[صدى الحرمين]

الحمدلله وحده والصلاة والسلام على من لانبي بعده وبعد:
هذه خصال بعض الشباب في الشوارع
فإذا كنت مثل هذا فانتبه


1- عند الإشارة يقف يمين أسرع له لكن وراه واحد ما همه شعاره نفسي نفسي

2-إذا صار الرقم بالإشارة 4 أو5 أ وهي حمراء يمشي ولايهتم باللي مسرع بالإشارة الثانية يبي لاتصك الإشاره

3- يخطم على الناس ولايبالي ولا سلام ولا إعتذار والشعار نفسي نفسي

4- يرمي النفايات مع النافذة والببس والزقاره ولايبالي

5- يشطف اللي ماسك طريقه يمشي شوي شوي والسبب (أنا قيادة)

6- قدامه شايب ما فتح الخط ,مباشرة الحل (دييييييييييييييييييييييييييد)

7- يزود المسجل والشريط غناء عند الإشارة والسبب (أنا طربان)

8- التفحيط مهنته عند عدم وجود المرور والناس نيمه ماعلي أهم شي (الوناسه)

9- السرعة الزائدة في الخطوط السريعة والسبب (عدم وجود رادار)

10- يكبس العالي بوجيه الناس وربما الزنن ولايبالي

11- يزعق بوجه من يخطأ عليه بقصد إهانته (وهذا مسكين)

12- الإشاره باللون البرتقالي تعني عنده (إمش وبسرعه)

13- في آخر الشارع تراب هذي أمنيته يرده بـ2 وإذا صدم ينحاش

14- ينزل يصلي بالمساجد الكبيرة كالونيان أو في الأسواق ويسد على الخلق ولايبالي

15- يسد باب جاره والسبب يبي ظلال الجدار ولايستحي

16- يدخن عند الإشارة أو يأكل ولايستحي

17- يكلم بالجوال ولايفتح الخط ويخطم على الخلق والسبب شاد بالموضوع

18- الرقم والإشارة حمراء 4 أو 3 يضرب البوري بيييييييب يعني إستعد ياللي قدامي للمشي

19- هو سيارته جديدة هو أولى بالطريق يخطم ولايبالي

20- الخلق صلت وهو يقول إذا وصلت صليت بالمسجد اللي يصيف بالمكان ذاك

21-الليل كله دوران والنهار نوم وشخير والصلوات تجمع والدليل(والنائم حتى يستيقض) وهذا قد يدخل بالكفر فالينتبه

22-الإشارة حمراء إذن يمسك يمين ويلف يسار يكون متقدم على اللي قدام بس لاف ولايشاهد الإشاره

23- يشمع ويلمع وينتهي العمر والزمن وهو حاط حيله بالسيارة

24- يبي يلف كأن اليابان ما حطت بالسيارة إشارة

25-يحاول إبراز نفسه ولو يصدم ويرقد بالمستشفى شهر ويبلشون أهله كله علشان الشهره

26- إذا فاز الفريق الصخب والإزعاج لازم هنا للتعبير عن الفرحة

27- فيه رفقاؤه عند المحل إذن جلنط على الطاير

28- طبعا الدوار الأفضلية للجزوم هذا هو المعروف عنده

29- على السيارة لصقات وشعارات مايدري وشي بس المقصود التقليد ولو أعمى

30- فيه عامل قطع البحار والقفار لأجل لقمة العيش يمشي ببراءة بجانب الخط على قدمه طبعا لازم يلف عليه أو يغبر أو يزعجه بالبوري بس حق الضحك


هذه حال بعض الشباب للأسف والعلاج أن يعكسوا كل خصلة بعزيمة قوية ليجدوا الأمن والراحة والعزة والمجد والسكينة