[جروح الأيام]

الســــلام عليــــكم ورحمه الله وبركاته

تقبل الله صيامكم وقيامكم

وامدكم الله بالصحه والعافيه وطول العمر

عندي مبلغ تقريبا 150 الف وابغى اعمل مشروع استفيد منه

برأيكم ماهو انجح مشروع نسائي ؟؟ طبعا بيكون تحت إدارتي

ووين مكانه ؟؟ تقريبا كم التكلفه

لاني لازم اقدم دراسه شامله لأخوي

انتظركم

[جروح الأيام]

جزاكم الله خير
كلفتوا على انفسكم دخلتوا وطلعتوا

53 ولا احد رد

[حربي عابر دربي]

انا من ضمن 53 الي شفت موضوعك ولا رديت

وش تبينا نقول لو انتي رجال كان اقترحنا عليك

لكن انثى وتبي تدير مشروع والله ما ادري وش اقول او وش انصح به

ما نقول الا الله يوفقك ويرزقك الرزق الحلال

[جروح الأيام]

اقتباس المشاركة الأساسية كتبها حربي عابر دربي انا من ضمن 53 الي شفت موضوعك ولا رديت وش تبينا نقول لو انتي رجال كان اقترحنا عليك لكن انثى وتبي تدير مشروع والله ما ادري وش اقول او وش انصح به ما نقول الا الله يوفقك ويرزقك الرزق الحلال

ليش الانثى ماتدير مشروع ؟!!!!

[حربي عابر دربي]

الانثى تدير رؤساء دول

الي ابغاء اوصلك الفكرة ان الــ 53 الي شاهدوا موضوعك لايعرف احد منهم ماهو المشروع المناسب

اما الرجال نقول افتح محل كذا ولا كذا ولا كذا

مجال المرءة في الادارة بسيط مثل مشغل وغيره وانا ما افهم بهن على شان تعذريننا بعدم الرد

تراء مبلغ 150 الف كبير واقرب زلة يطيرن الله يستر

بالتوفيق للجميع

[جروح الأيام]

اقتباس المشاركة الأساسية كتبها حربي عابر دربي الانثى تدير رؤساء دول الي ابغاء اوصلك الفكرة ان الــ 53 الي شاهدوا موضوعك لايعرف احد منهم ماهو المشروع المناسب اما الرجال نقول افتح محل كذا ولا كذا ولا كذا مجال المرءة في الادارة بسيط مثل مشغل وغيره وانا ما افهم بهن على شان تعذريننا بعدم الرد تراء مبلغ 150 الف كبير واقرب زلة يطيرن الله يستر بالتوفيق للجميع

موشرط ان 150 الف كلهم بمشروع واحد
اي شي ممكن اقدر اديره بحكم اني متفرغه



شكرا لك اخوي

[O X Y G E N]

اقتباس الانثى تدير رؤساء دول الي ابغاء اوصلك الفكرة ان الــ 53 الي شاهدوا موضوعك لايعرف احد منهم ماهو المشروع المناسب اما الرجال نقول افتح محل كذا ولا كذا ولا كذا مجال المرءة في الادارة بسيط مثل مشغل وغيره وانا ما افهم بهن على شان تعذريننا بعدم الرد تراء مبلغ 150 الف كبير واقرب زلة يطيرن الله يستر بالتوفيق للجميع

هههههه .. أما تدير رؤساء دول .. والله اني جوعان وأحس الضحك يجوعني أكثر .. إلا أكيد تقصد الدول هي مواعين المطبخ ..

[O X Y G E N]

أما بالنسبة لموضوع الأخت جروح الأيام .. فلو طرحت مشروع معين وقالت رأيكم فيه ممكن نعطيها السلبيات والإيجابيات .. أما نفكر بمشاريع .. فالمشاريع واجد ومختلفة ..

فمثلاً .. إذا جينا لمحلات الكمبيوتر وأجهزة الجوال هذي يحددها المكان المناسب وايضاً فيها خسارة من ناحية أسعار الشركات فلو تشترين أيفون بـ 3 الاف ممكن الشركة تقلل من سعره وتبيعه بـ 2800 وبكذا تكون خسارة .. الي أبي أوصله أن هذا المشروع وأخص ( أجهزة الكمبيوتر والجوالات ) الي اشوف أن فيه نسبة اقبال عليه ولكن فيه خساير وايضاً يقال أن الفورمات وبعض البرامج ( تخترق او نسخ تجارية مثلاً في حال فورمات جهاز اللابتوب ) وهذي يعتبرونها بعض الشركات الكبرى سرقة .. فيعني فيها حلال وحرام وشكوك ..
..
نجي للمشروع الثاني والي أنا أشوفه بوجهة نظري مناسب ولكن ايضاً يدخله بعض المحرمات وبإمكانك الابتعاد عنها ..

وهو ( المشغل النسائي ) .. الي بإمكانك زيارته والإشراف عليه وتضييع الوقت والمراقبة أولاً بأول .. وما أعتقد أن فيه خسارة لأنها تعتمد على مناديب وممكن تطلبين بحجم عملك وأما بخصوص الاستشوارات والأجهزة التجميلية هذي ايضا تتوفر في بعض المحلات بنظام الأقساط وحتى لو اشتريتها كاش بأمكانك بيعها مستقبلاً يعني مو شي ينتهي بفترة أسابيع أو أشهر .. ولكن فيه مشكلة ( بعض القصات والاشياء التجميلية مثل النمص ) الي يدخل فيها بعض المحرمات هذي بإمكانك تبتعدين عنها إذا بغيتي .. ......إلخ .<

بالتوفيق ..

[محمد الرشودي]

وعليكم السلام ورحمة الله وبركاته

وكل عام وأنتم بخير وتقبل الله من الجميع ،،

اعتقادك الجازم بعدم تفاعل الاعضاء في مكانه الصحيح والسبب أن الناس أعداء ما يجهلون .. أو أنهم لا يمتلكون المعلومة - التجربة ناهيك عن الخبرة فمن يمتلكها لا أظن أن لديه الوقت الكافي لاعطائك حظ من تعب السنين دون مقابل أتعابه .. ولذا وجدت الغرف التجارية والصناعية ومكاتب الاستشارات والمحاماة والدراسات الاستراتيجية الخ الخ ...

ورغم ذلك لا يمنع أن أساعدك بما أستطيع وبما يسمح به الوقت لي حاليا :

قبل ذلك أحتاج أن أطرح عليك مجموعة من الاسئلة :

1 ) المؤهل العلمي لك ولمؤسس المشروع
2 ) العمر
3 ) الحالة الاجتماعية
4 ) هل سبق أن مارست أي نشاط تجاري ؟!
5 ) بعد الاعتماد على الله هل يعتمد على المشروع أعتماد كلي / جزئي في تغطية متطلبات المعيشة الأساسية ؟
6 ) هل المبلغ المتوفر ( قرض ) أو رصيد أدخار ؟
7 ) هل التفرغ مستديم ؟ أم مؤقت ؟ حدد كم سنة ؟
8 ) هل يوجد شركاء بالفعل أو متوقعين بالمستقبل ؟

وبإذن الله تعالى سأطرح لك دراسة جدوى تصلح أن تطبق على مجموعة من المشاريع الاختيارية ..

أقتباس من رد سابق لي..

http://buraydahcity.net/vb/showpost....6&postcount=22

بالتوفيق للجميع ..

[حربي عابر دربي]

اقتباس المشاركة الأساسية كتبها o x y g e n هههههه .. أما تدير رؤساء دول .. والله اني جوعان وأحس الضحك يجوعني أكثر .. إلا أكيد تقصد الدول هي مواعين المطبخ ..

ههههههه الله يديم الوناسة

تدري ان اهم العناصر بالموساد والمخابرات العالمية هي المرءة

وانا اقصد رؤساء دول

الا ماسمعت ان حسني مبارك يوم كان طالع على الطيارة وش قال لحرمه سوزو

0000000000000000000000000000000000000000000000

اعتذر من صاحبة الموضوعلى الشطحة المباركة

[جروح الأيام]

اقتباس المشاركة الأساسية كتبها o x y g e n أما بالنسبة لموضوع الأخت جروح الأيام .. فلو طرحت مشروع معين وقالت رأيكم فيه ممكن نعطيها السلبيات والإيجابيات .. أما نفكر بمشاريع .. فالمشاريع واجد ومختلفة .. فمثلاً .. إذا جينا لمحلات الكمبيوتر وأجهزة الجوال هذي يحددها المكان المناسب وايضاً فيها خسارة من ناحية أسعار الشركات فلو تشترين أيفون بـ 3 الاف ممكن الشركة تقلل من سعره وتبيعه بـ 2800 وبكذا تكون خسارة .. الي أبي أوصله أن هذا المشروع وأخص ( أجهزة الكمبيوتر والجوالات ) الي اشوف أن فيه نسبة اقبال عليه ولكن فيه خساير وايضاً يقال أن الفورمات وبعض البرامج ( تخترق او نسخ تجارية مثلاً في حال فورمات جهاز اللابتوب ) وهذي يعتبرونها بعض الشركات الكبرى سرقة .. فيعني فيها حلال وحرام وشكوك .. .. نجي للمشروع الثاني والي أنا أشوفه بوجهة نظري مناسب ولكن ايضاً يدخله بعض المحرمات وبإمكانك الابتعاد عنها .. وهو ( المشغل النسائي ) .. الي بإمكانك زيارته والإشراف عليه وتضييع الوقت والمراقبة أولاً بأول .. وما أعتقد أن فيه خسارة لأنها تعتمد على مناديب وممكن تطلبين بحجم عملك وأما بخصوص الاستشوارات والأجهزة التجميلية هذي ايضا تتوفر في بعض المحلات بنظام الأقساط وحتى لو اشتريتها كاش بأمكانك بيعها مستقبلاً يعني مو شي ينتهي بفترة أسابيع أو أشهر .. ولكن فيه مشكلة ( بعض القصات والاشياء التجميلية مثل النمص ) الي يدخل فيها بعض المحرمات هذي بإمكانك تبتعدين عنها إذا بغيتي .. ......إلخ .< بالتوفيق ..

محلات الاجهزه الالكترونيه غير مضمونه ابدا فيها خساير كبيره

اما المشاغل يدخل فيها شي من الحريم خصوص القصات وبعض التسريحات لكن النمص العاملات يرفضون النمص

شكرا لك

[جروح الأيام]

اقتباس المشاركة الأساسية كتبها محمد الرشودي وعليكم السلام ورحمة الله وبركاته وكل عام وأنتم بخير وتقبل الله من الجميع ،، اعتقادك الجازم بعدم تفاعل الاعضاء في مكانه الصحيح والسبب أن الناس أعداء ما يجهلون .. أو أنهم لا يمتلكون المعلومة - التجربة ناهيك عن الخبرة فمن يمتلكها لا أظن أن لديه الوقت الكافي لاعطائك حظ من تعب السنين دون مقابل أتعابه .. ولذا وجدت الغرف التجارية والصناعية ومكاتب الاستشارات والمحاماة والدراسات الاستراتيجية الخ الخ ... انا ابغى من خبرات الاعضاء مافيها شي اذا كل واحد ذكرلنا مشروع والارزاق بيد الله ورغم ذلك لا يمنع أن أساعدك بما أستطيع وبما يسمح به الوقت لي حاليا : جزاك الله خير قبل ذلك أحتاج أن أطرح عليك مجموعة من الاسئلة : 1 ) المؤهل العلمي لك ولمؤسس المشروع انا تخصص رياضيات ومؤسس المشروع موظف وتخصصه حاسب 2 ) العمرانا 24 واخي 30 3 ) الحالة الاجتماعية أعزب 4 ) هل سبق أن مارست أي نشاط تجاري ؟!لا ابدا 5 ) بعد الاعتماد على الله هل يعتمد على المشروع أعتماد كلي / جزئي في تغطية متطلبات المعيشة الأساسية ؟لا 6 ) هل المبلغ المتوفر ( قرض ) أو رصيد أدخار ؟ رصيد 7 ) هل التفرغ مستديم ؟ أم مؤقت ؟ حدد كم سنة ؟ مستديم بحكم اني ماتوظفت لي 3 سنوات فحب انه يساعدني بشي استفيد من وقتي ويكون دخل لي في يوم من الايام 8 ) هل يوجد شركاء بالفعل أو متوقعين بالمستقبل ؟ خلاني على راحتي يا يدخل شريك او بعد ماافتح المشروع اعطيه رأس المالوبإذن الله تعالى سأطرح لك دراسة جدوى تصلح أن تطبق على مجموعة من المشاريع الاختيارية .. أقتباس من رد سابق لي.. http://buraydahcity.net/vb/showpost....6&postcount=22 بالتوفيق للجميع ..

الله يجزاك خير ومشكور ماقصرت
الله يوفقك ويسعد ك ويرزقك على قد نيتك

[جروح الأيام]

اقتباس المشاركة الأساسية كتبها حربي عابر دربي ههههههه الله يديم الوناسة تدري ان اهم العناصر بالموساد والمخابرات العالمية هي المرءة وانا اقصد رؤساء دول الا ماسمعت ان حسني مبارك يوم كان طالع على الطيارة وش قال لحرمه سوزو الا وش دراك عن حسني مبارك وهو يسولف مع حرمته 0000000000000000000000000000000000000000000000 اعتذر من صاحبة الموضوعلى الشطحة المباركة

لا عادي موضوعي حلالك

[حربي عابر دربي]

شوفي وانا اخوك عندي لك مشروع مكسب 100% باذن الله

ودورة راس المال يمكن ماتتجاوز السنة الواحدة

ومايحتاج تفرغ ولا ادارة ووجع راس ولابلدية ولاوزارة تجارة وخربيطهم

المطلوب الدعاء بالتوفيق ورجال يحاسب فقط ( تحويل مبالغ بالصرافة - يعني مامن كلفه )

مشروع تاجير دينات على السواقين

قيمة الدينه من 30000 ريال الى 40000 ريال وكل شهر 3000 ريال بالمخبات والحسابة تحسب

تتامن على السيارة والسواق يامن على الرخصة وكل سواق مسئول عن سيارته و يسلم الدينه زي ما اخذها

بالبداية دينه واحدة واذا مشت الامور كل 4 شهور دينه حتى توقفي على 5 دينات وتجمعين راس مال لمشروع ثاني

العمال عرب مثل سوداني سوري اردني مصري او هندي موثوق وسنع

وريحي راسك

واذا ماجازلك المشروع بعد فترة بيعي الدينة وترجعين راس مالك او يمكن تخسرين اشوي ويمكن تكسبين

اما اكثر المشاريع الثانية ديكور والآت وخربيط يمكن تبلشين ببيعتهن واذا بعتيهن ماجابن لك نص القيمة

قاعدة تجارية احتفظي بها

يومية مشروعك ( دخله اليومي ) 90x يوم = < تكلفة المشروع ( واذا كان الفرق بالسالب فانتي خسرانه )

على لعموم

يمكن فكرتي ماتعجب الكثير لكن هذا رئيي بمشروع واحد واذا نجحت معك المسئلة ادعيلي

وشوفي رائي الرشودي شكله امبنك وراعي تجارات ماشاء الله تبارك الله و الله يرزقنا واياه