[يالبيه يابريده]

لاحول ولا قوه الا بالله

اليوم وانا جاي من عسيلان حصلت حادث نقل معلمات مدري طالبات فان حسب معلوماتي انه لمنطقه

ابا الورود ماعلينا المهم الحادث كان فيه اصابه الاب والبنت المرافقه اللي بالسياره في الخلف ماجاهم

شي الحمد لله سلمين ولتاخر الاسعاف كالعاده قمت بنقل الاب وابنت كان المنظر حزين بالمره الاب يبكي

وينادي باسم ابنته والابنه لاترد حملها والدها الى سيارتي وقمت بنقلهم لمستشفى التخلصي وصلنا

الطوارئ كان باستقبالنا عماله بنقاليه وين الممرضين وين الاسره ماحد تحرك العمال جالسين ع بوابه

المستشفى واناديهم يجيبون سرير راحوا جابو عربيه وحطوا البنت لو البنت فيها كسر ولا نزيف ولا

ولا الله اكبر ياهالعماله اللي دارسين التمريض وش الاستهتار هذا ويالله يحطونها بالعربيه ويدفونها

للداخل ومايحتاج اكمل تعرفون وش يصير من تاخير وسين وجيم وعدم احساس ولا حتى رحمه اللي

بوصله لكم

الى متى هالاستهتار باكبر مستشفى بالقصيم الى متى الاهمال متى نصير مثل العالم ونحس ان عندنا

خدمات تراه حق من حقوقنا نعيش حياه كريييمه بدون مذله ولا تهاون وش نسوي بعمرنا يعني المنظر

اليوم كان مؤؤؤؤسف

واذا مافيه ممرضين ليه مايوظفون الممرضين اللي بالبيوت يكفي ببرنامج الثامنه داوود الشريان اجل

كل خمس الاف مريض مقابل دكتور واحد

لكل الف مريض سرير واحد اي عقل يعني اغنى دوله بالعالم اكبر دوووله مصدره للبترول وش نسوي

باعمارنا


حسبنا الله ونعم الوكيل على كل واحد مايقوم بواجبه على اكمل وجهه


للمعلوميهمتسلف اليوزر من اختي

[معششوقتهآ]

ما شفت شي ما خفي اعظم

[عُيُوْنِ الْقَصِيْمِ]

____________________

اكتبوا على الدنياء السلام اذا هذا وضع المستشفاء

[وااحد من الناس]

الله يقومهم بالسلامه ويشفيهم يارب
انا مع انه فيه اخطاء بالتخرصي بس لو البنت بيصير به شي كان صار فيها منك المفروض اذا ماعندك خبرة ماتشيلها
ثانيا المفروض تخبر الاسعاف انك شلتها وهم بدورهم يخبرون التخصصي انك متوجه وينتضرونك الممرضين مو تبي الممرضين يوقفون عند الباب كل دوامهم او ادخل للطوارىء وخبرهم انك معك حاله ويطلعون معك

[عبدالله]

كان المفترض بدلا من النقد والتجريح أن تذهب مباشرة لإدارة المستشفى وتخبرهم بذلك

[يالبيه يابريده]

اقتباس المشاركة الأساسية كتبها وااحد من الناس الله يقومهم بالسلامه ويشفيهم يارب انا مع انه فيه اخطاء بالتخرصي بس لو البنت بيصير به شي كان صار فيها منك المفروض اذا ماعندك خبرة ماتشيلها ثانيا المفروض تخبر الاسعاف انك شلتها وهم بدورهم يخبرون التخصصي انك متوجه وينتضرونك الممرضين مو تبي الممرضين يوقفون عند الباب كل دوامهم او ادخل للطوارىء وخبرهم انك معك حاله ويطلعون معك

اخوي الموقف ماكان يحتمل التفكير زين اني شلتهم ابوها اللي شالها مو انا يعني نخلي البنت تموت كم يبغالهم الهلال الاحمر علشان يوصلون عسيلان
مانكر اني كنت بتراجع اني اشيلهم بس ابوها للي معاها ماراح يلحقني شي صح كلامك بس الموقع ماكان يخلي الواحد يفكر ابد

[يالبيه يابريده]

اقتباس المشاركة الأساسية كتبها عبدالله كان المفترض بدلا من النقد والتجريح أن تذهب مباشرة لإدارة المستشفى وتخبرهم بذلك

اخوي وقتها زين وصلت المستشفى مافيه وقت للتفكير وليش حنا اللي نعلمهم شغلهم