من الناس يبدو مستكثر علينا الخيمــة هههه أمزح والله مااظلمهم نعم الثلة الطيبة وحنا نشرب الفنجال الثاني ولاي اغص ويطق باب الخيمة صوت عجيب >>هادي خيمة الــ , انا دايرة اجلس معاكم هو اصلن ابوكم دلني عليكم ..! يالله حيه يالله حيه < سودانية ولا نقعد شوي وانا ابد بالفنجال الثالث الا الخيمة ترجد انا مين .. وفي هذه الاثناء الاي اسمع احد برى يقووول هااي هزي خيمة الــ .. انا والله ابوكم دلني عليكم وجيت <<الاخت لبنانية .. هلا بالبنانيين كلهم شرفتي .. لا ونسيت اقولكم اللي اعظم من هذا السودانية انفة الذكر جايبة معه ضناهااااااااااا أصغر حاجة على مر التاريخ بنته توه طالعة من النفاس ومجيووبه لا اله الا الله <هذا اللي ناقص لا والاشنع من هذا كله اسم البنت الصغيرة مع انه سودنية الا ان اسمه مزنـة على كفيلته طيب الله روحه !! المهم ونقعد يومين والا تدخل علينا مرة ماتعرف تحكي عربي بس تفاهمنا معه بالاشارة ان ابونا كازه لنا عن طريق ولده يالله حي اهل الجزائر كلهم وه بس قسم الاخيرة عجوز طعمه تهبل عيونه زرق وبشرته مشدوده املح من لميييس <سيكو مادري قضو ولا بقى أحد نسيتــه !! طبعا الخيمــة بقطــة كبر أيدي بس مع ذلك له جمهور .. اللي ضاقت عليهم خيمتهم ويحسبون خيمتنا سبيل نقلو عندنا .! واللي يقربون لجد ابوي منول درو اننا حاجين وانفقت خيمتنا ونقلو لنا.. وصارت خيمتنا حفلة كل بين مفرش ومفرش مفرش ونص المفارش طالعات على برى بالعراء طبعاً .. وطبعاً النازحين الجدد كل واحد ساحب له بطانية ومفرش وحنا يااهل الدار نصنا بالارض ومتقاسمين عباة حدانا نتغطى به ..ياحياة الشقى < ؟!, .. وحنا حليميــــــــــــــــن بهم ولا مب قصور(ن) بنا .. المهـــم قضينا من سالفة الخيمــة .. وبدت سالفـة المحاضرات .. وما أدراك ما المحاضرات.. وكان طريقة المخيم أنهم موصلين مايك لكل خيمــة وفيه شيخ معروف جداً مخيّم معنا وكلامه روعه ويستضيف ناس توهم مسلمين يقولون قصصهم ويصيحون مرة شي مؤثر.. وحركات ع مستوى عاد على الجانب الأخر به خيمـه كبيرة للحريم .. وبه داااااااااااااااااعيااااااااااااااااات .. وما أدراك ما الداعيااااات !! المهم مرة وحنا منسجمين نسمع قصـة شخص يرويها بنفسه وكلام رهيب للداعيـة المعروف .. الا وتجي صاحبة المخيم وتفصل المايك قالت لا تعالوا الداعية تلقي محاضرة بقسم الحريم.. طبعاً تصرفها غير لائق بس حنا عديناها ورحنا نسمع المحاضرة .. عاد ابقولكم وش فحوى المحاضرة اللي فصل المايك عشانها.. ولا أنسى أننا اصيع ناس بالمخيم بما اننا ماحضرنا المحاضرة من أوله .. أستغفر الله .. الله يتوب علينا بس .! بس يوم دخلنا وأثره تنصح عن المشاغل <!! ,, أعتقد أن الحج وقت عبادة وتذكير بالله موب وقت هالحكي.. قالت >> الداعيـة ..أن المشاغل مخيفات وحرام وانصح الحريم يفطنن لبناتهن من خطر المشاغل واذكر قصة بنت راحت تسرح شعرها بالمشغل ويوم رجعت صارت تستفرغ وأثرها طلعت حامل <بنفس اليوم؟! ,, طيب متى أضنت أولاه ؟! شكله من بكرى ! والله ياهي وناسه بعد ..كلكم روحو لمشاغل لاصارت كذا السالفـة !! وكملت حديثها عن حرمة وخطر المشاغل العظيم . . وأن فيه مشغل أسمه مشغل كذا وكذا وهو عبارةعن مجموعة عصابات يخططفون البنات ويفعلون بهن الفواحش !! < ياسلام ولا فيه حكومة ولا هيئة توقفهم تسوي شي!! الدنيا سايبـــــــــــة !! .. إلى الأن عادي ماقالت شي لكن المفجع بالأمر لما كملت كلامها >>أن اللي تبي مشغل مضمون 100% تجي للمشغل حقي وان اسمه كذا وكذا واننا مهنا زين شغلنا ورخيصين !!!!!!!!!!!!!!!!!!!!!!!!!!!!!!!!!!! وأن تراه خلف الدائري الشمالي بمخرج خمس طعش عن يمين مادري وشو ثم وزعت كروت المشغل!!!!! أموت أنا على الدعايات واستغفال الهمجات <<سجع!! وقالت ابقولكم من القصص المؤثرة التي تحدث في مشغلنا< وتتوارد الدعايااااااااااات للمشغل .! أنه مرة جتن بنت قالت ابي مكياج حلو .. قلت له اذا تبين مكياج حلو انصحك بصلاة الليل .. تقول ان البنت طلعت من عنده يوم صار من بكرى أتصلت تشكرني قالت ياختي اني كل امس وانا اصلي الليل يوم رحت للجامعة اليوم مهنا أحد ما سألن عن مكياجي!!!!!! وأني قلت لهم مكياجي صلاة الليل .! والى أخر القصص المبكيـة !! بس ياخي غريب بلال مؤذن الرسول صلى الله عليه وسلم كل عمره يصلي ويأذن بالمسلمين .. ويذكرون أنه عبد أسود مع ذلك.! بس عاد أقولكم صدقوها لان بلال رضي الله عنه أكيد أنه من الشواذ.. والحرمـه أبخص.! .. يتـــــــــــــــــبع بكرى أن شاء الله مليت وأنا أكتب .. لمّا تكتمل لكم السالفـة راح يتضح مقصدي من العرض هنــا .. __________________ [POEM="font="Arabic Transparent,5,deeppink,normal,normal" bkcolor="transparent" bkimage="images/backgrounds/.gif" border="none,5,gray" type=0 line=0 align=center use=ex num="0,black""]أحبّاءنا والدهرُ فَرّقَ بينَنَا= يعزّ عَلَينَا من بعِيدٍ نوَدّعُ بعثتُ لكم والشمسَ مني تحيّةً= لتنشرَها فوقَ الحمى حين تطلعُ وها أنا أقضي الليلَ أرقبُ رجعها= فهل لي سلامٌ منكمُ حين ترجعُ ويا أيها البرقُ المحلّقُ في الفضَا= يطلّ على أطلالهم وَيُلَعلِعُ بِعيشِك قل لي هل ديار أحبّتي= بها القوم صرعى وهيَ قفرٌ وبلقَعُ فإن كان ما أنبَأتَ حقّاً فسر إذن= إِلى خالقِ الأكوان إنّك أسرَعُ[/POEM] آخر من قام بالتعديل أراسيل سلمان; بتاريخ 11-02-2009 الساعة 03:29 AM.

11-02-2009, 04:15 AM	#2
عزف الجنون حرف راقي تاريخ التسجيل: Jan 2008 البلد: فــي بـيــت آوى.. المشاركات: 2,084	.. تقبّلَ الله يـا حجّـة << بعد بعد بعد الزحمة هههههههه صايرين حاتم الطائي للمخيم بس غريبة بنت خالتي حاجة و ما قال له أبوك عن خيمتكم ! وش السبب اتهقيـن على طاري الداعية اللي تقوليـن ! هو المشغل بالرياض ؟ لأن قصة المكياج , كملتها قبل آقراهـا شكلها هي اللي جاية لكليتنا و ما قالت لكم : إنهم يخيطون كم طويل و مااهنا أزين من خياطهم ! و زباينهم كـــب ! بانتظـار التكملة المرة الثانية لا تتعبين << كود ما يعجبه الموضوع على فكرة /! أسلوبك روعة .. __________________ . [MARK="#009966"]\|[/MARK].لَو كَانَ الكِتَابُ رَجُلاً لأَحْبَبْتُه !

11-02-2009, 04:19 AM	#3
غنوجة نجد عـضـو تاريخ التسجيل: Feb 2008 البلد: بقلب حبــــي B المشاركات: 1,456	انتظرك ؟؟؟؟؟؟؟؟؟؟؟؟؟؟؟؟؟ متحمسه __________________

11-02-2009, 01:12 PM	#6
تغاريد نجد عـضـو تاريخ التسجيل: Sep 2006 البلد: نجد المشاركات: 1,302	الحج وماادراك ماالحج لي سنه حاجه وكل يوم اتذكر موقف جديد واموت من الضحك الله يرزقنا القبول اذكر داعية ماتخلي احد يسهر وممنوع السهر اهم شي قدامي امراة مدرسة يعني شخصية و معه ثنتين جت الداعية وتنصحه تسولف حنا قدامهن بس ساكتين بفرشن جنبي وحده وحنا مهنا شخصية متغطين ونسولف شوي شوي ونشوف المسرحية الي قدامنا>>>>لاشفنا مواقف بعدين اقولك عشان ماتخرب الحجه ههههههه قالت الداعيه ناموا.... قالت مابنا نوم..... قالت الثانية الا بنا نوم وغطت وجهه بالبطانيه المدرسة طيرت عيونه عليه حنا يالبنات مت من الضحك قالت المدرسة مو تو تسوليفين الداعية ياخزياه شافتن ميتين ضحك اانفشلت وراحت بعده ماجت بس لاحظت تحاول تعرف من حنا بناته الله يحللنا منه بس بعدين طقين صداقه معه وقهوة بس هيبه شوي __________________ رابط جميل http://arabsh.com/u3z7c7td9n1t.html آخر من قام بالتعديل تغاريد نجد; بتاريخ 11-02-2009 الساعة 01:25 PM.

11-02-2009, 01:31 PM	#7
BU7OOR موطن الجمال تاريخ التسجيل: Jan 2008 البلد: اللهم اهدني ونوّر بصيرتي . المشاركات: 4,249	أيتهـا الساخرة كل هذا معقول !! صادقة انتي !! عجزت استوعب .. <- عادي عادي كلمات متقاطعه وبعدين وراه أبوك ماقال لنا عن خيمتكم وإلا يدري انا مامعنا تصريح <- فضيحة آكملي أيتها المنسمة ! __________________ ' إنّ الله معنا . ,

11-02-2009, 05:05 PM	#8
غ دير المح ـبة عـضـو تاريخ التسجيل: Aug 2008 البلد: لاتنسوني من الدعواااااااات. المشاركات: 1,443	قصتك شي ! كملي أنتظر __________________

11-02-2009, 05:12 PM	#9
nooor عـضـو تاريخ التسجيل: Nov 2008 المشاركات: 44	خخخخخخخخخخخخخخ ربي يسعدك صراحه اسلوبك غطى على كل نقاط النقد كملي كملي :073 :

11-02-2009, 10:53 PM	#10
ايـ ق ـاع الزم ـن عـضـو تاريخ التسجيل: Apr 2007 البلد: على أديم الزمن..,,! المشاركات: 575	تميّــــــز <<من حضرتي . . أراسيل لو كنت بمكانكـ كان اترك فراشي لهالداعية عشان أروح لمشغله ويعطونن خدمات مميزة صدز ماعندتس نظرة ثاقبة ومستقبلية .. تقبل الله حجتكـ...<< على فطنات الأخت.. . . حبيبتي أراسيل تسبدي مب سبيل الدلال تبرعين به بس عاد عزف تستاهل..!!! . __________________ لتكن ارواحنا راقيـة.. نتسامى عن سفاسف الأمـور وعن كل مايخدش نقائنا نحترم ذاتنا ونحترم الغير .. عندما نتحدث نتحدث بعمق نطلب بأدب .. ونشكر بذوق .. ونعتذر بصدق.. نترفع عن التفاهات والقيل والقـال ..نحب بصمت ونغضب بصمت ..وان اردنا الرحيل .. نرحل بصمت ..

12-02-2009, 01:25 PM	#13
القلب الوردي عـضـو تاريخ التسجيل: Jun 2007 البلد: تَحْتَ أجْنِحَتَهُم [ مُنَعَّمَةْ ] .! المشاركات: 4,768	هلا هلا هلا بأمي أراسيل << ـههههههههههههههـ أهم شيء إني عرفت الموضوع من العنوان بس لكل سرد نكهة خاصة ياحبي لك بس أنتِ وأختك المهم أنا جيت أوثق المعلومات بالصور وأهم صورة هي صورة مزنة ومرة ثانية لاعمرك تقولين تسذوب __________________ ... حيْنَ يُسكِنُ اللهُ الَرضَى دَاخلَ قُلوبِنا .. يُصبِحُ لونُ الوَاقعَ ... ورديَاً ! ♥ ..