[$أسير النصر$]

السلام عليكم

بصراحه ما ادري وش اقول ولا ادري كيف ابدأ !

قبل ساعه تقريبا مسكت طريق حايل (متوجه) للجامعه وتفاجأت بحادث جيب لاندكروزر على ما أظن ..
ما ادري عن تفاصيل الحادث لكن لما وصلت شفت عمود الكهرب الكبير متوسط السياره والسياره جايه بطريقه غريبه عجيبه (وجه السياره بالأرض وخلفيها مرتفع عن الأرض)

أقسم بالله يوم شفتها كذا ما قدرت امسك نفسي و بكيت وقلت (رايح يختبر ثم يموت)

الله يرحم ويغفر الأموات ان كان فيه أموات والله يشفيهم ان كانهم مصابين

كان فيه دفاع مدني وعدد كبيييير من الدوريات وإسعافين على ما أظن ..
ما ادري من يكون صاحب السياره ولا ادري وش صار عليه أو عليهم ان كان معه أحد ..


لكن تكفووووووون اللي يعرف أي شي عن الحادث (أخبار اللي في السياره) يعلمنا ..


دعواتكم لهم السياره منظرها موووحش ...

[دُرر مضيئة]

,


لاحول ولاقوة الا بالله

الله يرحمة وتحفظنا الحوادث تخوف

[عزيز نفس]

الحمدلله صاحب السيارة بخير على ذمة mbc fm تحدث متصل عبر برنامج الصباح بخصوص الحادث وذكر ان صاحب الجيب بخير ولله الحمد.

[نايف بريدة]

ياليت من تكرمك الصور قبل الكلام ,. لأن الصورة والتوثيق أبلغ من الحدث

[$أسير النصر$]

اقتباس المشاركة الأساسية كتبها عزيز نفس الحمدلله صاحب السيارة بخير على ذمة mbc fm تحدث متصل عبر برنامج الصباح بخصوص الحادث وذكر ان صاحب الجيب بخير ولله الحمد.

الحمد لله
ويا رب يكون الخبر صحيح ..

اقتباس المشاركة الأساسية كتبها نايف بريدة ياليت من تكرمك الصور قبل الكلام ,. لأن الصورة والتوثيق أبلغ من الحدث

والله يالغالي مع الزحمه وموقف مثل هذا مدري من اللي بيفكر يصور .!
لكن بعد الحادث بفتره أكيد فيه ناس صوروا ..

والله أنا منصدم ولا جاء في بالي تصوير لكن متأكد أنه راح ينتشر صور للحادث .

[torki]

حمدلله على سلامته

ويا جماعة الخير لا أحد يسرع يعرض نفسة وغيرة للخطر
وترا أكثر حوادث الأيام هذي (( أن الواحد طاق هواجيس ))
والله يحفظ المسلمين من كل شر

[قصيميه واعتز]

لا حول ولا قوه الا بالله

[أبورامي]

لا حول ولا قوه الا بالله العظيم
نسأل الله العظيم أن يشفيه

[S P E C I A L]

لآحول ولا قوة الا بالله !

كلها من السرعه الله يستر ،

شكرآ ..

[R j R j]

الله يحفظنا بحفظه يآرب .. ككفايه ي شباب .. كل هذا ولم تتعضوا .. السرعه السرعه هي كل شيء .. !!

[الطيف المسافر]

لاحول ولاقوة إلا بالله

إن شاء الله يكون الخبر اللي ذكره الاخ عزيز نفس صحيح ويقوم بالسلامه ياااارب


والله يحفظ الجميع من خطورة السيارات


لازلنا نطالب المسؤولين بتكثيف سيارات وكاميرات ساهر في داخل وضاحي المدن

اما الخطوط السريعه فافضل حل هو تثبيت كاميرات ساهر بين كل كيلو او 2 كيلو او 3 كيلو كاقصى حد .. واتحدى واحد يسرع مايمديه يتعدى الكاميرا الاولى إلا والكاميرا الثانيه قدامه وهكذا اهم شي سلامة ابنائنا واخواننا واهالينا وجميع اخواني المسلمين فساهر سبب بإذن الله في تقليل عدد الحوادث بنسبه كبيره جدا

[أبوسياف]

اقتباس المشاركة الأساسية كتبها الطيف المسافر لاحول ولاقوة إلا بالله إن شاء الله يكون الخبر اللي ذكره الاخ عزيز نفس صحيح ويقوم بالسلامه ياااارب والله يحفظ الجميع من خطورة السيارات لازلنا نطالب المسؤولين بتكثيف سيارات وكاميرات ساهر في داخل وضاحي المدن اما الخطوط السريعه فافضل حل هو تثبيت كاميرات ساهر بين كل كيلو او 2 كيلو او 3 كيلو كاقصى حد .. واتحدى واحد يسرع مايمديه يتعدى الكاميرا الاولى إلا والكاميرا الثانيه قدامه وهكذا اهم شي سلامة ابنائنا واخواننا واهالينا وجميع اخواني المسلمين فساهر سبب بإذن الله في تقليل عدد الحوادث بنسبه كبيره جدا

الحين انت مصدق ان الشعب بلش بساهر لاوالله ساهر بلش بالشعب من التحايل عليه الى الامام ضد سارق وكل من عنده حيله لايبخل علينا

[تباشيرالخير]

صوره للحادث

0
[IMG]

[مهب الريح]

نقلاً عن صديقه ~
توفي الشاب ( إبراهيم الحميد ) رحمه الله تعالى .. ظهر اليوم
بعد تعرضه لهذا الحادث ~

المصدر / https://twitter.com/#!/jafenART/stat...92820353277952