[سيار نجد]

السلام عليكم ورحمة الله وبركاته ـآ
مالكم بالطويلة الموضوع من نهايته ,,
إذا صآر محل مشهوور ومهتم بالشكل والديكوور ندخل كأننا مخدرين ونأخذ حآجتنا ونطلع على النية..!
ومثال على ذلك :
بالفايت خرب جوالي N95
ورحت إلى أشهر وأكبر محل تقرريبا ..
وفحصه وقال الكيبل خربان , قلنا طق له أصلي يالذيب وخلنا نفتك ,, والله وأركبه بـ 200 مع حب الخشووم وانتظار لمدة 24 سآعه ..
وفترة بسيطة ويخرب , قلت أنا وش هاللعب وأروح إلى أشهر واحد بعده ومحل مشهور وكلن يعرفه ببريدة ,, قلت هذي السالفه وقال عطنا 200 يبيلك كيبل اللي به منول غير أصلي قلت يالله ..
و200 ويصلحه , وفترة بسيطة ويخرب << طآلت السالفه يالحبيب
::الزبدة ::
يوم خرب ثانية وأقعد أحوووس بهالدعاويس وألقى واحدن أعرفه وأشكي له الحآل , قال شف هالهندي والله إن تدعي لي ..
وأروح لمه ويقول فيه بـ 45 ريال تجاري ردي < وفيه بـ80 ريال كوري ممتاز < وفيه الأصلي وبـ 120 ..
قلت ركب الأصلي يوم فكه قآل اللي به أول أردى شئ ..
والله وأستعمله الحين سمن على عسل الله يتمم عليه ’,’
والحقيقه ودي أفضح هالمحلآت اللي قاهرينن يركبون لي ابو45 ريال ويقول هات 200 , لكن إدارة المنتدى ماتسمح !



شكرآ لكل من تحملني وقرأ موضوعي

[دحومي]

الله المعين

[California]

والله حراااام


حقك بتأخذه يوم القيامه

[الكدري]

الله يعينك على لكن

عطنا احداثية المحل النصاب لوسمحت]

[أبو غــلا]

إييه يارجال

مره خربت سماعة جوالي

ووديته للضمــآن قال بـ 120 ريال

وزينته

خويي يشتغل بمحل اتصالات

قال لو انت جايبه كآن أصلحه لك بـ 20 وميه بمخباتك ؟؟


حراميه قسم بالله د1

[الـعـابـر]

موضوعك غريب
طيب ليش مارجعت لمهم يوم عرفت انه افسل من التجاري
دائما الاصلي يكون له ضمان
ومو معقولة تلدغ من جحر مرتين ولا تطالب بحقك

[طموح مشرق]

اقتباس المشاركة الأساسية كتبها من الجماعة موضوعك غريب طيب ليش مارجعت لمهم يوم عرفت انه افسل من التجاري دائما الاصلي يكون له ضمان ومو معقولة تلدغ من جحر مرتين ولا تطالب بحقك

أوووافقك الرأي..

[ibraheem]

اقتباس ومو معقولة تلدغ من جحر مرتين ولا تطالب بحقك

فعلاًُ كيف تسكت عن حقّك !

؛

المخطئ في جميع الأحوال يستحق جزاءه بإنصاف ..

و اثبتت الأيام أنه لايمكن تأديب المحلات التجارية إلا بالضرب على وترهم الحساس

( السمعة )

وبناءاً على هذا فلا داعي لـ تحرّز عن ذكر إسمه ؛ فـ بالأخير انت في عالم الإنترنت ..

والحكم هنا أولاً وأخيراً هو القارئ , فالخيار بين يديه .. إما أن يأخذ بكلامك أومن عدمه ..

على كلّ .. لا صاحب المحل ولا المنتدى بيده أن يفعل شئ تجاه كلامك .. فـ عايش زمنك بناءاً على معطياته !

نتمنّى لنا ولك التوفيق

[سيار نجد]

بالنسبة ياشباب للتحفظ على أسمآء المحلات , أنا ماعندي مشكلة لكن أخاف أذكر أسماء المحلات يحذف الموضوع !!
ومن ناحية اني مارجعت فأنا موقن إيقان تآم أنه يبي يجحدن ويقول ماركبت لك إلا الأصلي علشان هييك قصرت العنوة,
والدليل أني ركبت أصلي 120 ويقول تبي بـ70 والا 45 كله موجود!!
وهذووولاك بـ 200 ويناظرك بطرف علين بعد ؟

[سيار نجد]

اقتباس ومو معقولة تلدغ من جحر مرتين ولا تطالب بحقك

شكلك قاري الموضوع قلب !
أنا مارحت لنفس المحل رحت لمحل ثآني !!
يعني غيرت الجخر الأول خخخخخخخ

[الـعـابـر]

اقتباس المشاركة الأساسية كتبها سيار نجد شكلك قاري الموضوع قلب ! أنا مارحت لنفس المحل رحت لمحل ثآني !! يعني غيرت الجخر الأول خخخخخخخ

لا اقصد المحل وانما اقصد المشكلة
يعني مرت عليك المفروض تكون منتبه
على العموم الله يخلف عليك

[ابوولعf]

دئم ابو يمن هو اللي مستولي على كل شي لزم نرضخ الى الامر الواقع ونشري غصبن علينا