[مدحت شوقي بريده]

في يوم بهيج من ايام البهجة والسرور ..
<<((== ياجماعة من اللي قايلن لهالثور اننا بإختبار تعبير ..

كنت في يوم من الايااااااااااام رايح مع ابوي صالح وامي مزنة الي خوااالي ..
وصلنا لبيت خوالي ودخلت امي تسلم على امه .. ودخل ابوي صالح للمجلس ..
وفي فجاءة من الزمن مادريت الا ابوي صالح شهق ووقف بمحله رافعن ايديه وفاغر فاااه ..
قلت اكيد ماسكه كهرب .. ولو هالشايب يبي يبلشنا هاللحين ..
قلت لوه يبه صالح وش بك عسى ماشر .. فقالي لاماهنا شي ..
ماغير شطوبي نشبن بالفرشة ..

قلت تبي يبه اخلصك .. قال ايه ياوليدي ..

ففكرت وفكرت حتى قال لي عقلي .. يابو الشباب من مبطي مامريت علينا ..
( حتى عقلي خابر اني هدر )

وفي هذه الاثناء قال ابو صالح ياثور وراه ماتنجز علي .. خلص شطوبي من هالفرشة تعبت من الوقفة ..

فقلت سم يابابا ..

فقلت مالي الا ازمه فوق همن اقطع الحبال اللي ماسكاتن بالشطوب ..
فزميته الا اعلى ..<<((== متأكد انك زميته للأعلى .. ياهدر قد خبرت واحد يزم الثاني الى تحت ..

المهم يوم رفعت ابوي صالح وترتفع معه الفرشة .. وأقوم وأنزله ..
وأرفعه ثانية وترتفع الفرشة ..
قال هالحين وش تسوي ياثور .. وشوله تخمخمن .. انا جايبن قول .. يالله نزلن ..
شف رجليني تدمن ..
عاااااااااااااااد تركته ومسط على سنونه وتكسرت سنونه ..

قلت هين بس ابدق على الفزعة .. الدفاع المدني ..
وادق عليهم ويرسلون لي العريف ( مرضي جمعان وشلته ) .. ويوم دخلوا علي ..

قال وش فيكم ..
قلت ابد هالشايب ناشبن بالفرشة .. وكل مارفعته ارتفعت الفرشه معه ..
ماأدري وشلون اخلصه ..

قال العريف مرضي .. هذا الشايب اللي واقف ..
قلت ايه هذا جدي صااااااالح ..
قال تصدق عاااااد .. على وقفته هذي اني احسبه يلعب ( ثلج .. ماء )

قال جدي ياعلك للثلج اللي ندعسه بين فانيلك وظهرك ..
هالحين وراه ماتخلصونن من الفرشة مليت وأنا واقف ..


وقام العريف مرضي وشال جدي صالح فوق .. وارتفعت الفرشه معه ..
قام نزله وارفعه مرة ثانية .. وارتفعت الفرشه معه ..
قال العريف مرضي .. اقول ياخال انت واطي على صمغ ..

قال جدي صالح وهالحين كل من دخل قام يرفعن وينزلن .. انتم جايين تشوفون وزني ..
يالله خلصون .. وراي تلقيح نخل ..

طبعاً جلس يفكر العريف مرضي مع باقي ربعه من البواسل افراد الدفاع المدني ..
وقالوا بس خلااااااااااااااص لقيناااااااااااااااااااااااه ..
نبي نتصل على الاسعاااااااااااااااااااااااااف وهم يجون معنا ويخلصون هالشايب ..

ودق العريف مرضي وجت الاسعاااااااااااااااااااااف ..
جاء المسعف هاااااااااااااااني وجلس مع العريف مرضي يتشاورون ..
والحمدلله اتفقوا على انهم يقشعون جدي صالح هو والفرشة جميع ..
ويركبونه بسطحة علشان الاسعاف ماتقدر تشيل الفرشة ..

والحمدلله شالوه هو والفرشة وهالحين هو بغرفة العمليات يبي يطلعون الفرشة من شطوب رجليه ..

دعوااااااااتكم لجدي صالح ابو شطوب ..