[مجنون وطني]

من المؤسف جداً أن تمر السنين وتستمر المعاناة دون حل رغم الوعود من أصحاب الشأن الذين إتضح وبالأصح تأكد أخيراً أنه لاتهمهم إلا مصلحتهم الشخصية وهنا أتحدث عن التكييف في الإدارة العامة للإستثمارات بأمانة منطقة القصيم وخاصة الموظفين على وجه التحديد لأن المدير يشخفه مكيف اسبيلت ولادرى عن أحد , وعود من الأمين ووكيله منذو أكثر من سنتين بأنها ستحل هذه الإشكالية لكن حتى الآن لم يتغير شئ والطريف في الأمر أنهما في الإسبوع الماضي يتسابقا الخطى لكي يشرحا لسمو وزير الشئون البلدية والقروية اعمال وانجازات الأمانة في الشوارع والميادين التي بالتأكيد لاتبيض الوجه مقارنةً بالسيئ منها وهما لم يستطيعوا تأمين أبسط الحقوق لموظفيهم , وعندما قام موظفي إدارة الاستثمارات العام الماضي بتركيب مكيفات اسبيلت خاصة لماكتبهم نظراً لشدة الحر قام الأمين بتوجيه إدارة الخدمات بفصل الكهرباء عنها نهائياً وذلك لأنه طار بالعجه مع شركة الكهرباء بالترشيد بالإستهلاك ولكن لم يتفاعل هو ووكيله بإطفاء أحد المكيفات الخاصة بمكاتبهم .
إنك لاتخاف الله لا انت ولا وكيلك ولا تجيدان إلا الترزز والظهور بالصورة الحسنة فقط امام المسؤلين ولكن الخافي أعظم .
إتقوا الله ياأيها الخونة المؤتمنون وإلا سيتم رفع برقية عاجله لسمو الوزير , وإتقوا دعوة المظلوم فإنها ليس بينها وبين الله حجاب .


وأخيراً : كيف تواعد وتخلف ولم تخجل على نفسك ؟؟؟؟؟؟

[ابوولعfموقوف]

الله يصلحه ان شاء الله


مير حنا نبي وظائف يشيخ لو بسط الشمس منبي مكيفات أبد من 8 الى 2 الظهر وسط الشمس

احمد ربك انك موظف حنا معنا شهادات وجالسين نتقهوى في البيت لشغل ولا مشغله

[manedl]

لاحول ولاقوة الا بالله هي وقف الترشيد على هاالمكتب ؟!!!! والله ماراح تفتح هالديره وخاين الأمانه وشلته موجودين.

[طاير بليا جناح]

الإدارة العامة للإستثمارات بأمانة منطقة القصيم

حطوا مكيف من الإستثمارات اللي تحصلونها من التجار أو عرقلوا أي معاملة يبيها تخلص

وبالمقايضة يتم الحصول على مبتغاكم

على قولت : على قدر ما تعطيني بعطيك وعلى قدر ما ضحيت أضحي

[التنزة]

مع التحية لصاحب المشاركة اقول اسم على موسما واللة ياهل الديرة مالهم با الطيب نصيب من مايقارب الخمسون سنة ونا اشهد انة كل ماجا ها المدينة مسئول نشيط وامين ويقوم بعملة بكل اجتهاد واخلاص يقوم البعض بتخوينة وسبةواذ راح قامو يثنو علية ويتمنو لوماراح والامين الحالي بيض اللة وجهه واللة يعينة على امثالك والشكر الجزيل للامين على مجهوداتة التي لا تحصى

[Leader.20]

طيب روحوا لم وزير الشئون البلدية والقروية اللي مديرك يترزز عنده ويشرح له آخر اعمال وانجازات الأمانة على كلامك ..وقله عن مشاكلكم.. وان شاء الله تيسر اموركم ......

ليه الزمن يلبس قناع ,,,,,,, ويعلم الناس الخداع
ويخلي لحظات الفرح ,,,,,,, ساعات من ليل وعذاب

[أبو نشقه]

يآخي قدم خطابك للأمين ينعفك

اما الهذره الزايده هنا ماتودي ولا تجيب

ولا أدخلو عليه واشرحوا له الوضع هالشغل اللي تسويه بالمنتدى ماينفعك والأمين مادرى عنك

[فيلق 9]

ومن قال ان الامين بوجهه حياء اصلا الحياء مغسول من وجهه من ايام ماكان صباب قهوه بالاتصالات
من عاش بالغش تربى على الحيله 000الله المستعان الامانه بهالديره مالها بالطيب نصيب من جرف الي دحديره

[ذكريات امنول]

وراكم على البلديه ذبحتونا ذبح عندهالبلديه الواحد لويبي ينشق ثوبه قال البلديه والبلديه
البلديه سوت البلديه افعلت ياناس خافوالله وحمدوربكم إن عندكم بلديه ترعاكم بعدالله البلديه ماخلت قاصرعلى اي مواطن اناره نظافه سفلته
تشجيرالخ واللي امقصره معه اليوم باكرتخدمه صح اننا نسمع إن به لف ودوران ولاندخل ابذمتنا شي لاكن مع ذالك اللي له حق يبي ياخذه امنه ولامن غيره لاتقعدون تشغلوننا كل مافتحنا هالمنتدا ليقناموضوع عن البلديه ارفقو عليه اشوي اوترى كلامكم ذامايجب نتيجه ابد وبعدين انت اللي يسمعك يقول انك دخلت على الامين اوشكيت له حالك اوكرشك والله ماغيرتشهيربالبلديه ولاهوب طايلكم شي الحمدلله يارب على خيرمعطينااياوه وشركافينااياوه

[احلام الفتى الطائر]

اقتباس المشاركة الأساسية كتبها طاير بليا جناح الإدارة العامة للإستثمارات بأمانة منطقة القصيم حطوا مكيف من الإستثمارات اللي تحصلونها من التجار أو عرقلوا أي معاملة يبيها تخلص وبالمقايضة يتم الحصول على مبتغاكم على قولت : على قدر ما تعطيني بعطيك وعلى قدر ما ضحيت أضحي

والله الشي حاصل با ادارة التشغيل والصيانة بالامانة

[حتـى ظلـي له مهآبه]

اقتباس المشاركة الأساسية كتبها فيلق 9 ومن قال ان الامين بوجهه حياء اصلا الحياء مغسول من وجهه من ايام ماكان صباب قهوه بالاتصالات من عاش بالغش تربى على الحيله 000الله المستعان الامانه بهالديره مالها بالطيب نصيب من جرف الي دحديره

[M z Ņ o o Ņ]

يارجآآل اصلا هو يواعد بس لا جا الصدق ماقال شي هو ...

كلهم ضايعين ،، يواعدوون الشعب وبالأخير ماقالو شي ...

مشكوور اخووي عالموضووع وتقبل مرووري ...

|||

[الطرس ممدوح]

بهالديره مالها بالطيب نصيب من جرف الي دحديره

[الوساااام]

والله معك حق ..

الله المستعااان .. والإدارات تحتاج لتغير ..!