[ALKHYAL]

السلام عليكم ورحمة الله وبركاته

اما بعد... <<<<<رسمي بقوه

المهم:D

اظن مافيه احد مايعرف مجمع الامير سلطان للمتفوقين (احسن مدرسه على غفله)القسم الثانوي

راح اعطيكم تقرير عن بعض المدرسين بدون ذكر اسماء طبعا

المدرس الاول:
مدرس ماده الاحياء:هذا واحد من برا بريده حاقد على البريداويين كلهم عنده عصبيه قبليه
بسالكم سؤال فيه مدرس يقول لطالب ياحيوان(وانتم بكرامه)؟
اكيد لا لانه مربي اجيال لكن هو الله يخلف ومن الحقد يختبر الطلاب بدون مايدرسون لا وبعد مخصوم عليهم درجتين حتى لو حلو صح الله يعين طلابه...


المدرس الثاني:
مدرس ماده الرياضيات(اهم ماده):كان يشرح درس رياضيات عادي ثم كان فيه طالب مافهم ساله وشرح له مره ثانيه ثم قال ممكن تعيد ثانيه قال المدرس بقول مثل وهو من الصعب ان تقنع الحمار بان البازلاء افضل من البرسيم ويقول بعد تراي ما اقصد احد(لا ياشيخ) يعني يشبه انسان بحمار(وانتم بكرامه) لكن برضو الله يصبرهم عليه...



ومافيه مدرسين ثابتين تخيلوا اربع مدرسين يتناوبون على فصل واحد موب معقول
هذا يقولون الطلاب ماندري بطريقه اي واحد ناخذ منهم
والاحياء والكيمياء


وهذا تقرير مبسط بقوه ومختصر قدر الامكان ولا ذكرت الا مدرسين اثنين لانهم اشد واخطر اثنين وذكرت من كل واحد موقف واحد او اثنين بس وتغاضيت عن مدرسين كثارين
لاني ماودي اخذ اثم

والله شكلي طولت


وما علي الا البلاغ المبين...

هذا وصلى الله وسلم على اشرف الانبياء والمرسلين...

اخوكم ALKHYAL

[خان]

يارجال بكل مكان تلقى بعض الأشكال ذي

[ابوعاصم نت]

هذي افضل مدرسه ببريده على غفله

[مخربها مررره]

ومن قال أنها أحسن مدرسه كل طلابها درجاتهم ضعيفة جدا

[& نقطة تحول &]

اقتباس المشاركة الأساسية كتبها مخربها مررره ومن قال أنها أحسن مدرسه كل طلابها درجاتهم ضعيفة جدا

.

.

لا تكذب

.

.

[طالب طب]

أخي العزيز :

أنا تخرجتُ من هذا الصرح التعليمي وأفتخر أني من أبنائه ..

ولم أسمع يوماً ما أنّ أحد المعلمين قال ما قلتَه في موضوعك .. هذا أولاً ..

ثانياً .. من هذا المنتدى الغالي على قلبي ..

أقدم شكري لكل العاملين في المجمع خصوصاً القسم الثانوي ..

أسأل الله العظيم أن يوفقهم أينما حلّوا أو ارتحلوا ..

ولعلمك فأنا لا زلتُ وسأظل بإذن الله أزور معلميّ وقادتي في هذا الصرح الشامخ ..

اقتباس المشاركة الأساسية كتبها مخربها مررره ومن قال أنها أحسن مدرسه كل طلابها درجاتهم ضعيفة جدا

شاهت وجوه الحاقدين !!

[. الأمــــل .]

اهلا وسهلا

[ALKHYAL]

الله يعين بس جزاكم الله خير

وهالوزاره يمنون بنا بهالحجازيين

شكرا على التفاعل

[متوهق]

لاتعليــــــــــــــــــــــــــــق ..

[المرودن]

في كل مكان بالعالم فيه الطيب وفيه السيء

[نقعاوي بريدة]

الخيال
السلام عليكم
لاتقلب المواجع تكفى خله ملبدة أنا معلم واشوف ناس تجيب الضغط وهم زملاء لي والله ما يستاهل حتى اسم معلم
الله يخلف على الأمة اللي خريجين مدينتنا ما لقوا وظايف وقاعدين ببيوتهم ويحطون ناس والله ما تعرف شي من اللي درسوه بالجامعة سوى الشهادة فقط
الله يعدل الأحوال فالأمر وكل إلى غير أهله
ولكن يجب أن نكون متفائلين فليس كل معلم ناجح وليس كل معلم فاشل فهناك معلمين نفتخر بهم وهم كثر إن شاء الله
أنا أستغرب من الألفاض التي ذكرت في موضوعك كيف تصدر من معلم ؟
ألا يعلم هذا الزميل أنه إذا كان الطالب حيوان كما نطق به لسانه فإنه بذلك يهين نفسه فكيف يرضى بتعليم حيوان ؟
قال تعالى ( لقد خلقنا الإنسان في أحسن تقويم ) تأملوا هذه الآية فليس هناك مخلوق أحسن ولا أفضل من الإنسان
أشكرك أخي عالموضوع

[ALKHYAL]

نقعاوي بريده انا اسف على التعميم ولكن لحظه غيظ وانا معك فيه معلمين عسللللللللل ولكن قله قليلين مرررره بعد وشكرا على ردك ويعلم الله اني لم اقل شيئا من عندي وكل ذلك حصل حقيقه وليس من عندي

[وايلي]

هذي المدرسهـ

[Stop Thinking Uqly]

يعني كل هذا حقد...!

اما مدرس الاحيـاء فهـو من افضل المدرسيــن ان كانه هو اللي ببالي...!


وماقال لطالب حيوان الا انه حيــوان بجــد..! او انك تدعي عليه...

وكـــل مدرسة فيهــا مشاكل

لكن لا يرمى بالحــجر الا الشجــر المثمــر