كل يوم ياماما وانتي بخير ..قصة أمي مع العجوز ببريطانيا

مامونه 2002 · 03-02-2012, 10:50 AM

[

"]كل يوم يأمي وأنتي بخير <<قلت كل يوم وليس كل عام [/

السبب :أمس بالليل اتكلم أنا وأمي عن الفرق الي بين حياتنا الحين وحياتهم قبل وتقول كانت فيه أشياء أستنكرها والحين أشوفه قدامي وأحسه عادي !!!!

قلت وشلون عادي وين المبداء وين وين وشلون كان غريب والحين عادي عطين مثال علشان أفهم

قالت :عيد الأم ..

تقول لم كنت ببريطانيا ظروف دراسة زوجي كانت طاقه علاقة مع عجوز بريطانيه نصرانيه تقول العجوز هذي تشتغل بمطعم وحالة حاله كانت تفرح بس متى يجي الظهر تطلع من المطعم وتقعد بالحديقه الي قدام سكن أهلي ومطعم الي تشتغل فيه وتجي أمي عنده وبعض الأحيان يصاحبهم أبوي والأغلب لا ..تقول أجلس معه ونتكلم وكنت أقوله أن أمي كبرك واني انا اخر بنات وأولاد أمي حنا 6 بنات و4 أولاد أخواني يعشيون بنفس البيت مع أمي وزوجاتهم يخدمونها هي وظيوفه واذا جيت أنا أو وحده من خواتي نسولف معه ونشيل شغل البيت واعيالنا يجلسون فوقه وتسولف عليهم وينامون بحضنه ..

قالت العجوز:أنا مأشوف أعيالي الا بالسنه مره
قالت أمي طيرت عيوني وشلون بالسنه مره
قالت :بعيد الأم يجيون ومعهم ورده او أي شي
قالت أمي :طيب وشوله يجيون بالسنه مره يكلفون على أرواحهم خلاص وشوله يوم بالسنه
قالت العجوز :لاهذي حق الولاده وتربيتهم صغار
طبعا بس هذا حقه بس ولدتهم وشربتهم وأكلتهم لحد مايصير عمرهم 16 سنه خلاص مع السلامه ((قود باي)) يروح للشارع ويأخذ رزقه بأي طريقه هذا قانون الدوله ولازم يطبق

تقول لي أمي شفتي ياميمونه ليش يحطون عيد الأم حنا كل أيامنا عيد كل يوم نشوف أمي واذا ماشفناه ذاك اليوم ضروري نكلمه

قلت طيب التقليد الأعمى الي حنا فيه الحين ليش نحط عيد أم وحنا ماندري وش قصدهم فيه قالت ايوه هذي هي

هذا غزو (العرب أسهل فريسه للغرب) >>>كما قال أكبر كاتب أمريكي
ولكن في شي يقويهم ((الأسره ))
الحين حنا نحط عيد أم يجي الولد الكبير ويعطي أمه ورده ويضحك ويأخذه أستهبال وهو تلقاه كل مغرب وعشاء وفجر عنده وولد الولد تلقين عمره 4سنوات تلقينه اذا كبر ودخل النت او أي عالم ثاني ويقول له فيه عيد أم والأم هذا أكبر حقوقه الولد من السهل جدا أن يطبق ويصدق لانه شاف أبوه وحتى مو لازم يسأل خلاص مقتنع
وشوي شوي حتى الوصول وتحقيق المراد

وقفه :

الفرق كبير بين عجوزنا وعجوزهم ...

حنا منبطحه بالصاله ولابسه شيله وبناته يصلحن له زنجبيل وقهوه وتأكل من التمر ويرتفع سكره بعدين اعياله الي يخاف عليه يجيب له تمر مايرفع السكر وكل يوم وهم عنده واعيال بناته واعيال اعياله حوله والي ينام عنده والي يضحك معه والي تضني من بناته تجي عنده اربعين يوم والشايب ماغير يهوش وفرح بعياله انهم يدرون حلاله

وعجوزهم شعره أبيض وظهره منكسر وتشتغل مضيفه بالمطعم وساكنه بلحاله بشقته هي والشايب الي معه يالله يالله يتحرك وجابوا عيال ولااستفادومنهم والاب ماله حق لانه مااضناهم وبالسنه تشوف ولده ولابعد العاق مايجي باليوم هذا

أنتهت أمي كلامه بقولها :قبل 27 سنه لم تكلمت مع هذي العجوز تقول لما قالت لي عيد الأم عجزت أنام بالليل من التفكير وشلون الأم له عيد اصلن هي عيد بكبره والحين أسمعه وكانه صار شي عادي عند الناس

رائتم كيف يخططون للوصول للمراد!!!!

اللهم أغفر لهم كما ربياني صغيرا ..الحمد لله الذي جعلني فتاة الأسلام وكرمني وفضلني عن كثير من الفتيات

عائشه بحضن أب دافئ ورحمة أم واسعه وبعده أميره ببيت زوج وبعدها ملكه بين أولادها ومحترمه ولاتعمل الا بالامكان التي تليق بمقامهم وبختيارها وبعده الي القبر ويقال عنها طاهره مصونه ومربية أجيال

هذا الذي رضاه الأسلام لي .

03-02-2012, 10:50 AM	#1
مامونه 2002 عـضـو تاريخ التسجيل: Jun 2011 البلد: بالشماسيه بس ببريده المشاركات: 386	كل يوم ياماما وانتي بخير ..قصة أمي مع العجوز ببريطانيا [ "]كل يوم يأمي وأنتي بخير <<قلت كل يوم وليس كل عام [/ السبب :أمس بالليل اتكلم أنا وأمي عن الفرق الي بين حياتنا الحين وحياتهم قبل وتقول كانت فيه أشياء أستنكرها والحين أشوفه قدامي وأحسه عادي !!!! قلت وشلون عادي وين المبداء وين وين وشلون كان غريب والحين عادي عطين مثال علشان أفهم قالت :عيد الأم .. تقول لم كنت ببريطانيا ظروف دراسة زوجي كانت طاقه علاقة مع عجوز بريطانيه نصرانيه تقول العجوز هذي تشتغل بمطعم وحالة حاله كانت تفرح بس متى يجي الظهر تطلع من المطعم وتقعد بالحديقه الي قدام سكن أهلي ومطعم الي تشتغل فيه وتجي أمي عنده وبعض الأحيان يصاحبهم أبوي والأغلب لا ..تقول أجلس معه ونتكلم وكنت أقوله أن أمي كبرك واني انا اخر بنات وأولاد أمي حنا 6 بنات و4 أولاد أخواني يعشيون بنفس البيت مع أمي وزوجاتهم يخدمونها هي وظيوفه واذا جيت أنا أو وحده من خواتي نسولف معه ونشيل شغل البيت واعيالنا يجلسون فوقه وتسولف عليهم وينامون بحضنه .. قالت العجوز:أنا مأشوف أعيالي الا بالسنه مره قالت أمي طيرت عيوني وشلون بالسنه مره قالت :بعيد الأم يجيون ومعهم ورده او أي شي قالت أمي :طيب وشوله يجيون بالسنه مره يكلفون على أرواحهم خلاص وشوله يوم بالسنه قالت العجوز :لاهذي حق الولاده وتربيتهم صغار طبعا بس هذا حقه بس ولدتهم وشربتهم وأكلتهم لحد مايصير عمرهم 16 سنه خلاص مع السلامه ((قود باي)) يروح للشارع ويأخذ رزقه بأي طريقه هذا قانون الدوله ولازم يطبق تقول لي أمي شفتي ياميمونه ليش يحطون عيد الأم حنا كل أيامنا عيد كل يوم نشوف أمي واذا ماشفناه ذاك اليوم ضروري نكلمه قلت طيب التقليد الأعمى الي حنا فيه الحين ليش نحط عيد أم وحنا ماندري وش قصدهم فيه قالت ايوه هذي هي هذا غزو (العرب أسهل فريسه للغرب) >>>كما قال أكبر كاتب أمريكي ولكن في شي يقويهم ((الأسره )) الحين حنا نحط عيد أم يجي الولد الكبير ويعطي أمه ورده ويضحك ويأخذه أستهبال وهو تلقاه كل مغرب وعشاء وفجر عنده وولد الولد تلقين عمره 4سنوات تلقينه اذا كبر ودخل النت او أي عالم ثاني ويقول له فيه عيد أم والأم هذا أكبر حقوقه الولد من السهل جدا أن يطبق ويصدق لانه شاف أبوه وحتى مو لازم يسأل خلاص مقتنع وشوي شوي حتى الوصول وتحقيق المراد وقفه : الفرق كبير بين عجوزنا وعجوزهم ... حنا منبطحه بالصاله ولابسه شيله وبناته يصلحن له زنجبيل وقهوه وتأكل من التمر ويرتفع سكره بعدين اعياله الي يخاف عليه يجيب له تمر مايرفع السكر وكل يوم وهم عنده واعيال بناته واعيال اعياله حوله والي ينام عنده والي يضحك معه والي تضني من بناته تجي عنده اربعين يوم والشايب ماغير يهوش وفرح بعياله انهم يدرون حلاله وعجوزهم شعره أبيض وظهره منكسر وتشتغل مضيفه بالمطعم وساكنه بلحاله بشقته هي والشايب الي معه يالله يالله يتحرك وجابوا عيال ولااستفادومنهم والاب ماله حق لانه مااضناهم وبالسنه تشوف ولده ولابعد العاق مايجي باليوم هذا أنتهت أمي كلامه بقولها :قبل 27 سنه لم تكلمت مع هذي العجوز تقول لما قالت لي عيد الأم عجزت أنام بالليل من التفكير وشلون الأم له عيد اصلن هي عيد بكبره والحين أسمعه وكانه صار شي عادي عند الناس رائتم كيف يخططون للوصول للمراد!!!! اللهم أغفر لهم كما ربياني صغيرا ..الحمد لله الذي جعلني فتاة الأسلام وكرمني وفضلني عن كثير من الفتيات عائشه بحضن أب دافئ ورحمة أم واسعه وبعده أميره ببيت زوج وبعدها ملكه بين أولادها ومحترمه ولاتعمل الا بالامكان التي تليق بمقامهم وبختيارها وبعده الي القبر ويقال عنها طاهره مصونه ومربية أجيال هذا الذي رضاه الأسلام لي . __________________ ميـــــــــــمو 2002 سابقا أحبك يالي تربيت بحظنك