[التوازن]

أنباء القصيم - فهد العنزي : عقد المجلس البلدي لبلدية البصر جلسته الثامنه بكامل أعضائه , حيث تم مناقشة جدول أعمال الجلسه وتم إتخاذ القرارت اللازمة بشأنها ومن أهمها موافقة المجلس على تحويل المنتزة العام بالبصر إلى منتزة خاص بالعوائل فقط وكذلك تم تحديد الأولويات فيما يخص إحتياجات القرى والمراكز من السفلته .
و أشار المهندس عبداللطيف الخطيب رئيس بلدية البصر أن المنتزه العام يعد أحد أهم المشاريع التي تعمل البلدية على تنفيذها و ينفذ وفق مواصفات عالية المستوى و يشهد كثافة من الزوار مؤكداً أن البلدية مستمرة بإستكمال أعمال المنتزه الذي يقع على إمتداد طريق الملك فهد.

[mezzo]

ياااااااا شيخ وين نروح كل شي صار للشباب و الثيل الي بالنهضة المرور مبلشنا يااا عمي روح تبي نقعد بحديقة البصر والي فيه خير يقومنا

[حلمي العذري]

الله يهديهم الشباب أمس كنآ فيه بالليل قسسم بالله ماتقول غير بالردف اللي بالطايف
أغاني وشباب ياربي لاتبلانا مطامر ورى البنات ومطامر ورى الاولاد الصغار
اللي يبي يروح هناك ينتبه لعياله وبناته ‘‘
أنا مابط تسبدي غير البنات .!! > وش تحس فيه الوحده تتمشى بوسط شوارع كلهآ شباب ناهيك عن اللباس الغير محتشم يارب تعافيهن ولاتبلانا .. وغير كذا ابي اعرف وش يتمشن عليه !!!!
أجلسي بأرضك وأحمدي ربك على نعمه الامن والاستقرار موب الشرهه عليهن على الحمار اللي ينزلهن بمكان مثل هذا ويمشي ويخليهن ’’
والهيئه اللي يكون بعونهم وينصرهم يدورون فقط !!! > الله المستعان كبلت أيديهم في نطاق محدود !!

كرهت المنتزه وروحه له تنعاف من البلاوي اللي شفنآهآ ..!

ماأقول إلا الله يستر علينآ ويحمينآ ..

[متى يابريدة ؟]

اقتباس ياااااااا شيخ وين نروح كل شي صار للشباب و الثيل الي بالنهضة المرور مبلشنا يااا عمي روح تبي نقعد بحديقة البصر والي فيه خير يقومنا

حديقة البصر فيها قسم لشباب الي على اليسار و أنت متجه غرب

أما الحديقة الكبيرة الي بعد نادي الصقر هذي خصصت للعوائل

[اخو دريحم]

مجلس بلدية البصر يعني نحن هنا المتعارف عليه

الجهة الشمالية الشرقيه من المنتزة للشباب

متى تشتغل النافورة ومتى تشتغل البحيرة

[تسيف تسذآ]

*

خلي القرآرآت عنكم آلبآرح كنآ فيهآ آول مره آدخله

وقسم بآلله يآهي حشره , حتىى مآنقدر نكشف , ومن غير الشبآب

يآكثثثثثثثرهم بالمنتزززه ومن غير الدوران اللي بدآء بعد السآعه 9

وآغآني على اعلى صصصصصصوت والتفحييييييييييييييط وربي ضاقت فين الوسيعه

آلى هالدرجه وصلنـــــآإ , مآنقدر نسوي شيء كل اللي حولنآ شبآب من رايي انهم يخلونهآ لهم

ماصآرت عوائل ,

يآزين منتزه آلعيون + الهديه , هنآك تكشف على كيفك ومآبوهه شبآب ولآ تفحيط والهيئه ماشاءالله

قآيمتن بدوره , آمس كله ماشفت هيئه . .

آلله المستعآن

[غــــ م ــــوض]

الشباب حاااقوَّه

البصر والهدية واللي بالدائري عند خب روضان

وكلش حشروا انفسهم به

آذوا خلق الله

[Leader.20]

البارح فيها حنا وفيها شباب الله يهديهم قسم بالله انهم متخلفين اغاني واستهبال وقلة أدب
وفيه من هالكمخ البنات اللي تميلح وتدور وااااوك الله يعين الارض على هالاشكال تجيب لك المرض وانت مابك الا العافية
يا قليلة الادب ليش تدورين بالشارع يا قليلة التربية عيب عليك اربضي عند اهلتس عساتس للحراويل .

وانت يالشاب يا ناقص العقل ترى ما حد دري عنك يا معذب البنات . العالم تراهم ينقدون عليك ويدعون عليك اقضب ارضك يالمهيبيل .
وبعدين المفروض يكون فيه هيئة مكثفة جداً ويرافقهم دوريات ويشددون على المتخلفين واخس الناس اللي يتميلحون .
انا رحت لها مرة والظاهر أنه الاخيرة .

[(شابوره)]

هههههههههه ردودكم نكته لكن هالهواش ماينفع ادعوا لهم



يارب ياكريم احفظ شبابنا وفتياتنا واجعلهن ياربي محتشمات يخشنك بالسر والعلن يارب


وتشغل شبابنا باللي ينفعهم دين ودنيا

وتهدين بعد وكل مسلم/هـ

[محمد الله يحفظك]

اللهم اهدي الجميع لمافيه خير وسعاده

[شكوسه]

الله يصلحهمم بس ,


انا اقووول بماا ان فيه قسسم للششباب لوو فيه هيئه تقووم كل تجمعات الشباب وتطلعهم الى مايتوبون ويتادبون يقولون لهم خلاص لكم مكان اجلسوا فيه وش حادكم على ازعاج العوائل ,,