[wméédh]

هآآآي / .. تصلح لكم ؟
ايه لانكم سلنتحن والله تقل اهرج على ثيران مهب اوادم .. اقول لا احد ينسى يرد السلام تراو واجب .. ويجيك الواحد من دون مقدمات فسيولوجية " مشكور وتقبّل مروري " .. والا اقاله الواحد ضاربن بالرد يقول " والله انك هههههههههههههههه " خير ان شاء الله ماادري يتهيدر ولا طماجة زايدة مايعبّر السلام ..


ابجرّب اسولف زي المؤدّبين مادري الأدباء ... في صباح هادئ ومع شروق شمس ابن كفت .. وأصوات العصافير التي لاتكاد تسمع شخير أخوك اللي نايم جنبك بالحوش .. ونسائم الهواء العليلة ورائحة الغنم اللي جايّه من جهة الجنوب والتي تخنق الذي ماينخنق .. ثمّ يقطع عليك هذه المسرحيّة شيء يربت على راسك .. ثمّ يسرب على خشمك و ينحدر على عينيك .. ويختلط بغمصك اللي تقل لك ثلاثة ايام مافتحت عيونك .. انه جعص حمامة محلّقة آآآآآآآآآآآآآآآآآآآآآآع ثم ينقطع الصوت فجأة .. وهـ تعبت من الأدب < مسوي ادبي الحين لا أرنعه شوي كلمة ادب وشوي كلمة عامي .. مثل اللي ينفقع عليه كفر .. عدنا / وأثاري اخوك اللي جنبك أخذ أقرب نعلة ودعسه باثمك / ياولد اللذينا مركب هيدرز انت .. من زين صوتك بلا عدا انك توّك قايم من النوم .. وانا ياويلي للحين عجزت أتخيّل الموقف .. مرررآآ مقرف .. جعص حمامة فوق راسك ونعلة بوسط اثمك ياربييييه واقوم مثل اللي مكموخن له بعصا واروح واغسل وجهي واتمسح واتنظّف ..

وارجع لاخوي ابقومه عنده سوق الخضرة ومتواعدن ان ماقوّمته مايعطين الريالين اللي مواعدن بهن .. يوم اغسل سيارته ببيتنا القديم .. اعنبو بليسك طلعن بمرّهن .. ايه ويوم رفعت البطّانية ابقومه .. وتقل شي دفعن بقوووة للخلف الله يلعن بليسك وش الخياس ذا .. متى آخر مرّة اكلت شي .. والله لو انك تآكل تبن ماصارت ريحة اثمك بهالكم من الخياس .. سنونه رافعات عليه قضيّة ... مرّة نطق سن من سنونه وقال ان كانك رجل اقعد بمكاني لو يوم واحد .. قم نومة عنقآ ان شاء الله واروح وابعد واقعد بزاوية الحوش .. احتريه يتنسبل ويقوم لان الاجواء تعكّرت يوم رفعت البطانية .. راح وغسّل .. يوم وقف بالدرج .. انا ملقيه وراي وسويت نفسي زعل على الحركة الوصخة اللي سواهـ معي .. امر ينادين بصوت خفيف .. يوم التفت وتجيك النعلة الثانية وطننننننننن مع الجبهة .. ياكوبآن انا ماقلت لك البارح تحمّي السيارة قبل ماتقومن .. انا كالعادة وطبيعي مالي الا امسح غبآآر النعلة عن جبهتي ... وتقل المس شي غريب هالمرّة .. على شكل حفر .. اخس ياالظالم رقم 45 طابع بجبهتي ! .. حسبي الله عليك وقلت بنفسي بسوي اخلاق معه واني مؤدّب منب مثله .. قلت الحين متى تخلي عنك الألفاظ الشينة قال : لايكثر ورح جب لي شي آكله .. قلت خلاص ماعندي مشكله اروح اجيب لك شي تآكله .. بس ترا عليك الحبل .. قال وشوله .. قلت ماتبيله .. من يقرّب لمّك انت وانت على هالحالة .. زين انك تضربن بنعال منتب تجي وتقرب تضربن بايدك .. قل هههه نكته اقول رح لا تجيك النعلة الثالثة .. واروح احيوط من ورا عشان ابعد عنه واروح للمطبخ واجمع لي تمرتين ومعمول لطشته من تحت وسادة امّي .. وشاهي اخوتي البارح بالملحق شربناوهـ ..ونفطر انا ويّاوهـ راح للسوق بلارجعة ان شاء الله ..


وانا اخذت النبيطة وطلعت ابصيّد ! امحق صيد والله ماغير تكسير برجلين هالبساسة الحصاة يوازنه مهب على مقاس الحصاة . لا على هل هي تقدر تأثّر على عظم البس ولا لا .. يوم طلعت واشوف ابو عبدالله جارنا الشايب واقفن عند بابهم اسمع صوت غريب يطلع منه .. مدري وش يبي يسوي ؟؟ امير يتفل ذيك النخامة .. اععع الله يحوّم تسدبك يالشكش .. تذكّرت ذاك الحيوان اللي يطلع لسانه نص متر عشان يصيد شي يآكله .. وش طول النخامة ذي ياشيخ / البعرصي بالجدار مايآكل معك عيش لو تبي تصيده به ! .. قلت بالخير ابو عبدالله .. قال ياهلا .. انا كنت ابستفسر عن الجهاز اللي مركبة باذنه لاني احس انه مركّب سماعة بلوتوث .. ولّا طربآن ابن صريخ .. وحبيت ادخل معه بالسواليف عشان اسأله .. قلت ابوعبدالله وش عندك واقف هنا ؟؟ .. يوم ناظرن الشايب نظر ابليسية واحتقآآر ويمكن انا ماعرفت اسئله .. قال اقول تقلّع .. واجدع راسي وقلت زين يابوعبدالله هذا جزاي وانا متحمّلك انت ونخامك ..


واكمل طريقي والقى صدقاي الثلاثة .. ونقعد على عتبة المسجد نسولف .. قال مقمّط ياعيال انا اخوي يضربن وش اسوي به . قلت وشلون ضربه لك .. قال يقبصن والا يقنعن بتله .. قلت كل تبن اولاهـ احسبك على سنع جاين تلوي وجهك قدّامي .. انا إذا قضن النعال اللي حول اخوي قال رح للدولاب اللي عند الباب وتخير لك نعلة اصكّه بوجهك .. وانت تجي تقول يقبصن .. امير نسكت شوي .. ولا حظنا رفيقنا الثالث ساكت ولا هوب يتكلم .. شكله يحزّن ويضيق الصدر رحمته .. قلت عبّودتي وش بك مسوي حزين ؟؟ .. قال شفتو سفينة الحرية اللي قتلوهم امس .. امير تطير عيوني .. كم من بِسّ يالوح لحقته تو وانت جاين من البيت اقالك متاثّر .. قال ياخي اخواننا المسلمين .. قلت والله ؟؟ انا احسبهم جيراننا اقول الفقه كل عمرك سربوت مجرجرن ابوك بهالشوارع ملاحق وراك .. وكل عمرك لاطلّعوك اخوانك من البيت تصلّي تغبّيت ورا مواصير الكهرب وتقعد تدخّن .. ولا حطّيت غرفك بالسطح الا ان اهلك متبرين منك ومن دشارتك .. نسيت السلم اللي يحطّه اخوي ماجد بيننا وبين بيتكم وكل مازوّدت الغناء وحنّا نايمين طب عليك ومسح بخامسك الأرض ..


وفجأة امير يجتاحن الصمت . ويرجع لي ضميري واقعد افكر .. اييه اي والله اثرهم اخواننا < ابوك يالضمير .. قلت تصدّق ياعبودي مال امهم داعي اسرائيل يوم طبّو عليهم من فوق .. المفروض يجون وجه لوجه .. لكن اليهودي يبقى يهودي وحقير وسافل ووصخ .. قال مقمّط الحين وراه رئيسين الدول مايحاربونهم .. قلت : لاعمرك تحلل قضايا تكفى .. تحسبه طقني وجيتك .. هذا حرب دول ذا مهب هوشة حواري .. قال عبود ياخي المفروض .. امر اقاطعه واقول بس بس لا تكمل .. تدري انهم طالبينن اصير رئيس الجامعة العربية ومعيي ماله داعي تعلم مقمّط .. أحسبه يبي يشحطن انا قال انثبر تراي ماانكّت .. صح اني داشر وسربوت بس يبقون اخواننا واللي يوجعهم يوجعنا .. انا صدز انثبرت واول مرّه هالصايع يقول شي به فايدة .. ويناظرن محمد كأن وجهه فيس يناظرك يشعرك بالهزيمة مع ضحكة خبيثة .. ضاقت بي الوسيعة انا وقلت لازم أجل نشوف لنا حلّ !


قال عبّودي ياخي اذا صاروا الحكّام ساكتين حنّا مانسكت .. قلت تراك طوّلتها عاد يااردوغان / صرخ بوجهي عبّود قال والله ياان مااسكتت لا أقوم واخرّم وجهك بالنبيطة اللي معي ... ايه هالجلف منتب ملزوم اثرهـ توّه مغيّر سيور النبّيطة وحاطه اربعة في ستّة يعني الحصاة تحفر الخد ولا تشاور ضروسك .. كمّل عبودي وقال تراك زوّدته وانا جاد بكلامي .. قلت وش تبي تسوي .. قال ودّي أروح اجاهد مع حماس .. قلت والله غلطة الوالد ماسمّاك المهدي.. اركد والله لو يتصّونك على حدود فلسطين ان تصبح على صياح وتمسي على صياح / من حين وجهك فلم هورور وانت مصيّحك أخوي مهب عاد اللي مصيّحك يهودي / تدري يحطون جهاز ببطنك ماتقدر تحرّك ويجيبون جهاز ثاني رابطينه مسافة 10 متر همن يسحبون شي يطلع منه لما ياصل وجهك ويربطونه بخشمك همّن يسوون له باك .. تخيّلت خشمك طالعن عنك مسافة عشرة متر .. امر ينهبل ويصدّق هالدبشة الداشرة .. قلت وتدري بعد يمسك اليهودي وان واقف همّن يسحب لسانك ويحطّه تحت رجله .. عاد يصير وجهك كانه مقفّى تيس اللسان طالع له حول مترين والاثم مهجوج يدخل اربعة جرابيع دفعة وحده .. وتدري بعد يحطون حبل بين بيتين ويربطونك مع اذانك بمشابك همن يتعنقط واحد برجلينك ويطب وتبدا يامارقيت وصلت سطح البيت همن تنزل لسطح الأرض ويبدا يلعبّك شبرا عاد لك ان تتخيل اذانك بعد كذا وش يبي يصير مقاس اذاانك .. همن يبي يحطون ماصورة بين رجليك ويربطون كل رجل بحبل ويربطونهن بسيّارة همن تبي تمشي السيارة وجسمك ردافته الماصورة .. عاد يبي يقول لك اليهودي بالله اذا وصلت المقاس اللي يعجبك قل لراعي السيارة يوقّف ..همّن يبي يجون عاد لـ إدينك .(( بلشت الصراحه باليدين قضن العقوبات عندي ماخبرتوا لي عقوبة اهك به عليه )) .. ويالله ياعبوّدتي اذا اطلقوا سراحك ورجعت لبيتكم مكسّرن راسك والحال الله اعلم به .. لازم توصي ابوك يحط بغرفك عشر من طوّايات الليّات حقات الحوش .. شيّن لخشمك وشيّن للسانك وشيّن لاذانك .... وانتهة سالفك مع العدوّ الغاشم < حسيت اني رئيس قطر على هالجملة يوم خطابه هو وشكله .. إذا شفته تقول محرم الشماغ ابيض والبشت ابيض والنعال بيض السالفة بياض < بكيفه عاد يبقى رفيدزن لأبومتعب .. /

المهم قرر عبودي بعد ماشاف ان مابيده شي / انه يرجع للسربته والدخّان .. وانه يصيحه اخوي ماجد لو بغى باليوم خمس مرات ارحم من هاليهود .. عاد هالشين والله يامابه ذرّة ايمان كل إناء بما فيه يرضخ .. يقولون انه صار بعد هالفترة بيّاع مخدرات ومجرم حرب ضد البدو هوشات وذبح وذبيح ودمامين لما الركب .. وانا حلّلت حالته بما اني خويه وخابصن مرسول اللي جابوه انه منوّل يوم يرجع له ضميره ويضيق صدره حاس انه بيده شي يقدر يسويه .. ويوم شاف ان ماباليد حيله وشاف وشلون يبي يتمغّط جسمه قال منتب ملزوم ماأعرف المسلمين ولايعرفونن ومن قال انهم اخواني ..
يرجع لي ضميري مرّة ثانية انعن خامسه ..ههههه هالشين الله يستر عليه من الكفر بس ..

برآيفت للحاقدين
ولا كأنّكم تخلقون وقسم بالله


إلى الجميع .
لعلّي لاألقاكم بعد موضوعي هذا .. ونصيحة لا احد يحاول يتحمّس بزود همّن ينقرص


إهداء للكنق عربجي قااضي !
الليلة البدر يحكي لك كيف بالهم إنذبحت
كني سجينن كل ما يحكي عن عياله شرق
الليلة بتعرف شكثر تطري علي لامن سرحت
وتشوف كيف أشغل طواريك بسواليف الورق
وآحشنا يابوفدى والله واحشنا

[rèmàn]

اقتباس المشاركة الأساسية كتبها wméédh انه جعص حمامة

شكلك أنت واخوك تنامون بعتبة بيت بعض ناس عديش وش تناظر

اقتباس المشاركة الأساسية كتبها wméédh لازم توصي ابوك يحط بغرفك عشر من طوّايات الليّات حقات الحوش .. شيّن لخشمك وشيّن للسانك وشيّن لاذانك

غريبه بقى سبع طوّايات وشوله

نايف ق1

[mr.muhmmed]

شوياات وجااي

[ولد حمد]

إي واللـه ما باليد حيله

قصه رايعه ,, و خيال واسع في حبك فصول القصه ,, لا عدمناك


ليش تقول انكم قد لا تروني بعد هالموضوع ,, ما يرضينا هالكلام

أكرر شكري ليك ,,

[[ لــمّــآح ]]

هههههههههههههههههههههههههههههههههههههههههههههههههه هههههههههههههه

الله يقرف حآلك .. تسيف حومّت تسبدي على الفجر .. نخآرير والوشسموه حق الحمآم ..

اقتباس همن يبي يحطون ماصورة بين رجليك ويربطون كل رجل بحبل ويربطونهن بسيّارة همن تبي تمشي السيارة وجسمك ردافته الماصورة ..

قريته كم مرة عشآن أفهم .. والله يكفيك شر الوسوآس

اقتباس (( بلشت الصراحه باليدين قضن العقوبات عندي ماخبرتوا لي عقوبة اهك به عليه ))

يجيبون قضآبآت ويمسكون أطرف الأصآبع ثمن يسحبووووووونهن لما يغدي طولهن مترين ثم عآد تخيل شكل أصآبعه



حبكة حلوة مستر وميضة والله يكفيك شر كل حسووود وموسوس



نسيت أقول وعليك الهآآي .. :D

[خوي السرور]

اقتباس هآآآي / .. تصلح لكم ؟ ايه لانكم سلنتحن والله تقل اهرج على ثيران مهب اوادم .. اقول لا احد ينسى يرد السلام تراو واجب .. ويجيك الواحد من دون مقدمات فسيولوجية " مشكور وتقبّل مروري " .. والا اقاله الواحد ضاربن بالرد يقول " والله انك هههههههههههههههه " خير ان شاء الله ماادري يتهيدر ولا طماجة زايدة مايعبّر السلام ..

وعليكم الهاي ورحمة الله وبركاته << لهالحين خايفن يجيه ذاك اللي أنت تقول ××× همن عاد شلدز أكود قبل××× عشان ماتشنتر على رجلينك
وبعدين تراي هاك المرّهـ رادّن السلام يعني لاتقعد تقول مارديتوا السلام .. <<< ماتلاحظ انك ذليتنا خلاص درينا

اقتباس قال : لايكثر ورح جب لي شي آكله .. قلت خلاص ماعندي مشكله اروح اجيب لك شي تآكله ..

ولو والله يا أخوكـ لاقيكـ جوهر الظاهر

اقتباس يوم طلعت واشوف ابو عبدالله جارنا الشايب واقفن عند بابهم اسمع صوت غريب يطلع منه .. مدري وش يبي يسوي ؟؟ امير يتفل ذيك النخامة .. اععع الله يحوّم تسدبك يالشكش .. تذكّرت ذاك الحيوان اللي يطلع لسانه نص متر عشان يصيد شي يآكله .. وش طول النخامة ذي ياشيخ / البعرصي بالجدار مايآكل معك عيش لو تبي تصيده به ! .. قلت بالخير ابو عبدالله .. قال ياهلا .. انا كنت ابستفسر عن الجهاز اللي مركبة باذنه لاني احس انه مركّب سماعة بلوتوث .. ولّا طربآن ابن صريخ .. وحبيت ادخل معه بالسواليف عشان اسأله .. قلت ابوعبدالله وش عندك واقف هنا ؟؟ .. يوم ناظرن الشايب نظر ابليسية واحتقآآر ويمكن انا ماعرفت اسئله .. قال اقول تقلّع .. واجدع راسي وقلت زين يابوعبدالله هذا جزاي وانا متحمّلك انت ونخامك

هههههههههههههه الشيبان والهنود عاد .. دورهم عند هالآآآآآآآآآآآآآع ختفوووووووووووووووو

مير بعض الهنود يالله يمديك توخّر رجلك لايجيك رشق

<<< خلاص حومتوا تسبد الخفاش

اقتباس واكمل طريقي والقى صدقاي الثلاثة .. ونقعد على عتبة المسجد نسولف .. قال مقمّط ياعيال انا اخوي يضربن وش اسوي به . قلت وشلون ضربه لك .. قال يقبصن والا يقنعن بتله .. قلت كل تبن اولاهـ احسبك على سنع جاين تلوي وجهك قدّامي .. انا إذا قضن النعال اللي حول اخوي قال رح للدولاب اللي عند الباب وتخير لك نعلة اصكّه بوجهك .. وانت تجي تقول يقبصن .. امير نسكت شوي .. ولا حظنا رفيقنا الثالث ساكت ولا هوب يتكلم .. شكله يحزّن ويضيق الصدر رحمته .. قلت عبّودتي وش بك مسوي حزين ؟؟ .. قال شفتو سفينة الحرية اللي قتلوهم امس .. امير تطير عيوني .. كم من بِسّ يالوح لحقته تو وانت جاين من البيت اقالك متاثّر .. قال ياخي اخواننا المسلمين .. قلت والله ؟؟ انا احسبهم جيراننا اقول الفقه كل عمرك سربوت مجرجرن ابوك بهالشوارع ملاحق وراك .. وكل عمرك لاطلّعوك اخوانك من البيت تصلّي تغبّيت ورا مواصير الكهرب وتقعد تدخّن .. ولا حطّيت غرفك بالسطح الا ان اهلك متبرين منك ومن دشارتك .. نسيت السلم اللي يحطّه اخوي ماجد بيننا وبين بيتكم وكل مازوّدت الغناء وحنّا نايمين طب عليك ومسح بخامسك الأرض ..

أجل صدقاي وجالسين بعتبة المسجد

ياشينهـ هالطعر لاصار بيقنعنا أنه صغنون

والله لو أنت أنا
وبعدين جالسن مع رفدزاكـ تناقشون قضيّة فلسطين

إيه هين تسني بكم كل واحد ماسكن جوالهـ وكل واحد يورّي الثاني مقاطع الفديو اللي عندهـ .. ( تفحيط وهه وهه ) <<< مابين الأقواس احترازي للموسوس

اقتباس وانتهة سالفك مع العدوّ الغاشم < حسيت اني رئيس قطر على هالجملة يوم خطابه هو وشكله .. إذا شفته تقول محرم الشماغ ابيض والبشت ابيض والنعال بيض السالفة بياض < بكيفه عاد يبقى رفيدزن لأبومتعب .. /

اما حق قطر .. لاشفته من بعيد وكل شيّن أبيض وتفخ .. تحسبه بيضة والعقال تاريخ الانتاج

اقتباس برآيفت للحاقدين ولا كأنّكم تخلقون وقسم بالله 41

يألبي لاتناظرهـ ولا تربفت لهـ ولا شي .. السهج السهج خير الحلول ..:

اقتباس إلى الجميع . لعلّي لاألقاكم بعد موضوعي هذا .. ونصيحة لا احد يحاول يتحمّس بزود همّن ينقرص

اعقل بس لا أقول لأخوك أني خابرن له مصنع نعال

[المربوع]

وعليكم الهاااي,,,
سواليفكــ منتهية,,
لكن منين جبت هالتعذيب,,

شكلك وش اسمهــ

ت ق ب ل مروري

[أبو شهـــــد]

موضوع جميل يا جميل ياحلو يازين يافطفوط ياتكيه <--- يارب أنه خويي ولا لك دخل يا إلى متى
فيه كم أقتباس من كبك أحمر ..

اقتباس . سنونه رافعات عليه قضيّة ... مرّة نطق سن من سنونه وقال ان كانك رجل اقعد بمكاني لو يوم واحد .

اقتباس بعد يمسك اليهودي وان واقف همّن يسحب لسانك ويحطّه تحت رجله .. عاد يصير وجهك كانه مقفّى تيس اللسان طالع له حول مترين والاثم مهجوج يدخل اربعة جرابيع دفعة وحده

بعدين ماتحس أنك صغير بالموضوع ..
يعني تهقى على الساقي محق بك ؟

اقتباس امر ينادين بصوت خفيف .. يوم التفت وتجيك النعلة الثانية وطننننننننن مع الجبهة ..

خخخخخخخخخخخخخخخخخخخخ
أسلوب أخوك ياخي ..

اقتباس رقم 45

رجل ذي ..
الخبوب حاظر بها الفقرة ..

اقتباس امير يتفل ذيك النخامة

أندر عن وجهي ياوسخ أيش الكلام هادا ..

اقتباس لعلّي لاألقاكم بعد موضوعي هذا .. ونصيحة لا احد يحاول يتحمّس بزود همّن ينقرص

خلاص ضفيت كل عفشك .. ؟!!
لاتقول لي أرجع أبكتب موضوع ولا أبرد ..

مشينا

[أبو رزان]

إلا ذي والله ياهي تدهر عندك >>



سوالفك ذي تصلح على الريق

[wméédh]

اقتباس المشاركة الأساسية كتبها على الساقي حاله والله وراس ماله رجع للتتن لي عودة << والله من الصتس تثبيت + تميز

عذري أني احبك .. لو تموت الأعذار ..
وعذرك انك تحس وتدري أني أبيك ..
المهم غيرك ماله أي اعتبار ..
كل قلبي خذيته أنت مالك شريك ..

تسلم ياخلف الإدارة كلللللّه .. ويلومننا بهالطخمة .. اعشقك وأمووت بك حد الأسياح
تشكرات كثيرات على تثبيت الموضوع وختمه ياعساي ماأذوق يومك يالذيب !
انتظرك ! والا ان تسان ماوّدك اكرام النفس وانا اخوك !
ييزي المعرّف هنا!

[wméédh]

اقتباس المشاركة الأساسية كتبها rèmàn شكلك أنت واخوك تنامون بعتبة بيت بعض ناس عديش وش تناظر غريبه بقى سبع طوّايات وشوله نايف ق1

ههههههههههههههههههههههههههههه
تذكّرت اكالعتبة الله يقلع خشمك .. غريبة تصدّق .. جاياتن الجعاميس < ياااي على شكل مثلّث والله مهسترات حمامهم ..
الباقي من الطوّايات حب يخليهن فاضيات ياخي ..
به أشياء ثانية المفروض انهم يطولونهن مثل رموش العين والبراطم

نوّرت ياجنيني ويا أحلى شي بالصداقاء < ابووك يالتعبير

[wméédh]

اقتباس المشاركة الأساسية كتبها mr.muhmmed شوياات وجااي

ههههههههههههههههههههههههه
انا ودّي اشوف لك ردّ أكثر من سطرين .. تنسيم المسطر
ياله يالله نحتري الشوي ذا ؟

[قلم جريء]

لي عودة بنفس~~~

[قلم جريء]

وأثاري اخوك اللي جنبك أخذ أقرب نعلة ودعسه باثمك / ياولد اللذينا مركب هيدرز انت ..
قله يقول ماشاء الله عاد الحين صج لاتلقانا بعد يومك هذا

. يوم طلعت واشوف ابو عبدالله جارنا الشايب واقفن عند بابهم اسمع صوت غريب يطلع منه .. مدري وش يبي يسوي ؟؟ امير يتفل ذيك النخامة .. اععع الله يحوّم تسدبك يالشكش .. تذكّرت ذاك الحيوان اللي يطلع لسانه نص متر عشان يصيد شي يآكله .

الله لايضرك تعرف تشبه

/ تدري يحطون جهاز ببطنك ماتقدر تحرّك ويجيبون جهاز ثاني رابطينه مسافة 10 متر همن يسحبون شي يطلع منه لما ياصل وجهك ويربطونه بخشمك همّن يسوون له باك


تراي مافهمت الله لايضرك على هالشرح



لعلّي لاألقاكم بعد موضوعي هذا .. ونصيحة لا احد يحاول يتحمّس بزود همّن ينقرص



تكفى ياأخ العرب..




مشكور وتقبل مروري