اربع بنات مغرزات بالصمان

**اخو دريحم** · 31-07-2007, 03:09 AM

في ربيع هالسنه 1427هـ أتفق الشباب في الاستراحة على طلعت بر .. وقالوا لي: يأبو سطام معنا فيها؟ قلت: والله ياجماعة الخير أشتريكم وأشتري أمخاواكم بس عندي شرطين ولا تضحكون علي .. قالوا: هات ما عندك يا بو ثامر. قلت: الأول/ أم أعيالي أبشاورها .. والثانية/ أبروح في سيارتي ولا أبي أحد معي ... قالو أفأ ليه؟ قلت: من غير ليه .. قالوا: أبشر والوعد بكرة في ( أم أرقيبة) الساعة 12 الظهر عشان ندخل الصمان بدري قبل تظلم العين ...... شاورت أم العيال ولا مانعت... حملت كل شي أشوفه في وجهي من عزبة وعدة وحطب .. صليت الفجر ومشيت وصلت أم أرقيبة قبلهم، صليت الظهر. والحمد لله ما فيه أحد تخلف من العيال .. دخلنا الصمان ويازين الصمان أرض خضراء ودفى ووناسه .. جلسنا في أم أقرين ومشينا فيه الين مناخ .... قضينا في الصمان خمس أيام راحة كنها ليلة..

أنا أنشغل بالي مع أم العيال والعيال وأمي.. قلت للربع أنا أبمشي للديره .. قالوا: أن مشيت مشينا .. قلت هذا المقصد يوم أجيب سيارتي معي .... أنتم وسعوا الصدر وأنا أبقطع النفود ثم أتوجه يم الديرة .. قالو: ما نقول شي خذ راحتك بس خل الكنوِّد شغّال وبّرمِج المكان على القارمن والله يوفقك .. توادعت معهم ومشيت الظهر منهم

ودخلت النفود مع العصر كل شي ماشي تمام إلا أن ريشة الكنود تعطلت .... قلت يالله دام القارمن شغال الله الموفق مافيه غيره .. من دخلت النفود والسماء تمطر ديم .. قلت في نفسي مافيه وقفة ولا نوم الآ في السيارة أن أضطريت لها ,, قطعت النفود والحمد لله قبل نصف الليل بشوي .. بانت علي أنوار القاعية وكلش تمام بس أنا أبي تمير أو أم أرجوم ومنها إلي التنهات عشان أختصر المسافة .. بس الأمور ماجت على الكيف .. السماء مطر والأرض تمشي سيل .. قلت الأمر بيد الله .. وصلت(الأعصل)- وادي شرق تمير عرفته من الطلح يوم كنا نصيد فيه-

الوادي يمشي مشي ضعيف والمطر وقف قلت هذي ساعتك يأبوثامر شب النار واضبط الدله .. الساعة قاربت الواحدة والنصف صباحا .. واليوم هذا هو يوم الخميس .. شبيت النار وبهرت الدلة وأشوف القبلة علي مغيب النجوم برق حقوق قلت الله العالم هذا رزق ساقه الله على هالديرة ..
الله يعطيهم خيره ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي علي الشعر وقلت هالأبيات ....

غاب القمر يا ناس والراس محتــــــاس .... في وسط وادي كل أرضه حصاني
لا جيت أنا أبمشي فيه والموتر الشاص .... قـام يتمايــل فوق رمــــث حدانـــي
شبيت ناري واعتـــــــلآ النار محمــاس .... لعل ضيـــفي شــم نــــاري وجانــي
هبــــت جـنوب فوقها الـبـــــرق رقــاص .... بــــرق حـقـــوق أرتـفع لـي وبانـي

وأنا أنشد هالقصيد وأتحرى الخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو أو كشاته.
بس الصياح كنه أرتفع وأرتفع معه أزعاق وكن أحد يحاول يسكته بالقوة ..الساعة قربت علي الثلاث الصبح .. وصوت السيارة ما أنقطع من الحنين .. جمعت العزبة وقلت يا ولد أروح أشوف وش القصة .. لأني خفت يكون أحد أمتعطل والبرق قرب علينا .. مشيت مع الوادي يم الحيرة أخر وادي الأعصل .. رفعت النور وأشوف سيارة (يوكن حمراء) وسط الوادي غاطس في الطين .. يوم شافني قربت منه طفاء النور وجلس في السيارة بدون أي طلب مساعدة! .. السيارة أمظللة .. ضربت بوري وأشرت بالنور مافيه فايدة وكنه ما يبيني أساعده .. قلت في نفسي على هواك .. تركته ومشيت مطلع شمس يم التنهات ..
بس قلبي ما طاوعني لأني أشوف البرق قرب وبرقه حقوق .. خفت أن صاب السحاب هالوادي أن تروح هالسيارة بما فيها من ناس .. رجعت يمه ونزلت وأصيح عليه يالغشيم أنزل نسحب السيارة قبل السيل .. أنا بيني وبينه قرابت العشرين متر ... بس ألظاهر ما سمعني .. أشرت بيدي يم السماء وكنه فهم بس ما يبي ينزل من السيارة .. فتح الدريشة شوي وقلت له يا أبن الناس السيل في الطريق أما أنزل نسحب السيارة أو أبعد عنها لا تروح معها .... أنا قلت هالكلمة والا الصياح يوم طلع من السيارة .. فتح الباب ولا وش أشوف!! أربع بنات في عمر أقل من 25 سنه ولا رجال معهم ولا سواق .. يوم شفتهن قلت أجلسن في السيارة .. يا حيلة الله حضي وجا بني للغربلة .. سحبت السلسلة من صندوق الموتر وأخذت واير الونش معي وطبيت في الطين الين وصلت سيارتهم ربطت السلسلة في اليوكن والونش وقلت: لها أسمعني سيارتكم مافيها دبل وتماتيك يعني أذا سحبتك لا تلفين يمين ولآ يسار .. قالت أبشر ..
سحبتها وانقطع الواير ورجع علي سيارتي وكسر قزازة الموتر القدامية ودخل علي وسط الغمارة بس فكني الله منه .. نزلت وهن أنزلن وطبن في الطين خايفات علي من السلسلة والواير .. قلت سلامات ما صار الآ الخير .. شبيت النار وقلت لهن أجلسن حولها ولا عليكم من شي الآ شي واحد.. أنكم تسكتون هالي تصيح لأني ما أقدر أسوي شي وفيه أحد عندي يون أو يصيح .. قالن: ما عليك تامر أمر .... وأنا أحاول أركب البكرة في موترهم.. الآ والسواقة طابة معي في الطين قلت: يا بنت الناس استريحي ما عليك من شي أذا أحتجتك ناديتك، قالت: عيب علينا حنا بنات أرجال ... أنت ما قصرت أتعبناك ودمرنا سيارتك .. قلت: أبد ما عليك الغريب للغريب نسيب ..
وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي ..

أوا هني اللي علي النـفد نايـم ... أمجاور نار الدفا من غضاها
قناص أو كشـات فوقـه عـزايم ..... ربعـه يدلـونه الي هو نـواها
تركت أنا الصمان والجوغـايم ..... قاصـد أبي الديرة وقلبي نواها
لقيت أنا المزيون والقلب صايم ... عن الحرام اللي أبعد هواهـا

.... ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون وإتركيه .. أنا اللحين أمركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتو وقولولي القصة. قالن: حنا كاشتين مع أهلنا في شعيب (الشوكي) ورحنا أنتمشى بالسيارة نحسب الدعوى تمشي وضعنا ولا درينا الا وحنا في هالشعيب من العصر أمس ..
قلت ورطنا .. قالت السواقة ليه .. قلت:الله يستر ما يكون الشوكي ماشي بقوة من ها لسحابة .. لكن مافي اليد حيلة مشينا .. قلت أنتم وين من الشوكي .. قالن: ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن (غار عليه باب مفكوك ) قلت بس عرفته مشينا .. المسافة ما هي بعيدة لكن المصيبة طين وسيل والسواقة أعليمية والموتر تماتيك .. وصلنا الشوكي على طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله ..

قالت السواقة: ما قصرت الله يعفيك بس أبي رقم جوالك، قلت: ليه؟ قالت: بس .. وأقوم وأعطيها أياه وأنتفارق ..

أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الآ والجيوب والصوالين اللي جاية يمي .. وقفو ونزلوا خمسة شباب وقالوا لي: أنت من طلع اليوكن؟ قلت: نعم .. قالوا: أمش معنا. قلت: وين؟ قالوا: هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف ..

قال: يا ولدي أنت من طلع بناتي وبنت أخوي؟ قلت: نعم..
قال: وين؟ قلت: في المكان الفلاني ..
قال: يعني هن صادقات قلت: نعم ..
قال: وأنت موترك أندمر من السحب والبرد؟ قلت: نعم ..
قال: وش تبي المكافأة؟ قلت: أبي سلآمتك بس ..
قال: لا .. أنت مثلك في هالديرة قليل .. قلت: لا بل كثير..
قال: تقولي لا؟ ... من أنت يا لوح علشان تقولي لا .. مسك الدلة وضربني علي راسي!! وأنا أقوم من النوم وأتعوذ من الشيطان وأنقلب علي جنبي الثاني وأنام.
////////////////////////////////////

والله ياني خشيت جو مع هالقصة، بس يوم شفت العلوم فيها ضرب بالدلة على الرأس تغير الوضع.
-------------------
آمل أن يكون الموضوع قد حاز على إعجابك. (منقول)
------------------

.:انــجــريــنــد:. · 31-07-2007, 03:24 AM

÷ههههههههههههههههههههههههههههههه÷

ما أجمل الاخلاق · 31-07-2007, 11:21 AM

مسكت بنا خط على
القرامه والنشامه
والله اني قعدت اتخيل الطين اللى ملى سيارك ذكرتني بنشبه بالطين وغربه وبهذله
وتسلم على النقل

**المسفهل** · 31-07-2007, 12:33 PM

مــن سيــاق القصــة تعــرف أنهــا ليســت حقيقيــه

خصــوصــاً عنـدمــا قـال فــي أوّلهــا :

اقتباس


	وقالوا لي: يأبو سطام

ثــم بعــدهــا قــال :

اقتباس


	قالوا: هات ما عندك يا بو ثامر

!!!!

شكــراً لــكـ [ أخــو دريحـــم ]

ما أجمل الاخلاق · 31-07-2007, 02:08 PM

اخوي المسفهل
انت ما تدري ان اخونا اخودريحم
معه مرتين ومن فرط العدل بينهن يسمى بكلا الاسمين ارضاء لكلا الزوجتين (مهب بيده )
ابو سطام
ابو ثامر
والا انهم توم ويبي يعدل بين الاولاد .......... هههههههههههههههههههه

عبدالله الفهد · 31-07-2007, 02:35 PM

هههههههههههههههههههههههه
وراك يالمسفهل كبيت العشاء أستر ماواجهت

**اخو دريحم** · 31-07-2007, 05:37 PM

عتريس 2007
تسلم على المشاركه
ما أجمل الاخلاق
اقصر صوتك اللي انت خابر بجنبي .
المسفهل
تسلم على الملا حظات
عبدالله الفهد
مشكور على المشاركه

ماجد2007 · 31-07-2007, 07:00 PM

قصة حلوة مرة
شديتنا باسلوبك ، لكن القارمن حقة للبيع بعد ما خرب !!!!!!!!

النـداء الخـالد · 31-07-2007, 07:56 PM

دخلتنا جو .. ابدااااااااااااع

عبووود · 01-08-2007, 02:02 AM

ممتازه بس لا تعيده

**اخو دريحم** · 01-08-2007, 02:51 AM

ماجد2007
الكاااااسر
عبووود
تشرفت بمروركم

S A L M A N · 01-08-2007, 04:25 AM

و الله أنك بطل حتى بالحلم
بس لوتدري أم عيالك انك محلم الحلم هذا كان يصير الهوايل.............

31-07-2007, 03:09 AM	#1
اخو دريحم مشرف أخبار بريدة تاريخ التسجيل: Jan 2007 البلد: القصـ بريدة ـيم المشاركات: 11,055	اربع بنات مغرزات بالصمان في ربيع هالسنه 1427هـ أتفق الشباب في الاستراحة على طلعت بر .. وقالوا لي: يأبو سطام معنا فيها؟ قلت: والله ياجماعة الخير أشتريكم وأشتري أمخاواكم بس عندي شرطين ولا تضحكون علي .. قالوا: هات ما عندك يا بو ثامر. قلت: الأول/ أم أعيالي أبشاورها .. والثانية/ أبروح في سيارتي ولا أبي أحد معي ... قالو أفأ ليه؟ قلت: من غير ليه .. قالوا: أبشر والوعد بكرة في ( أم أرقيبة) الساعة 12 الظهر عشان ندخل الصمان بدري قبل تظلم العين ...... شاورت أم العيال ولا مانعت... حملت كل شي أشوفه في وجهي من عزبة وعدة وحطب .. صليت الفجر ومشيت وصلت أم أرقيبة قبلهم، صليت الظهر. والحمد لله ما فيه أحد تخلف من العيال .. دخلنا الصمان ويازين الصمان أرض خضراء ودفى ووناسه .. جلسنا في أم أقرين ومشينا فيه الين مناخ .... قضينا في الصمان خمس أيام راحة كنها ليلة.. أنا أنشغل بالي مع أم العيال والعيال وأمي.. قلت للربع أنا أبمشي للديره .. قالوا: أن مشيت مشينا .. قلت هذا المقصد يوم أجيب سيارتي معي .... أنتم وسعوا الصدر وأنا أبقطع النفود ثم أتوجه يم الديرة .. قالو: ما نقول شي خذ راحتك بس خل الكنوِّد شغّال وبّرمِج المكان على القارمن والله يوفقك .. توادعت معهم ومشيت الظهر منهم ودخلت النفود مع العصر كل شي ماشي تمام إلا أن ريشة الكنود تعطلت .... قلت يالله دام القارمن شغال الله الموفق مافيه غيره .. من دخلت النفود والسماء تمطر ديم .. قلت في نفسي مافيه وقفة ولا نوم الآ في السيارة أن أضطريت لها ,, قطعت النفود والحمد لله قبل نصف الليل بشوي .. بانت علي أنوار القاعية وكلش تمام بس أنا أبي تمير أو أم أرجوم ومنها إلي التنهات عشان أختصر المسافة .. بس الأمور ماجت على الكيف .. السماء مطر والأرض تمشي سيل .. قلت الأمر بيد الله .. وصلت(الأعصل)- وادي شرق تمير عرفته من الطلح يوم كنا نصيد فيه- الوادي يمشي مشي ضعيف والمطر وقف قلت هذي ساعتك يأبوثامر شب النار واضبط الدله .. الساعة قاربت الواحدة والنصف صباحا .. واليوم هذا هو يوم الخميس .. شبيت النار وبهرت الدلة وأشوف القبلة علي مغيب النجوم برق حقوق قلت الله العالم هذا رزق ساقه الله على هالديرة .. الله يعطيهم خيره ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي علي الشعر وقلت هالأبيات .... غاب القمر يا ناس والراس محتــــــاس .... في وسط وادي كل أرضه حصاني لا جيت أنا أبمشي فيه والموتر الشاص .... قـام يتمايــل فوق رمــــث حدانـــي شبيت ناري واعتـــــــلآ النار محمــاس .... لعل ضيـــفي شــم نــــاري وجانــي هبــــت جـنوب فوقها الـبـــــرق رقــاص .... بــــرق حـقـــوق أرتـفع لـي وبانـي وأنا أنشد هالقصيد وأتحرى الخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو أو كشاته. بس الصياح كنه أرتفع وأرتفع معه أزعاق وكن أحد يحاول يسكته بالقوة ..الساعة قربت علي الثلاث الصبح .. وصوت السيارة ما أنقطع من الحنين .. جمعت العزبة وقلت يا ولد أروح أشوف وش القصة .. لأني خفت يكون أحد أمتعطل والبرق قرب علينا .. مشيت مع الوادي يم الحيرة أخر وادي الأعصل .. رفعت النور وأشوف سيارة (يوكن حمراء) وسط الوادي غاطس في الطين .. يوم شافني قربت منه طفاء النور وجلس في السيارة بدون أي طلب مساعدة! .. السيارة أمظللة .. ضربت بوري وأشرت بالنور مافيه فايدة وكنه ما يبيني أساعده .. قلت في نفسي على هواك .. تركته ومشيت مطلع شمس يم التنهات .. بس قلبي ما طاوعني لأني أشوف البرق قرب وبرقه حقوق .. خفت أن صاب السحاب هالوادي أن تروح هالسيارة بما فيها من ناس .. رجعت يمه ونزلت وأصيح عليه يالغشيم أنزل نسحب السيارة قبل السيل .. أنا بيني وبينه قرابت العشرين متر ... بس ألظاهر ما سمعني .. أشرت بيدي يم السماء وكنه فهم بس ما يبي ينزل من السيارة .. فتح الدريشة شوي وقلت له يا أبن الناس السيل في الطريق أما أنزل نسحب السيارة أو أبعد عنها لا تروح معها .... أنا قلت هالكلمة والا الصياح يوم طلع من السيارة .. فتح الباب ولا وش أشوف!! أربع بنات في عمر أقل من 25 سنه ولا رجال معهم ولا سواق .. يوم شفتهن قلت أجلسن في السيارة .. يا حيلة الله حضي وجا بني للغربلة .. سحبت السلسلة من صندوق الموتر وأخذت واير الونش معي وطبيت في الطين الين وصلت سيارتهم ربطت السلسلة في اليوكن والونش وقلت: لها أسمعني سيارتكم مافيها دبل وتماتيك يعني أذا سحبتك لا تلفين يمين ولآ يسار .. قالت أبشر .. سحبتها وانقطع الواير ورجع علي سيارتي وكسر قزازة الموتر القدامية ودخل علي وسط الغمارة بس فكني الله منه .. نزلت وهن أنزلن وطبن في الطين خايفات علي من السلسلة والواير .. قلت سلامات ما صار الآ الخير .. شبيت النار وقلت لهن أجلسن حولها ولا عليكم من شي الآ شي واحد.. أنكم تسكتون هالي تصيح لأني ما أقدر أسوي شي وفيه أحد عندي يون أو يصيح .. قالن: ما عليك تامر أمر .... وأنا أحاول أركب البكرة في موترهم.. الآ والسواقة طابة معي في الطين قلت: يا بنت الناس استريحي ما عليك من شي أذا أحتجتك ناديتك، قالت: عيب علينا حنا بنات أرجال ... أنت ما قصرت أتعبناك ودمرنا سيارتك .. قلت: أبد ما عليك الغريب للغريب نسيب .. وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي .. أوا هني اللي علي النـفد نايـم ... أمجاور نار الدفا من غضاها قناص أو كشـات فوقـه عـزايم ..... ربعـه يدلـونه الي هو نـواها تركت أنا الصمان والجوغـايم ..... قاصـد أبي الديرة وقلبي نواها لقيت أنا المزيون والقلب صايم ... عن الحرام اللي أبعد هواهـا .... ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون وإتركيه .. أنا اللحين أمركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتو وقولولي القصة. قالن: حنا كاشتين مع أهلنا في شعيب (الشوكي) ورحنا أنتمشى بالسيارة نحسب الدعوى تمشي وضعنا ولا درينا الا وحنا في هالشعيب من العصر أمس .. قلت ورطنا .. قالت السواقة ليه .. قلت:الله يستر ما يكون الشوكي ماشي بقوة من ها لسحابة .. لكن مافي اليد حيلة مشينا .. قلت أنتم وين من الشوكي .. قالن: ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن (غار عليه باب مفكوك ) قلت بس عرفته مشينا .. المسافة ما هي بعيدة لكن المصيبة طين وسيل والسواقة أعليمية والموتر تماتيك .. وصلنا الشوكي على طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله .. قالت السواقة: ما قصرت الله يعفيك بس أبي رقم جوالك، قلت: ليه؟ قالت: بس .. وأقوم وأعطيها أياه وأنتفارق .. أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الآ والجيوب والصوالين اللي جاية يمي .. وقفو ونزلوا خمسة شباب وقالوا لي: أنت من طلع اليوكن؟ قلت: نعم .. قالوا: أمش معنا. قلت: وين؟ قالوا: هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف .. قال: يا ولدي أنت من طلع بناتي وبنت أخوي؟ قلت: نعم.. قال: وين؟ قلت: في المكان الفلاني .. قال: يعني هن صادقات قلت: نعم .. قال: وأنت موترك أندمر من السحب والبرد؟ قلت: نعم .. قال: وش تبي المكافأة؟ قلت: أبي سلآمتك بس .. قال: لا .. أنت مثلك في هالديرة قليل .. قلت: لا بل كثير.. قال: تقولي لا؟ ... من أنت يا لوح علشان تقولي لا .. مسك الدلة وضربني علي راسي!! وأنا أقوم من النوم وأتعوذ من الشيطان وأنقلب علي جنبي الثاني وأنام. //////////////////////////////////// والله ياني خشيت جو مع هالقصة، بس يوم شفت العلوم فيها ضرب بالدلة على الرأس تغير الوضع. ------------------- آمل أن يكون الموضوع قد حاز على إعجابك. (منقول) ------------------ __________________

31-07-2007, 05:37 PM	#7
اخو دريحم مشرف أخبار بريدة تاريخ التسجيل: Jan 2007 البلد: القصـ بريدة ـيم المشاركات: 11,055	عتريس 2007 تسلم على المشاركه ما أجمل الاخلاق اقصر صوتك اللي انت خابر بجنبي . المسفهل تسلم على الملا حظات عبدالله الفهد مشكور على المشاركه __________________

01-08-2007, 02:02 AM	#10
عبووود عـضـو تاريخ التسجيل: Oct 2004 البلد: قـمـم الـهــمـلايـا المشاركات: 917	ممتازه بس لا تعيده __________________ موقع محمد رسول الله صلى الله عليه وسلم http://www.rasoulallah.net/index.asp

01-08-2007, 02:51 AM	#11
اخو دريحم مشرف أخبار بريدة تاريخ التسجيل: Jan 2007 البلد: القصـ بريدة ـيم المشاركات: 11,055	ماجد2007 الكاااااسر عبووود تشرفت بمروركم __________________

01-08-2007, 04:25 AM	#12
S A L M A N عـضـو تاريخ التسجيل: Apr 2007 البلد: RYAEDH المشاركات: 463	و الله أنك بطل حتى بالحلم بس لوتدري أم عيالك انك محلم الحلم هذا كان يصير الهوايل............. __________________

31-07-2007, 03:24 AM	#2
.:انــجــريــنــد:. عـضـو تاريخ التسجيل: Jun 2007 البلد: "بآريـس آلقصـيم" المشاركات: 1,677	÷ههههههههههههههههههههههههههههههه÷

31-07-2007, 11:21 AM	#3
ما أجمل الاخلاق عـضـو تاريخ التسجيل: May 2007 المشاركات: 909	مسكت بنا خط على القرامه والنشامه والله اني قعدت اتخيل الطين اللى ملى سيارك ذكرتني بنشبه بالطين وغربه وبهذله وتسلم على النقل

31-07-2007, 02:08 PM	#5
ما أجمل الاخلاق عـضـو تاريخ التسجيل: May 2007 المشاركات: 909	اخوي المسفهل انت ما تدري ان اخونا اخودريحم معه مرتين ومن فرط العدل بينهن يسمى بكلا الاسمين ارضاء لكلا الزوجتين (مهب بيده ) ابو سطام ابو ثامر والا انهم توم ويبي يعدل بين الاولاد .......... هههههههههههههههههههه

31-07-2007, 02:35 PM	#6
عبدالله الفهد عـضـو تاريخ التسجيل: Apr 2007 المشاركات: 38	هههههههههههههههههههههههه وراك يالمسفهل كبيت العشاء أستر ماواجهت

31-07-2007, 07:00 PM	#8
ماجد2007 عـضـو تاريخ التسجيل: Jun 2007 المشاركات: 21	قصة حلوة مرة شديتنا باسلوبك ، لكن القارمن حقة للبيع بعد ما خرب !!!!!!!!

31-07-2007, 07:56 PM	#9
النـداء الخـالد عـضـو تاريخ التسجيل: Jul 2006 البلد: ` المشاركات: 1,082	دخلتنا جو .. ابدااااااااااااع