[wméédh]

ههههههههههههههههههههههههه هههههههههههههههههههههههههههههههه هههههههههههههههههههههههههههههههههه < ترا كذا من البداية التميلح
انا كنت مسجل من زمااااان بس اني كنت مشغول ومااحب منتديات والحمد لله رجعت < أسلوب سنافر يبي يخشون مع الكبارين غصب ههههههههههه
خلال فترة الإنقطاع ...< لاتصدقون عااد ابد والله ماعندي الا الطمالة والصمالة بس ابخش من بين سيقانكم وكوعاتكم لااحد يحرش علي وابطلع للمنصّة وابقول لكم سالفة ..



خلال فترة الانطقاع كنت مرّة امشي بطريق المطار الفجر .. قايمن حايمتن تسبدي من هالوراعين اللي ببيتنا .. اتمشّى واتنفّس واشم الصبح < يعرف يعبّر ماشاء الله .. الوكاد اني مالي من الشيطان طريق إلا وذاك الشايب اللي طالعن من مزرعته مع حزمتين علف وبقرة بالصندوق .. ويبي يمسك الخط امير يطلع من المزرعة وتعرفون انتم الشيبان لازم يلحس رصيف السايد الأيسر اذا بغى يمسك الشارع .. ايا مال القطع ياهالشكش .. انا امشي بطريقي وفاهم ان اللي يبي يدخل على الشارع يبي يمسك خطّه ماعليه من اللي جايين .. اثر هالشايب كسر هالقاعدة الله يكسر راسه .. ومثل ماشرحت لكم فوق تمّ لحس الرصيف اللي عن يساره وانا ماامدان اهج ولا افرمل لاني ماتوقّعته وجايك وألزق به مع ورااااا ....... حصل حادث لاقدّر الله < خارج النص ماادري وش تبي .. طبعاً من هول الموقف قعدت لي دقيقتين مغمّض ومغشين علي .. يوم فتّحت اشوف تقل فيه شي قدامي مهب طبيعي .. واهز راسي واحاول استرجع قدراتي العصبية .. الا والله هذي البقرة بوجهي .. وخامّه ومتعلقن برقبته .. لانه انكسرت القزازة وطلعت معه ومقابل بالبقرة واخمّه .. ويوم فتّحت والاه قبالي ... يمااااااااهـ .. واحاول ارجع على ورا .. مااقدر .. شفت اني بين نارين .. واناظر البقرة واعطيه ابتسامة حب ونقاء وصداقة .. واشوا وتفك عن .. وانزل للشايب .. عاد مابه ملح هو ووجه المتعرفط .. لو تدقق بخدوده كان تحس انك تناظر خريطة هضاب مهب وجه .. من التصفّط اللي بوجهه ..عاد هالشايب مخطي ويهاوش .. حتى البقرة مقتنعة انه هو المخطي لاني سألته بخيالاتي قالت ابد والله معك الحق قم تمردغه بس .. ويبدا هواش وتلعين وحكم وامثال .. مايجتمعن بس هالشيبان مايهنى له الواحد الا ينصح .. انا جتن ام العنزين وقالت لي يانايف شوري عليك قابل الصياح بصياح تسلم .. وابدا هواش عليه .. ولعلّه تطوّرت ام العنزين وصارت ام الغوريلاإييين ذذ .. وازرّه على هنقلين الددسن .. وابدا تصبيخ وتفقيغ ومسح بالأرض .. وجلي بلاط وتلييص وكل ابو شي به ظرب .. من الشين بديت ادقدق به .. وانا اظرب اسمع اصوات غريبة تقل تحك لك بحديدتين واسمع اصوات تفكك وصرصرة .. الشايب باقين له خمطة سنين وشكلي انهيتهن له بعرض خآآص خخخ .. داخ الشايب وطاح بالأرض ويتجمعون العالم حرام عليك هذا شايب بمقام ابوك ماتحترم نفسسك .. قلت اقول انثبروا لا أكمّل عليكم تعرفون عاد كبرياء العظمة ...< وش معنى كذا مير .. جا المرور وجا العسكري قال من قالك تمد ايدك على الشايب . قلت والله شفت ان نظامكم مهب صايرن معي مع انه هو المخطي .. لان اللي يصدمك مع ورا عليه الخطا 100% حتى لو اللي قدامك مسكت معه لعانه وقال للي بجنبه تحدّان اخلي اللي وراي يدخل بي .. الخطا على اللي وراوه .. هذا مهب حق ..وقلت بآخذ حقي بايدي .. قال تدري ان هذي قضيّة جنائية تحاسب عليه غير الحادث ..




المهم جرى تركيبي بالدورية .. والشايب ودّوه لأقرب اسعاف على اليمين وانا راحوا بي للقسم .. ومن بعده حوّلون للسجن لان الشايب يصارع على البقاء على قيد الحياة .. جاء لمي عسكري وانا بالتوقيف وقالي ابيك بموضوع .. اقالووه يبي يهون الامر علي .. قال تعرف الحين الشايب بالمستشفى و ... قلت لايكثر ادري لاتكمّل ابرصّ بالسجن لما يشوي الشايب وان مات فأنا ابربص بالسجن لما ادفع الدية ومن هالحين ترا ماهنا دراهم ان مات دبروا ارواحكم .. قعدت بالسجن الإنفرادي اسبوع بعدها حولون للعام .. جاء عسكري وقال يالله قم نبي نوديك للجماعي .. واقوم واغسّل واتظبّط على بالي اني ابروح لناس ناس يعني واثره مهب اللي انت تبي .. الظاهر اني داخل على مجموعة حيوانات / المهم يوم دخلت جاني أحساس بالانقماط لاشعوري .. وابدا ارجع على ورا .. وييييين ياعسكري ؟ قال انثبر اقول وهذا مكانك .. واخقلن الكلب لما طحت على خشّتي ... واقوم احك ظهري.. < وش دخل الظهر دامك طاب على الخشّة .. اللهم اخرجنا منهم سالمين .. طلع العسكري وسكّر الباب .. امر ينّط بي واحد .. هلااااا أبو الشباآآآآب .. امير اشهق كذا >> ( هأ ) < شرايكم بالوصف الأكشن .. بسم الله الرحمن الرحيم .. قال وش عندك هنا ؟؟؟ قلت ابد والله الوالدة كازّتتن اسلّم عليكم واتقهوى معكم ومحرّصتن عليكم تقول لايرخصوون هالحمير عليك .. قال تسلم والله والله يخليها لك ان شاء الله .. عاد الظاهر انه ماانتبه لكلمة "الحمير" اللي نطقتها .. والا كان سوا بي كلين لجدران الغرفة .. كمّل الترحيب بي والله ماقصّر معي والظاهر انه اقرب الجميع للأرض والا الباقين الظاهر تشطيف بالنجوم .. قال لي معك الفتى المنحاش .. قلت ونعم والله اسم على مسمى اقول اركد شوي هذاك اكل تبن بالسجن .. والظاهر انه هالمرّة بعد ماسمعني زين .. شكل الثالثة ثابتة .. قال وانت وش اسمك .. قلت ابد والله توّي قاضي .. قال اسمك ياحمآآآر .. قلت نايف نايف < بسرعة قلته وتذكّرت مدرسين الإبتدائي وكيف مستقوين علينا خخخ .. قال والله والكوبة ياوجه البس .. وقالها مع نظرة حارّة شوي قلت لايصير بس سامع تلفظاتي عليه بس متحملني .. قال شرايك اعرّفك على الشباب .. قلت الله يرجك يا شيخ هههههههه .. الا والله الطراق اللي يجين يمشي الليل .. ابوراس مايرحم .. قال وش بلاك انت .. قلت سم سم اللي تبي سوّه ..




راحبي لواحد بالزاوية .. قال هذا قضعان " قضعان هذا من وجهه تدري انه منحطّ اخلاقياً وجهه تقول قرد أصلع والظاهر مركب ذيل جحش بدال الشنب والخشم منفرش والمناخر تقول مغاره تشوف الحواجب كانه طير صابخن وجهه والإذان تقل قطعتين خس الله لايبلانا مابلاهم " قاال الفتى هذا كان راعي حبوب من يوم هي قزّاز .. ويتعامل مع واحد بيّاع ذمّه و ضمير ما يجيب إلا اصلي .. ولا يحط الا نكس ابو3 وفي زقاره وحده .. كان جالس ومادرى عن اللي حوله .. قلت يرحم والديك يالمنحاش خلنا نمشي لا يرتكب بي قضيّة الحين ..

قال ابشر وراح بي لواحد يمكن بينه وبين قضعان مترين بس .. قال هذا أبوسماط .. " ابوسماط هذا مجرد واحد واااطي عاض له شريحة باتيكس على الصبح ولا أكل له خمر مشوي ببعض صلصلة الصويا من وجهه تعرف انه سفلة وملامح الوجه عقوبة يالله يالله ينفع جربوع" قال المنحاش هذا من حزب بليس جاسوس وخاين .. هذا من اللي مكّنوا الأحتال الانجليزي من بلاد العرب بالتعاون مع رئيس رابطة الصهاينة .. اللي كان كل اثنين لهم طلعه بخبوب اسرائيل .. حتى انه من خيانته للمسلمين كان مايأمّن اذا دعا الإمام على الكفار .. قال يابوسماط وش تقول لخوينا الجديد .. قال علمّه ان العرب جرب لايهمونك .. تكفى ياللي سرّك مقطوعن بجنيف وامك هولندية والوالد بريطاني .. طبعاً قلته بقلبي لانه لو يسمعن لعن خامسي .. والرجّال مفتّل يوحّش < مفتّل .. شقالولك سكّري هو .. غمزت للمنحاش يالله مشينا لاياثّر على عقيتدي هالخاين .. لانه هذا اتوقّع ساعتين تجلس معه والعقيدة مدحدرة وطاقّ علاقة مع عبدة الشياطين ..

راح بي لواحد متركّي على لوح مسنود على الجدار .. بيني وبينكم كنت ماادري ايهم اللوح .. قال المنحاش هذا مدعث " مدعث هذا جبهه وضرووس .. تبي خشم والا عيون مالك سنع يخلف الله وعضلاته متجمّعات بوجهه وتشوفه تقول لوح متروس مسامير من كثر الحبوب وكان واضح انه متستس لدرجة كبيرة " قلت هذا ماعنده مراية والا وش وضعه ؟
قال المنحاش هذا تدري يقدر يطلع من اثمه نار قلت خير ان شاء الله .. قال اتغشمر ويّاك ههههههه .. انا بنظرة حارّة (( ياملحك )) .. كمّل وقال .. هذا يانايف كان ريال كبير كان هو وابن لادن متخاشرين بأرض بمكّة يوم المسعى طين .. وزمزم كانوا يعزبون بسطول للناس .. بس طاح بشلّة ودخل بالمخدرات وكان مايردّه الا حواري بانكوك وكان مستاجر حوش ب حوالي عشرين ألف بات كان من زود الفسق مودّي هايلوكس غمارة يتمشى عليها هناك .. دريوا به الدولة وثلّجوا امواله .. وبعد مارجع سوى جريمة شنيعة فيها يعني دم وهيكل عظمي ونيبان ( بوستر فلم رعب ) ودخل على اثرها السجن .. حتى كان القاضي مسجّل أسفل البيان .. " مايطلّع هالمجرم الا مجرم مثله " .. جانا خبر انه حتى من زود الدماغة كان يجمع بساسة الحارة ويدحاهن حشيش .. لما بدن يدخلن على بيوت هالعالم دون خوف ويسوون حركات مو حلوة داخل البيت وعند الصغار بعد ..



قلت خلاص يكفي تعرفنا على بعض ذا الجحوش يكفي يكفي مالوه داعي معرفنا على واحد من أعضاء المافيا جاي معكم هنا .. المهم شفت لي مكان فاضي شوي وونظيف لان الغرفة كلها زقاير ودفاتر حشيش ماادري من وين جايبينهن .. الله والعالم داسّينهم من تحت وصايرين مثل القرد اللي نشب في بطنه موز وعيّا يطلع .. وبعد ماسووا له عملية ورجع للحديقة صار مايحط شي باثمه الا مجرب هو يخش من تحت والا لا .. جلست وكنت قريب من مدعث .. قرب لمي وقال تكفى بالله في مسألة مصدعة راسي وابيك تجاوبني عليه .. قلت سم وش عندك .. قال يجوز تشحن الجوال من فيش المسجد .. قلت مااقول الا الله يلعن هتلر يوم اخترع الكبتاجون شف شلون لعب بخلق الله .. رجع وتسنّد على الجدار وضحك لانه وااضح انه حتى هو مااقتنع بكلامه .. رجع لي ثانية وقال ياخي تدري بعد .. قلت وشو ؟؟ قال اليابانيين وناسة عايشين حياتهم .. قلت شلون ؟؟ قال تخيّل اذا طاح جوالي بالحمام اروح للملحق واصنع ثاني بداله ماعندي مشكله .. انا انلحست وقلت اعنبوا داره هالحشيش هذي عمايله يعني ( حبوب الكبتي وماتسوي, اول الليل نبني بالسما كبري واخر الليل? لارحنا ولاجينا ) .. خفت على روحي اتأثّر بهالحمير اللي عندي وحسيت بخطرهم على حياتي المستقبلية .. وقلت يالله استر .. لان اذكر الوالده كانت تدعي لي يصير عندي مليارين < كانت ماتظرب الا بالمليان الله يحفظه


المهم انا كنت تعبااان واخذت لي غفوة حسبي الله عليهم وماعجززت اتهنى وقمت من صياح واحد بالزاوية .. واقوم ابي اشوف وش السالفة اثاريه واحد يصايح ماابي قطوووووااااااة ابي اسسسسسسد .. لابو من جمّعكم يالدشير .. قسم هذولا المفروض يكرتنون ودايركت لتركيا بألعن متحف .. والتفت على الثاني واثاريه يغني" مريض وعلاجي من اللي على البال ياصيدلي عجل وعطني علاجي.. علاجي اللي سمني? واهلك الحال لكن دواء راسي وضابط مزاجي " ويعطيك ضحكة كانها مكينة البلاكستون القديمة حقات المزارع الظاهر عنده زر في رقبته يحول القناة? قلت للي جنبه ممكن اعرف ليش حاط اصبعه على رقبته .. قال هذا وانا اخوك يعزف الأوتار .. والتفتنا جميع على مدعث اثريه الخربان قاعد يحفر بالأرض .. مادري شكله يطمح بالبترول .. وفجأة ولا الرجال ينط ويصبخ الغمى تقل والله محطوط بفوهة هاون .. ويرجع للأرض والظاهر لقي حتفه بعد هالصبخة .. قال واحد لاتخافون ياشباب كان يبي ينشّط الدورة الدموية عنده .. قال قضعان هذا رفيقي وانا ابخص بوه .. قلت وش بلاه اجل ؟؟ قال الرجال وهو يحفر طرف عين جنّي ورفسه لما قبع بالغمى .. الله يهديه كنت دايم اقترح عليه ياخذ معه برشوت احتياطاً للجن .. كمّل و قال الصوت اللي سألني تو غريب .. من هو ؟ خفت بصراحه بس شجعني المنحاش وقال رح وماجاك عليك >< .. قلت حللوة والله .. قال رح يابن الحلال ماجايّك الا العافية .. رحت له اجر رجليني لاني عرفت انه سربوت قاااضي قال وش قضيتك جاي عندنا ليه ماودوك لدار الملاحظة .. حااقرن الكللللللب .. قلت انت ماشفت شنبي الحين يومك تكلّم < بديت بالخراب ,, قال لا مااشوف شي .. قلت تبين اربطك به عشان تعرف .. اوومير يرجفن رجفة لو حاطها بمصري كان يعرف ان الله حق وان هالثوم اللي كل عمره ياكله مامنه فايدة .. تحملت ورجعت وقلت ياحمار وش سويت لك يوم ترجفن .. قال لاتزعج امي تكفى واقعد ابيك .. كان مبرد الوصخ ولا دري عن .. قعدت وقال لي وش قضيتك انت .. قلت ابد والله دخلت رجلي ببطن واحد ووطيت تسبدوه .. قال كفو والله هذي علوم الرجاجيل .. قال طيب وش تتمنى انت الحين .. عحزت استوعب خطمة السؤال انا .. غمز لي المنحاش وفهمتها يعني عط الرجال جوّه لا تفوّر على طول .. قلت انت وش تتمنى .. قال الفقها وقل امنيتك بسرعة لا تجيك الرجفة الثانية .. قلت أبشر أبشر .. ودي معي بارود قوية وابدا ارمي على الارض وارتفع وارمي وارمي لمى آصل القمر رد علي قال : كر كر كر كر محاولة طيران فاشلة .. قلت تكفى ياابن فرناس .. انت عطن طريقة خنشوف .. قال اذا طقيت الخيمة فوق السحاب دقيت عليك ..




الشكش لعلّه صار اخطبوط زمانه وصار له سبعة ارواح .. لان العسكري جاء ونادى علي وقال تعال الشايب طلع مافيه الا العافية لانه آكل فاكهة الشيطان وصاير يتعافى بعد المصيبة بيومين < ون بيس معكم .. ويوم جيت لغرفة الظابط كنت متوقّع اني اطيح بين احظان ابوي .. لكنه قابلن بتصفيق يالله يالله ثلاث عساكر فكوه مع تهديد الظابط له .. يقول ياحمار وراك تصدم خويي .. افا طلع خوي الوالد ؟؟؟ .. قلت يبه وقسم بالله هو اللي طالعن علي .. قال انت اللي مخليه يطلع عليك ومخلي البقرة بعد تخوبل بوه .. دريت ان الوالد محشّيه اكالشايب درازن من الكذب الله لايوفقه .. قلت معليه يبه .. معليه يبه .. الف شكر .. والله لو خضت البحر لخضته معك .. قال تلايط ورح اركب الموتر وعدك البيت ماقضيت منك .. < هذي عقوبة الشيبان



ادري الموضوع ساااامج مثل سماجة طاش ماطاش هالسنة بس مشوها ماسكتن اسيّر على الجميع
مع تحيات النجيب وميض ـه

[أبو غــلا]

هلا هلا هلا

إخس يآخريج سجون . يعني إنسس نهارجك
حركات مراهقين هآآ
< بقى شوي ويضربك


مير

اقتباس خلال فترة الانطقاع كنت مرّة امشي بطريق المطار الفجر .. قايمن حايمتن تسبدي من هالوراعين اللي ببيتنا .. اتمشّى واتنفّس واشم الصبح < يعرف يعبّر ماشاء الله ..

ههههههههههههههههه

ليتك على البزارين ياشيخ

اقتباس الوكاد اني مالي من الشيطان طريق إلا وذاك الشايب اللي طالعن من مزرعته مع حزمتين علف وبقرة بالصندوق .. ويبي يمسك الخط امير يطلع من المزرعة وتعرفون انتم الشيبان لازم يلحس رصيف السايد الأيسر اذا بغى يمسك الشارع .. ايا مال القطع ياهالشكش .. انا امشي بطريقي وفاهم ان اللي يبي يدخل على الشارع يبي يمسك خطّه ماعليه من اللي جايين .. اثر هالشايب كسر هالقاعدة الله يكسر راسه .. ومثل ماشرحت لكم فوق تمّ لحس الرصيف اللي عن يساره وانا ماامدان اهج ولا افرمل لاني ماتوقّعته وجايك وألزق به مع ورااااا ....... حصل حادث لاقدّر الله < خارج النص ماادري وش تبي .. طبعاً من هول الموقف قعدت لي دقيقتين مغمّض ومغشين علي ..

ههههههههههههههههههههههه .. هذي فايدة ساهر

اقتباس يوم فتّحت اشوف تقل فيه شي قدامي مهب طبيعي .. واهز راسي واحاول استرجع قدراتي العصبية .. الا والله هذي البقرة بوجهي .. وخامّه ومتعلقن برقبته .. لانه انكسرت القزازة وطلعت معه ومقابل بالبقرة واخمّه .. ويوم فتّحت والاه قبالي ... يمااااااااهـ .. واحاول ارجع على ورا .. مااقدر .. شفت اني بين نارين .. واناظر البقرة واعطيه ابتسامة حب ونقاء وصداقة .. واشوا وتفك عن .. وانزل للشايب .. عاد مابه ملح هو ووجه المتعرفط .. لو تدقق بخدوده كان تحس انك تناظر خريطة هضاب مهب وجه .. من التصفّط اللي بوجهه ..عاد هالشايب مخطي ويهاوش .. حتى البقرة مقتنعة انه هو المخطي لاني سألته بخيالاتي قالت ابد والله معك الحق قم تمردغه بس .. ويبدا هواش وتلعين وحكم وامثال ..

هههههههههههههههههههههههههههههه ,, شكل البقرة عطتك مقفاه وأغرتك يالثور

اقتباس وانا اظرب اسمع اصوات غريبة تقل تحك لك بحديدتين واسمع اصوات تفكك وصرصرة .. الشايب باقين له خمطة سنين وشكلي انهيتهن له بعرض خآآص خخخ .. داخ الشايب وطاح بالأرض ويتجمعون العالم حرام عليك هذا شايب بمقام ابوك ماتحترم نفسسك .. قلت اقول انثبروا لا أكمّل عليكم تعرفون عاد كبرياء العظمة ...< وش معنى كذا مير ..

أجل فككت صويملاته
هههههههههههههههه الله يصلحك بس

اقتباس جا المرور وجا العسكري قال من قالك تمد ايدك على الشايب . قلت والله شفت ان نظامكم مهب صايرن معي مع انه هو المخطي .. لان اللي يصدمك مع ورا عليه الخطا 100% حتى لو اللي قدامك مسكت معه لعانه وقال للي بجنبه تحدّان اخلي اللي وراي يدخل بي .. الخطا على اللي وراوه .. هذا مهب حق ..وقلت بآخذ حقي بايدي .. قال تدري ان هذي قضيّة جنائية تحاسب عليه غير الحادث ..

قسم بالله يهالنظام شين . :@
ومعك الحق مهوب عليك

[QUOTE]قال اسمك ياحمآآآر .. قلت نايف نايف [QUOTE]

اقتباس قال المنحاش هذا من حزب بليس جاسوس وخاين .. هذا من اللي مكّنوا الأحتال الانجليزي من بلاد العرب بالتعاون مع رئيس رابطة الصهاينة .. اللي كان كل اثنين لهم طلعه بخبوب اسرائيل .. حتى انه من خيانته للمسلمين كان مايأمّن اذا دعا الإمام على الكفار ..

أجل يصلي بس ما يأمن !!

اقتباس قال يابوسماط وش تقول لخوينا الجديد .. قال علمّه ان العرب جرب لايهمونك .. تكفى ياللي سرّك مقطوعن بجنيف وامك هولندية والوالد بريطاني .. طبعاً قلته بقلبي لانه لو يسمعن لعن خامسي .. والرجّال مفتّل يوحّش < مفتّل .. شقالولك سكّري هو ..

طيب وش معنى مفتل

اقتباس قال المنحاش هذا تدري يقدر يطلع من اثمه نار قلت خير ان شاء الله .. قال اتغشمر ويّاك ههههههه .. انا بنظرة حارّة (( ياملحك )) ..

إممم . توك مناظر المجد للأطفال مثلا

اقتباس الله والعالم داسّينهم من تحت وصايرين مثل القرد اللي نشب في بطنه موز وعيّا يطلع .. وبعد ماسووا له عملية ورجع للحديقة صار مايحط شي باثمه الا مجرب هو يخش من تحت والا لا ..

اقتباس الشكش لعلّه صار اخطبوط زمانه وصار له سبعة ارواح

إحمد ربك إنه قآم ولا كان الحين أنت قصاص لانك لعنت أبو خامسه بالقصد









وميض :: ألف حمدلله على السسلامه والله يجعله سلامةٍ دايمه
ولا تبطي علينا

[GIVENCHY]

هههههههههههههههههههههههههههههههه
تطورنا وبدينا , عقب ما أبتدينا بشسمه ذذ

وميض انا أخبر نظام شسمه ما يقبلون القسمه على 18
وشلون دخلوك الحجز وانت عمرك ما قبلته القسمه على 18 ..

أخبر إنهم دار الملاحضة وانت جاي

نايف

[أبو رزان]

ههههههههههههههههههههههههههههههههههههههههه


وميض ــةَ الشطآطآ

ولو أثرك هالحين خريـــــــــج سجون المفروض يكتبون تحت معرّفك وميض ـة عضو سابق في السجن العام

وياخيّي وش لك بالشيبان والبقر ولاّ تسان تهاوشت مع البقرهـ وتصفي على جوز حوافر مع الجبه
ومن إيقال له ابن فرناس وعسآهـ صفت على هاكالخقله بس


نايف هاك

[قلم جريء]

اقتباس المشاركة الأساسية كتبها wméédh الشايب طلع مافيه الا العافية لانه آكل فاكهة الشيطان وصاير يتعافى بعد المصيبة بيومين < ون بيس معكم ..

هههههههههه متأثر الأخو


بما أن الأسم سوا ****
لـــــــــــك

[TOUCH]

هههههههههههههههههههههههه

^

اقوول خلنــآ من الديه قل تهقآآآ ترووح الرقبه

ولا صح هذاا قتل خطأ


تحفه يا ومضه

[النهضه]

هههههههههههههههههههههههههههه
ياحول الشايب

[أبو قرون]

طيب تخيل أحد سوى بأبوك هالشي

وش ردة فعلك ؟؟؟؟؟؟


لكن تعيش وتاكل أكبر منها يالذيب يعني يحولونك للعمومي مب لدار الملاحظة

[إبراهيم الضبيعي]

بعدي والله نيوف هذولي المواضيع
شف انا اول شيء احسب القصه صدز
بس بأخر شيء بديت تشطح
تسلم حبيبي و لا تبطي علينا بمثل هالمواضيع

+تمييز

[هاوي الربع]

اجل ابتسامة حب وصدآقه يآآآحبيلكـ ..تحياتي لكـ

[ŔǺỶĀЙ]

ههههههههه .. حبيبي خريج السجون ..



وميض ــه

[[ لــمّــآح ]]

هههههههههههههههههههه بكم تأجر مخك أنت .. تسوي إزآلة المخ من كآفة أجزآء الجسم وتبدأ تكتب وإلآ موزع مخك على شلة أبو عركل :D

وش أقتبس وش أخلي يا بعد خلي ..
يا أخي يوم الله بلاك تصدم لا تصدم شيبآن تلقآوه على الحفة وجت صدمك موآفقة بس خويك يخآوي بسآسة

اقتباس الله والعالم داسّينهم من تحت وصايرين مثل القرد اللي نشب في بطنه موز وعيّا يطلع .. وبعد ماسووا له عملية ورجع للحديقة صار مايحط شي باثمه الا مجرب هو يخش من تحت والا لا

ههههههههههههههههههههههههههههههه ما جربت طريقة القرد بالسجن

اقتباس قال الرجال وهو يحفر طرف عين جنّي ورفسه لما قبع بالغمى

هههههههههههههههههههههههههههههههههههههههههه أبدري وشلون قعدوا الجن مع هالشيآطين

اقتباس دريت ان الوالد محشّيه اكالشايب درازن من الكذب الله لايوفقه

ههههههههههه بس ولو أنت الي صآدمه

اقتباس ادري الموضوع ساااامج مثل سماجة طاش ماطاش هالسنة بس مشوها ماسكتن اسيّر على الجميع مع تحيات النجيب وميض ـه

يا زين سمآجك يا خلفآتهم ,, لآ تبطي علينا تفكى

[أبو شهـــــد]

لي عودة يا هشوم ! هههه

[كآيدهمـ]

الف حمد لله على السلامه

وميض
كلم الشباب عن الاسعار بالسجن
من جوال الكشاف الي ما يسوى 50 ريال الى 1500
وموس الحلاقه الي بريال ينباع بـ 50 ريال

والخافي اعضم
لي عوده مع الموضوع لا اني ما قريت الى اجزاء بسيطة