[مدحت شوقي بريده]

السلااااااااااام عليكم ..

لكل الأعضاء والعضواااااات .. الأحياء منهم والأمواااااات ..
أقول مساء الخير والقمة ..

اعووذ بالله وش اللي صااااير بالرياااااااااااض ..
صاير كأنه ثكنة عسكرية ..
كل هذا عشاااااان القمة .. عساهم عااااااد ينفعون هالمرة وماتصير مثل كل مرة ..

مساء اليوم وأنا اتجول في شوارع الريااااااااااااض ..
وعلى يميني جدتي موضي .. <<((== تعرفون مصادق جدتي هاليومين اودية معي لكل محل ..
:D :D :D

وحنا في شوارع وسط الريااااااااااض أغلب الطرق مقفلة .. ومحولينها تحويلاااااااااات ..
فضاقت جدتي ضرعاً بذلك .. بلشة (ضرعاً ) هذي صارت عنز مهيب جدتي .. :D

وقالت كلمتها المشهور حينما تغضب .. ( وه )
ياكثر هالحفريااااااات بالرياااااااض .. اعوذ بالله مايقضون .. بكل محل تحويلة لهالحفريات ..
ياوليدي إفطن للرياض إذا مابدت ( تخرخر ) من كثر هالحفريات ..


ياميمتي هذي مهيب حفرياااااات هذولي تحويلااااااات علشاان القمة اللي تبي تصير باتسر بالريااااض ..

وش قمته ياوليدي فرقعين جدي بعد ..

ياميمتي هذي القمة العربية كل سنة أو سنتين أو أحياناً متى ماطارلهم حطوه يحطونه بدولة ..
وهالسنة صايرتن عندنا بالسعودية ..

إيه يعني مثل دورية عمومك .. كل سنة عند واحد ..
:D :D :D
أجل ياويلي يالملك عبدالله .. تلقاوا هاللحين مختب ..
:D :D :D


لا يمه هذولا رؤساء الدول العربية وأنتي بكرامة .. ( إلا ابو متعب حبيبنا شمسهم وقمرهم )
يجتمعون علشاان يناقشون أحوال الأمة العربية ..
والمشكلة ماعمرهم حلوا اي قضية .. بالعكس .. مع كل نهاية قمة عربية .. تحدث مصيبة لبلد عربي ..

ياميمتي اللي يشوفوهم وهم مجتمعين يقول هذولا أول ماتنتهي القمة العربية ..
يبي يروحون للقدس ( رجلية ) من الحمااااااااااااااااس ..

عاااااااااااد ياوليدي من اللي يبي يجي علشان كل هاالخبة ..


يبي يجون كل الروؤساء ..
إلا الهدر الأفدغ القذاااااااافي هو وشوته .. مهوب جاااااااااي ..


وراه ياوليدي مايجي ..
يمكن علشان الملك عبدالله ماحضر يوم هي عنده بديرته ..
زعل وقال اجل أنا مانيب جااااااي ..
:D :D :D

لا والله ياميمتي إلا ثور ماعنده سالفة ..
ياميمتي يبي يحط راسه براااااس الملك عبدالله ..
مير يبطي عظم .. والله ماياصل وإلا تفلة ابو متعب وهو توه قايم من النوم بعد ..



طيب ياوليدي عااااااد وش الفايدة من هالاجتمااااااااااااع ..


ياميمتي أنا ابقولتس ..
بعضهم يحضر لإنه مهتم بأمور العرب والمسلمين وتهمه مصلحتهم ..

وبعضهم يحضر علشاااااااااااااااانه رئيس دولة عربية بس ..
وإلا حضورة مثل عدمه مايقدم ولا يؤخر ..

وبعضهم جااااااااااااي يشحذ .. ويااااااااكثرهم ..


اقول يمه حامت تسبدي تراه خلينا منهم ..
وش قلتي انتي .. تبين الكراث باااااااارد وإلا حاااااااار ..

سي يو ..