[(بــ وردة ـلادي)]

السلام عليكم ورحمة الله وبركاته
اولا كل اللي ابقوله واكتبه يشهد الله عليه انه صحيح ولافيه اي تحريف ولاكن ابكتبه من دبلت الكبد اللي حصلت اليوم من مدارس مناهل القصيم الحرامية والنصابين
طبعآ انا بنتي احدى الطالبات المخدوعات
قبل شهر بالضبط طلبو من كل طالبات الثالث ثانوي بقسميه العلمي والادبي مبلغ وقدرة(250)ريال وذالك لقاء تفصيل عبائة التخرج وهي على حسب كلامهم بالمواصفات التالية
1_القماش اسود من ارقى الاقمشة المتوفرة
2_التفصيل عند احد المشاغل الموثوقة (زيادة باغراء البنات)
3_يتضمن الموديل ايشارب مخمل ليلكي وكرستال على الظهر يحمل شعار المدرسة (على حسب كلام احد المدرسات انه يعطي فخامه للعباة)
طبعآ بدو يماطلون بتسليم العباة فترة الشهر اللي فات
كل يوم بسالفة يوم المديرة مااعجبها الموديل ورجعته للتعديل ويوم الكرستال مو بالفخامة المطلوبة
اليوم خذوالطالبات لقصر الرصافة لعمل بروفة وتسليم العبايات وياليتهم ماسلموهم
قسمآ بالله العلي العظيم اني انصعقت يوم شفت العباة
لما جابته البنت القماش وربي شاهد انه من اردى الانواع والتفصيل هزيل جدآ لدرجة ان البنت بتوديه الخياط يعدله قبل السبت
لانه موشغل مشغل اتضح انه من محل القدس لتفصيل العبايات
الكارثة ندور الكرستال مالقيناه تدرون وش لقينا مطبوع بالابيض على الظهر مناهل القصيم
الحركة هذه ايش اسمه موسرقه ونصب وحرمنه
ماسلمو العبات الايوم الاربعاء والحفل السبت يعني
مافي مجال للاعتراض نقبل ولاناكل هوا
عمومآ الله لايحللهم وتقبلو مروري واعتراضي وشوفو الصور واحكمو

[سوآلف حرف]

عبايات رياض القصيم احلى بكثير من هذي
وارخص

[دلوعة القصيم]

اقتباس المشاركة الأساسية كتبها ح ـــلوهـــ بطلتي عبايات رياض القصيم احلى بكثير من هذي وارخص

اقووول لا يكثر وش احلى بكثير الا اشّين اسمحيلي صراحه ما عندك ذوق ابببببد
وبعدين ارخص بوشو فرق 50 ريال بلاكم ما شفتوا العبايات صدق

افصل لي على ذوقي ارحم لي من كذبهم علي

[فتـىالقصيـم]

لآحول ولاقوة إلآبالله ....

والله كثيره 250ريال هذي تستاهل 60 ريال بالكثير...
ومية نقول للحفل هذي 160 المفروض يطلبون بالكثير..
حراام والله حرررام ,,,


الله يعينك عليهم يالاخو ..

:::

أعذب تحيه

فتى

[الهايم الولهان]

اقتباس المشاركة الأساسية كتبها فتـىالقصيـم لآحول ولاقوة إلآبالله .... والله كثيره 250ريال هذي تستاهل 60 ريال بالكثير... ومية نقول للحفل هذي 160 المفروض يطلبون بالكثير.. حراام والله حرررام ,,, الله يعينك عليهم يالاخو .. ::: أعذب تحيه فتى

s-gold-s@hotmail.com

[mr.khaled]

يا أختي بردي على قلبك شوي
العباية مش بالوصف اللي وصفتيه
حلوة متعوب عليها والطباعة يمكن مكلفتهم
وأكيد إنهم إجتهدوا هذا اللي طلع معهم
و250 تراها ماتسوى وإذا على الربح أكيد ما فتحوا مدرسة لبناتكم ببلاش
250 حفل كامل ونفقات يمين وشمال
أحسني النية وخلي البنيات يستانسون بتخرجهم
وعقبال التخرج الكبير إن شاء الله

[مسبحة الديك]

طيب ليش ماتطلبون فلوس دعايه على المدرسه حاطين الدعاية على ظهر الطالبه ..المفروض العباة منهم ويسون الي يبغونه ؟؟؟
وبعدين حرام العباة مايستفاد منها إلا للحفل فقط.. لكن لارقيب ولاحسيب

أكيد مليون بالميه فكرة شخص مصري من الإدارين ..أما صاحب المدرسة مايريد إلا المقسوم ؟؟؟

لكن لامانع من ان تشــــــتكي على ((((((الركيان )))))) مدير تعليم البنات ؟؟؟
علما بأنك ماتحصل نتيجه ؟؟؟؟؟؟؟؟؟؟

[mr.khaled]

اقتباس المشاركة الأساسية كتبها مسبحة الديك طيب ليش ماتطلبون فلوس دعايه على المدرسه حاطين الدعاية على ظهر الطالبه ..المفروض العباة منهم ويسون الي يبغونه ؟؟؟ وبعدين حرام العباة مايستفاد منها إلا للحفل فقط.. لكن لارقيب ولاحسيب أكيد مليون بالميه فكرة شخص مصري من الإدارين ..أما صاحب المدرسة مايريد إلا المقسوم ؟؟؟ لكن لامانع من ان تشــــــتكي على ((((((الركيان )))))) مدير تعليم البنات ؟؟؟ علما بأنك ماتحصل نتيجه ؟؟؟؟؟؟؟؟؟؟

أختي تتكلمين وكأنك حاقدة عليهم
لايجب أن تضنين ضن السوء بأحد
بالتأكيد كل ما عملوه لأجل إسعاد الطالبات بالتخرج
وإجتهاداً منهم لكن مايعطي الحق بأنكم تطالبون بأن يكدون على بناتكم ببلاش وإسم المدرسة يكتب على عباية التخرج دليل بأن البنت تخرجت من هذه الدرسة
أما بأنها ترمى بعد الحفل فأنا لا أأيدك أبداً في هذا لأنه يفضل أن تحتفظ بها الطالبة تذكاراً بأيام نجاحها وأنها صبرت وتعلمت ونالت التخرج وبإحتفال كبير أيضاً
فالمصلحة للطالبات المتخرجات أكبر من مصلحة المدرسة
والمدرسة من حقهم طباعة شعارهم طالما أن البنت درست عندهم
مع العلم إن الحكومة ما قصرت بالتدريس المجاني
وماحد أجبركم تدرسون بناتكم بأهليات

[(بــ وردة ـلادي)]

والله لو كانو طلبو من الطالبات المبلغ على اساس عباة وتكاليف الحفل يعلم الله انها ماتسوى بالمقارنة بفرحة هالبنيات الله يحفظهن ويوفقهن
لاكن يسروقنك باسم عباة التخرج هذا شي ثاني
الكارثة ان البنت تقول يوم فكينا العبايات بالمدرسة وسألنا المدرسة ليش يااستاذه مافيه كرستال ولابعظ المواصفات اللي ذكرتو وشبيقولون اهالينا بهالمبلغ يعني حنا يالطالبات كذابات
قالت احمدن ربكن هذا شي متعوب عليه بس انتن ماتقدرن
بس انا ارجع واقول لوالدعوه حفل ووناسه للطالبة والله مهوب خساره لكن الموضوع ياجماعة سرقة والساكت عن الحق شيطان اخرس

[جبر الخواطر]

كل اكثر المدارس الاهلية ,,

كذب × كذب

[حبر الألم]

أهم شي عندهم الكسب المادي


ومبروك تخرّج إبنتك مقدماً

[زمن الغرايب]

رياااااااااااااااااااااض القصيم وبس

[بريداوي قح]

سرقة × سرقة

لكن لعل اصحاب المدرسة ما يدرون

[الكاجو]

اشوني متخرج من جامعه ايطاليه هع هع محبكم الكاجو