[ملكة الرومانسيه]

السلام عليكم يالقصمان
ابي اخذ رايكم بمشكله صارت لأختي

وهي طالعه الصبح تبي تروح للكليه كان جارنا قاعد بسيارته مدري وش يحتري المهم ، ومير يطير الغطاء عن وجه اخيتي من الهواء والله العالم انه شافه
عاد هي علمتني وهي ضايقن صدره ، انه فيه احد شاف وجهه مسيكينه
ومير يجي اليوم الثاني ويوقف الرجل عند الباب تقل يتحتري اخيتي ! حسبي الله عليه
تقول ماحرك سيارته الا يوم تحركت سيارتنا ! ويجي جنبهم وهو مبتسم !!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
وشلون نتصرف بهالموقف ! افيدونا
انا قلت له تعلم ابوي عليه وهي خايفه من ابوي .

علما بأنه ساكن بعماره قدام بيتنا ومتزوج لأنه شافت معه ولد صغير ودايم نشوف سيارتهم وبزارينهم / ساعدونااا الله يوفقكم

[abo-saly]

تطلق عشر قذائف هاون عليه ويفضل صاروخ نووي لضمان هلاكه ...!

تحياتي

[روح تحتضر]

علمي احد اخوانك المتفهمين...لا تطنشون ترا يمصخه بكرا تلاقينه يزحف فوق جداركم زي البس...

[أم جحا]

قولي لها تقول أم جحجوح
طنش تعش تنتعش

بس أهم شي ماتطلع الا إذا جاء النقل حقه .

وإذا ضايقه لازم تعلم عليه .

[عبوس المصرقع]

قولى لاخوانك,,,,,,,,من اول السلم ولااخره,,,,,,,,,,لانه عربجى فاضى هالجار,,,,,,,,الله يستر على بنات المسلمين

[بقايا ذكريات]

,, برأيي أن تتريّث في أخبار أهلها ., حتى تتأكد تماماً من تكرار تصرفاته , وحينما يصدر الأمر منه مرةً أخرى , تخبر من تراهـ ذا تعقل وفهم , وحذري أختك أن تتصرف بحركات مريبة جراء خوفها , و قد يفهمها هو بعكس مرادها . فالحقراء مثله يعكسون الفهم دوماً.


هناك بعض الأخوات هداهن الله , يتصرفن ببرائة , توضح للآخرين أن أمرها مشكوكٌ فيه , كالنظرات , وطريقة المشي , وحركات الجسم واليدين.فل تكن خطاها واثقةً دون أن تزيد من التصرفات , أعانها الله .

[ولد السوريه]

اسهجوه ولا تعطونه وجه ومره ثانيه الله يجزاك خير احتشمن عآآآآد انا ادري

وإذا عاد شفتوه عليه حركات وزوده خلو احد يتفاهم معه

[افراحي احزان.]

هوووووووهوووووووو هووووووووو عطس يرحمك الله

حزء من الوجه بالغصب وهي ما تقصدها لا تكبرون الموووووووووواااااااضيع
ان تكرر منه الله الله بتوصيل الموضوع لمن يهمه الامر من الاب والاخوووون العاقلين

ولا تكررها مرررررره ثانية

[سحاب الشوق]

من وجهة نظري لازم تخبرين الوالد عن الشخص


اول مره ممكن تعدي وثانيه مره ممكن يسوي شي اعظم من هذا


وكل مره تتغاظى وبالاخير يعمل العمايل لابد المصارحه بأرض الواقع





جل شكري

[يوسف الخالدي]

.

الأمر عادي جدا"..أذا كرر التحرش بأختك بأختلاس النظرات ..ما لك الا تبليغين الهيئه !!!

أمزززززززززززززززززززززززززززززززززززززززززززززززز ززززززززززززززح .!!!.

(( أقول أذا كرر )) بلغي أحد أخوانك وهو يتصرف معه ..أعتقد ما فيه حل الا كذا ..

.

[‏!مدحدره نحو القمه]

بس ..
لاتسوي شي ولاتعطي الشي أكبر من حجمه الحمدالله والشكر..

[بياض الثلجة]

وش بيسوي لة يعني بيخطفة
اذا هي محتشمة خلية ياقف التعب على ارجيلتة

اليد اللي ماتسرق ماتخاف

[عقلانيه بجنووون]

الحمد الله والشكر

الامر جدا عادي
كل ماعليك عدم الاهتمام به وخلك واثقه ولاكأن غطوتك طارت ولاكأن شي صار


واذا هو من النوع الي يفشل اذا انتي مثلا اذا شفتيه اتغطين ايدينك يعني تراني شايفتك بس خاف ربك بكذا هو يمكن يستحي ويعقل.
واذا هو من النوع المنتهي
يبي يقيس نبضك اذا انتي راعية حركات فهذي اول الخطوات!!!!!!! لا زم تنتبهين

اذا هو استمر بذا الحركه
فبلغي اهلك... والله يستر علينا وعليك

[ملك الرمنسيه]

ممكن هو يتوقع ان اختك متعمده عشان كذا هو يبي يوصلها انه شفها لكن اقترح انكم ما تتعجلون ويصل الخبر للوالد او اي احد لان ممكن يفهم غلط بس اذا كان متزوج انحات يوصل لزوجته انه بلهجت حريمنا يخزياه من ابوكم طارت العباه وكنه شافني والله اني فشله هي بدورها بتوصله الكلام وهو بينضبط لانه رساله له بكل ادب . والله الموفق