 |
|
|
|
|
28-03-2011, 11:00 PM
|
#1 |
|
عـضـو
تاريخ التسجيل: Jul 2010
البلد: السعوديه لايوجد فيها بلد كي مدينه ومحافظه !
المشاركات: 271
|
سكي المكيف شغلي المكيف تفي المكيف وهذي سالفتنا وهـ تفشش :(
السلام عليكم ورحمة الله وبركاته  شرفتونا ونورتونا يـ أبلى بريده ستي  اليوم يا بنات موضوعي غييييييييييييييير طلعوا كتب علم النفس يابنات يلا بسرعه اللي ارفع عين عليه وهي ماطلعته بتطلع برى وماراح تحضر الحصه ؛ نبدأ الشرح بسم الله .. موضوعنا يتكلم عن الحالات النفسيه ماهيَ الحالات النفسيه .. لكل حاله شواذ .. أوف ماتهاب بدينا أسكتي وبعدين  ---> المعلمه جايتن مدبتسه تناظر ماتهاب بعين حاره ماهي حالات البنات المستعصيه فيه الحمقيه , والحاره , والبارده , والبليده , والشرسه , والغبيه , والذكيه ,. من تعدد لي حالات البنات المستعصيه ؟ ..ولا وحده قامت المعلمه جايتن مدبتسه بدت عنده الإشاره الحمراء إلى هالدرجه بكم غباء ولا وحده رفعت أصبعه ..أوف بنات أخر زمن كل همهم ألو ألو هذا فلو وهذا ملو والله بنات أخر زمن وهج الدعوه قومي يامن اللي وراتس مقرطه ماتقومين أنتي وشباصتس الحمراء وهج الدعوه هاه هاه وشو أستاذه وشو جايتن مدبتسه عددي الحالات المستعصيه اللي ذكرته قبل شوي وهج هاه هاه أستاذه أنا مانب لمتس عيدي أفكر بمسابقة ملتقى عطاء المعلمه جايتن مدبتسه وهج الدعوه أطلعي برى من غير مطرود بنت أبو خالد أستاذه أسمحي له بس هالمره والدمعه متحجره بعيونه المعلمه جآيتن مدبتسه وش دخلتس أنتي وقراعيطس تقل فلافل متفائله  نرجع لمحور حديثنا  هالمقدمه ذي عشان اللي بتكلم بوه ألحين صراحتن مااأدري وش تبي هالمقدمه  أشين وأبيخ وأقبح شيء بالحياة لامنه صرتي أنتي وأختس بغرفه وحده تحسين أنتس مانتيب أنسانه طبيعيه ---> سلكوا لاتدققون  عندي أختن تحمي التسبد تقل عجوز بس تنقل دفايته معه تحمي تسبدي أجي من الكليه تافلتن العافيه ولامني فتحت المكيف سكرتوه تقول برد به بردن غير العالم قايلتن له أنتي مانتي بنت أنتي عجوز على هيئه بنت تصدقون كل يوم أنا وياه هواااش ومناقر أفتحوه وتسكروه وأفتحوه وتسكروه وعلى هالسيره أنا وياه لا والطامه الكبرى اليوم لابسه قميص شتوي ومتغطيتن ببطانيتين وعليه جوارب وكل مانزلت ورقت معه هالدفايه وأقول للمره الثانيه أشين وأبيخ وأقبح شيء بالحياة لامنه صارت عندتس أختن تقل عجوز 2011 ؛ سوعآل أنتن خواتكن تسذــآآ مثلي ولا بس أنا ؟ محدثتكم من دولة السعوديه تحديداً مدينة القصيم تحديداً عاصمة القصيم بريده تحديداً شمال بريده تحديداً حي الربوه ..  ---> هذا القلب لـ طالباتي ماتهاب و وهج الدعوه و بنت أبو خالد و متفائله ؛ شكراً لكل متواجد في صفحة جايتن مدبتسه شكراً لكل من شجعني وسيعطيني تثبيت ومميز ..وهذا ما أطمح إليه  شكراً لـ آل بريده ستي شكراً شكراً شكراً
__________________
. . تعبر الدنيآ على مطزآز وقنزة لحمه
آخر من قام بالتعديل جآيتن مدبتسه; بتاريخ 28-03-2011 الساعة 11:07 PM. |
|
|
| الإشارات المرجعية |
|
|
النمط الأحادي