[نجديــــة]

الســــــــلام عليـــكم ورحمــة الله وبركـــاته

وبــعــد:

بمــا إني بسم الله علي وبسم الله على صديقتي الغالية BU7OOR على عتبــات
التــ خ ـــرج من الثــانــويــة وفـي طريقنــا لمـواصلـة الجد والمثــابرة منطلقيــن
من ذلك الـ ع ــالم الصغيــر المسمّــى "بالمــدرســة" ومتوجهيــن إلى عــالم
كبيـــــــر ... يــقــال له مبنــى "الكليـــة " يمديكن على التعبير

فإنه لــدي عــدة مـلاحظــات كثيــرة بـعض الشــيء , وثقيــلة على النــفس
لكنـهـا للأســف الحقيقــة المــرة .. ألا أن هــذه المــلاحظــات عــامة
عـلـى جميـع المــدارس في الـدولة السـ ع ــوديــة القصيـميــة البريــداويــة
ومـتـمـركــزة فــي مــدرستنــا خــاآآصــة

فلتتـسـع صــدوركــم لـهــذا النــقــد المــوجــع , والذي كتمته في نفسي
طوال مسيرتي التعليمية الـ12 عــامــاً ..!

مــاذا 12 ! أقال أحدكم 12 عاماً وأنا أطلب العلم ...ماهذه الحقيقة الكشخة



وهـ بس .. عقبال ما تكتمل لـ 16 عام و أرتاح من شقى هالدنيا أنا وبـحـرحـر
يــارب بس تسـهّــل وتيســر

نرجع لمحــور حديثنــا ... "محور" .. ولو لغة أجل تحسبون الـ12 عام راحت ببلاش

فــ يـــا مــن يـعنـيـهـم هذا الأمــر .. عليكم أن تتحملوا وتصبروا
وتثابروا وتســعــوا لإزالتــهــا أرجــوكم أرحموا أجيالنا القادمة
من هذه الظاهرات السلبية التي تشكل خطراً على المجتمع السـ ع ـودي
"ولو ,اليوم وطنية بسم الله علي وهـ بس "

لنبــداء بــأولـهــا وأقســاهــا على الق ـلب
ذلك الشيء الذي يــدعــى بــإســم
1- القيـــــــــــــــــــــــاس

تسيــف أن الــواحــد مايـتـهـنــى بحيـــاته العلميــة بسبــب هالقـرارات
اللــي مــادري وش تبــي بالظبــط .. ابتــداء من إنطفــاء الكهــرب
إلى قــرار إمتــحــان القيـــاس ... والضحيــة هــو المـواطـن نفســه
ويـــانفــس لا تحــزني ... قال :إيش ؟ قال: 70 % قياس والباقي تحصيلي
والعلّة والسبب من وضــع القيــاس .. عفــواً من وضــع هذه النسبـة الكبيــرة للقيــاس ؟
يــأتيــك الجــواب بكل بساطة + مـفـعــم بالفلسفــة الفارغة ومنهـا نحاول عبثاً أن نستشف الزبــدة بصـعــوبــة بالغــة من هذا القرق كلّــه
الا وهي ((كي نفرق بين بنــات المــدارس الأهليــة وبيــن بنــات المـدارس الحكومية ))

لاتخلونن أصيــح أولاآآهـ وش هــالـ !وشسمه
قال :وين أذنك ياجحا ..قال : هذيك

الحــلّ:
بدل كل هالخرابيط والقرق والقرارات الغير مجدية.. فيه حل سهل وعادل بيننا كلنــا
وهــو إغــلاق أو جـعــل المدارس الأهلية في دراستها تماماً كالمدارس الحكوميــة وبسسسس
وعندهـ نزلوا نسبة القياس الرفيعه والحمدا لله وش هالذهـــانه أولاآآآهـ
سبحان الله
أبتل أقول التعليم السعودي فاشل ميــر فاشلة بكل شيء الله يرحم الحال ..!
((والله وتظرب بالوطنية عرض الحائط))
ميــر شـكلــي جزمت علــى الـهـجـــرة


,,


المشكـلة الثانيــــة واللـي هـي
متعنقـطـة بمـدرستنــا بل للأسف جميــع المدارس
كمــا أسـلفــت ســابقــاً
2- المنــــاوبـــة
محاتسيتكم الله لايصدفة مـن الذين يرصون رصة بالمدرســة ..!
أيّ أنها من الذين يعدون البلاط من الفراغ والأحبــاط
تصــدقــون عــدد المكعبــات بالحـوش الخارجي بالمدرسة من الجهة الأمــاميـة
قبل الثيــل والبلاط اللي بجنبه / 72 × 60 بلاطة ولا فخر >>أهجدي

فـ الوشسمه ... الحيــن أبـ غ ـض مـا أشـوف بالعـالم
المـعلمــة اللــي تنشـب بحــلـوق الطالبــات .. كل شـوي تنــاديـهن
يالله بسرعة كلمي ..؟
وإذا كلمت ولا ردّو ! ..مير الله يرحم الحال ماتسد رد أحد الله يخلف علي
إلّا جدتي يحول , وتقولي بعد كلمي ثانيـة
وتاقف المعلمة فوق راسي ..
-ردّو؟
- لا ..
- عيدي المكالمة

لاحول ولاقوة إلا بالله
الحين تقل أنا اللــي ودّي أتــأخــر أعــوذ بالله
مـاتــدري إنـي أشوف البـلاط اللي أعدهن تحت وطأة الشمس تقل مغصوبة
الوحده منهن ثلاث بلاطات ..يعني العدد اللي فوق احتمال غير صحيح
تـقـولـي : الحين أهلك مايبـونك ؟ أو ناسين أن عندهم بنت بالمدرسة ..؟

عاد أنــا ابدأ أسردله الأسطــوانــة /
شوفي أستاذة أنــا عنــدي 3 أخوان الله يصلحهم ويخليهم لي بس
بس نبــدا بالـوالد قبل / أبوي مايطلع من شغله إلا مع أذان العصر
((بابا مافيش حتة أمل أنه يجيبن ياحياتي ولا مايقصر ))
وأخــوي الكبيــر / كــود يمــر مـرته من الكليــة لأنه أقرب لشغله , ويجــدعــه ببيتــه ثم يجي ياخذن ويحلتن ببيتنا .. اثاري الساعة 2 إلّا ,يعني ماستفدنا شيء .
وأخــوي الثانــي /مايـطـلع من الكليــة إلّا الســاعة 1 وشوي .. والطريق يستغرق وقت يعني الساعة 2 إلّا برضوا ماستفدنا
وأخــوي الثـالث / يدرس بالثانويــة ويطـلع الساعة وحدة وشوي بعد .. بس أن مدرستــه قريبه لمـدرستي يعني هــو أكثر الأحيــان يجين بس تصير الساعة 1 ونص
يعنــي هــو أهــونهــم وممتــازة جيتــه بس مــاعنــدس أحد ..!
مع ذلك وفوق ذلك ومع شرح تلك الأعــذار تبتــل تــزن فــوق راســـي
كلمي على أهلك .. كلمي على أهلك

يعني برأيــك يــاأيتهــا المنــاوبة ..هل إذا كلمت على أهلي تبي تجين أمــي بجيب الربـع تمرن
وش بيده حيله هي ؟ متى تفهمون ؟

وإذا قلت شيء لأهلي عقب .. قــالـوا ســـــادّة هــذي اللــي تختــار مــدرســة بعيــدة عن بيتــهم
ولّا كان الحين تجين ببــاص وترتـاحين من هالمعلمات أوجـس أنــي أرحمـن
(( عاد أقــول بقلبي .. زن المعلمة ولا رصّة الباص ))

فــ يــا معلمتـي العزيـزة المنــاوبـة : أتقــي الله في الطالبــات وهـ بس الله يصلحكن
والله أني أستــآنس لاصـارت المنــاوبــة على كذا معلمة أحبهن قوة وهن مادرسنن أبد .. لأنهن مايقولن شيء وهـ بس
متفهمات ويعرفن ظروفك وحتى مايسألنك مير وبعضهن يقطعن الفراغ ويسولفن معك .. وه بس ودي أكلهن بعد

الحــل/
بعد مـاتنـاقـشنــا عن هــذا الأمــر فــي أحــد الأيــام المــاضيــة
خرجنــا بنتيـجــة وبحــلّ منــاسب .. اقترحتــه إحدى الطالبات !
ألا وهــو : أنهم يجيبون وحدة خــاصــة بالمنــاوبـة .. تصيــر بيتـه
حــول المــدرسـة ومــوثوقــة طبعــاً.. تجي لم المدرســة الساعــة 11 ونص مثـلاً
ولا تطلع إلّا وكل ّ الطالبــات طالعــات .. ونرتــاح من زن هالمعلمات
إيقاله عجلة تبي تسوي الغداء لأبوهم ..المفروض تقوّله أن هاليوم ترا المناوبة علي
ولا تجي تمرن الا بعد العصر علشان يدري الأبو انه مهناش غداء وينام )
ويجي ياخذه من المدرسة اذا صلّى العصر وبس......... أعوذ بالله

((هــذا والمنــاوبــة مــاتــمــر إلّا مرتيـن أو 3 بالفصــل الــواحــد اللهـم يــاكافــي))
عـمــومــاً ســالفــة المنــاوبــات هـذي .. كنت أعاني منه يوم أنــا بأولى وثـاني ثانوي
أمـّا بثــالث فالحمدلله .. تأخري يعد بالأصــابع

,,

نــجــي للمشـكــلة الثــالثــة والأخيــرة/
وهــي المشكلة اللي تشب التسبــد , وتحــرق الأعصــاب
الحين فوقي سؤال محيّر قوة ودي أدري وين تصرف ميزانية
المدرسة ..؟؟ أمنيــة حيـــاتــي أعــرف الجــواب ؟

3- مكبّــر الصــوت " المايكروفون"
أكثــر ضنّــي إنــه يبــاع بـ 1000 ريــــال فقط
ومــع ذلك مكروفون مدرستنــا مشــحــوذ .. كل يومين طافي
وأنا بما أني كسل أطلع وأحتــري أخــوي لسببين :
1- كســل أرص بالشمس ..!
2- الرجال والشباب منترسين عند باب المدرسة وكل واحد طاق نظارة شمسية وأنواع القز

فـ لذات السبب كل يوم لازم أنهاش من قبل أخوي الكريم هداه الله
كلّه بسبب هالمايكروفون المشحوذ تصـدقـون عـاد
فكرت فكرة أنــا وصـديقــاتي إن كـل وحــدة تجيـب معـه بكرى 300 ريال
علشان نشري مكروفون للمــدرســة ونحســن لهم ونــاخذ أجرهم

تعرفون يحول يمكنهم مشغولين بأشيــاء أهــم من الطالبــات
يجب علينا كـ فتيات أن نعذر لهم هذا القصـور لأنهم ليســوا فاضيين له
وسيتدبرون حلّ مشكلته عاجلاً .. من يوم أنا بأولى وهم عاجلاً طبعاً

لا بعد .. ياويــل اللي تجيب جــوال قديم من عام الحزن بدون بلوتوث وشاشته متكسرة
وضغاطاته كبــار .. ممنــــــــــــوع !
طيب كانه ممنــوع زينــوا مكرفونكم هالمقــرف ولّا اسمـحولنــا بالجــوال
وهـ بس .. اللهم طــوّلك يـــاروح !

الحــل المقتــرح/
أن مــوضــة جهــاز " البيجــر" تـرجــع علشان إذا جاء اللي ياخذنا
يدق علي وبس .. وألبس عبــاتي وأطـلـع ونرتــاح ..موب كل شوي ألبسه وأطلع
أويدز ثم أرجع .. وعلى هالسيرة
يـــــــالله الصــلاح بس



أخيــــــــــــــــراً :أعتذر لمدرستي أولاً وجميع المدارس عامة
على قســوتي ولكن هذا الصــدز وهــذا الواقع
شوفوا حـل بأقــرب فرصــة تكفــون

وهــذا المــوضــوع عجـزت أفهمه أنــا نفسي
هل هــو فضفضة ..ولا شكــوى .. ولا توبيــخ ونقـد .. ولا قريــح
اللي تبــون أخــتــاروهـ يــاقلبــياتي أنتــن وهـ بس

إن أصبت فمن الله وإن أخطأت فمن نفسي والشيطان
والسـلام عليـكم ورحمــة الله وبركــاته

[كنز الألوان]

وعليكِ السلام والرحمه أختي نجديه العزيزه


باالنسبه لملاحظتك الأولى وهي إختبار القياس

أنا أقولك مب بس على إختبار القياس المشكله إن تعليمناااا فاشل

وإقالهم بيطورونه فشل زيااده وبدوا يرجعون للنظام القديم بعد فشله وماغير تضيع الأجيال على تجاربهم





أما عن المناوبه
فأنا أقترح إنه تكون مرت البواب هي يكون عليه المناوبه

أو يجيبون مره تكون مسؤله عن خروج الطالبات

وش دخل المدرسه تناوب على البنات هي جايه تدرس موب تحرس البنات


بس ماأظن مشكلتك بتحل لأنه بتزن فوق راستس هي الثانيه خخخ






ولا عاد مكبر الصوت قسم باالله يقهرونتس

المشكله إن صار المكرفون يشتغل بس الي ينادي ماينطق زين (يبلع بعض الحروف)

أنا ودي أدري وراه ماسوو له اختبار قياس وقبوول ....مثلنااا...........خخخخخخ


إعذرين على هرجي الكثير نجديه بس تصدقين أحس إن معاناتك نفس معاناتي










"

[رُوَاءَالرُّوح]

نجديـه يافخمه وش الطرح المحسوس والملموس بالنفظ

بداية اقول الف مبروك التخرج لك ولـ بحور النحويه

اهي اهي نجودي وتوك تاصلين مرحلة فشل ربعنا << تراي احب البدنيه

آه آه آه منذومبطي وحنا نكتب المأساة في الجرايد والنت ومع الحمام الزاجل

تبطين عرموش به قطعة لحمه ان صلحت الاحوال

الحل يا نجودي مادامك << مب اللي تشتغلين عنده مدامك يعني هماك انتي ناوية
دخول العسكريه قصدي الكليه

تبي تشوفين الهوايل بنجاح الو شسمه

الحل عندي:
ادرسي بالجامعات اللي في اوربا حقات المسلمين الصح
نظام وثقافه وعليك حجابك طول الوقت
مب باتسر نلقى الصور بـ اخبار بريده
ايجابيات الهجره كثيره وممتعه لااحدن يصورك ولا يقزك وينحتك
ويهينك ويذلك عند السلالم<< الدرجاتلااستلعب الله لايخلين

ما اقول الا الله يعينكم في ............. مهنا الا الدجه والفتن ووجع الراس

بإحترائك في جورج تاونامزح

نجديـه
ماشاء الله كم صلحتي وعدلتي ونبشتي
من سلبيات هذولاك اقول اشربي زيت مع القهوه
انبح صوتك والعالم صقهان
كان الله في عونك
سي يو قلبي

[همـس الرحيـل]

مبروووووووك التخرج يانجديه انتي بحرحر
وهـ يانجديه يابعد تسبدي انتي وحنا
اما القياس الصراحه ماله ام ولا ابو اهئ اهئ
ولا المناوبه ولله الحمد لم يكن ؛<<اسمعي بس يكن هههه
معي الحتسي ولله الحمد اروح مع باص ؛<<<جت سالفت الباص
والله يالحرررر نطبخ طبخ جيبي غداء المناوبه ويكون جاهز له على طول
والله اننا بحاله مادري وش شايفين بهن انواع الخرندعات به
نبي مكيف بس لا نطالب الا بالمكيف ماقلنا نبي جيد حطو مكيف
يابعد شواتسلي حنا اهئ اهئ
تخيلو شوي ومايكون لنا اثر
ولا نقول الا الله يصبرنا بس على اجر ياطالبات الـ.........؟ إن شاء الله
ولا المكرفون حنا ننز منه والله يفجر الاذان احياناً ننخرش من صوته العالي ههههههههه
وتشكرات خيتو على الطرح والله يوفقك،،

[BU7OOR]

بداية :
الله يبارك بأيامكم للي باركولي ..

الجزيرة :

آما اسلوبك , مااندري جادة وإلا طريق .. قصدي وإلا تمزحين ..

من طلب العلا ماهمه شي

بعدين اهجدي ان شالله بالكلية أول من يطلع أنت تتغير الأحوال, ولا مناوبة ولا هم يزعجون ..

هالأشياء لم احس بهن إلا القياس ولو اثري صبورة ! <- دني بذاك

ولا بد من الصبر والمثابرة يارعاك الله . اقتدي بصديقتك الصدوق ..

شكل بك نووم وانتي تكتبين الموضوع أو انك محلمة بمجلس الشورى


يآحبي لك بعد ..

[بريداوية ام الهبال]

.

اللغه حقّتس وشّي يختي لذيييييذه
أحم احم أول شيء يآبنت المسلمين

القيااس
ذا اللي مفكرن بوه ضآربتن عندّوه الذهانه إلى مآبتله
يعني يآولد قريـح كررف السنين يروح بـ ثلاااثين
ثلااااااثيين يالظالم
عزّالله طلّعتوآ أجيال صالحه وزينب
اسمع الهرج القياس مامنوه فايدة

المنآوبهيآآآني يآني

أذكُرُ أنَّ الشمسَ تلطَعُني لطعاً
المنزل بجوار المدرسه <-يالآ الهَوْل
لكن فرق شارعين بالعرض همّن طوّآآلي تجيتس لفّه
على اليمين به مطب ثمّن بيوووت ومسيِد بس بيتنا بذا

همّن شوفي السوآليف أختتس وين راحت وفلانه اللي تقرب لكم وش
جآبت وعلّانه...الخ

ولّا من بالبيت ووين راحوآ وافف ومااففف

المكرفون
آآه عشقي لحد يسبّوه
حق مدرستنا عااالي الصوت و شايبن حآر همّن
اسمعي النغمات والدعوات والزمره والكدّه

نجديّة أبتل أقول مواضيعتس تحفه مقعّده
ماشاء الله

,

[بريده أم المدن]

مبــــــــــــــــــــــروك التخرج


وبالتوفيق

[نجديــــة]

اقتباس المشاركة الأساسية كتبها كنز الألوان وعليكِ السلام والرحمه أختي نجديه العزيزه باالنسبه لملاحظتك الأولى وهي إختبار القياس أنا أقولك مب بس على إختبار القياس المشكله إن تعليمناااا فاشل وإقالهم بيطورونه فشل زيااده وبدوا يرجعون للنظام القديم بعد فشله وماغير تضيع الأجيال على تجاربهم أما عن المناوبه فأنا أقترح إنه تكون مرت البواب هي يكون عليه المناوبه أو يجيبون مره تكون مسؤله عن خروج الطالبات وش دخل المدرسه تناوب على البنات هي جايه تدرس موب تحرس البنات بس ماأظن مشكلتك بتحل لأنه بتزن فوق راستس هي الثانيه خخخ ولا عاد مكبر الصوت قسم باالله يقهرونتس المشكله إن صار المكرفون يشتغل بس الي ينادي ماينطق زين (يبلع بعض الحروف) أنا ودي أدري وراه ماسوو له اختبار قياس وقبوول ....مثلنااا...........خخخخخخ إعذرين على هرجي الكثير نجديه بس تصدقين أحس إن معاناتك نفس معاناتي "

هههههههههههههههههههههههههههههههههههههههههههههههه
الشعب السعودي الله يرحم الحال متشابه في المعاناة
كم نحن شعب صبور .. وهـ بس
ياحبيلنا ... عاد يقولك المثل
(مالك إلّا خشمك ولو هو عوج )

شكرا على هيك مرور ياألبي
تسلمي ~

[ميلادُ حُلم]

..

,


أهنن

شسمه الصدز الصدز منب رآعية تأخر قوه يعني
لأني لو صار شئ المدرسه قريبه مره من بيتنا وأدقه رجل

..

صديقتي مره رآجعه مع وحده مع أبلآتنا وبعيد صديقتي مرره بيتهم عاد تقول أن المعلمة
دقت على أهلي اثر جدتي بالمستشفى ولآ أحد يقدر يجيبن , أبوه بس يسوق .
تقول قالت له امي أصبروا نص ساعه تقول وتجي تدق على رجله قالت تعال ,
وتقول أنه يوم قالنا أطلعوا أركبوا تقول قالت تغطي زين ولآ أسمع صوتس
وبس تناظرن كل الأيآم بحقد وماله خلقي > بالله ـي وش فايدتس مناوبه !


..


مكرفوننا ,

اقتباس المكرفون آآه عشقي لحد يسبّوه حق مدرستنا عااالي الصوت و شايبن حآر همّن اسمعي النغمات والدعوات والزمره والكدّه > ماأزود عليه

..

ودمتم سالمين


> وش أحس به

[امتنان حمد]

اقتباس المشاركة الأساسية كتبها نجديــــة الســــــــلام عليـــكم ورحمــة الله وبركـــاته 2- المنــــاوبـــة محاتسيتكم الله لايصدفة مـن الذين يرصون رصة بالمدرســة ..! أيّ أنها من الذين يعدون البلاط من الفراغ والأحبــاط تصــدقــون عــدد المكعبــات بالحـوش الخارجي بالمدرسة من الجهة الأمــاميـة قبل الثيــل والبلاط اللي بجنبه / 72 × 60 بلاطة ولا فخر >>أهجدي فـ الوشسمه ... الحيــن أبـ غ ـض مـا أشـوف بالعـالم المـعلمــة اللــي تنشـب بحــلـوق الطالبــات .. كل شـوي تنــاديـهن يالله بسرعة كلمي ..؟ وإذا كلمت ولا ردّو ! ..مير الله يرحم الحال ماتسد رد أحد الله يخلف علي إلّا جدتي يحول , وتقولي بعد كلمي ثانيـة وتاقف المعلمة فوق راسي .. -ردّو؟ - لا .. - عيدي المكالمة لاحول ولاقوة إلا بالله الحين تقل أنا اللــي ودّي أتــأخــر أعــوذ بالله مـاتــدري إنـي أشوف البـلاط اللي أعدهن تحت وطأة الشمس تقل مغصوبة الوحده منهن ثلاث بلاطات ..يعني العدد اللي فوق احتمال غير صحيح تـقـولـي : الحين أهلك مايبـونك ؟ أو ناسين أن عندهم بنت بالمدرسة ..؟ عاد أنــا ابدأ أسردله الأسطــوانــة / شوفي أستاذة أنــا عنــدي 3 أخوان الله يصلحهم ويخليهم لي بس بس نبــدا بالـوالد قبل / أبوي مايطلع من شغله إلا مع أذان العصر ((بابا مافيش حتة أمل أنه يجيبن ياحياتي ولا مايقصر )) وأخــوي الكبيــر / كــود يمــر مـرته من الكليــة لأنه أقرب لشغله , ويجــدعــه ببيتــه ثم يجي ياخذن ويحلتن ببيتنا .. اثاري الساعة 2 إلّا ,يعني ماستفدنا شيء . وأخــوي الثانــي /مايـطـلع من الكليــة إلّا الســاعة 1 وشوي .. والطريق يستغرق وقت يعني الساعة 2 إلّا برضوا ماستفدنا وأخــوي الثـالث / يدرس بالثانويــة ويطـلع الساعة وحدة وشوي بعد .. بس أن مدرستــه قريبه لمـدرستي يعني هــو أكثر الأحيــان يجين بس تصير الساعة 1 ونص يعنــي هــو أهــونهــم وممتــازة جيتــه بس مــاعنــدس أحد ..! مع ذلك وفوق ذلك ومع شرح تلك الأعــذار تبتــل تــزن فــوق راســـي كلمي على أهلك .. كلمي على أهلك يعني برأيــك يــاأيتهــا المنــاوبة ..هل إذا كلمت على أهلي تبي تجين أمــي بجيب الربـع تمرن وش بيده حيله هي ؟ متى تفهمون ؟ وإذا قلت شيء لأهلي عقب .. قــالـوا ســـــادّة هــذي اللــي تختــار مــدرســة بعيــدة عن بيتــهم ولّا كان الحين تجين ببــاص وترتـاحين من هالمعلمات أوجـس أنــي أرحمـن

هذا الكلام من أقوى الأدلة على ضرورة السماح للمرأة بقيادة السيارة في بلادنا !

وينتس يابنت الحويدر تلقطين هالكلام وتلزقينه بخرابيطتس !

نجودة ، مبارك عليك التخرج و .... التخرج !!

[نجديــــة]

اقتباس المشاركة الأساسية كتبها سرعة بديهه نجديـه يافخمه وش الطرح المحسوس والملموس بالنفظ بداية اقول الف مبروك التخرج لك ولـ بحور النحويه اهي اهي نجودي وتوك تاصلين مرحلة فشل ربعنا << تراي احب البدنيه آه آه آه منذومبطي وحنا نكتب المأساة في الجرايد والنت ومع الحمام الزاجل تبطين عرموش به قطعة لحمه ان صلحت الاحوال الحل يا نجودي مادامك << مب اللي تشتغلين عنده مدامك يعني هماك انتي ناوية دخول العسكريه قصدي الكليه تبي تشوفين الهوايل بنجاح الو شسمه الحل عندي: ادرسي بالجامعات اللي في اوربا حقات المسلمين الصح نظام وثقافه وعليك حجابك طول الوقت مب باتسر نلقى الصور بـ اخبار بريده ايجابيات الهجره كثيره وممتعه لااحدن يصورك ولا يقزك وينحتك ويهينك ويذلك عند السلالم<< الدرجاتلااستلعب الله لايخلين ما اقول الا الله يعينكم في ............. مهنا الا الدجه والفتن ووجع الراس بإحترائك في جورج تاونامزح نجديـه ماشاء الله كم صلحتي وعدلتي ونبشتي من سلبيات هذولاك اقول اشربي زيت مع القهوه انبح صوتك والعالم صقهان كان الله في عونك سي يو قلبي

هههههههههههههههههههههههه هلا والله بالفخمة سرعة بديهة
أجل ابطي عرموش .. معي علم ياقلبي بس شيء بالنفس وقلته
أجل تهقين بس نهاجر وندرس برا والله فكرة مامثلة
احترين انتي بس واحجزلي انا وياك قدام بالكلاس همآآه
وهـ بس .. يسلم لي هالمرور العسل ياعسل

موفقة ياألبي
~

[هَـنّوُ ~]

هههههههههههههههههههه
يااااااااعمري انتي
حالتس حاله

اما عن التأخر حنا ماعندنا شي اسمه دق على بيتكم احيانا !
مادري وراه شكلهم مايبون يتكلفون

اذا رحتي لمه قلتي استاذه ابي اكلم تقول ممنوع <<اقول شكله علثه هالممنوع

ربنا يوفئك ياألبي <<قلب حوب

..

[نجديــــة]

اقتباس المشاركة الأساسية كتبها **الصداقه رمز** مبروووووووك التخرج يانجديه انتي بحرحر وهـ يانجديه يابعد تسبدي انتي وحنا اما القياس الصراحه ماله ام ولا ابو اهئ اهئ ولا المناوبه ولله الحمد لم يكن ؛<<اسمعي بس يكن هههه معي الحتسي ولله الحمد اروح مع باص ؛<<<جت سالفت الباص والله يالحرررر نطبخ طبخ جيبي غداء المناوبه ويكون جاهز له على طول والله اننا بحاله مادري وش شايفين بهن انواع الخرندعات به نبي مكيف بس لا نطالب الا بالمكيف ماقلنا نبي جيد حطو مكيف يابعد شواتسلي حنا اهئ اهئ تخيلو شوي ومايكون لنا اثر ولا نقول الا الله يصبرنا بس على اجر ياطالبات الـ.........؟ إن شاء الله ولا المكرفون حنا ننز منه والله يفجر الاذان احياناً ننخرش من صوته العالي ههههههههه وتشكرات خيتو على الطرح والله يوفقك،،

الله يبارك بايامك ياقلبي .. وهـ بس
ايه بس خليه على الله يابنت الحلال هذي الدنيا
وه بس ياحبي لك نورتي الموضوع يالغلا

بالتوفيق ياقدعة ~

[نجديــــة]

اقتباس المشاركة الأساسية كتبها BU7OOR بداية : الله يبارك بأيامكم للي باركولي .. الجزيرة : آما اسلوبك , مااندري جادة وإلا طريق .. قصدي وإلا تمزحين .. من طلب العلا ماهمه شي بعدين اهجدي ان شالله بالكلية أول من يطلع أنت تتغير الأحوال, ولا مناوبة ولا هم يزعجون .. هالأشياء لم احس بهن إلا القياس ولو اثري صبورة ! <- دني بذاك ولا بد من الصبر والمثابرة يارعاك الله . اقتدي بصديقتك الصدوق .. شكل بك نووم وانتي تكتبين الموضوع أو انك محلمة بمجلس الشورى يآحبي لك بعد ..

أهلاً بالغاليــــــة تسيف أنــي أحبتـس حــب مـاأحد حبتس زيي
المهم ..أجل تقولين ماحسيت بالباقيات متكلفة والله ماشاء الله عليك
تروحين وتجين مع الباص ماشاء الله ماعمرك تأخرتي الا قليل جداً
والمايكروفون مايهمك لانك تبي تروحين مع الأميـــن
وهـ بس الله يصبرنا أمزح عليتس يالوشسمه .ماشفت أصبر منك

اجل محلمة بمجلس الشورى لا والله بس لكل انسان طاقة
>>جابت صدزته

تسلمي ياألبي على المرور ومشتاقة لخشيشتك