 |
|
|
|
|
08-01-2007, 11:55 PM
|
#1 |
|
وقع مختلف
تاريخ التسجيل: Dec 2005
البلد: الجنـة .. أنا بهــا إن شاء الله !
المشاركات: 4,569
|
! . . بتششششششششششش هذا الحج أحسبي مير بموت . . !
السلام عليكم ورحمة الله وبركته وش أخبارك الجميع .. ياحليلكم كبرتوا عقبي :D أبشركم ولله الحمد رجعت لكم بالسلامة لاصعارير ولا مسطات ولا يحزنزن رحت وجمعت لي حسنات وأعمال صالحة وجيت .. بس شكلهن طارن عقب التطعيس بالقصيم طار مخي وش عاد أعمالي والله يا أنا أنخضيت خض برائحة الفيري اللي طلعت أبو اللي جابه ورديه <<خلصينا والله إني ولهت عليكم الله ياخذكم للجنة  يا أخوات اللي ماحجت السنة الحج تراه جاي بالطريق لايفوتك << توه رايح يالله وناسة .. أخوة صادقة وأجواء إيمانية رائعة تعودك على ملازمة ذكر الله وعلى أهمية الوقت والله العظيم أستفدت أشياااااء كثيرة أسأل الله أن ينفع بها يابنات والله كنت قبل ما أروح بس أردد من الأناشيد ألا ياليل غصب أبكي .. ياناشدا عن واحدا ومن الأناشيد اللي حافظتها ويوم رجعت بديت اللهم إني أسألك الهدى والتقى والعفاف والغنى اللهم أني أسألك من خير ما سألك به عبدك ونبيك محمد صلى الله عليه وسلم وأستعيذك من شر ما أستعاذ منه عبدك ونبيك محمد صلى الله عليه وسلم بدل ما أردد الأناشيد بديت أردد دعوات تفيدني اللي تقول الحج تعب وما أدري إيش . هذا أول الحكومة الله يجزاها خير ماقصرت .. أبوي كل مامرينا من عند شرطي يبدأ يقول : الله يجزاكم خير والله ماندري وش نقول لكم مالنا إلا ندعي لكم << متحمس :D مير أنا الله يخلف على أمي كنت متوقعة برجع بنقاله هع كنت أحسب إني أمشي فوق ناس ومصران وكروش :D وعند الرمي كنت متوقعه أمشي وأنا راكعه إذا رفعت راسي بروح فيها والله العظيم إني أرمي على الحوض لابعد من شدة الفضاوة أقول لبنت عمتي : برمي وأنتي أرمي ونشوف من أطول وحده :D يعني لو زحمة ماسوينا كذا يارب لك الحمد .. كل شي يمشي [ بسستم ] بنظام بس اللي زحمة الطوااااااااااااافاللهم ياكافي طلعت تقل خبزه مرعوصه قدامي البابا ووراي الخاخا <<< أخوي إذا ناظرت قدامي ما أشوف إلا أحمر << شماغ البابا ويوم ألتفت يمين أشوف شي أسود وأبيض تقل التلفزيون السعودي كانه على خبري إذا صار مسكر اللي نسميهن نمل يتهاوشن << لحية شايب ويوم ألتف يسار ما أشوف شي إلا أبيض فقط فقط لاغير يا إلهي ماهذا لقد إنني يمكن صرت بسم الله علي عمياء  وقعدت أفكر قلت إيه ميخالف إبن باز الله يرحمه أعمى أمر أحس بشي فوق راسي .. يوم رفعت راسي إلى أعلى لكي أنظر ماذا يحصل في الأعلى يالهوووووووووي ماذا أرى إنه مصريون طويل جداً جداً أستغفرك ربي وأتوب إليك أنا : يباه يباه أبوي : نعم وش بتس دختي ؟؟ أنا : لا بس شـ أبوي : ماجاتس شي خلاص أهجدي أنا : طيب .. أوامرك طلبات بعد صمممممممممممممت قام يسألنا أبوي بيتأكد حنا معه وإلا بس ندربي الدميجة : حنا اللحين بأي شووووط ؟ أنا بس فرحت إن أبوي فتح لي المجال أتكلم وأطلع اللي بقلبي: حنا بالشوط الرابع وأنا عطشانه وتعبت من نعالي وودي أربط عبايتي وأبـ دررررررررررررررررردب  جتن صبخة مع وراي من أخوي وقال : حنا اللحين بالشوط الثاني قال أبوي : إيه أشوا فيه واحد صاحي ! قلت : كيف أتابع معك وأنا فتاة عطشى والعبائة تريد ربط والشمس فوق رأسي عاموديه و و أبوي : لاحول ولاقوة إلا بالله اللحين بنرقى مع الدرج ونتواسى .. شربنا .. وتواسينا ورحنا نكمل الطواف قلت أنا وكنا فالظهر: يباه تراي ماراح أسعى إلا المغرب قال : وليش ؟؟ قلت : لأني تعبت خلاص ما أقدر قال وهو يتدلع بصوته : تعبببببت تعبتتتت :D قلت : هذا وأنا مزكومه والحلق طالع تقل بسه غاصه ببياله لاكن يابنات والله العظيم تسهل لنا الطواف والسعي بالمرة سبحان الله فيه تعب شوي لاكنه مقبول وعادي مايهمك ولا تتألمين منه تخيلوا ضربناها مشي من منى إلى الحرم وطفنا وسعينا ومافيه وقت راحه بس سبحان الله كل شي متيسر وهذا من فضل الله معليش طولت علاكم << الله يذكرك بالخير ياريناد :D وأي خطأ فوق أعذروني لأني ماراجعت ومستعجلة وعطشانه وتعبت من نعالي <<<< هجت بي سلامون الحاقة : الخبزة المرعوصة على طاري الحاقة عندنا بالحملة مصرية عجوووووووووووز عمرها فوق السبعين إذا نادينها أم محمود ماترد علينا وإذا قلنا ياحاقة أم محمود قالت : أيووووه <<< المنسمة تحسبه لازم ياحاقة :D :D
__________________
وقُلتُ يا أمَلي في كلِّ نائبة .. ومَن عليه لكشف الضُّر أعتمد [ اللهم اشف بنت عمتي أنت الشافي لا شفاء إلا شفاؤك شفاء لا يغادر سقماً ] . آخر من قام بالتعديل شهد العسل; بتاريخ 08-01-2007 الساعة 11:59 PM. |
|
|
| الإشارات المرجعية |
|
|
النمط الأحادي