[نصراويون]

راح مؤذنا الأول أبو عبد الله الفهيدي الله يفرج عنه ..
وجانا مؤذن ما يؤذن الفجر ولا العصر ويغيب كثير ومهمل المسجد
والمسجد مفتوحة منارته وأنوار الحوش و المسجد الداخلي ومكيفات المركزية
والشباب سواليف وفلة حجاج
يقولون إن المؤذن له واسطة بالأوقاف علشان كذا ما يقدرون يأدبونه
نتسحر ولا ندري أذن أو ما أذن لآنه من أول رمضان ما أذن الفجر إلا أمس بس
مرة نجي ونلقى المكيفات طافية وما جاء المؤذن ونقعد نشغلها ومرة الأنوار طافية ومرة كلش شغال من أمس
إن كان المؤذن غير رسمي جيبو لنا بديل
أما الإمام أبوالوليد فالشهادة الحق لله إنه مواظب على الإمامة وحريص على الوقت الله يوفقه مع ان صوته مو مرة بس ما أشوفه يسكر المسجد أبد.
يامدير المساجد أنت مسؤول عن هذا التلاعب .. وتذكر قول عمر لو عثرة بغلة بالشام لحاسبني الله عنها
وأنا أعلمك الحين إن مؤذن مسجد البدراني ما يؤذن وأنوار المسجد مفتوحة طول الليل ما أحد يصكها
وقلت لأبوي قدم شكوى وقال ما لي ومال المشاكل . أصلي وأتوكل على الله لبيتي

وأظن المؤذن موظف في قرية بعيدة وما يجي إلا متأخر منها وهذا سبب الإهمال لن أذكر اسمه لأن ذكر الإسم غيبة .

اللي يعرف أحد في الأوقاف يعلم عن هالمؤذن المتلاعب ويحتسب الأجر عند الله لأنه اهمال بيوت الله من الذنوب التي يأثم من فرط فيها

[صمت الحزين]

الله يعين

[نصراويون]

صمت الحزين
كلامك مو صحيح
هذا مشكلة أكبر من المشاكل الإجتماعية
وكم قضية طرحت في المنتدى مثلها وجاء الحل بسبب طرح الموضوع

[صمت الحزين]

اقتباس المشاركة الأساسية كتبها نصراويون صمت الحزين كلامك مو صحيح هذا مشكلة أكبر من المشاكل الإجتماعية وكم قضية طرحت في المنتدى مثلها وجاء الحل بسبب طرح الموضوع

أن شاء الله الله يسمع منك بس ليش ما يتكلم معه أحد شيبان المسجد يقول للمؤذن تراء الأذن مسئوليه و يجب عليك المحافظه عليها و إذا ما تبي المسجد غيرك كثير يبون يؤذنون

[ابو منزوع]

المسجد ليس مقصور على شخص واحد المسجد عام للمسلمين كل واحد يقوم بالنقص

الناس جاهم كسل غريب

[سوآلف حرف]

طقطق نعيلاتك وشغل سيارتك ورح للشوؤن ولا رااح يقصرون اذا بلغت عليه

او خبر المرااقب حق مسجدكم ويوريه الشغل

الرئيس عنده اشغال ولاهب يدري عن كل مساجد بريده لانه الي تحته هم الي مكلفين بهذا

لكن اذا كلمته ماراااح يقصر

[نصراويون]

ياعزيزي مدير الأوقاف سيصله الخبر بإذن الله
والهرجه على الجماعة ليش ساكتين عليه
والأمانه ضايعة الله يخلف
ليش بعض المطاوعه يشدد في أمر ويتساهل في حق الناس كلهم



نصراويون ...........

[فتى الموطاء]

يابن الحلال يراقبون الموذن الضعيف الى مداوم صح لو يغيب وقت واحد وغصب عنه مايعذرونه لكن هذاك قلت يمكن عنده واسطه لكن ربك مايضيع

[أوراق وحروف]

اصبرو وحتسبوا .. حتى يجيب المؤذن الأول ابوعبدالله الفهيدي ..، ويضبط المسجد ..،
واوصو الاوقاف بأن يصبروا للمؤذن الأول ..، وانت امسكه حتى يجي .،

[طارق العتيق]

كلامك صحيح

و لوأحد جماعه المسجد يروح لم الاوقاف و يهارجهم كان انحلت المشكله بيوم و ليله ..

[هاوي الربع]

^

^

مثل ما قال اخوي ابو يوسف

[لازوووورد]

الله يعين بسسس

ومثل ماقالت الاخت

رح واششتكه وان شااء الله مايقصرون

[نضرتي هيبه]

روح اشتكه وصل الاهمال كذا

[لحظة فرح־ˉ¯¯ˉ־_ۣۨ]

يمكن انه هالمؤذن هذا موب رسمي للمسجد حقكم يعني عنده مسجد اساسي ثاني
والله اعلم عن ظروفه
بس احسن حل عادي بلغوا الاوقاف انكم بجاجه لمؤذن منضبط بالاوقات واكيد بيسوون شي
لاصار كل واحد مسكت هم وش دراهم