[مسائي قهوتي]

فكرة أسواق مكة وتحولها إلى أسواق نسائية فخمة وش رأيكم؟؟؟

--------------------------------------------------------------------------------

فكرتي تحول أسواق مكة لمشروع نسائي فخم..وش رأيكم

***********************************************
وقد كنت دائماً اتسأل ما السبب والأسباب كثيرة ولكن طبيعة بريدة إذا هجرت مكان تركته فقط دون التفكير باستغلالها لمشروعات آخر يخدم بريدة .
وكنت أقترح لإزميلاتي بأن يتحول لسوق نسائي فخم والعاب وحديقة وجميع الأشياء متوفرة من وإلى وقد ابدينا إعجابهن بهذه الفكرة الرائعة ، ويكون هناك جسر بين الاسواق حتى يتسنى لهن التنقل لأن الشارع يقطع بينهن ويكون بديل الوشاح لصغره وسوف يخدم سيدات الأعمال في منطقة القصيم وخارجها وكذلك الأسر المنتجة وكذلك الفتيات الموهوبات التي لديهن أعمال حرفية وأن يكون هناك مشاغل وامكان لتدريب وسوف يكون نقلة كبيرة لبريدة وكذلك أكبر سوق نسائي خاص بالمملكة أو قل بالشرق الأوسط ..
ياريت وأتمنى أن يصل اقتراحي لرجال الأعمال أو سيدات أعمال مقتدرات لنجاح هذه الفكرة للمشروع إالأستثماري الكبير ..التي سوف يستفدن فتياتنا المبدعات الموهوبات وكذلك وجود الوظائف لهن.

والي يبي يطبق الفكره لا ينسانا من الدعاء
و أن يضع لي محلاً خاص لفرقة المحبة ولا تنسى نصيبك من الدنيا..

والله يرزق الجميع

[غريب احساس]

والله اؤيدك واسواق مكه حرام تصير كذا مهمله وتصدقون ان المحلات اللي فيها تباع ورخيصه تصدقون توصل بعض المحلات إلى 5000 ريال والله قهر
انا بسال ايش العيب اللي فيها ؟
ليش الناس ما يبونها

[نفود الهامل]

فكره
جيدة

[برووكي]

والله انتم ماهمكم الى الاقتراحات ..
اكيد ماحد يبيها لانها فيها عيب ..
5000 تحسبها سهل .. ياخوي هاذا تجاره ماتبي افكر زي كذا ..

[الماسة الذهبية]

الناس تتقدم وأنتم تتأخرون الى آخر بريده بالله والله لو يصير فيها أفخم الماركات العالمية ماراح أجي لذاك المكان المهجور ,,,,ياناس فكروا بشما ل بريده هناك الفخامة

[استحي منك]

الله يكتب اللي فيه الخير

[ابونمر]

اقتباس المشاركة الأساسية كتبها غريب احساس والله اؤيدك واسواق مكه حرام تصير كذا مهمله وتصدقون ان المحلات اللي فيها تباع ورخيصه تصدقون توصل بعض المحلات إلى 5000 ريال والله قهر انا بسال ايش العيب اللي فيها ؟ ليش الناس ما يبونها

جب لي محل بعشرة الاف واعطيك مثلهن

[غريب احساس]

اقتباس المشاركة الأساسية كتبها برووكي والله انتم ماهمكم الى الاقتراحات .. اكيد ماحد يبيها لانها فيها عيب .. 5000 تحسبها سهل .. ياخوي هاذا تجاره ماتبي افكر زي كذا ..

وش هالعيب يا حظي الحمدالله ما اشوف فيها شي و 5000 تستاهل تشتري فيها حتى لو كنت خسران بس لو يهتمون هالتجار بأسواق مكه و يفتحون اسواق ويخلون العالم تشتغل معهم كان تكون احسن من السوق الداخلي اللي كله صنادق و هو ما يستاهل يحط فية بقالة
اما اسواق مكه اشوفه مرتبه صح كانك بسواق حجاب بالرياض خخخ

[غريب احساس]

اقتباس المشاركة الأساسية كتبها ابونمر جب لي محل بعشرة الاف واعطيك مثلهن

شف المحلات اللي داخل تحصل وبعدين ايش تبي فيها والناس تاركتها

[غريب احساس]

اقتباس المشاركة الأساسية كتبها الماسة الذهبية الناس تتقدم وأنتم تتأخرون الى آخر بريده بالله والله لو يصير فيها أفخم الماركات العالمية ماراح أجي لذاك المكان المهجور ,,,,ياناس فكروا بشما ل بريده هناك الفخامة

يا شيخ اي شمال و اي تطور
والله لو تعيش على هالتفكير كان تموت وانت مكانك ما غيرت بنفسك شي

[محب أرض بريدة]

مابني على الباطل فهو باطل
أرض أسواق مكة مغتصبه علشان كذا مانجح
والله لايضيع أحد لقد تبين أنهم خسرانين وسوف تبقى كذا لما يسترجع الأرض إلى اهلها .

[الشمالي]

للاسف الذي افشل اسواق مكه حسد تجار بريده لصاحب المشروع ..
وهذا ليس بغريب فسبقه فشل اسواق الغد وغيرها كثير ..

والمولات التي افتتحت لو اعتمدت على تجار بريده لفشلت ولكن توجهت الى الماركات في البدايه فكان النجاح حليفها ..

يفترض ان البلديه تتدخل لانقاذ مشاريع حيويه مثل هذه المشاريع بان يكون الاستثمار لصالحها وتقوم بتقويمها بطريقه افضل ..

للمعلومية اسواق مكه من الناحيه التنظيمية جميله جدا ولكن مع تقادم الزمن فقط تحتاج الى ترميم بسيط ..

[مسائي قهوتي]

الله يعطيكم العافيه على مرووووووووكم الرائع

[غريب احساس]

اقتباس المشاركة الأساسية كتبها محب أرض بريدة مابني على الباطل فهو باطل أرض أسواق مكة مغتصبه علشان كذا مانجح والله لايضيع أحد لقد تبين أنهم خسرانين وسوف تبقى كذا لما يسترجع الأرض إلى اهلها .

مغتصبه !
ممكن توضح انا اذكر صاحبها الوليد بن طلال وباعها على المواطنين