[الموجه]

ظهرت في هذه الأيام وانتشرت بشكل رهيب وجنوني هذه الظاهرة الغريبة والخطيرة واعلم أن رجال الأمن لايستطيعون وقف هذه الظاهرة وعاجزين عنها وهي ظاهرة مايسمى عند الشباب بـ(الموكب) وهي عبارة عن مجموعة سيارات تمشي بسرعة هائلة وعجيبة وجنونية بنفس الوقت ويبدأون بمضايقة المارة بالتطنيب و التكبيس و الفليشر كأن هناك شيى خطير والأشد من ذلك قطع الإشارة وهم بسرعة جنونية وهذا ماحدث معي في الأمس عندما كنت اسير بالسيارة عند اشارة طريق المطار وبالتحديد عند إشارة محطة الدرع إنتظرت واقفاً إلى أن انتهى الموكب مع العلم أن الموكب قرابة 70 سيارة بدون أي مبالغة ويسيرون بسرعة عاالية بحيث لايعلمون أكانت الإشارة حمراء أم خضراء وأعتقد أنه لا أمن يوقفهم ولا حتى ساهر .

الـحــل : تثقيفهم أو إشغال وقتهم بما يفيدهم لأن دم المسلم أمانة ودمتم 

[هيبة حليم]

الله يهديهم




.
( الفراااغ )

[عصير مشوي]

خلهم يستانسون
وش تبونهم يسون لاوظائف ولا شي ولا اماكن ولا شي وين يروحون بعذرهم لاحد يلومهم قسم بالله الشباب مايدري وين يروح كسل كل شي عوائل زين اما المسجد حطوه عوائل

[فيصل الراجحي]

حبيبي منعو

النصب

خلهم يتحملونهم


لا وظائف ولا شي وش تبي يسوون .؟

[الاكيد اولهم]

كل شي ممنوع في هالبلد ..
نصب لا , دوران لا , تفحيط لا , موكب لا , جلسة بالنهضة لا , تمشي لا , لالالالالالا ...
مو عيشه هاذي .. بعذر الشباب يفكر يهاجر .

[ابو دعاس]

عادي خلهم يسوون مواكب ويفحطون وينصبون ويستانسون وش فيه يونسنا

[جاسم ..]

يمكن غبت من يوم العطله يعني اربع شهور ..!

ونفس الموااضيع ماتغيرت وكل موضوع ومعروف عند الناس ,

مااقولك اني مع النصب والنصب اشوفه احسن لهم ,

ومنعتوه عنهم وتبونهم يجلسون بالبيت مو معقول هالشي ,

اقل شي وفرو لهم وظاايف خلوهم يتوظفون وينشغلون عنكم ,

وع فكره اصبرو عليهم وبعدين روحو وشوفو وش يسوون غير هالموااكب .. !

[xX DUNHILL xX]

ازين خل الخلف ينفعه شغله
نصب ممنوع
دوران ممنوع
جلسه بالنهضة ممنوع
وش يسوون العالم ينتحرون ..؟

xX DUNHILL xX

[الى متى]

اقتباس المشاركة الأساسية كتبها عصير مشوي خلهم يستانسون وش تبونهم يسون لاوظائف ولا شي ولا اماكن ولا شي وين يروحون بعذرهم لاحد يلومهم قسم بالله الشباب مايدري وين يروح كسل كل شي عوائل زين اما المسجد حطوه عوائل

اتقي الله
المساجد للجميع لكن اشباه الرجال مثلك ربما لا يذهبون اليها.
الامر الاخر خلاص الدنيا فوضى دام مافي وظايف كسرو و سوو اللي تبون .
ثالثا حدايق الشباب كثيرة و كبيرة لكنها لا تستوعب العاطليين اللي مثلك اللي ما يملكون ذرة حياء.

[ممدوح الطرس]

الله يهديهم

[الــــــــوردي]

أنا اعتبر فعلهم هذا غلط

لكن لا بد من تفريغ طاقاتهم بما هو مفيد



تـــحـــيــاتـــــي

[أماسي نجد]

الله يهديهم وضروري يكون فيه احتواء للشباب اللي يعانون من الفراغ

[حنوشه]

والله ما أظن ان كل هالشباب عاطل ولا أصدق ولا 1% انهم كلهم عاطلين
لكن قولوا متأثرين من هالأفلام الأجنبية ويتعلمون ثماً يطبقون ويسوون مثلهم لأنهم خالين من الأخلاق الحميدة والأدب والوعي .... ولا يفكرون انهم من امة محمد !!!! لا !! بس جيدين يتشكون عاطلين عاطلين والعمالة هي اللي مستانسه بهالديرة وتكسب ذهب من ورانا ... وينكم يا شبابنا والله لو تشمرون عن سواعدكم وكل واحد يشتغل بهوايته ولا ان يرحل ثلثين هالعمال من الدجة .

[متصفحة]

الفرآغ الذي يعاني منه أغلب شبابنا وللأسف ..

يعتبر من اخطر الأمراض المعاصرة حيث يصعب علآجه

وقد إطلعت على مقالة كتبها الدكتور عدنان باحارث ..

تحكي عن الفراغ اسبابه وعلآجه وضرورة شغل وقت فراغ الشبآب ..

وهذا بعض منها :

اقتباس إن منبع هذه المعضلة الإنسانية يعود إلى سببين رئيسين : الأول : الخواء الروحي النابع من اضطراب المفاهيم الدينية الصحيحة، وضعف السلوك العبادي على النهج الحق، ضمن زيف الحضارة المادية المعاصرة، حين فقد الشباب هدف الحياة، وحكمة الوجود، والاستعداد للمصير الأخروي المحتوم الذي يُحيي في نفوسهم المسؤولية الزمنية، والاهتمام بالوقت .. .. الثاني : طبيعة النظام الاقتصادي المعاصر، حيث الوفرة المالية، وظهور الآلات والمخترعات الحديثة التي أسهمت بصورة كبيرة في تحجيم أوقات العمل، وزيادة نسبة البطالة خاصة بين الشباب .. .. ..

وعن العـــلآج قال :

اقتباس إن من الضروري لحل هذه المعضلة الاجتماعية أن يتعلم الشباب من الجنسين كيف يقضون وقت فراغهم تماماً كما يتعلمون العلوم والمهن، فتكون التربية للعمل وللفراغ في وقت واحد، مع إفعام حياتهم اليومية بالأهداف الخصبة المتجددة المتلاحقة، المملوءة بالمثيرات المشوِّقة من المشاريع الفردية والجماعية، والمهارات، والهوايات، والمعارف، والعلوم بعيداً عن الرتابة المملة التي تجلب ضعف الهمة والسَّآمة، مع ضرورة تعديل مفهوم الفراغ في أذهانهم من كونه فترة موات فكري، وخمول جسمي إلى جعله فترة تنويع للعمل العقلي، وتجديد لنوع النشاط الجسمي، فإن " الإسلام حريص على شغل الإنسان شغلاً كاملاً منذ يقظته إلى منامه، بحيث لا يجد الفراغ الذي يُشْكى منه، ويحتاج في ملئه إلى تبديد الطاقة، أو الانحراف بها عن منهجها الأصيل، وليس معنى ذلك هو استنفاد المخلوق البشري واستهلاكه "، فإن مبدأ الترويح وقطع الرتابة مشروع في التصور الإسلامي، ومعترف به تربوياً -قديماً وحديثاً- ما دام هادفاً ومباحاً؛ فإنه لولا شيء من الفراغ لكان الإنسان أشبه بالبهائم. ولعل مما ينبغي تأكيده في علم الناشئ المسلم بأن احترامه للوقت في أصغر وحداته الزمنية كقيمة معنوية غالية : من أهم وسائل المحافظة على شخصيته صحيحة سوية، وأن إهماله للوقت، وإهداره من أهم أسباب هدم شخصيته، وهبوط همته؛ " فإن أفرغ الناس هو الذي لا يستطيع أن يملأ ساعات فراغه ".

لعل في مانقلت إصلآح تربوي جذري لهذه المشكلة ..

أسأل الله أن ينفع به