[المثنى]

موضوع ترددت كثيرا بطرحه خشية أن أكون سببا في قطع رزق عن أحد ولكن بما أنه أصبح ظاهرة في كل شارع وهو تركز عمال النظافة عند إشارات المرور لا للتنظيف ولكن للتسول فأصبحنا نرى العامل منهم عند الإشارة لساعات وكأن الدولة استقدمتهم لتنظيف ميادين الإشارات فقط ، والذي دعاني لطرح هذا الموضوع وقد تستغربون هو المبلغ الذي يتحصل عليه العامل الواحد من خلال استجداء قلوب أصحاب السيارات!! يقول أحد الأخوة : وقفت عند الإشارة فلما اقترب العامل من سيارتي ناديته وقلت له سأسألك سؤالا وإذا أجبتني بصراحة أعطيتك عشرة ريالات فوافق لأن الدعوة فيها فلوس، يقول قلت له: كم المبلغ الذي تحصله من أصحاب السيارات باليوم؟ قال : مابين مئة إلى مئة وخمسين ريالاً!! وقال : أن المبلغ نقتسمه مع المشرف علينا يوميا!!! .. انتهى .. إذا المبلغ الذي يتحصل عليه العامل الواحد شهريا هو قرابة الخمسة آلاف ريال أو تزيد ( من التسول )..والمشرف عليهم سيتحصل على مبالغ طائلة لأنه يشترط النصف من كل عامل.. ولنا أن نتساءل هل الدولة استقدمتهم للتسول؟ وهل هذا العمل يخل بواجبهم المنوط بهم؟؟ لأنه سيخلف شوارع دون نظافة إذا تخيلنا العدد الموزع منهم في الإشارات ، وهل هذه ظاهرة حضارية تقرها البلدية ؟؟
وقفة..لم أقصد قطع رزقهم ولكن فعلا موضوع يحتاج لـ..وقفة

[Leader.20]

,,

,
لا شك انهم يستغلون طيبة بعض الناس للتنظيف أمامهم

وتراهم يبادرونك بالتحيه للفت أنتباهك اكثر وتعطف عليه وتقدم لهم ما يريدون من المال.

***********
***

أما ما قام به المشرف عليهم تُثْبِت مقولة ( شد لي وأقطع لك)

شكراً لك

,

[محمد ابو خالد]

لا وازيدك من الشعر بيت
العمال الي يشتغلون في سوق الحريم يعطون المشرف نسبه اعلا

[حب لأخيك ماتحب لنفسك]

الله يرزقهم بس لازم يشوفون لهاحل
ظاهرة سيئة

[a7n]

تبي الصراحه بعض الناس
ماينفع معه الا مثل العامل
يوقف في حلقه لين يعطيه

وتبي الصراحه يكفيك انه ينظف
وترى سالفة التنظيف وربي تجيب القرف
من اقرب له احس بمعاناته
وربي مره حارت الدمعة بعيني وانا اشوفه
بحرارة الشمس والمشرف فوق راسه
لان احد السيارات انكب منه ترااب
وسط الشااارع والمسكين يكنس

الزبده على قولتهم
عامل النظافه لو جمع فلوووس انا اشوفه حلال عليه
لانه مسكين عااايش طول وقته بين القمااامه
وكلامي ليس ضد فكرة الموضوع لانه بعض العمال يترك شغله ويهتم بالتسول

اشكرك
اتمنى تقبل مشاركتي

[7DAYS]

سلآآآآآآآآآآآآآم آليكم

لعل الله فتح على قلب احدهم فقام بجمعهم في مقر السكن
واورد لهم حديث افشوا السلام بينكم

* اذا سلم ولم مخباتك وانا اخوك ومد من هالحمراء وانت طالع تراهم من تالي ما يقبلون الريال

يآ آآخوان المسآله ليست قطع رزق لاحد ما منهم ولكن ان تكون في كل مكان وبمعاونة مشرفيهم

آمر يضيق بالخاطر .. ومن آراد الصدقه فليتصدق لكن هناك من هو آحوج

فعلا هذه اصبحت ظاهره لا يمكن ان يسكت عنها

شوكرا لطرحك

[مهندس دايخ]

في الحقيقه اعرف ان الكثير من عمال النظافه البلديه دائما نسمع عنهم تأخر بالرواتب وعلى هذا الاساس تجدهم ينظفون عند الاشارات لهدفين الهدف الاول للنظافه والهدف الثاني للقمة العيش ( الشحاذه ) وبكل صراحه انا ما اللومهم من يقدر يعيش بدون راتب لمدة ثلاث او اربع شهور والحياة هذه الايام صعبه على ابناء البلد فما بالك على عمال النظافه الذي اتى من الاف الكيلوات للقمة العيش

[غابت فرحتي]

يارجال مخالف الرجال مسكين مغترب وحالته حاله

ولا وضيفه يجمع زبايل ويابرد برد ويا حر حر

[ورود المساء]

من يحصل انسان محتاج يسير قدامه ويعطيه ياكافي ريال مهب ناقصكم بالعكس يدخل عليك البركه بيومك ان شاءالله.... وهم مايشحذون لكن يتاظرون والي يبي الاجر يعطيهم والي مايبي يخلي الناس ترزق الله والخير للي يبي يدفع الصدقه لان هذا شي يبي يلاقيه قدامه ان شاءالله بالاخره من غير فوائدالصدقه بالدنيا....والغلط لو انهم يطقون شبابيك السيارات لان هذي الشحاذه.....

[غريب احساس]

ريال واحد ما يموتك جوع تتصدق فيه وتكسب اجر احسن لك

[ممدوح الطرس]

اقتباس المشاركة الأساسية كتبها غابت فرحتي يارجال مخالف الرجال مسكين مغترب وحالته حاله ولا وضيفه يجمع زبايل ويابرد برد ويا حر حر

[واحد من المسلمين]

اقتباس المشاركة الأساسية كتبها ورود المساء من يحصل انسان محتاج يسير قدامه ويعطيه ياكافي ريال مهب ناقصكم بالعكس يدخل عليك البركه بيومك ان شاءالله.... وهم مايشحذون لكن يتاظرون والي يبي الاجر يعطيهم والي مايبي يخلي الناس ترزق الله والخير للي يبي يدفع الصدقه لان هذا شي يبي يلاقيه قدامه ان شاءالله بالاخره من غير فوائدالصدقه بالدنيا....والغلط لو انهم يطقون شبابيك السيارات لان هذي الشحاذه.....

udkعين الصواب

[المنذبح]

وش تبيه يسوي المسكيــن .. هو أولى إنه ياخذ هالمبالغ من كسر العجز اللي لو تبي تسلفك سلفتك وتلقاها بكل مكان

.... وإن كان هي على سالفة المشرف .. والمشرف كذلك مامن بعايد عن البلدي كلهم بالهوى سوا .. ولادامهم مايضرون احد ... حلال عليهم الفلوس ... مساكين والله مساكين الجوع والفقر مايفارقهم ابد ,’

[روووعه]

اقتباس المشاركة الأساسية كتبها a7n تبي الصراحه بعض الناس ماينفع معه الا مثل العامل يوقف في حلقه لين يعطيه وتبي الصراحه يكفيك انه ينظف وترى سالفة التنظيف وربي تجيب القرف من اقرب له احس بمعاناته وربي مره حارت الدمعة بعيني وانا اشوفه بحرارة الشمس والمشرف فوق راسه لان احد السيارات انكب منه ترااب وسط الشااارع والمسكين يكنس الزبده على قولتهم عامل النظافه لو جمع فلوووس انا اشوفه حلال عليه لانه مسكين عااايش طول وقته بين القمااامه وكلامي ليس ضد فكرة الموضوع لانه بعض العمال يترك شغله ويهتم بالتسول اشكرك اتمنى تقبل مشاركتي

سوا سوا...........
..................